الله يعطينا القدرة على العمرة كل سنة ان شاءالله
وهالسنة ما حجزنا مبجر والسبب على توافق الاجازة للمرافقين
6 اشخاص
انا وبوحسين وبنتي وولدي بوزيونه وامها وجدتها
وتحديد يوم السفرة كان 1/11 يوم الأربعاء
وبعد الاتفاق حصلنا بهالتاريخ والسعر والوقت مناسب
والفندق ضمن الحجز طبعا
ونفس اليوم صبحنا مبجر وتجهزنا وطلعنا للمطار الساعه 8 تقريبا
ووصلنا وخلصنا اجرائاتنا ودخلنا على الساعه 9 الى المطاعم للريوق
وها ريوقي وما صورت الباجي استحيت من جدة زيونه ههههه
بس الكل نفس الطلب
وبعدها الى البوابة وطيران الجزيرة
وهدية جدة زيونه للكل...كتيب وعداد الطواف ... الله يجعلها في موازين حسناتها
ودخلنا الطيارة
بعد تعرفون بوحسين وسبقنا وقعد عن الشباك
ما صورت بره
ووصل الاكل مع انها طيران اقتصادي بس يقدمون وجبة ساندويش دجاج او جبن مع كتكات ومشروب عصاير او شاي او بيبسي وتقدر تطلب مرة ثانية عادي للمشروبات
طلبت انا حلوم
ووصلنا جدة الساعه 1.20 تقريبا احنا بالباص وهذه طيارتنا
طبعا بعد الدخول واخذ الجناط طلعنا واستقبلونا السواق واحنا نطنشهم لان متصلين على صاحبنا الشاب وائل اللي نعرفنا عليه بالعمرة السابقة وبس اتصلنا عليه وبلغناه على موعد وصولنا وان يجهز لنا سيارة كبيرة
بس شافنا سلم علينا وراح يجيب السيارة واحنا هني البنات بقولون يلا تكسي لندن قلنا لهم مستحيل عندنا وائل ما نبدله
الولد حبوب وهادي ومريض بالانيميا وعلشان جذيه احنا نعطيه اكثر ناخذه بدون اتفاق ويعطيه بوحسين
اللي يبي رقمه موجود عندي
الجناط وايد فحطينا الجناط فوق وربطوهم عدل وتوكلنا على الله
اخذنا انترنت من وائل وشبكنا عليه وتصوير
وقفنا نعبي بنزين واشترينا ماي وشيبس ومشينا
وصلنا مكة وباقي خمس دقايق نوصل الفندق .....وعند الإشارة هذه
حصل لنا موقف غريب ومضحك ويضيق الخلق
وصلنا مكة وباقي خمس دقايق نوصل الفندق .....وعند الإشارة هذه
حصل لنا موقف غريب ومضحك ويضيق الخلق بنفس الوقت..
اقول لكم...
شايفين السيارة اللي جدامنا وقفت جدامنا عند الإشارة
ونزل منها ولد عمره يمكن بال16 سنه لابس حرام وقعد يفتر على سيارتنا ويطالع فوق
أقول لهم اشفيه هالولد يطالع اغراضنا
والا يوقف عند السايق ويقول لنا لو سمحتوا انا مضيع جنطتي وهذه جنطتنا فوق سيارتكم
وامي شافتها
احنا صدمة ههههههههههه
أي جنطة ونضحك نقول اكيد جنطة جدة زيونة هههه وهاك ضحك بس الله يهداهم ماشين ورانا وما انتبهوا الا قريب الفندق
طلع انهم معانا بابراج الوقف
ورحنا ونزلنا الجناط وعرفنا انها جنطة ام زيونه
قلنا له وين جنطتنا قال بالمطار ما اخذناها
اشلون الحين ....كلمنا الفندق قالو ما يصير كلموا مكتب الجزيرة في الطابق 29
راحوا كلموهم قالو ما عندنا خدمة لازم صاحب الجنطة يروح باخذها
حاولنا نكلم الربع من اهل جدة قالو ما يصير لازم صاحب العلاقة
