مكة غسيل للروح

[جواهرر]

الحرمين الشريفين

أحلى خيرة ....مكة

السلام عليكم
أحبابنا أعضاء وزوار المنتدى

اشتقت اكتب لكم تقارير للسفر
وبما ان قرارات البابا بوحسين ما توالمت معانا
وقلنا ماكو لندن بعد الحجز كنسلنا وقلنا خيرة

وفي يوم الثلاثاء 1 ديسمبر الظهر
والا موبايل بوحسين يرن واسمعه يقول له اوكي
الحين ارسل لك صور البطاقات المدنية
ويعطيني التلفون وقال ويت بطايقكم
قلت له ليش قال العمرة
قلت له والله صج يلا واييب بطاقات البنات
وبطاقتي وبطاقة بوحسون وصورتهم ودزيتهم

وصرنا بس اربع اللي بيروحون الباجي مرتبطين اللي بسفرة واللي بالدوام
المهم
حجز لنا الريال راعي المكتب وارسل لنا المندوب وأخذ الفلوس بعد ما عطانا اوراق الحجوزات للفندق والطيارة

المهم الطيران ناس قلت نجربه ......الفندق عجبني مكانه مبدئيا وقلنا يلا بعد دامه قريب من باب الملك عبد العزيز اوكي ...اكيد بيكون حلووو ......المطار الطابف بوحسين يقول بنشوف الطايف ....وبعد طيارات جدة وقتهم ابجر ما يمدي البنات عندهم امتحانات


واختيارنا للوقت علشان بعد طلعة البنات من الجامعة المهم
بعد خليناهم يطلعون عن المحاضرة الاخيرة يالله يمدي الوقت



هذا الحجز

وانا شفت عاد تقارير الحرمين وشفت الفندق

ومكانه علشان اتاكد

المهم نسافر ياجماعة وطبعا مافي احلى من مكة غسيل للروح


وصار الموعد يلا أخيراااا


وصورت الجناط قبل لا نطلع من البيت
تعرفون الواحد على ما يوصل ينسى أشكال جناطه

وصورت وحدة وحدة


وخاصة هذه لأنها يديدة بعدها ما دشت المخ

هذه قديمة وبعد ضيعتها هههههه الكبر شين

هذه أخذتها من يوسف ولدي
مميزة باللون وبعد اللزقة اللي عليها ههههه ما تضيع ابدااا

قلت مابي اشتري جناط يدد لي اذا مافي سفرة

بس ما امداني طبعا


المهم ركبناهم السيارة ورحنا بسيارتنا ووقفناها بالمطار

الوقوف بالمواقف المظلله يومين اخذوا علينا 12 دينار كويتي

ما ادري على حجم السيارة او كله نفس الشي سيارتنا جيمس


من الطريج

وأخيرااا على السفر

وقربنا

وصلنا نزلنا بوحسين مع جناطنا وقال روحو قبلي

وهذا العامل قبلنا

ووقفنا هني ونادونا بسرعة مافي احد جدامنا بس انا حبيت اصور ههههه

سوينا التشيك ان واخذنا البوردنق يسرعه اصلا بس احنا على الكاونتر ...حتى قبل لا يوصل بوحسين لنا
خلت البوردينق له مع بطاقته لحد ما يوصل

دخلنا داخل وقلنا بنتغدى قبل لا نروح البوابة توو الناس

ياحلوو المطار وريحة المطار وجناط المطار

أخترنا هالمطعم انا وبوحسين

شوفوااا شنو عنده شبعة

طلبنا

وقعدنا ننطر الطلب


لحد ما تنادينا

فاتورتنا

نصور اشورانا

ونادوانا على طلبنا
بوحسين برياني وانا باستا

باستتي حليووة

ورقة السيرفس بالصينية

ما يستغنون البنات

أوراق البوردنق

بعد هالغدوة الحليوة وتخربط المخ للبنات على الفلوس يقولون وايد 100 ريال تاخذ منا نحسها غشتنا
يقولون اشدعوة ب 10 دنانير هههههه ما يدرون الفرق بالسعر
هني ننتظر دانه تشتري من ستاربكس

وهني الطريج للبوابة والسوق الحرة

احسهم موسعين بالمطار

وبوابتنا نمبر 24

أول بوابة على اليسار

الحمدلله

وقعدنا نتظر وتجمعوا المسافرين كلهم

ولازم تصوير طيارتنا المصون

ولازم صورة بدون تقطيع

كروت الطيارة

ونشوفكم بالجزء الياي بالطيارة وشنوو صار فيها

​

 

[جواهرر]

نتابع رحلتنا الى مكة

كنا وصلنا البوابة لدخول الطيارة

طيران ناس

وهذا كراسيها مثل مو شايفين ثلاثة على كل جانب
ويفصلنا عن الدرجة الأعلى ستارة وكراسيهم اثنين على كل جانب


وغنومة خليناها بروحها

وطبعا على ما يكتمل دخول الركاب قلت اقلب بالمنيو والمجلات لحد ما نطير



وهذا المنيو

وجبات لازم تطلبونها بالنت عبر موقع طيران ناس

قبل السفرة ب 24 ساعة

والشخبطة لازم

والاندومي حكايته حكاية

للطلبات مباشرة من المضيفات

نكمل

وبالنسية للاسعار
تشوفون ان الأسعار مناسبة على اعتبار مقياسنا بطل الماي

والقهوة وتوابعها

وستار بكس على طيران ناس

والحين نفتح صفحة السوق الحرة على الطيارة

للي حاب يشتري هدايا او عطور وهو مستعيل

ما ننساكم اخواني

دنهل الروعة

بس أكيد مافي احلى من العوود

وصلنا غرام الحريم

أقلام وهدايا

وإكسسوارات

I love you all

والبرامج تسافر معاكم

نعليمات السلامة ربي يحفظ كل المسافرين

وبوحسين معاند معاي

يقول دور دور موكله انتي يم الدريشة

واخيراا تحركت الطيارة وطرنا

طلبت بعد مدة من الطيران

كبتشينو وماي ب 17 ريال

اول شي عطتني الكبتشينو والماي

قلت لها وين السكر والكوكيز

قالت اي نسيت وعطتني اياهم

وبعد نست ترجع لي الباقي 3 ريالات بس حللتها قالت برجعهم وما رجعتهم لي يمكن نست

محلله طبعا

وردينا نصور من بعييييد

محاولات بائسة يائسة للتصوير

بس راح بوحسين للبتاع .....قمت انا وقعدت مكانه

خو بش

وووف

بكمل
​

 

