ارض النشامى

[ياسميناا]

بِسْم الله الرحمن الرحيم
مساء/ صباح الخير - بوابة الاردن

اعتقد الاغلبيه عارفين أني خريجة من احدى جامعات الاردن وعلى هالأساس كتبت العنوان
وأقول أني مشتااااقه واايد لي هالارض

لأني بعد سويعات ان شاءالله طايره الى ارض النشامى ف حبيت أبدي في التقرير من قبل الطيران

وان شاءالله اقدر احط كل يوم بيومه

غدانا قبل الطيران الى ارض النشامى

هالشي القوي

احلى ميييد كويتي

محدثتكم من مطار الكويت الدولي

​

 

[ياسميناا]

نكمل معاكم اليوم الاول ووصولنا للأردن الغالية

وهذي اول ما طبينا مطار الملكه عليا
ماشاءالله تبارك الرحمن المطار تغييير تغيير جذري الوساعه والشراحه كلش غير عن القديم يستاهلون أهل الاردن هالمطار الحلو

​

الإجراءات ماخذت منا عشر دقايق بس لان كان في زحمه ماشاءالله بس هم كانوا سريعين

وننزل ناخذ جناطنا

خذينا تاكسي المطار للفندق
وبالفندق نتلاقى من الغالية نانا

تاكسي المطار مسوينه للعسكرين المتقاعدين
وهذا وصل بالتسعيره

شارع طريج المطار ماشاءالله تغير حيل وطبعا للاحسن
من كان حارتين ومظلم صار ماشاءالله خمس حارات وشارع بروحه خدمي والجسور اليديده صج تطول ملحوظ بالنسبه لي تستاهل الاردن هذا التطور وان شاءالله المزيد من التطور والتقدم ..
بس سياقتهم الله يهداها لو تتعدل

من المطار لي فندق بوليفارد ارجان باي روتانا

بالخلف التسعيرات للمناطق الثانيه

وصلنا فندقنا بالسلامه في منطقه العبدلي ومنطقه البوليفارد يديده وحلووووه واايد السكن فيها ممتاز

وهذا اللوبي

الرسبشن اللي تحت ماقدرت أصوره عدل

واحنا تونا خالصين شيك ان وتوصل الحبيبه نانا
المسافرين انا وامي
ونقعد بكافيه الفندق مع نانا مع انها حاولت اتطلعنا بس فضلنا نقعد بالفندق عشان امي ترتاح
قعدنا وسواااااااالف في كل الامووووور السفر وعن الاردن والسياسه والبشر والسياحه في كل شي ومنتدانا العزيز
والسوالف والله ما نانا اتينن يضيع الوقت وموحاسينا في روحنا يا حلوج يا نانا وَيَا حلو اخلاقج الطيبه

وهذيل صور من كافيه الفندق
المنيو ماشاءالله مهفه على كبره

ومحنا عارفين شنو نبدي
وانصدمت نانا إنا احنا عايله مو من ربع المنبهات الشاي والقهوة

فخليناها عصاير وخفايف وشاي اخضر
وطبعا قبل كل هذا نانا الا توكلنا بصل وليمون ويزاها الله خير اهي تبي تفيدنا وهذا شي صحيح عن المناعه يقولك في كل ديرة تطبها اكل بصلها ف احنا ابينا

وهذيل خفايفنا
كرواسون جبن

تشيزكيك نانا

وعصير برتقال

الشاي الأخضر

وفي عصير ليمون بالنعاع مالحقت اصوره ونسيت اصور الفاتوره

وخذتنا السوالف مع نانا بعدها قلنا نخلي امي تريح بالغرفه واحنا نطلع نتمشى بالبوليفارد وبما انه الخميس ويك ف ماشاءالله في حركه ..