قال ولدي خلاص نتعمر ونرجع جدة انيبها
المهم لقينا حل بدون ما نروح وتم توصيل الجنطة للفندق في الساعة 12 بالليل
وهي ان زوج صديقة ام زيونة راح المطار وقال لهم ان الجنطة مالته وهذه رقمها وعطوه إياه وهم من اهل جدة مساكين وصلوها للفندق هو وزوجته اللع يعطيهم الف عافيه ما قصروا
نكمل موضوعنا
وصلنا الفندق وهو موفنبيك برج هاجر
والاستقبال خلصنا بسرعه ودخلنا عطونا غرف بالدور الرابع يم بعض
وهذه غرفنا كلها جذيه
خلينا الربع يخلصون اتصالاتهم بشأن الجنطة
ورحنا نعتمر انا وبوحسين وام احمد وبنتي
رحنا والا مسكرين البوابات للحرم وقالوا روحو فوق ورحنا فوق عند مطاف الدور الاول
وانا على ما وصلت بداية الطواف قلت ما اقدر ابي كرسي
واللي معاي خافوا علي اخذي كرسي واتفق بوحسين مع واحد يطوف فيني ومع السعي ب200 ريال
وهم راحوا وانا بروحي
خلصت الطواف ونحسب بالخرز انا والريال الله يزاه خير طلع ريال كبير والله كسر خاطري
قمت ادعي له مع دعائي للجميع
ما حسيت انه ريال عود الا لما طلبت اشرب ماي عطاني وايده ترجف مسكين
المهم ما صورت الا بالسعي بالطواف ما اشوف شي من الزحمة واحنا نطوف على اليمين مو جهة المطل على الكعبة
بعد الطواف قامت صلاة المغرب وصلينا بالمسعى قبل السعي
وطبعا ركعتين السنه اللي خلف مقام إبراهيم صليتهم هني
رحنا نسعي
بعد ما خلصت السعي وقصرت من شعري طبعا وايد واقفين ويقدمون لكم مقص انا اعطيهم المقسوم
وبعدها قلت للريال انه يوديني المكان اللي اخذني منه وهو عند بداية الطواف انطر ربعي وكنت شايفتهم وقت السعي وقلت لهم اني بكون هناك
ووداني وصورت الكعبة من المطل فوق
شايفين الزحمة اشلوون
بعدها رديت للمسعى اشوف ربعي ونطرتهم لما شفتهم قلت لهم بتلاقوني بالمصلى اللي هني مقابل عند مخرج المسعى
وقعدت لحد ما أن العشاء وصليت
في بنات وعوايل يوزعون القهوة وقالت لي اذا تبين انا اوزع صدقة اذا تبين اوزع لج
يعني تعطونها المقسوم وهي تسوي القهوة اوالشاي وتوزعها لكم
وبعدها
وياني بوحسين بعد الصلاة وقال بيروح يحلق ويتعشى
وانا قعدت انطر البنات وماشاءالله لقيتهم مخلصين قبل الصلاة وطلعنا بعد ما صورنا طبعا اهم ما صوروا
الحين فضى الصحن بس فل تعب احنا ما نقدر ننزل وقلنا بعد يمكن ممنوع
وطلعنا من جسر على الساحة
ودشينا السوق طبعا عارفينه اللي بابراج الوقف
والعشا من
ووصل العشا سلطة بالدياي لذيذة
والبطاط العادي بالجبن والبطاطا الحلوة
وطلبنا البورغر السعودي
والبورغر السعودي تقريبا نفس الكويتي
قمت الفجر على اذان المايكرفون اللي بالغرفة
وتجهزت وقلت خل اقعد ربعي وقمت ابي ادق عليهم بالتلفون بين الغرف لازم اتدقون رقم الدور وصفر وبعدها رقم الغرفة
وافتح الليت واشوف الترحيب توني اشوفه ما فتحنا التلفزيون وما ادري اذا فيه ترحيب والا لا بس التلفون مكتوب