[جواهرر]

نكمل معاكم

ونرجع نتصفح المجلة
شبكة الخطوط ووين توصل

وهل تعلم معلومات حلووة

الباقات على الخطوط

وهني مطبات هوائية والسبب الغيوم من الكويت واغلب الطريج

وبينت الطايف

بين الغيم والارض روعه ضوء الشمس

المنظر بالطبيعة وايد أحلى

صورتين من الكانون للمنظر

وطبت الطيارة كاهو الخضر يانا

لا لا هذه اغنية كويتية قديمة ((وطبت الطيارة كاهو الأزرق يان))ا ايام استقبال المنتخب الكويتي

على المدرج احنا نمشي بالطيارة والباص يمشي من بعيد

غروب شمس الطايف حلووو

بس يبيله كاميرا احترافية وتصوير من بره الطيارة

نعطيكم الوقت الطيران من الكويت الساعة 3,10 دقايق الظهر ووصلنا الطايف الساعة 5,30

تقريبا ساعتين وثلث


نزلنا ركبنا الباص ومنها للمطار الصغير
احب المطارات الصغيرة تخلص بسرعة الاجراءات

ورحنا صوب سير الجناط اخذنا حنطنا وهني

ظلت جنطة دانة ههههه نسى بوحسين شكلها هاذي والا هاذي
قمت فتحت تلفوني على الصور وقلت له هاذي هههه وطلعوها
حلووة فكرة التصوير صح



وسيدا رحنا للتاكسي وقال لنا لمكة ب 250 ريال ياخذهم لما نوصل مكة

وهذه صور من التاكسي

وشايفين السرعة

قال له بوحسين يا حجي لا تسرع البنات يخافون وخلك على راحتك

تعرفون اللي يقعد عند السايق لو هو أحسن السواقين يخاف من السرعة يصير


الأجواء للطايف

قلنا بنصلي

المغرب والعشا جمعاا وقصراا


وقلنا نروح الميقات قال تتأخر وعادي تحرمون هني بس نمر الميقات ونلبي عنده

قلنا اوكي

وهني بيودينا المسجد بالطريق

وهني بالمسيد يعد ما صلينا

وهني طبعا على ما صلينا وطلعنا الا ظلمت الدنيا

ظلمة

عجبتني المحلات هني

اعتقد الميقات ولبينا ومشينا

ومن الطريج لأن ظلمة وجبال وسوالف بوحسين مع السواق دخنا
ومرينا على الملعب ملعب نادي الوحدة

ها اشرايكم فيني

لوحة نرحيب

التصوير بالسيارة سلطة

نفق

وبينت الساعة

مرينا بمنى وشفنا الخيام وصورتهم بس ليش من على جسر وظلمة ولا صورة حلوة

طبعااا الطيران تقيميي له

نعطيها 7 / 10

طبعا اقتصادي وماكووو شي
بالنسبة للطيران الاقتصادي حليوة
وافضل من الجزيرة
والمضيفات حليوات وأغلبهم اجنبيات
وحبوبين

اهتمام بذكر دعاء السفر وتعليمات السلامة
وعجبني
اهتمام المطار بالتاكسي حيث يوجد مراقب
يسألك كم شخص ويعطيك وصل ويوقف لك السيارة المناسبة
وكان وقوفهم مرتب اللي عليه الدور اييك وتصعد معاه

السعر من الطايف لمكة = 250 ريال

نلاقيكم بوصولنا للفندق وادائنا للعمرة

سؤال __
لما دخلنا لكاونتر القدوم
قال لنا العسكري وين السعوديين علشان البصمة ...

ما عرفت البصمة لنا والا للمواطنين السعوديين
لأن بس واحد شفته اخذوا عليه بصمة
والباجي لأ
ما فهمت ليش البصمة ؟؟ وهل هي لنا او لكم ومشونا
بدون تبصيم
وسلامتكم

​

 

[جواهرر]

اشلونكم اخواني خواتي الحلوين​

بس اللي يدشون على التقرير اهم الحلوين اللي ما يدش جيكر

​

نكمل معاكم​

ادري طولت عليكم بس سامحوني​

وصلنا مكة
وقال سايق التاكسي ان مانقدر ننزل النفق لبوابة الفندق
لأن الحين وقت صلاة العشاء والشرطة تسكر الطريق
انا راح انزلكم قريب ....اخترعنا قلنا لايكون بعيد قال لا لا قريب ان شاءالله​

شوفو وين وقفنا​

مسافة 100 متر تقريبا او اقل​

العالم تصلي واللي نشوفهم يدل على الزحمة الحقيقة​

​

نزلنا جناطنا ويريناهم انا والبنات ويوحسين يحاسب السايق​

ومشينا والا اللي يناديني :ام حسين عطيني الجنطة
قلت له :خلها عادي خفيفة
قال :لا لا مابي اتعبج

الله يخليه لي سحبها وراح جدامنا ودشينا بين المصلين للباب ودخلنا على السوق
ومنها بالاصنصير لطابق الريسبشن للفندق​

​

قعدات اللوبي اللي تطل على السوق اساسا

​

ممر بين استقبال الفنادق يدخلنا على بعض​

​

صور كثيرة لمساجد اسلامية في الممرات
هذا مسجد بتركيا​

​

ندخل الغرفة​

على يميني تكرمون باب الحمام​

وعلى يساري هذا المطبخ التحضيري​

صورته لكم من اخر الممر الصغير​

​

ثلاجة وكبت مواعين ومغسلة وادوات الشاي مع سخان كهربائي للماي​

​

ندخل تكرمون الحمام الصغير​

المغسلة ومقابلها الافرنجي​

​

أدوات النظافة​

​

استشوار​

​

​

​

وهذه صورة الفوط​

تشوفون من الصورة اشلون الحمام صغير​

​

​

وهذه السراير الطبيعية لمقاس الغرفة​

​

هذا بالخزانة​

​

التجوري​

​

ونكمل تصوير الغرفة بعد ادائنا للعمرة​

لوحة غرفتنا​

.

