رحلة رائعه فى دبى

[جواهرر]

السلام عليكم ورحمة الله وبركاته

في هذا الموضوع راح نطرح لكم تقرير سفرتي الأخير لدبي

وراح نحط اهم المعلومات اللي تهم السائح مع ذكر

جميع التفاصيل

بالبدايه راح نضع مجموعه من الصور

تسخين وبعدها ان شاء الله راح ننطلق معاكم في هذا التقرير

البسيط السريع

​

 

[جواهرر]

السلام عليكم

عدنا اليكم مع اولى حلقات دبي القصيرهـ

بداية التخطيط كانت لزيارة المنطقة الشرقية جلسنا نحسب المسافه تقريباً 1000 كلم من عرعر

والطريق متعب جداً من بعد حفر الباطن الى الدمام والخبر وطيران مباشر ما فيه واذا تبي تروح سياره

لازم اقل شي اسبوع وما فيه اجازه ----


كنسلنا الدمام وقلنا جده ام الرخا والشدة الطيران مباشر موجود

وسعر الطيران مناسب بس جده داقينها دايم نجيها وحافضينها قلت نبي نشوف اسعار خطوط الطيران لدبي طبعاً من

عرعر ما فيه طيران مباشر ( معاناه مع الطيران )


اقرب شي منطقة الجوف 150 كلم دخلت خطوط فلاي دبي واحط التاريخ


والأ الأسعار ممتازه ومغريه نفس السعر اذا رحت جده 1690 ذهاب وأياب شخصين وطفل


شفت الخطوط السعوديه واسعارها لدبي كان السعر 4800 سعر عجيب ههههههه الخطوط السعوديه استغلال في

كل الأوقات وطيران مثل وجيههم

توكلنا على الله وحجزنا لمدة 5 ايام وبدينا بالترتيبات وقمت بالبحث عن فندق وكان

لفيت بوكنق واستشرت اللي راحوا دبي وعطوني اكثر من فندق واخترت فندق

الفندق هو فندق جراند أكسلسيور البرشاء طبعا قبل احجز شيكت على اكثر من

مكان حجز منها البوكنق وغيرها من الشركات المعروفه وحصلت افضل سعر عن احد

الشركات الخاصه كان سعر ممتاز 1600 تقريباً من دون افطار والأسعار الثانيه اكثر من 2200 ريال

صوره للفندق من الخارج

الصور من بوكنق


تقييمه 7.3 بس والله نظيف وخدماتهم ممتازه ومتعاونين جداً والغرف كبيره هذا الأهم

توكلت على الله وحجزت وبدينا نستعرض الجدول ورتبنا الأمور واستعدينا لرحله الأنطلاقه كانت يوم الثلاثاء طبعا

موعد الرحله الساعه 9.45 ص والأقلاع من الجوف يعني اقل شي قبلها

باربع ساعات تكون منطلق ... لضروف الطرق والرحله دوليه ومرتبط بحجوزات

طلعنا الساعه 5.30 ص من عرعر بأتجاه الجوف كل شي تمام الحمد لله

وصلنا المطار وقفت سيارتي بالمواقف دخلت طبعا مطار داخلي وصغير

وزحمه وما فيه ترتيب المفروض تبي تحط رحلات دوليه تنسق اكثر من كذا بس العوض

والأ القطيعه ---- المفاجأه ---

لما حجزت على بالي يكون فيه وزن فري مثل باقي الشركات اقل شي 15

لاني جربت اكثر من شركه طيران خاص بتركيا وكان معاي وزن مجاني


المهم عطيت موظف فلاي دبي الجوازات والتذاكر قال الوزن ما حاسبت عليه قلت اللي اعرفه انه يكون فيه وزن مجاني قال لا


طيب الحل قال تدفع للوزن ( هذا اللي ما حسبنا حسابه ) قلت كم


قال 730 ريال بسم الله ما فيه خيار ثاني غير الدفع امرنا لله دفعت وشحنت الشنط وختمنا

الجوازات وتوكلنا على الله ما تأخرنا يمكن نص ساعه ووصلت

الطياره قلت اول ما اوصل بحجز عفش من موقع الخطوط وفعلا ً اخذت وزن للرجعه من الموقع فلاي دبي 50 كيلو

تقريبا بـ 100 ريال يا بلاش دخلت على الحجز من الموقع وسويت اضافه للوزن ودفعت بالفيزا وانهيت الموضوع

للرجعه بالمطار الأسعار نار المهم خطاء الواحد يتعلم منه

وصلنا مطار دبي الأجراءات سريعه ختمنا حولت 1000 ريال والباقي كان بالكرت السحب الفيزا مسبقت الدفع

ريحتني كثير من شيل الفلوس اغلب الأماكن تتعامل بالفيزا طلعت من المطار للتكاسي

وكان سرا طويل بس سريع يتحرك المهم اخذنا التاكسي الحساب للفندق تقريبا ً 90 درهم وصلت تشكن أن

سريع طلعنا نرتاح خاص من الفجر صاحين الساعه 5 انطلقنا لمول الأمارات كنت نسيت اجيب كواية مع اني كنت