الحين صور غرفتنا

فندقنا اسمه بوليفارد ارجان باي روتانا في العبدلي
خمس نجوم
مكون من ابراج يطلون على ممشى البوليفارد والشارع الرئيسي
خذينا الغرفه مع ريوق خمس ايام ب اربع ليالي ميتين دينار كويتي

موقع الفندق ممتاز احنا عطونا غرفه بالبرج الرئيسي
خدمه ممتازه
التشيك ان اشوي بطيء
نظيف
أمن عالي

بالاتجاه الى الغرفه

هذا ممر بين مبنى ومبنى يطل على الشارعين شارع التمشي بوليفارد والرئيسي

ونقول بِسْم الله

وفيها مطبخ صغير متكامل

الچوله والمايكرويف

الحمام عزكم الله

طلعنا انا ونامت نتمشى بالبوليفارد وندخل مول العبدلي اليديد ويكون نهاية البوليفارد
ماشاءالله وايد حلو وايد كبير وبعد مو كل شي فاتح
وكل المحلات والماركات المعروفه بيفتحون فيه

اهني صور البوليفارد في كافيهات ومطاعم فاتحين ومحلات فوق وتحت على يمينكم ويساركم

اهني بالنص اي مناسبة يحطون لها زينه مثلا الحين اهما مخلين زينة العيد و وقت الكريسماس يحطون الشيره والخ

اهني مدرجات للأنشطة اللي تصير في الساحه

وهذا العبدلي مول جدامنا
وفي مطاعم وكافيهات برا فوق مكشوفين القعده وايد حلوه فيهم

من داخل المول وبعد المحلات ما افتحت

السينما طبعا متواجدة

محل ماتلان

المول شرح وايد لان كله زجاج ووسيع





​

 

[ياسميناا]

القعدات الخارجية فوق

نافورة على مواقف السيارات

وهذي نافورة دبي على قولة نانا

وردينا البوليفارد قعدنا اشوي نسولف انا ونانا

بعد السوالف اتفقنا على طلعتنا يوم اليمعه وين بتكون ويزاها الله خير نانا بتاخذنا للمكان تعبناج معانا

وتوكلت على الله نانا وانا رديت غرفتنا
وطلبت مزات خفيفه لامي

والحمدلله على النعم

نانا قولي عن شريحة الموبايل لان انتي يبتيها لي جاهزه مجهزه يزاج الله خير

ونخلص يومنا الاول على خير
ونشوف اليوم الثاني على وين رايحين في ارض النشامى ؟
​

 

[ياسميناا]

اليوم الثاني في عمان
يوم اليمعه

اتفقنا مع نانا تمرنا بعد الصلاه
وقبل ما تمرنا نزلنا ننطرها برا

طلعنا ولا هالحبيب واقف يمنا
يمشي مرتين في اليوم
الاولى من تسع لي احدعش
الثانية ماتطلع خير شر

هذا مبنى الفندق

متجهين

فيديو
وسط البلد من فوق من شارع القلعه

فيديو على وسط البلد من فووق والمدرج الروماني

والحين على وسط البلد

محلات الدراريع
الموديلات والالوان حلوين

مظاهره بعد صلاه اليمعه عند جامع الحسين

اقدم سينما في عمان

وترجع الذكريات في الاماكن اللي مريتها وتخنقني العبره وأتذكر ايام الدراسه وطلعتي مع الأصدقاء

واحد من الذكريات مطعم هاشم واحلى فلافل

وهالمره مع نانا الغالية

المطعم ماشاءالله زحمه على طول

الريوق الطيب من الناس الطيبه مع نانا

أكرمج الله يا نانا على هالريوق الطيب

​

 

[ياسميناا]

ونكمل وسط البلد

ونروح محلات السوفنير

وفرقة ام كلثوم رحبوا فينا

سوق الخضره والفاكهة

فيديو للسوق

الحواي ( العطاره )

وترجع الذكريات مره ثانيه عند حبيبه وسط البلد
اقدم حبيبه واولهم

الزحمه ماشاءالله

فيديوهات

اكرمج الله يا نانا اخجلتينا والله بكرمج

هذا مكانه

سوق الذهب

وترجع الذكريات
مع هالمنطقه العبدلي والشارع المهم في وقتنا كان من ازحم الشوارع لان في هالشارع تمشي كل الباصات اللي طالعين رحلات او مسافرين بر ومن رحلاتي كانت لسوريا الله يرجعها

الحين الشارع مافي اي شي وفااااضي لان كل الحدود اتسكرت ولا صار في رحلات بريه

وهذي اللوحه فيها
اسم منطقتين احبهم وايد وترجع الذكريات فيهم الصويفية وعبدون

عبدون في وقتي بس ستاربكس فيها وكان مقر يمعتنا للطلبه والحين ماشاءالله عامره بتاج مول والكافيهات ووجود السفاره السعودية

​

 

[ياسميناا]

يسعد صباحكم...وبعد وصول الوالده البيت كان لازم نكشف القناع عن طيبات الكويت ..