​

على الكوميدينو​

​

وهذا السرير الرابع حاطينه عند باب الكونكتد​

والثالث شايفينه بالمراية موجود عند الخزانة​

مدعسين الاربع سراير بالغرفة ام سريرين​

​

واضح هني بالغصب اصور​

​

​

وهذا الكورنر لميز التواليت وطاولة صغيرة وكرسيين​

​

وبعد التصوير وبعد ما سمعنا كلام موظف الأستقبال
ان الحين زحمة روحوا على الساعة 12 بيكون خفيف ان شاءالله​

قلنا اوكي خل نروح نتعشى والبنات يبون البيك
بنذوقه يعني وقلنا يلا انا اذكر انه خلف فندق التوحيد
ورحنا وبوحسين يسأله بالطريج
وشفنا واحد معاه اكياس البيك والطازج
كان كلش قريب من التوحيد
سأله بوحسين عن البيك دلانا وقال ليش تروحون دقوا علي تلفون وانا اوصل لكم للفندق
قلنا صج بس الحين وصلنا بس أخذنا رقمه وخزنته عندي
الظاهر الاسيوين ما يعطلون تجار بالفطرة

وايد كانو جذيه يوصلون للفنادق بالباطن​

​

ابراج جديدة تبنى​

​

والحرم صار ورانا​

​

المطاعم في مكان مادري نسيت اسمه اعتقد فندق بعد
بس الدور الرابع كله مطاعم من ضمنهم البيك والطازج وكنتاكي​

رحنا لقينا الطازج​

​

المكان زحمة ما قدرت اصور البيك اللي طابور النساء اطول من طابور الرجال الطويل بعد
وأحنا يواعة وبعد قالو لنا ان مافيه بروست بس فيه مسحب
قلنا بلاها ما يسوى نوقف على مسحب​

خلاص رحنا الطازج لقينا طابور الرجال اخف
وقف بوحسين وطلب لنا وهذه طلباتنا اللذيذة​

الكبسة انا وغنيمة فيها الصراحة جدا لذيذة​

​

طلب بوحسون حمص وشيش طاووق
ودانة سندويشات ما مداني اصور الا هذه الصور من اليوع اللي فيهم​

​

عقب العشا قالت دانة ابي عصير وراحت شرت لها هالعصير
ابرار هذا الطبقات​

​

بعد العشوة قالو هاا نرجع الفندق علشان نريح على ما تصير الساعة 12​

والا تقول غنومة خل نروح الحين نعمر ليش نرجع وهني البوابة قريبة
قلنا نبي حمام علشان "نتيدد " نتوضا يعني​

قالت شنو المشكلة هني في حمامات يلا نروح
قلنا شورج وهداية الله​

وتيددنا ورحنا لباب الملك فهد​

وشوفوا متى دخلنا​

​

الساعة 9 مساءااا​

باب الملك فهد وشوفو الزحمة

​

​

بعد ابراج الوقف عنا​

​

ودخلنا لأحلى منظر تشوفه العيون​

ودايما اذا دخلت اتذكر اول مرة رحت العمرة
00 بس دخلت وشفت الكعبة والرهبة والأعجاب بالكعبة ,,,,نسيت عيالي وراي ودخلت ادعي سيداا همتجهة للكعبة 00​

للحين اذكر هالموقف كل ما دخلت للكعبة ونفس الشعور سبحان الله​

طفنا السبع مرات وما شاءالله كان الطواف خفيف وسهل ودعيت للكل
اللي اذكر اسمه ادعي له بالأسم واللي ما اذكره اشمله بالدعاء لجميع المسلمين
هالنية اخذتها من السفيرة وام عزيز
ربي يجزاهم خير​

بعد الطواف وصلاة ركعتين خلف مقام ابراهيم
على فكرة اول مرة اقدر أطل بالمقام انا والبنات​

وبعد الصلاة وانا اصلي شدت اريولي واااي تعور وادلكها واحسن شوي
واي حركة ترجع
لا حول ولا قوة الا بالله
راحت دانة يابت لي كرسي
وما شاءالله كراسي الوقف وااايد يجزي اصحابها كل خير​

بعدها شربنا ماي زمزم وصورنا شوية​

​

شرب ماي زمزم​

بوحسين يصب لنا واحنا نشرب​

​

تصوير جسر الطواف مع ساعة مكة
بوقت الراحة​

​

نصور الكعبة ما نشبع من التصوير
بس الترميمات تمنعنا نصور كامل الصورة

الترميمات

الذهاب للمسعى​

​

وهني وصلنا لجبل الصفا لبداية السعي
بين الصفا والمروة​

​

وانا هني أستأجرنا الكرسي المتحرك من المتواجدين بالحرم
يلبسون الجيليه الأخضر بسعر 75 ريال​

سعر موحد وما شاءالله متواجدين بكثرة لخدمة زوار بيت الله​

​

وتفرقنا هني انا مع الرجل والبنات مع ابوهم​

وهني بعد ما انتهيت وقفت عند المروة وقصيت من شعري وقعدت انتظر اشوف ابوحسين علشان
اتواعد معاهم بمكان لان اهم بعد ما خلصوا اكيد​

