[ATTACH=full]611242[/ATTACH]
نكمل معكم التقرير
بس لاتزعلون علي بكمله بجزء مو كبير من ناحية الصور
لإني بعتبر هذا الجزء تكمله للمقدمة السابقة
لما فيه من معلومات وأحداث قد يستفيد منها البعض…
رحلتي بدأت يوم الإربعاء آخر دوام قبل إجازة الحج
1 -- 12 -- 1433 هـ
17 -- 10 -- 2012 م
من مطار القصيم تحديداً مشيت له قبل غروب الشمس
[ATTACH=full]611243[/ATTACH]
وصلنا المطار وعلى طول لتسليم الشنط
وقعد الموظف يقلب بالجواز ويشوف الفيزا ومتى تنتهي
وتقل الوضع ما جازله
يقول متى طلعتها قلت جديدة يمكن أقل من أسبوعين
وهي مدتها 3 شهور
ويشوف العائلة معي
قال وين رايح
قلت سياحة
قال سياااااحة
وش تبي بهالديرة
أو قال مالقيت الإ هالديرة
ههههههههههههههههه
هذا ثاني موقف إستغراب عن هذه الدولة
قلت شف يالغالي
هذي دولة كلااااام ثاني
وبإذن الله أرجع وأنزل تقرير عنها وتشوفه
وتحكم بنفسك…
سكت الرجال
وماااا قصر المفترض لي خمس شنط بس
أو أربع شنط وعربه هو شحن الخمس مع العربة
والوعد جوهانسبرغ الإستلام
وشوي يناديني عبدالله عبدالله
قلت سم
قال يبونك التفتيش اللي وراي
قلت الله يخاااااارجنا وش السالفه
وأروح لمهم قال أفتح الشنطة هذي لاهنت
طبعاً الشنط مقفلهن كلهن ( لإني ما أثق بأحد ) ههههههه
وفتحتها وكان معي الدافور الصغير بس من دون علبة غاز
قال هذي ممنوع
قلت وش دعوى مو إول مره أخذه معي كذا من دون غاز
قال معليش الآن تغير النظام حتى هذا ممنووووع
قلت سم طلعه الشكوى لله
وقفلت الشنطة ومشيت
وبعدها نسيت رقم من ارقام الشنط
ورجعت لموظفي السابق
قال تعاااال تعاااال سجلي إيميلك ووين بتنزل التقرير هههههههه
شكل الرجال تحسف والإ عنده حب استطلاع لهالدولة
المهم سجلت البيانات اللي يبي وعطيته وشكرته ومشيت
( أتمنى من الله تجيبه الأقدار ويشوف هالتقرير )
المهم دخلنا للصالة الداخليه
[ATTACH=full]611244[/ATTACH]
وهذي طيارتنا الأولى بهالرحلة من القصيم لجدة
[ATTACH=full]611245[/ATTACH]
وصلنا مطار جدة وطيارتنا الثانية توووووها
[ATTACH=full]611246[/ATTACH]
ياولد نمشي للهند مكتوب النداء الأخير هههههههههه
ورحت لبنك الراجحي الموجود بالمطار ياولد نبي راند جنوب افريقي قال مفيييييش
رح للبنك الأهلي قدامنا وأروح ونفس الحكايه
قالو فيه دولار تبي قلت لاااا… هههههههه
الوعد مطار جوهانسبرغ إذا كنا من الحيين
نصرف من البطاقة العادية
وهذي الطيارة الثانية من جدة لجوهانسبرغ من الداخل
وهذي لعبه للإطفال يتسلون فيها وزعوها ع الجميع...