اتفضلوا ..اقربوا ...


تسلم الايادي ابرار....

​

 

[ياسميناا]

اليوم الثالث
السبت
تجهزنا ونزلنا تحت انا اتريق وننطر نانا تاخذنا لان بنوصل امي بيت رفيجتها وتقعد معاها

وهذا ريوق الفندق

الحمدلله
وصلت نانا ورحنا حق رفيجة امي بيتها في البيادر
المفروض ان امي تنزل عندهم وتتريق واحنا بس نسلم ونمشي انا ونانا واللي صار العكس قعدنا كلنا وتريقنا معاهم

يعني انا مرتين

نسيت اصور ريوقنا
صورة هذي تذكرتها

وانا قاعده ولا ترجع الذكريات مره ثانية لما سمعت احد يقول بصوت عالي بندووره خياااار ولا اطل من البلكونه واشوف سياره الخضرا وترجع فيني الذاكرة ورا لما كان ايي تحت بيتي وانزل له وأشتري منه

ايام ياليتها تعود

وهذي صوره السياره مالحقت عليه

واشوي وترجع الذكرى مره ثانية ولا هذا صوت راعي الغاز وانقز من مكاني الله ياني ولهانه على صوته

​

 

[ياسميناا]

وبعد الغاز ارجع اقعد معاهم سوالف وضحك وسياسه والخ
وترجع الذكرى واسمع صوووت راعي الاثاث المستعمل يشتري من اللي يبي يبيع هذا اليوم كان بالنسبه لي صعب من كثر ما رجعني لي ذكريات وايده وحلوه
وهذا فيديو الاثاث



وبعد السوالف والوناسه سلمنا على بعض وتوكلنا على الله مع نانا متجهين الى حدايق الملك حسين المدينه الطبيه
وهذي حارتهم

ودخلنا متحف السيارات الملكي

اهداء من دولة الكويت

من ابو الدستور المرحوم الشيخ عبدالله السالم الصباح رحمه الله

فيديو

فيديو

المرحوم الملك حسين رحمه الله
دققوا بالصوره وعطوني عشر شخصيات عالاقل

فيديو

انا دبكت الا نص

شوارع الاردن

الملك حسين رحمه الله
من محبين السياكل

يتبع المتحف

​

 

[ياسميناا]

يتبع المتحف

موتري

وهذا موتري بعد

الملك عبدالله الثاني راعي راليات

طلعنا برا وشفت الحدايق ومخي وقلبي يتحچون في ذيج الليالي اللي قضيناها في هالحديقة وترجع الذكرى

وبعدها دخلنا مسيد الملك حسين رحمه الله

من احلى المسايد في المملكة

فيديو

فيديو

وبعدها احلى عشا مع نانا في مطعم ورد

في شارع المدينه المنوره

المنيو

الطلبات

الاطباق الرئيسيّة

هلا بالزين

وهلا بالحب

والكباب الطيب

والضيافه

اللهم أدمها من نعمه واحفظها من الزوال
يتبع تمشي شارع المدينه


​

 

[ياسميناا]

صور من شارع المدينه
مع الذكريات

هذا فندق شكله يديد اسمه الف ليله موقعه وايد حلو في شارع المدينه

واشوف بوحباره وقلبي يرف والسبب الذكريات

شكلي ما راح ارجع الاردن والسبب هالذكريات

ياهلا والله

اهداء الفيديو





ورجعنا على البوليفارد

تجهيزاتهم لأسبوع الفرنسي

وندخل العبدلي مول وتحديد زارا هوم

وحلينا اهني

وينتهي يومنا الثالث
تابعوني لآخر يومين في الاردن

​

 