شفتهم وقالو باقي لهم السادسة والسابعة​

قلت لهم انتظركم عند بداية الصفا لان هو المدخل اللي بيطلعنا لباب الملك عبدالعزيز​

وقعدت انتظرهم على الدرج​

​

الساعه ١١ مساءاا كملنا عمرتنا
ما اخذنا ساعتين
الحمدلله كانت خفيفه ...ونشكر غنومه انها خلتنا نروح وما نسمع كلام
موظف الاستقبال ان ننتظر للساعه ١٢

وخلصوا وقصوا شعرهم وطلعنا من هني
مع حنة بوحسين ليش رجعتينا من هني مع ان هناك في باب من جهة المروة​

اقول له مافي يقول لا في
وانا ما ادري اشرايكم ؟؟​

نتابع







​

 

[جواهرر]

تابع

هذه مكتبة الحرم كتب عنها مشرفنا حبر اعتقد

نصور لكم بس صور الكاميرا خربانه
من العدسة يبيلها تصليح

​

لازم ننزل الصور ببرامج التواصل

وصلنا الفندق طبعا في سوق راح بوحسين للحلاق
يحلق ليتحلل من الاحرام
واحنا سبقناه للغرفة

حسينا بالجوع انا وغنيمه بعد العودة للفندق
فطلبنا لنا كلوب ساندويتش

ونمنا عقبها نومة هنية من التعب
وقعدنا الفجر على صوت الأذان بميكرفون الغرفة
ابوحسين راح يصلي بالحرم واحنا صلينا بالغرفة
ورجع ابوحسين ووووو.....

نشوف شنو صار عقبها بالجزء الياي

 

[جواهرر]

الحرمين الشريفين

يوم الجمعة الفير "فجراا"
بعد صلاة الفجر رجع بوحسين من الصلاة
وقال بنتريق ونرجع ننام نريح
قلنا له يلا شوف وين مطعمهم
المهم دقينا على الريسبشن
وقالو الريوق الساعه 8 الصبح

قال بوحسين لهم ليش كل الفنادق بمكة ريوقهم بعد الصلاة
متعودين على الموفنبيك
نصلي ونروح نتريق

مو حلوه هالحركة حلاته يراعون المعتمرين
المهم

نمنا وقعدنا عقب على الساعه 8،30 ورحنا نتريق
ابو حسين اول واحد طبعا خفيف مو مثلنا
احنا لوووية

نشوف ريوقهم
طبعا سامحونا على الصور العوايل تارسين المطعم

هذا قسم السلطات والاجبان

قسم المخبوزات

في شواية للتوست

صحني من هالقسمين

الكورن الفليكس والحليب والشاي

الفول

الفول حب = باجله بالكويتي

احلى شي البيديان
ويمه البطاط = قريب منه البطاطس

وهذا صحني

العصاير
عصير برتقال وكوكتيل وماي بارد

المربى

الاطباق الساخنة ما قربتهم
ما يشوقون

اللي يسوي البيض

وهذا مكان غنومة بعد ما قام بوحسين وراح
بس شوفو القاعه كبيييرة

طلعنا انا وغنومة حق السوق موصيني الربع
شوية صور من السوق

بن داوود مع اني سامعه انه رخيص
بس هالماركة غاليه وموجوده فيه باسعارها المعروفه

طلعنا من السوق

رديت حق دانه توها تتريق
لقيتها تاكل بس كورن فليكس
رجعنا لها لان عندها صور الحجابات اللي تبيها اختها فرفر
من الشرقيه

صورت هالصوره

وانتهينا من الريوق
ورجعنا نمنا فينا نوم والساعه توها 9 صباحا
نكمل بعدين​

 

[جواهرر]

صباح الخير من السناب من وردة المطعم
ترى صناعيه خخخ

ممر الفندق

وهذا رقم غرفتنا

بعد النومة الصغيرونه
قعدنا الساعه 10،30 ورحنا السوق طبعا انا اقصد السوق اللي في ابراج الوقف
تمشينا وشرينا الحجابات من الشرقيه وكان البياعين هم رجال
وعلى ما خلصنا وقبل ما ندفع اذن الظهر لصلاة الجمعة
وقام واحد يقول لهم خلاص سكروا
اشوه اني دفعت وطلعت وفي ناس وراي

رحنا الفندق لان خلاص بتصير الصلاة
ورحنا المصلى في فندقنا
وموجوده علامة للمصلى بالاصنصير
رحنا وماشاءالله مليان المصلى وفي نفس الدور ملى رجالي
صلينا ركعتين وقرآنا أية الكرسي
وسمعنا الخطبة وصلينا الجمعة

بعدها رحنا الغرفة نريح على ما يوصل بوحسين
لانه صلى بالحرم

المهم انا من البيت واقول لهم بوديكم مطعم الديرة وامدح فيه
وامدح
ورحنا
برج الساعه وفندق الفيرمونت
ويلا نفتح الصوره من تقرير مشرفنا
واخذ الوصف


من الطريج في برج الساعه بنروح لدور الفندق
وبعده للدور 29 للمطعم

صور تدل على الفخامة لهذا الفندق

استقبال الفيرمونت

وشفت الصورة هذه اللوحة تحت ماقدرت اصورها من الناس
زحمة بعد الصلاة الناس راجعه للفندق
وهذه صورتها من الاصنصير

شايفين بالاعلى مكتوب اسم المطعم

وأخيراا وصلنا للمطعم
ترى محد يعرفه هناك الا اصحاب الفندق
وبعض المعتمرين

الحين شقووول وشخلييي عن المطعم ؟؟؟
نتابع بعدين صح

​

 

[جواهرر]

نكمل معاكم​

طبعا احنا شفنا اللوحة هذه في الطابق 29

اييييييييي ورحنا مطعم الديرة​

​

ورحنا جهة اللوحة يسار
يمين
ممرات غرف مسكرة
ومافي ولا احد ابدااا لا يمين ولا يسار ولا طاولات ولا كراسي
اصلا ما شفنا مطعم​