[ATTACH=full]611247[/ATTACH]
والحين مع مناظر للسحب مع نافذة الطيارة
شكل الصور شويات بهالحلقة خل نكثثثثثثر من صور السحاب هههههههههههه
[ATTACH=full]611248[/ATTACH]
[ATTACH=full]611249[/ATTACH]
[ATTACH=full]611250[/ATTACH]
[ATTACH=full]611251[/ATTACH]
باااااانت جوهانسبرغ هي وخضارها
[ATTACH=full]611252[/ATTACH]
وصلنا بحمدلله لمطار جوهانسبرغ
وبعد الممر اللي من الطيارة للمطار
الإ هالسنافي بإنتظارنا
[ATTACH=full]611253[/ATTACH]
كما وعدني أخوي الغالي خبير الزولو
المهم مشى معنا للجوازات
وخلصنا ولله الحمد
وفيه شي بقوله ولاحظته تقريباً بكل مطار مريته عندهم
والصراحة شي مفرررررح جداً
اللي هو: يوم جاء تطبيق جواز المدام
الموظفة قامت من كرسيها وراحت ودخلت غرفه جنب الكونتر هي والمدام
بدقيقة فقط وهي جايه وختمت جوازها وتوكلنا على الله
وإذا الموظف رجل خلاص هو يقولك خل زوجتك
تاخذ جوازها وتروح لأي موظفة تختملها
( صراحة قمة التعامل وإحترام الحجاب الشرعي الكامل اللي للأسف بعض أخواتنا الله يهديهن تخلن عنه هناك !!!!!! )
اللي كنت أسمع ببعض الدول أنت تطلب موظفه عشان أطبق لزوجتك
وهذولا العكس هو يخدمونك ويعرفون وش تبي من دون تقول…
وهذي علامة الجودة بمطار جوهانسبرغ لااااازم تصور عنده هههههههه
[ATTACH=full]611254[/ATTACH]
المهم خلصنا وباقي لنا الحين رحلة داخلية وباقي معنا وقت زييييين
قلت للمرافق معنا نبي صرافة ياولد ما معي الإ فلوس سعودية ومو كثير بعد ههههههههه
وقايلي أخوي الغالي خبير الزولو دور صرافة بنك ( استاندرد بنك )
هذا فرع من فروعه بعدين أعلمكم وين مكانه
بس عشان أوضح شكله وشعاره
[ATTACH=full]611255[/ATTACH]
وهذي شكل صرافتهم
[ATTACH=full]611256[/ATTACH]
وهذي ورقة إثبات إنها سحبت 5000 راند ( اللي فيه ناس يقولون مجازفه سحبت هالمبلغ كله )
وأنا أقول توكل على الله… ومو لازم كلهن معك عط نصهم المدام ( بس لاتنسى تعدهن زين لايخلصن بسوق والا شي ههههههه )
والطريقة هذي لتفادي أي خطر لاسمح الله…
[ATTACH=full]611257[/ATTACH]
وهذي الرموز اللي ع البطاقات وتقبلهن صرافتهم
[ATTACH=full]611258[/ATTACH]
بعدها ارتححححت الصراحة لإن ما بقى من الترتيبات القوية الإ عملتهم
رحنا لكونتر خطوط كولولا لإن حجزنا عليها من جوهانسبرغ لجورج اللي هي بمنطقة القاردن رووت
وطبعاً معنا خمس شنط وتونا داخلين الدولة ( أكييييد وزنهن زااااايد ) وخاصة شنطة المووونه ههههههههه
وأنا ما أخذت شنطة عزبه استخدمت شنطة عادية للعزبة وأغراضها ( يمكن تمويه ويمكن لا ) هههههههههههه
قالو الثلاث شناط ذولي أوكي والشنطتين هذولي تدفع عليهم رسوم وزن زائد قلت أوكي
وأدفع 500 راند للشنطتين
طبعاً يعطونك ورقة صغيرة وتروح لنفس مكتبهم وكل خطوط عندهم مكتب خاص لدفع الرسوم
والدفع اللي تبي كاش والإ فيزا
وبعدها ترجع الورقة للموظف ويمشي الشنط الباقية
وندخل للصالة الداخلية بعد رحلتين وباقي الثالثة الله يعييييين
ونريح شوي وإندور بهالمطاعم والكوفيهات اللي بالصالة الداخلية عن الأشياء الحلال
وهذي لازم ينتبه لها الجميع في هذا البلد لازم تسأل قبل تشري عن الحلال
ولاتخاااااف عندهم ثقافة العلم بهالشي ويدرون إن فيه مسلمين وتحصل الإجابة غالباً
وبعض الأكل نباتي ويرمزون له باللون الأخضر وهو حلال
الحين نجي لشبكة الواي فاي
أذكر قريت بأحد المنتديات لأحد الأعضاء إن فيه شبكة دايم تحصلها وتقدر تشترك معهم عن طريق الفيزا
وبالفعل بحثت وحصلتها وبوريكم اسمها و اسعارها والدفع بالفيزا عادي
[ATTACH=full]611259[/ATTACH]
[ATTACH=full]611260[/ATTACH]
[ATTACH=full]611261[/ATTACH]
[ATTACH=full]611262[/ATTACH]
أنا الصراحة ما اشتركت ترددت شوي هل أحصلها بمكان ثاني والإ لا
على إن الشخص اللي ذكرها كتب إنه حصلها بأكثر من مكان
وأنا بعدين الصراحة بالأماكن اللي بحثت فيهن عن هالشبكة ما حصلتها
يمكن فندق عن فندق ومنطقة عن منطقة...
