رحلة الى البرازيل

[لوجىى]

Booking.com

نكمل

الهواء هنا قوي ورذاذ الماء كانه مطر قوي وكثير

مصب الشلالات قوية جدا وصوت الماء مزعج ماتسمع اللي جنبك لو يتكلم

ومن هنا نصل الى النهاية ومع هذا الممر نصعد لفوق مع اللفت(الاصنصير)

بعدما نصعد نمشي مع هالشارع مسافه بسيطه ويوجد مطعم ومقهى كذلك الباصات اللي تنقل السواح الى الاماكن السياحيه دخل المنتزه او الخروج منه

هذا المطعم والمقهى ومكان وقوف الباصات

واخيرا خرجت وهذا المكان اللي نزلنا فيه اول مره ومواعدنا ع الساعة 1 الظهر نرجع في المكان
اخذنا في الجوله 4 ساعات تقريبا بس لمشاهدت الشلالات وكان عندي رحلة سفاري والدخول بالقارب لعمق الشلال
خفت انزل في مكان السفاري والوقت انتهى عشان موعد الباص ولمن رجعت كلمت السائق حق الباص وقلت انا قاص التذكره للسفاري ومادخلت لها
قال خلاص انتهى الوقت بكره الصباح ارجع قلت بكره مسافر
قال انا غير مسؤل عنك ويمكنك الدخول بس ما راح ننتظرك او دبر نفسك في العوده الى الفندق >>> طبعا كل هالسوالف بالاشاره
قلت طيب كيف ارجع التذكره سعرها 260 ريال برازيلي تقريبا حرام يروح علي هالمبلغ وماقصر وداني للشباك حق التذاكر وكلم الموظفه ولمن شافت التذكره قالت تقدر ترجعها من نفس المكان اللي شريتها منه
ولمن رجعت الفندق قلت للموظف حق المكتب السالفه ورجع الفلوس

صور من الطريق حتى رجعنا الفندق

اخر صوره

الى اللقاء في الجزء الاخير



​

 

[لوجىى]

بسم الله الرحمن الرحيم
اسعد الله اوقاتكم بالخير والمسرات شهركم مبارك وتقبل الله منا ومنكم صالح الاعمال
الجزء الاخير من هذا التقرير
كان يوم الثالث في مدينة فوزديغواسوا كنت مخطط أزور سد إيتايبو يقع على الحدود بين البرازيل و البارغواي، (في منطقة فوز دي إيغواسو البرازيلية، و سيوداد ديل إيستي البارغوانية) على نهر البارانا. كلمة إيتايبو تعني صوت حجارة. هو أكبر سد في العالم من حيث الطول حث يبلغ طوله 7.700 م، و أما الارتفاع فهو 196 م. تم البدء في المشروع في فبراير من سنة 1971 م، و كانت تكلف المشروع 19.6 $ مليار دولار أمريكي. يبلغ عدد المحركات عشرين محركاً تدار بالماء لإنتاج الطاقة و تنتج ما مقداره 94.68 مليار كيلو واط
السد قرأت عنه قبل زيارتي لهذه المدينة وكنت حاطه من ضمن البرنامج بس الله ما كتب اني اشوفه
رحلتي كانت الساعة 1 ونص بعد الظهر وانا صحيت متأخر فكنسلت زيارته لان الوقت راح علي
صحيت متأخر يمكن عند الساعة 9 صباحا وافطرت في الفندق ورجعت ارتب اغراضي واراجع اوراقي وحجوزاتي قبل المغادرة الى ساوباولو
لي ما يقارب 3 اسابيع من غادرت الرياض والشوق والحنين لأهلي واولادي قد بلغ مني ما بلغ صار لهم وحشه وانا بعد عودتي للمغرب عندي رحله اخرى الى اوروبا عن طريق المغرب والتعب والارهاق وصل حده ففكرت اكنسل باقي ايامي في اوروبا
واغير حجوزاتي والعودة للرياض وبعد التفكير العميق قررت اكنسل باقي ايام الرحلة واكتفي بقضاء يومين في ساوباولو ويومين اخرى في المغرب (الدار البيضاء ) او كازا بلانكا
مدير الخطوط المغربية والمسؤول عن الحجوزات عندي تلفوناتهم وقبل السفر قلت لهم لو ابي اعدل ع الحجز بتصل عليكم قالي مدير الخطوط المغربية ما يحتاج تتصل اي شيء تبي تعدله او تلغيه راسل هشام ع الواتساب
وفعلا أول ما وصلت ساوباولو راسلت هشام وطلبت منه الغاء رحلتي على جنيف وتقديم حجزي من كازا ع الرياض بحيث اني اريح يومين لمن ارجع ع المغرب وبعدها ارجع للرياض
وبعد ما راسلته بيوم رد علي وقال حجزك تم الغاءه وتقديم رحلتك ع الرياض بدون اي رسوم او زياده في السعر وتذاكر اوروبا تقدر تستخدمها في رحلة اخرى بس ما تسترجع قيمتها قلت عادي اصلا انا مأخذ التذاكر مخفضة والمبلغ كان طفسه ما يهمني ..طلبت منه وقت الرحلة وتاريخها للعودة للرياض بعدها شكرته وانهيت المحادثة