[ياسميناا]

اليوم الرابع
قعدت الصبح مبچر وامي نايمه ونانا متفقين معاها نطلع عقب صلاه الظهر قلت بما أني قاعده ابي أزور مكانيين طبعا عزيزيين على قلبي

نانا ماقلتلج عن اليوم الحين بتقرين في التقرير

اسمحيلي انتي وامي ماتدرون وين رحت لان حبيت أعيد الذكرى بروحي

نزلت تحت تريقت واطلع وأخذ تاكسي واقوله على طلوع نيفين وشارع الجامعه الأردنيه
ونروح واهو يتمشى فيني وانا الذكريات تشتغل في مخي كنّا اهني وتعشينا اهناك وشرينا من هالمحل كل شي بدا يرجع في الذاكرة وهذا الدكان اللي تحتي اشتري من أغراضي وهذا ماكدونالدز اللي اتغدى فيه واهني زلقت بالمطر واهني وقفت سيارتنا في الطلوع والخ من ذكريات وتنزل الدمعه يقولي راعي التاكسي منتي نازله قلت له لا انا يايه بس ارجع ذكرياتي الحلوه وقت دراستي استغرب وقالي احسن ما سويتي

صوره من شارع الجامعه الأردنيه

وعقبها قلت لها روح على شفا بدران مكان جامعتي
ويروح وانا اشوف الطريج وأتذكر رحلتي كلها ايام حلوه ياليتها تعود ونوصل شفا بدران ولا ماشاءالله شنو البيوت والعماير اقول للتاكسي وين شفا بدران يقولي هذي قلت له كانت جم عماره وجم بيت والباجي أراضي فاضيه والحين ماشاءالله تعمرت

ونروح على جامعتي اخييييه اخيييه

العماير حولها اللي قبل كنّا نخاف نطول فيها برا لانها فاضيه الحين الواحد مايخاف اذا ينطر تاكسي والسبب الحركه فيها واوقف عندها ويرجع الزمان وأتذكر وانا داشه الجامعه مع ربعي وين نقعد ونتيمع وفي كل بريك كنّا تسمع بشقة رفيجتي يم الجامعه كانت عماره بروحها الحين أضيع بين العماير
اتذكر وقت تخرجنا ووين صورنا والخ ذكرى حلوه بكل مافيها

وبعد شريط الذكريات قلت للتاكسي نرجع العبدلي ورجعت ولا امي قاعده وينج ماكو كنت تحت باللوبي وتمشيت برا

جذبه بيضا

صلينا وتوكلنا على الله مع نانا
الاتجاه الى وسط البلد استلم دراعتي والساعه ثلاث عندنا موعد والحبيب ما خلص الدراعه
وصلنا وسط البلد

البلكونه لو احد متين ما راح تتحمل اتوقع

ولا هذا السهل الأخضر كنت من محبين كنافته

ونمر على المدرج الروماني في وسط البلد

يقع في الجزء الشرقي من عمّان بالتحديد على سفح جبل الجوقه على احد التلال المقابله لقلعه عمان وتشير الكتابة اليونانية على احد الأعمدة ان هذا المدرج بني اكراما للامبراطور مادريانوس اللي زار عمان سنه ميه وثلاثين ميلادي

استعمل المدرج الروماني للعروض المسرحية والغنائية بسبب جوده نظام الصوت ويستعمل لغاية اليوم ويتسع ست آلاف متفرج يعد بذلك اكبر من المسرح الجنوبي في جرش ويعتبر اكبر مسرح في الاردن

فيديو



​

وردينا محلنا ننطر الدراعه اللي ماخلصت

ورحنا شربنا عصير رمان فريش ولما الحين دراعة الملكه ماخلصت

ونروح نصلي في الجامع الحسيني

اقدم مسايد عمّان وأسسه الامير عبدالله الاول بن الحسين وسمي بهذا الاسم نسبة الى الشريف حسين بن علي قائد الثوره العربيه الكبرى في الجزيرة العربية وبلاد الشام
ويعتبر الجامع اول مشروع عمراني أقيم في عمّان

