أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة.
السلام عليكم
كل عام و أنت بخير
و عيدكم مبارك
البلد في جدة مكان متميز برمضان
و فيه أجواء مختلفة عن باقي الأشهر
من بعد صلاة العشاء الى الساعة 3 الفجر حركة لا تتوقف
أماكن بيع البليلة و الكبدة و السحلب بكل مكان
البسطات تنتشر بشكل عشوائي الكل يبيع و الكل يشتري
ما أتوقع فيه سلعة الا و تلقى رواج في رمضان
ما دخلت محل الا و يبلغ زباينه من بدري ترى نقفل الساعة 3
عشان يقدر يطلعهم
سبحان الله شهر خير في كل شي
و جدة كمان غير في هذا الشهر الكريم
لو وقفت قدام اللي يبيعوا البليلة و الحلويات المكاوية في شارع قابل
لسمعت كلمات و نداءات من الزمن الجميل
جبت لكم بعض الصور اللي التقطتها بجوالي آخر ليلة برمضان 1436
عشان اللي ماراحوا يتفرجوا
نبدأ بدون ترتيب لأن الصور كثيرة
هذا ابراهيم القرشي من أشهر و أقدم محلات بيع العود و البخور على الكورنر امام مركز المحمل
مشهور عنده هذا البخور
اللي على اليمين 7 حبات بـ 400 ريال و اللي على اليسار 4 حبات بـ 300 ريال
اتركوا بانافع أبو 20 ريال ههههه ترى هذا يطول
اعتبرها من معالم جدة
دارة القهوة بعمارة الملكة
حلاوة بيردي من يعرفها 5 ألوان الكيلو 90 ريال
لا باتشي و لا شوكولاين جربوا و احكموا
هذا المحل الوحيد اللي يبيعها من سنين طويلة
شارع قابل
هذا القرشي على الكورنر على شارع الملك عبدالعزيز
و هذي عمارة البلد انبنت قريب مجاورة لعمارة الملكة
عمارة الملكة على شارع الملك عبدالعزيز تتوسط البلد
المحلات المتواجدة تحتها و منها مكدونالدز جوار الراجحي
هذا سوق الفيصلية بين الكورنيش و المحمل
كل ليلة تجد البسطات هنا لكنها تزيد برمضان
هذا سوق المحمل
بسطات البليلة و السحلب في شارع قابل
دارة القهوة طعم القهوة الحقيقي <<< دعاية
عمارة الملكة من الخلف من جهة سوق الندى
سوق الندى ولاحظوا السقف المميز و هذا من زمان
بسطات المساويك و البخور تلقاها هنا و يطل على سوق الذهب
مسجد عكاش التأسيس عام 1200 يعني له 236 سنة
من هنا الدخول للخاسكية من عند بامعوضه للصرافة و هو امتداد لسوق الندى
و هذا امتداد شارع قابل و أنت رايح لباب مكة
شوفوا قدم البنيان و المحلات
قديماً عشان تمشي من هذا الشارع في ليلة زي هذي مستحيل
لشدة الزحمة لأن غالبية المحلات كانت متواجدة بالمنطقة هذي
وهذا الجسر تحت شارع الذهب و كانت البسطات تتمركز هنا
من المساجد التاريخية بجدة مسجد المعمار
نكمل
النقلي من أقدم محلات الحلويات و هذا سبب شهرته يتواجد بجوار بيت نصيف
هنا بيت نصيف التاريخي
هنا جلسات الكبدة و البليلة جميلة و هادئة
هنا الشارع المقابل لبيت نصيف و بالطبع لا يتواجد هنا الا القليل و غالبيتهم مقيمين
المنطقة خالية تماماً و الوقت مناسب للمشي فيها
الرواشين
كراسي الجلسات قديماً بجوار بيت نصيف
الازقة و جماليتها رغم ضيقها
سيدة تنتظر دورها عند اللحام
سوق اللحم و المواد الغذائية
مركز الحفني و خلفه سوق الخاسكية
اللوحة على شارع الذهب
هذي المنطقة قريبة من مؤسسة النقد
أمام هذا المسجد تكثر محلات الاكسسوارات و العود و البخور
المعلمي للكبدة اسم معروف و له محل جوار ميدان الدراجة
شارع الذهب فاضي تقريباً 1:30 صباحاً
محلات معروفة للعود و البخور
ما أكثر محلات الكبدة برمضان و هي من عادات أهل جدة
من فوق جسرشارع الذهب
محل عصير قديم كان ملاصق لجدار المسجد
لقطات من فوق الجسر
سوق المشالح أو ما يسمى بسوق البدو قديماً و يتصل فيه سوق الذهب
نواصل المسير على شارع الذهب
ينتهي الشارع بدوار ميدان البيعة الشهير
و هذا فندق البيعة القديم
لاحظوا البيوت التاريخية و من هنا يبدأ المهرجان
من محلات الفول الشهيرة بجدة
بالنسبة لي يعتبر الافضل لكن موقعه بعيد بالنسبة لي
نكمل
هذي المنطقة اسمها باب جديد
بناية البنك الاهلي الحديثة تطل من خلف المباني الاثرية
جدة يطرب لها القلب عند ذكرها
نشتاق لها اذا ابتعدنا عنها و نحنّ لها ونحن فيها
نبذة بسيطة عن عدة مناطق بجدة
أسعد كثيراً بمشاركاتكم عن أي منطقة بجدة