مجهزها بس نسيت هههههههه المهم كلمت الرسبشن قلت كم سعر كوي

القطعه الواحده قال 35 درهم اذا كذا يبي لي 500 درهم كوي ملابس الحل اروح المول واشتري لي

كوايه بـ 30 -50 درهم واريح راسي واستفيد منها واخذها معايه

لا تخلي الفنادق تستغلك

المهم طلعنا المول حصلنا كارفور واخذنا كواية بـ 35 درهم لفينا المول وكنت تعبانين من الطريق بس نقاوم

المول ممتاز وزحمه والكافيهات والمطاعم ممتازه حصلنا مطعم اخذنا

صحن مشاوي مع سلطات وكولا ما ادري كم السعر وبعد العشاء تاكسي للفندق نوووم استعداد

لفعاليات اليوم التالي اترككم مع الصور

^

صور من الأنترنت

الصور من الفندق الأن

غرفتنا 404

ذهبنا للمول مشي

ذكرني بباص اسطنبول السياحي

كوايتنا هههههههههه بـ 35 درهم من كارفور ادت الغرض على اكمل وجه

سكي دبي

مطعم الحلبي

اخترنا مطعم حاتم السلطات شكلها خطير

بعد العشاء الخروج للفندق

التكاسي جاهزين بـ 15 درهم للفندق

انتهت فعاليات يوم الوصول

نلتقيكم في اليوم الثاني ​

 

[جواهرر]

اهلين وسهلين فيكم ونعتذر عن التأخير


اليوم الثاني الموافق 9 / 3 / 2016


للمول ( دبي ) وزيارة برج خليفه والمطل هذا الأهم عندي و رؤية دبي


من الأعلى طبعاً كنت حاجز من النت تذاكر البرج لانه لو تجي وتبي


تدخل على طول الظاهر السعر 400 درهم من النت 240 شخصين


عن طريق هذا الموقع وتدفع بالفيزا


https://tickets.atthetop.ae/atthetop...okingInfo.aspx


طبعت التذاكر اللي وصلت على الأيميل واخذتها وسلمتها الأستقبال


وصعدنا بصراحه مناظر ممتازه واطلاله رائعه خاصه الجو كان ماطر


ندخل على الصور والشرح الأن
​

 

[جواهرر]

الأنطلاقه والأجواء ماطره ومميزه جداً

اللي يبي يحجز تذاكر ويدخل على طول او اي يوم ثاني

حلو التصوير بالمكان هذا

زحمه بكل مكان في المول

اخذنا من المطعم هذا

العاب الأطفال

 

[جواهرر]

فيه العاب لابد لين تلعب هههههه

كوفي مطل على صالة التزلج

الشلال هذا ممتاز جداً

لقطات متفرقه

استلمنا التذاكر للصعود

البدايه

القمة في الأعلى

معلومات عن البرج وتاريخ البناء وجميع المراحل

في الطريق المؤدي للصعود للقمه الطابق 124

دبي من الطابق رقم 124

​

 

[جواهرر]

نستكمل الصور

المنظر من الأعلى ممتع جداً انصح

الجميع من زار دبي مول الصعود للقمه

^

فندق العنوان اللي احترق في بداية السنه اثناء الأحتفالات

بداية النزول من القمه

الصور القادمه اثناء الخروج مجسمات لبناء البرج مع صور

من قام بالعمل

لو اعرف اتزلج كان طبيت معاهم

اثناء الخروج للساحه الخارجيه ​

 

[جواهرر]

الصور الختاميه

^

فندق العنوان والأعمال جاريه للأصلاح

الكافيهات كثيره والأجواء رااائعه جداً

الكل ينتظر عروض النافوره

بداية العروض وقفت تصوير وكملت في السناب

عموما المول ياخذ منك يوم مع التمشيات اللي فيه والألعاب والكافيهات

والصعود والختام بالنافوره الراقصه

قريباً الحلقه الثالثه انتظرونا ​

 

[ابـــ فيصل ـــو]

ما شاء الله
جزاكي الله خير على المعلومات ورحالة موفقه
ملاحظة اهل التصوير جديد ام 2016
سوال الافضل السكن طوال الرحالة في نفس الفندق او التغيير لفندق اخر ​

 

[ابـــ فيصل ـــو]

ما شاء الله
جزاكي الله خير على المعلومات ورحالة موفقه
ملاحظة اهل التصوير جديد ام 2016
سوال الافضل السكن طوال الرحالة في نفس الفندق او التغيير لفندق اخر ​

 

[ابـــ فيصل ـــو]

ما شاء الله
جزاكي الله خير على المعلومات ورحالة موفقه
ملاحظة اهل التصوير جديد ام 2016
سوال الافضل السكن طوال الرحالة في نفس الفندق او التغيير لفندق اخر ​

 

[ابـــ فيصل ـــو]

ما شاء الله
جزاكي الله خير على المعلومات ورحالة موفقه
ملاحظة اهل التصوير جديد ام 2016
سوال الافضل السكن طوال الرحالة في نفس الفندق او التغيير لفندق اخر ​