وسألنا شخص قال المطعم بس يقدم وجبتي الفطور والعشاء
وانا امشي وراهم واصور​

صور لمطل المطعم او من الدور 29 ....​

طبعا الدريشة مخيبة للآمال غير نظيفة​

ومن الأصنصير شفنا هاللافتة​

شوفوا الأوقات بعد بس ريوق

نزلنا الطابق اللي فيه مطاعم ما اذكر اي دور​

من الأصنصير​

ونزلنا
مطاعم وكافيهات فاضية واحنا يواعة وراسمين على شي عدل​

رحنا هني قال لنا هذا فطور
الناس للحين تتريق​

رحنا ورا هالزوجين
طلعوا نفسنا يبون غدا وهني بس ريوق​

وام حسين تصور لربعها بالمنتدى​

ولقينا مطعم أخيراااااااا​

بوفيه الغداء الشخص بسعر 150 ريال
وقلنا اوكي​

ودخلنا عطانا ورقة مكتوب فيها عددنا ورحنا اخذنا طاولة​

وهذه من المدخل​

بهارات حب​

وطاولتنا​

شايفين الطاولة ما فيها صحون وملاعق
لأن المطعم متروووس وكلهم كويتين وامارتيين وخليجين شوية​

المهم قعدنا وهم كملوا تجهيز الطاولة​

مطل المطعم​

باين في كافيهات خارجية يمكن بس الليل يفتحونها​

وهذا أسم مطعمنا ** اطياف**​

وهني ندخل على البوفيه المتنوع​

السلطات​

المخبوزات​

السوشي​

سوشي بوحسين​

احنا تونا بالسلطة وهو ما شاءالله​

والسوشي ظل للأخير ما أكله هههههه​

أكل السلطة واصور هذا بره​

قمنا للاطباق الرئيسية​

المطعم متنوع من كذا مطبخ عالمي​

والاكل السعودي بعد​

ترى كنت اصور ومستحية من الناس واقفين وراي ينطروني اصور ههههه​

طبقي​

صيادية وقوزي ومشويات ومقلوبة​

القوزي والمقلوبة روووعه طعمهم خيال وخاصة المقلوبة​

الحلويات​

ما أصورها الا علشان ام علي هاوية الأسفار والايمان​

والفواكه​

والرقي​

وصحني من الفواكه​

شوربتي
اخر شي هههههههههههه
قلت ماكو شوربة​

قالت دانه فيه وراحت يابت لي​

اصور لكم اسماء المطاعم من الورقة نفسها​

اذا بتحجزون عن الزحمة لأي مطعم منهم​

الفاتورة​

نسيت اقول لكم البوفيه بدون المشروبات ب 150 او اكثر شوي​

المشروبات طلبنا بس بطل ماي كبير
مادري بكم احسبوه لنا​

تقييمنا بذاك الوقت​

تقيميمي للمطعم
النظافة 9 / 10
بسبب زحمة الزباين بس الصحون اللي تنحط فيها ملاعق الغرف الاكل
( الملاليس ) وباين في الصور​

الأكل الطعم لذييذ 10 / 10
السعر يستاهل السعر لتنوعه والطعم اللذيذ لكل الأطباق
بوحسين وغنومة
دايما داشين عرض بصوري​

وطلعنا من الفيرمونت
وكملنا بالتسوق بعد شوية تمشينا انا والبنات​

وعقبها​

 

[جواهرر]

ونكمل معاكم الحين

طلعنا من السوق تقريبا قبل اذان العصر


وهني دخلنا السوق وصورت الكرك حق بنياتي بالكويت


من أهل الكرك

ورحنا نصلي بالحرم

صلاة العصر

تصوير من الحرم

صلاتنا كانت فوق من مدخل السلالم المتحركة
كانت زحمة لأت وقت الصلاة

بعد الصلاة شربنا من ماي زمزم

كان جهة النساء

وأقول حق غنيمة ماكو قلاصات
قالت يمه اشفيج كاهم ....عماة قلب ....جدام عيوني وما اشوفهم


قلت بصورهم لكم شوفوا اشلون واضحين هههه

وهني طلعنا وصورنا واحنا بطريجنا

الكل يصور الساعة

وهني صوب فندقنا

ورحنا عند كافيه الفندق اللي يمنا والله مو عارفة اسمه ما تأكدت شنو اسمه


وقعدنا بالكافيه قال في قعدات تطل على ساحة الحرم


وهذه الأطلالة

صورنا بسرعة ورجعنا داخل بالريسبشن



هذا صباب القهوة ضيافة الفندق دايما بعد كل صلاة يقعدون

انحشنا من الذباب

وهذا الكافيه قدامكم والجلسات

وصول الطلبات

وهذه الكيكة كبيرة تكفي ثلاثة اشخاص

هني العصير الكوكتيل اللي ابدااا ما عجبنا

انا شربت شوي من العصير

والا غنومة ابدااا ما عجبها

وبعد الكافيه رحنا نريح شوي قبل صلاة المغرب

وصلينا بالمصلى تبع الفندق

وبعدين اشترينا التمر من السوق اللي تحت الفندق
ورجعنا الغرفة وابوحسين اشترى لنا ماي زمزم كل شخص له فقط خمسة لتر
اخذنا عشرين لتر كرتونين


طلعنا شوية السوق ما طولنا بس تواعدنا بعد الصلاة بمكان معين
في اسواق زمزم
رحنا لصلاة العشاء بسرعه يعني بنصلي انا وغنيمة في الصحن
ما شفنا الكعبة الا اول يوم ما تبين من فوق
والزحمة ويوم جمعه

ورحنا دخلنا تحت بس ما كو الشرطة واقفين مسكرين الممرات للصحن
ماخلونا ندخل وقعدنا نصلي قريب الممر

