بوابة السفر إلي استراليا
متاهة Infinity
متاهة الانفنيتي من اجمل الالعاب الي لعبتها
وهي عبارة عن مجموعة غرف مظلمة وتحاول تطلع من غرفة للثانية
وطبعاً الباب او المخرج مو باين
هذا المدخل
ويلبسونك قبل ماتدخل قفازات وشراب (يولع في الظلام)
وجوى ما راح تشوف الناس بس يدينهم واقدامهم
واذا دخلت بتنبهر بالمكان
وهذي بعض الصور
واللعبة من رأيي الشخصي ماتناسب الاطفال اقل من 8 سنوات لان الظلام يخوف وحركة الناس بعد تفجعك
أنا غرفة من الغرف راحوا الناس وخلوني وماعرفت اطلع حسيت اني في فلم مرعب وإني راح اموت ومحد داري عني
واخر غرفة عشان ينفتح لك الباب وتطلع برى الغرفة لازم توقف قدام الكاميرا يصورونك
وأنا وقتها كانت النفسية كذا
وحاولت اطلع بدون ما اصور لكن هيهات غصب صورت
بس لمى طلعت ضحكت ضحك هستيري
كان ودي الصور من تصويري لكن كلها صور شخصية
لا تفوتون اللعبة مرررره ممتعه
العنوان:
في منطقة السيرفرس برادايس عند ابراج الشيفرون السكنية
Ground Level, Shop 31 Chevron Renaissance Centre,
Cnr Surfers Paradise Blvd & Elkhorn Ave, Surfers Paradise QLD 4217،
أستراليا
الهاتف:
+61 7 5538 2988
ساعات العمل:
مفتوح يومياً · ١٠:٠٠ ص – ١٠:٠٠ م
الاسعار :
الدولار الاسترالي = 3 ريال تقريباً
وهذا الموقع الالكتروني للمتاهة
Infinity
* نصيحة افضل مكان للسكن في قولد كوست :
السيرفرس برادايس (Surfers Paradise)
ومعناها جنة راكبي الامواج
وفعلاً الشاطئ من اجمل وانظف الشواطئ الي شفتها
وكل يوم تشوف متدربين وراكبي امواج بالرغم انه شتاء والجو باااااارد
والشارع الحيوي في هالمنطقة وكله مطاعم وكافيهات اسمه (شارع كافيل) ( Cavill avenue)
وبالليل فيه عروض بنفس الشارع والمطاعم الي فيه ماتسكر إلا بوقت متأخر مع ان الاماكن العامة تسكر الساعة 5
وقدام هالشارع وعلى البحر فيه بازار للحرف اليدوية يومين في الاسبوع بس مو فاكرة اي يوم لكن كل بضاعتهم روووعه
وعلى الشاطئ منحوتات من الرمل
ونشوفكم في تقارير ثانية