شوفو الرقم باين
وهذا مطل غرفتنا
وهذا اول ما نطلع ما شاءالله الكراسي متوفرة بس الحمدلله ما استخدمناهم مرة ثانية وفي بعد تشوفون واحد عنده عربانه عليها مطارات كبيرة حليب وشاي وقهوة تبرع وصدقات من المعتمرين ما صورتهم طبعا مستعيلين بنروح نحصل مكان
ودخلنا طبعا في الدور الاول لان مسكر تحت وما قدرنا ندخل الصحن
بعد الصلاة مالنا الا نصور من فوق
شوفو الزحمة
طلعنا وانا اصور
المراوح للمعتمرين والمصلين جزاكم الله خير
مع ان الجو كان جمييل
بدت الدنيا تسفر
واللوبي فاضي
والريوق احسن شي تروحون قبل الرجوع للنوم والراحة
شيف البيض والاومليت جاهز وخليت بنتي تطلب لي معاها
ورحت صورت اخذت راحتي شوي لان الناس شوية
الفول والفلافل وتوابعهم
المرتديلات
الفواكه طازة ومجففه
واختياري
الطاولة كانت عامرة كلنا بس بوحسين رايح المطعم الثاني يقول
وبعد الريوق نوووم للراحة
ولما أذن الظهر نزلنا للصلاة بالحرم بعد
ولازم تصوير
صلاة الظهر بس انا وام احمد رحنا والشباب راحوا بروحهم
البنات تعبانين ماقدروا ايوون معانا
ودخلنا طبعا فووق
شوفو المعتمرين ماشاءالله
قلنا بنروح الصحن بنلمس الكعبه وآشر لنا الشرطي على السلالم المتحركة
والا افواااج وايد قلنا لا ما نقدر نندعس بينهم
ورحنا من السلالم الثانيه ودخلنا الصحن بس الحواجز ما في مجال مسكره علينا المهم صورنا من اقرب نقطه بعد الصلاة طبعا تحت المظلات الخشبيه شنسوي بعد
وهذه مستانسين يعني وصلنا الصحن هههه
تقريب طبعا
بعد الصلاة دشينا لاقرب نقطه وشربنا ماي زمزم وصورنا سيلفي هههه للذكرى انا وام احمد
بعد البوابه المصاعد للوبي والمطعم عند اللوبي
ارقام الادوار للمطاعم وباقي المعلومات تجدونها في لوحه رخاميه عند المصاعد بالمدخل
اهني ربعي قامو يقولون ليش فندقنا ما يحط ورد جذيه
وهذا المطل على جلسات خارجيه وفيها بوفيه بس مو شغال الظاهر فقط بالليل
تعرفون ان انا هذه ثالث مره اتغدى عندهم وكل سنه السعر يزيد
اول مره كان ب ١٧٠ ريال للشخص
وثاني مرة ١٧٥ وهالمره ب ١٨٠ ريال
نشوف البوفيه
في بعد قسم الباستا والشوربات والحلويات ماصورت كله
وهذا
صحني
وتصوير الحلو من سناب البنات
وطلعنا وتصوير بعد ههههه
والبخور ريحته تهبل
بعد الغدا رحنا نصلي العصر لأنه أذن واحنا نتغدى
وصلينا بالفندق وريحنا شوي بعدها طلعنا السوق
واذان المغرب رحنا وصعدنا هالمره السطح وكانوا الشرطه يسكرون السلالم وبعدين يفتحون بالروحه والرجعه
المهم صلينا المغرب بالسطح
من السطح
الجو حلو والمكان شرح ونظيف
على ما تقوم الصلاة
وصلينا والدنيا ظلمت
طلعنا من الحرم من السلالم والا مشغلين بس واحد والثاني من الدور الاول مسكر
بس شفنا وايد شخصيات تنزل وطلع بعدين ان امير مكة كان موجود عرفت من سناب مكة
المهم بعد ما طلعنا وين رحنا يابو غسان ..