بس يلا نشوف جزء من الكعبة اللي لها القلب قبل العين يشتاق


لمحبين السناب

بانتظار الصلاة

انا على كرسي الوقف

الله يبعد عنكم الخشونه ان شاءالله

وهني بعد الصلاة تيمعنا ورحنا ندور عشى يواعة ههههههه

السفر والمشي اييوع


رحنا فوق ولقينا سماش بورغر

مطاعم وايد والأختيار الصعب

وقعدت هني بس وهم راحوا يدورون مطاعم

نادتني دانه والا لقيتهم عند المطعم التركي

وابوحسين وغنومة طالبين ينتظرون اكلهم يخلص

وهذا اسمه

ووصل عشا غنيمة سندويشات اعتقد كباب

حمص بغى ينقلب علينا ههههه

بوحسين شيش طاووق

دانة عجيبة ما اطلبت الاكل التركي هههه
طلبنا انا هي من سماش بورغر

في البورغر على الطريقة السعودية

وهذا البورغر السعودي طلب دانة تقول حلووو

الشبس والجبن اللي عليه لذيذ جدا

بعد العشا تسوقنا شوية وتمشينا ومنها للفندق ونووووم


وقبل النوم شغلنا السناب والنت وصورت لكم فلاتر السناب للمكة

هذا مطل غرفتنا عل الغرق الثانية

وتصبحوون على خير

ان شاءالله يبقى الجزء الأخير
انتظرونا مع الشواذي

والعودة للكويت​

 

[جواهرر]

اليوم الأخير السبت
قبل لا ننام طولت على المكرفون للغرفه
النية ان نصلي الفجر بالحرم
ووقت منبه الايفون قبل الصلاة بساعه
علشان نروح مبجر هناك وناخذ مكان

نمنا رن الايفون
يا جماعه قوموا خل نروح الحرم
شويه شويه
شويه شويه
الا ام حسون غفت

والكل نايم ما قعدنا الا على صوت الآذان
وعلى ما لبسنا وتجهزنا ما مدانا نروح الحرم حسافه
ورحنا صلينا بمصلى الفندق اللي ينقل الصلاة بالمكرفون

المهم صلينا ورجعنا نوم للساعه 8 ورحنا نتريق بالفندق

وصورت لكم

صديقتكم مو صديقتي هالأكلة

قعدنا عند الدريشة بنشوف على شنو نطل


الشارع طبعا

الحمام متواجد بكثرة هني

رحت السوق بروحي
وخليت البنات يسكرون جناطهم وانا كنت مسكرة جنطتي وجنطة بوحسون

قلت لهم اذا خلصتوا روحوا سووا التشيك اوت
وبوحسين طلع يفتر بعد ويسولف مع الرياييل تحت

المهم تسوقت نفس المحل الشرقية كان فيه البياعين رياييل
واليوم هذا كله بنات وايد اريح مع انه حجابات بس الرياييل اشطر واسرع وعارفين اماكن الحجابات وانواعهم
البنات يضيعون بالاماكن
يعني على ما تطلع لج القطعه الا لا ولا هذه والا هذه
المهم شريت لي
وهذا من المحل

ورجعت بعد ما مريت بعد على أجمل واخذت لي خلطة على دهن العود ... حلوة عجبتني
بضحكم شويه خخخ
((اقول له بجم يقول لي بخمسين ريال
وانا قاعده اقول له اشدعوه رخص ليش جذيه غالي

"الأخت راح بالها على الخمسين كويتي "
هههه بعدين قلت وييي اشفيني انا هههه بقلبي طبعا خخخخ علشان لا يغلي بعد

بس يلا طلعت منه هدايا

كذا عينة من عطور وعينتين من البخور
طلعت شاطرة صح

رجعت الفندق
المهم هذا ازرار الاصنصير وتشوفون ارقام المصلى والمطعم

وهني الرسيبشن وقعدت اتواصل مع البنات بالانترنت
وشفتهم خالصين التشيك اوت مع ابوهم ومنزلين الجناط
وحاطينهم بالمخزن


وقت صلاة الظهر صلينا بالمصلى

بعد الصلاة
قعدنا هني ننتظر بوحسون اللي صلى بالحرم

تيمعنا وورحنا نتغدى بأسواق الابراج
أكلنا مندي دياي وبيتزا

ما صورت انا لأني لقيتهم بادين قبلي
وهذه صورتها من السناب لكم

وهذا مطل على ساحة الحرم من عند المطاعم فوق

وهني العامل ينزلنا للنفق علشان التاكسي

وطلعنا من الفندق بعد الاتفاق مع سايق
وصانا عليه واحد من عمال الفندق الأسيوين
ب 300 ريال يوصلنا الطايف

اول ما ركبنا السيارة
قال له بوحسين لا تسرع وامشي على مهلك محنا مستعيلين
بوحسين هالمره ما سولف مع السواق وايد
قلنا له ليش ما تسولف معاه يقول مو سعودي ...اسيوي
طلع صديق العامل طبعا
بس المهم سواقته زينه

طلعنا الساعه 1 ونص تقريبا من مكة

وهذه صور من الطريج

ودخلنا نفق

العاب للاطفال

وبنايات سكنية

وحدايق

والملعب بالرجعة للحين محد علمنا شنو اسمه ؟؟

حلوو

مشاريع

جبال

الوان الجبال سبحان الله

شوفو الغيوم

أعتقد مشروع استراحة

هدوووء ههههه

اللون الطبيعي

بالالوان الزاهيه

عاد هذه فن والا اشرايكم ؟؟

اي ما قلت لكم هالمرة البنات قعدوني بالنص بينهم
رويسية ولازم اشتباكات

وقعدت بالنص عن النجرة واريح بالي
يميني غنومة تتسلى

وعن يساري دانه وتتسلى برضه

اشكثر صورت وعيوني بره بشوف

ما شفت للحين وانا اترقب
والا اشوف مجموعة شواذي وانا اقعد البنات بعد ما غفواا شواذي شواذي
وبس ما شفت غيرهم ولا صورنا شي
ولا السايق خفف علشان نشوف بط جبدي