ووقتها داااايخ شوي بعد من أمس وحنا في سفر وللحين ما قضينا هههههههه
وهذي صورتين من الصالة الداخليه
[ATTACH=full]611263[/ATTACH]
[ATTACH=full]611264[/ATTACH]
وهذي طيارتنا في إنتظارنا…
[ATTACH=full]611265[/ATTACH]
ونادو ع الرحلة وبعدين مدري وش صار وإنتظرنا
وجت موظفه تمشي ع المسافرين تقول اللي يبي يسلم شنطته لنا ويستلمها هناك عادي
حنا معنا العربه هي اللي تضيق وقالت اخذها قلنا اييييه وتحط فيها ورقه وتعطينا النسخة الثانية
قالت الوعد مطار جورج قلنا حلوووووو
وتيسرت الإمور وركبنا الطيارة
ما أبي آحد يقول صورت داخل الطيارة أقوله الوعد بالطلعه اتضارب معك ههههههههه
لإني كنت دااااايخ جداً
ونمت وهي تمشي مع المدرج ههههههههه
طبعاً الطيارة فل والغالبية العظمى سياح والله أعلم يقالي أعرفهم هههههههه
الرحلة مدتها تقريباً ساعتين ونمت نووومه زينه ولله الحمد
وصحيت وأخذت كم صورة من النافذة
[ATTACH=full]611266[/ATTACH]
[ATTACH=full]611267[/ATTACH]
[ATTACH=full]611268[/ATTACH]
[ATTACH=full]611269[/ATTACH]
ياحلاااااااتك يالقاردن رووت
وصلنا للمطار يشبه مطار القصيم تروح رجلي من الطيارة للصالة الداخليه بس الجو تقل حول بعض هههههههه
[ATTACH=full]611270[/ATTACH]
ويوم دخلنا الإجراءات سهله وميسره
واخذت الشنط وعلى طول بحثت عن مكان للصلاة عشان أجمع جمع تأخير الظهر والعصر
وللأسف مفييييش
واحصل أحد الجنوب إفريقيين السمر وأسأله قال شف هالإستقبال
والإ فيه هاكالعجوز اللي وجهها ما يبشر بخير هي وشوشتها ههههههه قلت هذي الظاهر لو قلتها بتعصب والإ شي علينا يهالمسلمين الضعوف
المهم طنشتها والإ هالأسمر يمرها وقالها وبعدها شفنا صاله صاده شوي قال تصلح قلت تصلح عادي معي سجادة
وشوي وتناديه العجوز ويروح لمها ويجي بسرعه ومعه مفاتيح قال تعال وراي
ويدف بعد عربه الشنط الثانية لإن معي عربتين للشنط
ويودينا لغرفه خاصة للإسعاف وغرفه حلووووه ونظيفة وقدامها دورة مياة تكرمون للرجال وللنساء
قال تصلح قلت نعم تصلح ونص…
ويجي يروح ويخلينا قال بس إذا خلصتو قفلوها وجيبو المفتاح
ونتوضئ ونصلي ولله الحمد بهالمكان النظيف
ويوم طلعنا منها الإ هو هناااااك واقف بعيد ويجي بسرعه
ويدف العربه الثانية بعد
قال وين تبي قلت مكان إيجار السيارات قال مشيناااا
ويمشي قدامي طبعاً المطار الآن شبه فااااااضي العالم اللي تو مشت بسرعه
وما فيه الإ هاللعبه بعد ههههههه
[ATTACH=full]611271[/ATTACH]
