من زمان عن هالديره الحلوه واغلب السواح الخليجين اهجروها للاسف بسب الظروف الامنية والمشاكل السياسية اللي ما تخلص
انــــهــــــا لبنــــــــــــــان يا عـــــرب
لبنـــــــــان يا قطعــــة سمـــــــــا
اول واخر زيارة لي لها في سنة 2010 وبعدها ما زرتها الا هالسنه .. وطبعا تغيرت علي اشوي مو وايد والتغير للاسف مو في المستوى المطلوب ..
راح اتعرفون مع التقرير شنو اقصد من كلامي ..
الرحلة كانت المفروض اول اغسطس يعني 8/4 وتأجلت الى 8/18 بسبب انشغالي ورحلتي للصين ..
وامي بصراحه ما كانت راضية نروح مثل ما قلت لكم بسبب الاوضاع الامنية لو ما خالي عنده سكن ورايح فترة الصيف كلها اهناك مع عايلتة ما خلتني ..
المهم مدة الرحلة
الفترة: من 8/18 الى 8/26 يعني 9 ايام ب 8 ليالي
التذكرة : بسعر 75 د.ك
الطيران : الجزيرة
السكن : شقة ملك في منطقة قرنايل تبعد عن بيروت ساعه لانها في الجبل ..
المصروف : للفترة كلها 220 د.ك
والحين ندخل بالتقرير
طبعا لازم من هالصور حق مديرنا فيصل
طيران الجزيرة طيران اقتصادي وصراحه استهلك يبيله تجديد والحمدلله طيران الوطنية رجع وطياراتهم يديده ..
طبعا خط الرحلة صار اطول من قبل كان ساعتين الحين ساعتين ونص بسبب اوضاع سوريا الله يفك عوقهم ..
بس طيران الميدل ايست يمر على سوريا ..
هذي الاستمارة لازم نعبيها ونحطها مع الجواز للجمارك ..
وحطينا الرحال على مطار رفيق الحريري رحمة الله عليه في بيروت ..
المطار نوعا ما حاار .. وما يعجبهم اذا قلت شوب عندكم كتير يقولون وانتوا الخليج شو حرارتكم عاد جان اعصب قلت صح احنا حر وايد بس كل مكان في تكيف والله ما انحس في الحر انتوا داخل المطار حر اسكتوا عاد
هذي بدايتها ..
طلعت من المطار و بنت خالي في استقبالي والسايق وقالت ها شنو بخاطرج وين نروح قلت الشقه قالت لا الشقه فوق و ماراح نصعد ونرد ننزل ..
قلت عيل ما يبيله تروح كافيه الفلمنكي على الروشه ويا عيني عالروشه ..
الجو في بيروت رطوبه وشمس حارة في النهار باليل الجوو لطيييف ..
طبعا من طلعنا من مطار رفيق مرينا على مناطق يبيلها شغل وايد من حالة الاهمال اللي فيها وعدم التنظيم والنظاااااااافه في كل لبنان للاسف اعتقد مشكلة النظافة مع البلدية لم تحل بعد ..
والسياقه شي بصراحه يخرع كلش مافي تنظيم البقاء للاقوى ..
هذا باختصار جزء من اللي شفته
اما الامن الحمدلله كان متواجد ..
ونكمل صور الفلمنكي
ديكورة وقعداته وايد حلوه
وهذي طاولتنا
طلباتنا
حمص - متبل - منئوشة زعتر وجبن - عصير جلاب
تبوله - بطاط
منئووووووووشة الزعتر شي مااااا صااااار
مكان طاولتنا استراتيجي
الحمدلله على النعمه واللهم ادمها من الزوال ..
نقطة : الفنادق تقريبا ما في شي يديد يمكن اخر واحد افتتح الفور سيزٍون على زيتونه بي ..
موقع روتانا خطير على الروشه بس ماله شاطئ ..
اللي لهم شواطئ اثنين بس في بيروب كمبنسكي و موفنبك ..
والباجي ورا منطقة جونية والجبيل في منتجعات نظام شليهات بس شكلهم قديم ..
بعد ما خلصنا من الفلمنكي قلنا نمر على الموفمبك ونشوفه من برا
وهذي بعض الصور لموفمبك بيروت
طبعا الكل يسوي تان ويبي يصير اسمر احترقوا من الشمس
المشكلة فاهمين التان غلط على بالهم كل ما تأخر الوقت للشمس كل ما كان احسن يعني ينطرون الشمس لما ترتفع وتصير حارة يبتدون يجابلونها وهذا اكبر غلط لانها اتسبب امراض الله يكافينا الشر..
المفروض من 5 الفير الى بالكثير 10 ص وبس ..