وله رواق امامي ورواقان جانبيان وفي الوسط ساحه مساويه ومئذنتان ترتفع اليمنى سبعين متر واليسار خمسه وثلاثين

ورحنا الموعد المنتظر وتأخرنا بالضبط خمس دقايق ولا الموعد توكل على الله
المفروض اليوم نطلع بالباص السياحي ولكن تأخيرنا في محل الدراعات مشى عنا الباص للاسف
محل ومكان الانطلاقة من شركه جت في رغدان وسط البلد
سعر التذكرة للسواح سبع دنانينر عدل نانا ولا غلط ؟
وهذا مكتب الشركه

يتبع


​

 

[ياسميناا]

بعد ما طافنا الباص قالت نروح مكان حلو

ورحنا مكان مو بس حلو الا لذيذذذذذذ

ياهلا ومسهلا

هلا بالزين كله
فيديو



كنافتهم دماااااار

أطق حبيبه عشره صفر

لذيييييييذه بشكل

وبعد الكنافه الناريه رحنا شارع الرينبو
شارع المطاعم في عمان

رفرف بالعالي

وطبعا قاصدين هالحبيب

من مطاعم الفلافل القويه في عمّان

لذييييييييذذذذذذه

ونمر على فندق الرويال والسينما الوحيده اللي دشيتها في الاردن مالت هالفندق
ولي ذكريات فيه حلوووه

وبوليفارد العبدلي من بعيد

الاسامي بروحهم لهم ذكرى وحكاية

واشوف سيفوي شميساني

كنت اچيل منه للبيت

ونروح بيت الغاليه ستو ام رياض والده نانا
واحلى ضيافة عندهم حبايبي ماقصروا معانا يداهم الله خير
ستو ام رياض اتهبل وسوالفها احلى الله يخليها لكم نانا والله يعطيها الصحه والعافيه

كليجة لذيذذذه من أيد ستو ام رياض
وقهره طيبه من أيد نانا

وهدية مربى بيتوتي وزيتون من الغاليه ستو ام رياض


وبعد ماودعنا ستو رجعنا البوليفارد
ومرينا على قهاوي شميساني

ولا الاسبوع الفرنسي شغال عندنا
وهذيل بعض الصور

فيديو

والحبيبه لهم نصيب

وتعشينا بزعتر وزيت

الحمدلله على النعمه اللهم احفظها من الزوال
ينتهي يومنا الرابع
نطروني في اليوم الخامس والأخير

​

 

[ياسميناا]

اليوم الاخير والخامس
في ارض النشامى

لازم نقعد مبچر اليوم لان ورانا احتفال
ولد خالتي من الكلية العسكرية الملكية
والتخرج هذا اهو اللي خلاني اروح الاردن

ولازم التجمع يكون الساعه ثمان ونص في فندق روتانا عمان

تيمعنا والساعه تسع يحرك الباص متجهين على الكلية العسكرية الملكية في الزرقا
صور الاستعداد

وركبنا باصنا للانطلاق

وصلنا الكلية

رفرف ياعلم بلادي فوق السهل والوادي

فيديو تسخين ودبكنا خلف الكواليس

فيديو

وبدينا الحفل

فيديوهات

فيديو وصول الملك عبدالله الثاني

كلمة امر الكلية

الاول على الكويتيين

اداء القسم

فيديو خروج الضباط لاستلام الشهادات



الأهالي ينطرون عيالهم يرجعون يعد استلام الشهادات

فيديو

وبعدين رجعنا الفندق روتانا عمان حفل غداء
الخريجين

وبعدين ودعت نانا لان المغرب طيارتنا و
وهذي اخر صوره لليوم الاخير في الاردن الحبيبه

والى هنا ينتهي تقريري عن ارض النشامى
ورجعت احلى الذكريات فيها
والى لقاء قريب في ارض النشامى

شكر خاص لأختي وحبيبتي نانا على كرم استقبالها وضيافتنا مده الاقامه كامله

مايوفي الكلام في حقج يانانا


​