وهذه الصوره اللي كانت بعد ما طفناهم ما صورتهم حسافه

قلت اصور الغيم احسن

هني كانت زحمة فظيعه ما تمشي السيارات وشاحنات
انحشرنا بينهم
ما يتحرك الشارع

استغلينا الوقت تصوير الغيوم

وشفت هاللوحة بغيت اقول لهم كملووا للرياض
عندي صديقات المنتدى

ووصلنا المطار هني
قبلها شفت مجسم للطائرات ما لحقت اصوره لا بالروحة ولا بالرجعة

اهل الطايف مطالبينكم بصورة المجسم

​

 

[جواهرر]

ووصلنا المطار

هذه الصورة تم تصغيرها . الحجم الافتراضي لها هو 1069x600.

هذه الصورة تم تصغيرها . الحجم الافتراضي لها هو 1069x600.

هذه الصورة تم تصغيرها . الحجم الافتراضي لها هو 1069x600.

شفتوا يعني روحتنا للطايف ما شفنا شي منها
والجو كان حااار جدا بالسيارة شغلنا التكييف
مع اني قلت لهم انا نمشي الصبح بس قال بوحسين
ما شبعنا من مكة خلينا نصلي الظهر وبعدين نروح

وحتى البيك ما آكلناه
الأحلى شي انا تعمرنا وصلينا بالحرم كذا مره



نزلنا الجناط بعربانه
وجرهم العامل قدامنا
واول ما دخلنا الا كاونترات الطيران
في اربعه تقريبا بس
اثنين كانوا للمسافرين على اعتقد "النيل "للطيران
رايحين مصر

وكاونترين لنا حق ناس للطيران
الصالة تشوفونها

وهني بطايقنا المدنيه
سؤال للشطار
اي وحدة فيهم بطاقتي وليش ؟

وهني السوق وكافيه صغير ورانا بالخلف

خلصنا بسرعه ودشينا داخل قاعه صغيرة
فيها كافيه صغيرون وسوق صغير
اول شي صلينا العصر بالمصلى


وهذه الكافيه اللي داخل

شريت لي هذيل

وهذه السوق الحرة الصغيرونة

وهني وقفوا المسافرين لمصر
وصعدوهم الباص وراحوا ...وقعدوا ينادون اسم واحد وبعد ماراح الباص

يه مسكين متأخر وركبوه الباص ومشى فيه للطيارة

شاشات المطار

​

 

[جواهرر]

المهم راحوا مسافرين مصر
وظلينا بالقاعه بس مسافرين الكويت

قعدنا نشبك انترنت على المطار مافي اتصال
مع ان عامل حط لنا الباسورد وشغله
بس ضعيف جدا ما يفتح شي
بالغصب حفظنا السنابات وبعدين ارسلناهم لما وصلنا الكويت

المهم
نشوف اخر شي

بالانتظار

المطار زين اني شفت الورد الطائفي شحلاته مالي المطار عند البوابه
شايفينه الأحمر ورا الجام

ممنوع

المهم صار وقت صعودنا للباص مع اذان المغرب
والرياييل كلهم بالمصلي اللي يصلي واللي يتوضأ
وينادون علينا العساكر يلا يلا هههه
واحنا وقفنا بس مو شايفه بوحسين الا اشوه شفناه
طالع من الحمام تكرمون
عطيته بطاقته وكرت الطيارة وقلت له باي
نشوفك بالطيارة
ورحنا ولما مرينا من الباب بنطلع للباص والا العسكري
ينادي يلا يلا
ماراح ننتظر أحد
قلنا له يصلون
قال ما ننتظرهم
والا غنيمه تقول له يصلون
قال ما ننتظر ههههه
الظاهر يتغشمر
بس حرام العالم يمكن صلاتهم على الطاير هههه
رحنا بالباص مشى فينا

ساحة المطار

اول النازلين

واحنا وراهم

ولازم اصور
لا تخافون محد وراي يقول عطلتينا

اول ما قعدت مكاني صليت المغرب والعشا جمع وقصر

وبعدين تصفحت الجرايد كالعادة خخخ

ارشادات السلامة

بس قلبي هناك ...للحين ما يه بوحسين
واقول اخاف يمشون عنه اخر واحد راح يصلي

الغيوم والنخيل
نفس المكان اللي اول ما وصلنا الطائف

الحمدلله بوحسين يه ومنها حط راسه على الطاوله ونام لحد ما وصلنا الكويت

داخل الطيارة الكرسي والمساحة حلوة مو ضيقة

يمكن لأني ضعفت

طلبنا ساندويتش دجاج حق غنومة

وهذا لي كلوب ساندويتش

وهذا فطيرة لما طلبت انا على جبن كان خالص ... بس دانه اخذت على دياي اعتقد


ولازم يسخنونها داخل ما يابوها الا بعد عشر دقايق
لهووا بالبيع

أسعارهم مناسبه جدا


اللي صار اللي حوالينا كل اللي طلبوا
طلبوا اندومي والريحة الله لا يراويكم ما احب ريحته ابدااا
وبالعافيه على اللي يحبونه

المهم حاولت انام شويه ما قدرت
وصارت مطبات هوائية شويه مو وايد


نشوف الصور اللي صورناها من الجو

طبعا هني وصلنا الكويت
شوفو شحلاة ديرتي

وصلنا ونزلنا وهذا على يسار البوابة
يا زيينه هالعلم ���� ����

وعلشان الترميمات ميخالف لازقين اللوحة على السلم

وترى المدخل بعد صغير علشان الترميمات

وحياكم

والحمدلله اخذنا الجناط ورحنا سيارتنا اللي موقفينها بالمطار
مع ان عندنا العيال الكل قال احنا نوديكم بس بوحسون قال لهم لا نبي نروح بروحنا