بعد الموفمبك رحنا مسيد رفيق الحريري نصلي الظهر والعصر
افتتح في سنة 2008
تحفه معمارية جميلة
وطلعنا من المسيد باتجاه منطقة اسواق بيروت
منطقة يديده وحلووه ومرتبه ونظيفه ومطاعمها وكافيهاتها حلوين
وطبعا احنا الحين رايحين انحلي في مطعم ام شريف او كافيه لان عندهم مطعم ياخذ على الشخص وينزل كل ما لذ وطاب اما الكافيه الطلب على المنيو .. فأخترنا الكافيه لان حرام وايد اشياء ما ناكلها ..
قبل ما نوصل زميلي في العمل شيف كويتي وامه من اصول لبنانية ف وايد مدح لي هالمطعم
اسمه : ست الحسن .. للاسف ما كليت فيه لان الجدول مزدحم وصراحه اثق في ذوقه بالاكل يعني اللي رايح لبنان ياكل فيه وقعدته حلو عالبرنده ..
هذا ست الحسن ماعليكم من العمارة عليكم من داخل العماره
وصلنا منطقة اسواق بيروت وخلاص مافي سوليدير انهجرت والكل راح على اسواق بيروت ..
وايد حلوه ومرتبه ونظييييفه ..
وقريبه على زيتونه بي
ام شريف كافيه
طلبنا على قولتهم ( غزل البنات مع البوظة وبالكويتي شعر بنات وبرِيد - وشي اسمه طربوشنا )
طربوشنا عباره عن كاكاو وبريد وبسكوت
وهذي الطلبات
طبعا غزل البنات شي لا يعلى عليه خطييييييييييييييير
الطعم واااااااو واااااااااااو
وصور واحنا على المااشي واحنا طالعين الجبل
ووصلنا قرنايل بعد ساعه طريج من بيروت ..
صور من البلكونه في قرنايل
الجو يختلف تماما عن تحت في بيروت 180 درجه غيم وبرااااااد وهوا عليل و رقي فريش
المجمع اللي ماخذ فيه خالي كلهم كويتيين مافي اي احد غير كويتي ومن عمر ما شاءالله
واغلبهم يصيفون في لان بالشتا تنهجر من البرودة وكل اللي في الجبل ينزلون بيروت
بس في شهر 4 و 5 المنظر في هالوادي من اروع ما يكون من خضرا بس الحين صيف احرقته الشمس..
جان توصل الرقيه (جح بالسعودي ) من بيت بوشربل وخالي الا تاكلينها وكليتها والله اتهبل شييييره ماشاءالله ..
درجة الحرارة في قرنايل
ريحت اشوي وصلينا المغرب والعشا
جان تقول مرت خالي امشوا ننزل عاليه
طبعا لما نصعد لقرنايل نمر على ( عاليه - بحمدون - حمانا - فالوغا - بعلشميه - شتورة والخ وبعدين قرنايل ..
ليش ننزل عاليه خلونا في هالبرنده مع البريدات و اغاني فيروز لاا امشي بذوقج وافل ديب اند ديب
انا لاااااااااااااااااااااااااا كفاااااايه حرام عليكم مو كلهم بيوم واحد صبروا وراي ايام ماكو الحين نروح غيري بدلي مافي ورحنا وامرنا لله ..
ونووووصل ديب اند ديب
وغرق الغرقان اكثر
من الاخـــــــــــــر ما اقدر اقول اي شي عن هالوافل تحطيييييييييييييييييييييم
اللي يذكر لبنان بالصيف بيعرف عاليه وبحمدون شلون مزدحمين ولويه وفيهم وسهرات عاليه
هذا كله تقريبا شبه اختفى مع هجرة الكويتيين والسعوديين عن هالمصيفيين ..
عالية وبحمدون مطاعمهم اللي قبل منترسه ومافي طاوله في الويك اند الحين يدورون الزباين ادواره والله شي يضيق الخلق حساافه .. والايام العاااديه والله زين ينترسون بالكثير 5 طاولات ..
ضاق خلقي عليها وايد .. وبحمدون شوارعها كانت تتسكر من الزحمه الحين مافيها قطوا ينعدون الكويتيين عالاصابع ..
صور من الشارع في عاليه في الويك اند
حتى اصحاب المطاعم والمحلات مساكين يشتكون يقولون مافي سوق وحركه مثل اول خلاص ..
عقب ما حلينا رحنا نتعشا في طبليه عباره عن اكل لبناني بس بطريقة الفاست فود يعني يعطيكم ميل كاملة وبأسعار ممتاز واكل لذييذ
كالعاده سيده على البرنده واطلاله قبل الريوق
ونقول بونجور
والريــــوق البيتـــــوتي
وعنب فريش وصلنا من مزرعة بوشربل
بعد ما تريقنا تجهزنا وطلعنا
ومرينا على صالوناتهم النسائية
وبعدين على طول اتجهنا على مول ABC الاشرفيه من المولات الحلوه في بيروت
وهذا مجسم ABC الفردان تقريبا شبه خالص
واايد تصميمه عجبني
وبما ان معانا حفيد خالي قلنا نوديه الالعاب مثل كيدزانيا ولازم معاه شغاله وصلناهم وخلينا السايق في المجمع لان احنا بنروح منطقة مع تاكسي مانقدر نروحها مع السايق
وهذيل صور من الالعاب
واهني مكان التاكسي ورقمهم
المنطقة اللي رايحين لها اسمها حارة حريك نوعا ما الامان مش ولابد فيها من سنه 2010 بس احنا فينا لقافه وموعاجبنا الا محل الكاكاو اللي عندهم وكل الكويتين يروحون لها عشان محل الكاكاو ..