وهو مطار مو كبير وأتوقع ما عليه زحمة رحلات…
طلعنا من المبني حق المطار للمبنى حق إيجار السيارات الإ المممممطر يالله
وصورت هالصورة الظاهر وأنا أركض وبيد وحده ههههههههه
[ATTACH=full]611272[/ATTACH]
وهذي لا والله وقفت وركزت عشان لوحة المطار
[ATTACH=full]611273[/ATTACH]
دخلنا مبنى إيجار السيارات وعلى طول شركة first
والأسمر اللي معي وقف العربة وبلمحة البصر أختفى
ودي لو شكرته شفوي ومالي ( بس أقول مااا قصر وإذا هو مو مسلم الله يرده للإسلام رداً جميلا )
حجزي قدامي ومؤكد فقط عطيته رخصتي السعودية ( وعلى فكرة تقبل عاااااادي وما يحتاج للرخصة الدولية )
وبطاقة الفيزا وتكون بارزة الأحرف والأرقام وأخذ منها التأمين 2600 راند
وطلع معنا للمواقف وكان مطررررر
وكانت بعيد وراح وجابها قدام الباب وساعدني بشيل الشناط وترتيبهم
والسيارة مثل ما ذكرت قبل ( نيسان - تيدا )
ونصييييييحة اللي بيروح هناك يستاجر مثلها خفيفة وإقتصادية والإحلى والأميز فيها
إن شنطتها كبيرة أخذت 4 شنط من أصل 5
طبعااااااً الدركسون يمين عندهم ( الله لااااايحسربنا )
وشايل هم السواقة وهالدركسون اليمين من رمضان وحنا الحين بشهر ذي الحجة لاااااا ومطر بعد ههههههههههه
المهم توكلنا على الله ومشينا بعد ما ركبنا القارمن وحطيت إحداثية الفندق
وجميع السكن مخزنه بالقارمن وأنا بالسعودية عشان أسهل وأسرع للتوجه
وزينة المطار حنا آخر ناس يعني ما عندك احد يزحمك بالمواقف واللي حولها
وبعد كم كيلو تقل راحت الرهبه شوي واطلع الجوال واصور
الصورة مهتززززه طبعاً أسوق ومطر ودركسون يمين
وأنا ودي أصور لوحة ويلدرنس اللي هي بها فندقنا والمتبقي 20 كم
[ATTACH=full]611274[/ATTACH]
وهذي صورة الغااااالي ع القلب ( القارمن )
[ATTACH=full]611275[/ATTACH]
ويوم قربت للسكن وأمر محطة بانزين لإن فيها سوبر ماركت وأخذ بعض الأغراض الضرورية
وأتوجه لفندقنا اللي يقع على شاطئ ويلدرنس
[ATTACH=full]611276[/ATTACH]
وإجراءات الدخول سهللله جداً لإني عطيتهم فوتشر السكن
واعطوني ورقتين أوقع عليهم والمفاتيح
لإني مستاجر غرفتين وبينهم باب
[ATTACH=full]611277[/ATTACH]
[ATTACH=full]611278[/ATTACH]
[ATTACH=full]611279[/ATTACH]
وإلى هنا ناصل لسكننا بالسلامة بعد 3 رحلات
من غروب شمس الإربعاء إلى غروب الخميس
وأسمحولي بناااااام و الوعد إذا قمنا لنكتشف جمال جنوب إفريقيا
وتحديداً منطقة القارن رووت…
دمتم بحفظ الله