ودي اكمل بس نعست باجر اكمل ان شاءالله
طبعا بعد ما شوقنا ابوغسان على أيسكريم العاصمة
وانا الح عليهم من هني لازم اروح آكل برييد العاصمة يمدحه بوغسان
ورحنا له مع ان بوغسان واصفه لنا بالتقرير بس ما دليته الا لما بنتي حطته بالغوغل ماب وطلع نفس اتجاهي الحمدلله طلعت شاطرة انا
بينت العلامة
لقيت قسم النساء زحمة وقسم الرجال توه اخر ريال وراح لما وصلنا
وقفت عنده قلت له ممكن نطلب قال اي نعم
قلت له 3 مكس وصوص فراولة فوقه
وما شاءالله بسرعه عطانا الطلب
اعتقد الواحد ب5 ريال او اقل ناسية والله
تقييمي للايسكريم لذيييذ جدا وخاصة بعد الصلاة تحتاج لطاقة وشي يبررد على قلبك
وكان تقييمي 10 من 10 له يستاهل وبعدها
تمشينا باسواق الصفوة شوي وبعدها قعدة باللوبي مع بوحسين
قالو العشا بيطلبون البيك من واحد يوصل ومعطيهم كرت
اخذوا طلباتنا ووصله للفندق وفرشنا بالأرض كلهم اقعدوا
وانا على الفراش عيزانه أقوم هههه
ادلع عليهم وجبتي تشيكن فيليه حار
وآكلت معاهم ربيان كان لذيذ
بعد العشا والراحة صحينا والوقت للحين رحنا نتمشى بالسوق
وكان في محل جديد نفس طريقة قزاز وغيره من محلات الماركات حلوو تمشينا فيه كله ماركات للشنط والعطور والسوفينيرات الراقيه والعاب الاطفال
تلاقونه تحت الهايبر ماركت والله ناسيه اسم المحل بس حلووو
السنه اللي طافت كانو يشتغلون فيه
وهالسنه فاتحين اغلب الاقسام باقي اقسام ما فتحت
ما صورته
وقت المنبه على الساعه 3
وما قعدت الا الساعه اربع الا ربع وعلى ما تجهزنا وطلعنا طبعا مسكر الطريج ورحنا فوق وقرآة آية الكرسي وادعية لحد ما قامت الصلاة وصلينا هاليوم المعتمرين أكثر ربي يزيد ويبارك بالمسلمين
وهذه حلقة دروس للمعتمرين الاتراك
صلينا وبعدها قلنا بنصلي الضحى وبننطر الشروق
وقعدنا قريب من المطل وتعرفنا على حرمة من الرياض وسوالف معاها خوش حرمة حليوة
طلعنا من مكة تقريبا الساعة 10 ووصلنا المطار ... بوحسين ما يخلي وائل يسرع وسوالف عن الكرة واللاعبين دخناا احنا اللي ورا واللي نام واللي داخ
هذه الصورة تم تصغيرها . الحجم الافتراضي لها هو 1126x2000.
هذه الصورة تم تصغيرها . الحجم الافتراضي لها هو 1126x2000.
بغينا ماي زمزم لقيناهم مسكرين لصلاة الجمعة
ودخلنا الجناط ودخلنا داخل وظل أبو زيونة مع العامل ايبون الماي ويدخلونه الشحن وايي لنا ولدي اشوة انه بسرعه دخل
السوق الحرة ما وقفت فيها بس شفت اللي قبل الدخول للبوابات
رحت اصلي الظهر
شريت لبوحسين غدا انا ما اشتهيت آكل والعيال شرواا لهم
وبعدها نادوا للطيارة وركبنا الباص
وصعدنا الطيارة وكنت دايخة واحط راسي وانام شوية
بس في بنت متدلعه الظاهر أهلها يحاولون يسكتونها وهي ماكو تتكلم بصوت عالي وتلعب بصريخ
وحتى عطوها ايفون بيسكتونها ترد على الفيديوات بصوت عالي
دخت والله
بعد الاكل اللي نفس الروحة ما تتغير وجباتهم
والعيال اللي شرووه هذا معاهم من المطار
وعقب راحت عند أهلها بالكرسي اللي جدامنا الحمدلله نمت شوي
وفجأة صرخة قوبة فوق راسي ههههههه نقزتنا انا وبنتي والا تقول لهم بنتي يعني ناس تعابه ونايمين ما تعرفون تمسكون بنتكم كانت تطل علينا وتصرخ البنت فيها خمس سنوات يعني تعرف العيب اذا علموها أهلها
وبعدها وصلنا الكويت وصورنا
ووصلنا الديرة
وهذه مشترواتي غير ماي زمزم وحجابات الشرقية
والى لقاء بعمرة ثانية مخطط لها عدل بروحنا نسويها من غير الشركات افضل