معرووف اسمه الحلباوي وحتى عنده توصيل اونلاين بس حق الكويت من كثر ما ياخذون منه
وهذا احنا وصلنا له
كاكاوهم لذيذ خذينا منهم 5 كيلو
وطلعنا رحنا ال ABC ناخذ الياهل وشغالته ونركب مع سايقنا
بعد ما خذيناهم رحنا قهوة بيروت والقريبه على منطقة اسواق بيروت اليديد اللي حلت مكان السوليدير ..
من القهاوي المشوره في اكلها الطيب وقعدتها
عجبني شكل الديكور وشلون عاكس مع الكتبة
من كثر ما اني شريبة قهوة لما قريت الركوه قلت ويي ليش مو كاتبينها عدل الرغوه
بنت خالي ماتت من الضحك علي تقولي سكتي لا احد يسمعج ويضحك عليج
الجزء الاخير من اليوم الثالث
اشوه اليوم الثالث كان خفيف
نكمل قهوة بيــــــــــروت
المنيو
المقبلات والتبوله
لذييييييذه العرايس
الاطباق الرئيسية
ويوصل الدمــــــار الشــــامل
الحمدلله على النعمه واسمحولي نسيت اصور الفاتوره
مقابل قهوة بيروت في ساحه فيها تأجير قواري وترمبولين حق اليهال
وهذا البرج الي مبين من بعيد فندق فورسيزون على زيتونه بي و تحته اسواق بيروت وتعتبر من افضل المناطق في بيروت في الوقت الحالي نظيفه ومرتبه ومباني يديده ومطاعم لذيذه .
بعدها اتجهنا على فندق نسأل عن اسعاره والغرف المتوفره عنده قلنا بنغير عن الجبل اللي يعرفه من الصور يقول واللي ما يعرفه ينطر لما اكتب عنه
بعد ما سألنا عن الغرف والاسعار رحنا طار رفيق الحريري نستقبل اختي واصله من الكويت ومن المطار الى الجبل عشيناها في عاليه مطعم طبليه بصراحه اكله لذيذ واسعاره ممتازه
وهذي درجة الحراة في عاليه
مغارة جعيتا هي عبارة عن مغارة ذات تجاويف و شعاب ضيقة، وردهات وهياكل وقاعات نحتتها الطبيعة، وتسربت إليها المياه الكلسية من مرتفعات لبنان لتشكل مع مرور الزمن عالماً من القباب والمنحوتات والأشكال والتكوينات العجيبة. يعتبرها اللبنانيون جوهرة السياحة اللبنانية، وقد توالى على اكتشافها عبر التاريخ رواد أجانب ومغامرون لبنانيون..
ويكبيديا https://ar.wikipedia.org/wiki/مغارة_جعي% D8%AA%D8%A7
ف
فيها مغارتين وحده علويه وحده سفليه
اول شي نبتدي في العلويه بس كله مشي داخل وسبحان الله شي غريب عجيب من الاشكال جنها مشروم اشكالهم حلوه
وطول السنة درجة حرارتها 22 الاجواء فيها اتينن
بس للاسف ممنووووووع التصوير وما صورنا حيل احترينا
وهذا شباك التذاكر
سعر التذكره
18 الف ليره للشخص والاطفال الى 4 سنوات مجانا
التلفريك للمغارة العلويه
انتظار القطار عشان ينزلنا المغاره السفلية
القطار ترا المسافه موبعيده يعني 5 دقايق نزول
وصلنا المغاره السفليه واهي اللي يتيمع فيها الماي ويتمشون فيكم بالقارب داخلها لون الماي والبروده عجيييبه
وطبعا التصووووووووير ممنوع بس هالمره زرقنا معانا واحد
اللوكرات
وهذيل صور المغارة من داخل عقب ما زرقنا التلفون معانا
واااايد حلوه من داخل
وخلصنا من المغارة
ورحنا سيتي مول city mall وفي برا مدينة ملاهي حلوه للي معاهم اطفال
صور من داخل المول
هذا المحل تركي وموجود في لبنان والبحرين من ربع بومبارك ( بريمارك ) حلو واسعاره ممتازه
خذينا غرفتين كان المفروض ناخذ الغرفه اللي على طول بالحوض بس للاسف فل فخذينا المطلين على المسبح ..
سعرها لليلة الوحده مع الريوق وعلى قولتهم خصم سفاره 90 د.ك
وهذي صور الغرف من داخل
هذي بدايتها ..