المهم المواقف اخذوا منا 12 دينار كويتي
ليومين او نقول الويكند


شوفو مشترواتي من هناك طبعا مو كلها خخخ

التمر احلى شي وحسافه ما اخذت من اللي بنكهة البرتقال وايد

أحلى شي السكري

وهذا بعد ما حطيته بماعون

ولا تنسون تاكلون التمر السكري مع الهردة وتشربون عليها القهوة

[/IMG]


ولا تنسون اللي يحبون القهوة التركية

ادري فنجان القهوة قديم
بس احنا ما شربنا فيهم الا بعد ما رحنا تركيا
مو من محبي القهوة التركية

توزيع الصوايغ بالاكياس والاسامي عليها
يستاهلون

بيوم الأحد هذا التوزيع كان بعد مارجعت بنتي فرفر ويوسف
من دبي

وهداياهم حطيناها بعد

هذه صوغة حسين وزوجته
ربي يخليهم لبعض

وهذه صوغتي من فرفر

وايد حلوة يعرفوني عيالي احب ريحة العود بالعطور

وسامحونا على كثرة الصور
والسوالف والقرقرة
وتمنوا لنا سفرة حلوة علشان اسوي لكم تقرير
قبل لا اودع المنتدى

​

 

[جواهرر]

المهم راحوا مسافرين مصر
وظلينا بالقاعه بس مسافرين الكويت

قعدنا نشبك انترنت على المطار مافي اتصال
مع ان عامل حط لنا الباسورد وشغله
بس ضعيف جدا ما يفتح شي
بالغصب حفظنا السنابات وبعدين ارسلناهم لما وصلنا الكويت

المهم
نشوف اخر شي

بالانتظار

المطار زين اني شفت الورد الطائفي شحلاته مالي المطار عند البوابه
شايفينه الأحمر ورا الجام

ممنوع

المهم صار وقت صعودنا للباص مع اذان المغرب
والرياييل كلهم بالمصلي اللي يصلي واللي يتوضأ
وينادون علينا العساكر يلا يلا هههه
واحنا وقفنا بس مو شايفه بوحسين الا اشوه شفناه
طالع من الحمام تكرمون
عطيته بطاقته وكرت الطيارة وقلت له باي
نشوفك بالطيارة
ورحنا ولما مرينا من الباب بنطلع للباص والا العسكري
ينادي يلا يلا
ماراح ننتظر أحد
قلنا له يصلون
قال ما ننتظرهم
والا غنيمه تقول له يصلون
قال ما ننتظر ههههه
الظاهر يتغشمر
بس حرام العالم يمكن صلاتهم على الطاير هههه
رحنا بالباص مشى فينا

ساحة المطار

اول النازلين

واحنا وراهم

ولازم اصور
لا تخافون محد وراي يقول عطلتينا

اول ما قعدت مكاني صليت المغرب والعشا جمع وقصر

وبعدين تصفحت الجرايد كالعادة خخخ

ارشادات السلامة

بس قلبي هناك ...للحين ما يه بوحسين
واقول اخاف يمشون عنه اخر واحد راح يصلي

الغيوم والنخيل
نفس المكان اللي اول ما وصلنا الطائف

الحمدلله بوحسين يه ومنها حط راسه على الطاوله ونام لحد ما وصلنا الكويت

داخل الطيارة الكرسي والمساحة حلوة مو ضيقة

يمكن لأني ضعفت

طلبنا ساندويتش دجاج حق غنومة

وهذا لي كلوب ساندويتش

وهذا فطيرة لما طلبت انا على جبن كان خالص ... بس دانه اخذت على دياي اعتقد


ولازم يسخنونها داخل ما يابوها الا بعد عشر دقايق
لهووا بالبيع

أسعارهم مناسبه جدا


اللي صار اللي حوالينا كل اللي طلبوا
طلبوا اندومي والريحة الله لا يراويكم ما احب ريحته ابدااا
وبالعافيه على اللي يحبونه

المهم حاولت انام شويه ما قدرت
وصارت مطبات هوائية شويه مو وايد


نشوف الصور اللي صورناها من الجو

طبعا هني وصلنا الكويت
شوفو شحلاة ديرتي

وصلنا ونزلنا وهذا على يسار البوابة
يا زيينه هالعلم ���� ����

وعلشان الترميمات ميخالف لازقين اللوحة على السلم

وترى المدخل بعد صغير علشان الترميمات

وحياكم

والحمدلله اخذنا الجناط ورحنا سيارتنا اللي موقفينها بالمطار
مع ان عندنا العيال الكل قال احنا نوديكم بس بوحسون قال لهم لا نبي نروح بروحنا

المهم المواقف اخذوا منا 12 دينار كويتي
ليومين او نقول الويكند


شوفو مشترواتي من هناك طبعا مو كلها خخخ

التمر احلى شي وحسافه ما اخذت من اللي بنكهة البرتقال وايد

أحلى شي السكري

وهذا بعد ما حطيته بماعون

ولا تنسون تاكلون التمر السكري مع الهردة وتشربون عليها القهوة

[/IMG]


ولا تنسون اللي يحبون القهوة التركية

ادري فنجان القهوة قديم
بس احنا ما شربنا فيهم الا بعد ما رحنا تركيا
مو من محبي القهوة التركية

توزيع الصوايغ بالاكياس والاسامي عليها
يستاهلون

بيوم الأحد هذا التوزيع كان بعد مارجعت بنتي فرفر ويوسف
من دبي

وهداياهم حطيناها بعد

هذه صوغة حسين وزوجته
ربي يخليهم لبعض

وهذه صوغتي من فرفر

وايد حلوة يعرفوني عيالي احب ريحة العود بالعطور

وسامحونا على كثرة الصور
والسوالف والقرقرة
وتمنوا لنا سفرة حلوة علشان اسوي لكم تقرير
قبل لا اودع المنتدى

​