وعند الساعة 11 صباحا توجهت الى مطار مدينة فوزديغواسو وصلت المطار وسحبت البوردنق وانتظرت الى وقت الرحلة والحمد لله لم يكن فيه تاخير
اقلعت الرحلة ع الوقت المحدد واخذنا يمكن ساعة وربع تقريبا حتى وصلنا ساوباولو

لمن وخرجت من المطار اخذت تاكسي الى الفندق

موقع الفندق كان رائع وقريب من شارع باوليستا

سكنت فية 3 ليالي ونسيت السعر بس اتوقع 2000الى 2400 ريال تقريبا يزيد او ينقص السعر قليلاً الاسعار كانت غالية على وقت كاس العالم
المفروض اني اسكن ليلتين بس عشان رحلتي ثالث يوم وكانت الساعة 6 المغرب اخذت 3 ليالي

اسم الفندق والرابط فئة 4 نجوم ويستحق 5 نجوم

Royal Jardins Boutique Hotel



اول ماوصلت الفندق سويت اتشك ان وريحت شوي وبعدها طلعت ادور غدا جوعان



الشارع اللي قدام الفندق اعجبني منظر السيارة المصدومه وصورت

مدخل الفندق

من هنا توجهت الى شارع باوليستا الشارع الشهير في ساوباولو بالاسواق والمقاهي والمطاعم

هذا شارع باوليستا

شارع فرعي من باوليستا

وجدت بعض البسطات زي السوق المفتوح ع نفس شارع باوليستا لبيع المنتوجات والمشغولات اليدوية والاكسسوارات والاحجار الكريمه وبعض الملابس اسعارهم كانت حلوه

مدري وش هالتمثال

.

ركزو معي ايش يجيب الفرشة والمعجون هنا هههههههههههه

حديقة صغيرة ع شارع باوليستا

اليوم كان عنهم مناسبه ونص الشارع مقفل مدري هوا سباق او فقط قيادة الدرجات الهوائية واي احد يقدر يشارك وياخذ دراجه من عندهم بس يعطيهم اثباته او الجواز ويسجل بياناته ويعطونه رقم واذا خلصت ترجع الدراجة

هذي كنيسة في اخر الشارع اذكر قبلها مريت ع الماك اتغدى ماشف مطعم اعجبني وحتى الماك ما اعجبني بس سكت فيه الجوع واكلت البطاطس

لا تخلو شوارعهم من الرسومات والكتابة ع الجدران

هنا كان اخر مكان في شارع باوليستا وبعدها ديورت ورجعت

هنا مكان استلام الدراجات وتسجيل معلوماتك بس والله مافهمت وش عندهم او ايش المناسبه

كنت اشوف الناس تصور تحت ومتجمعين واقول وش عندهم ولمن وصلت طلع يصورون فلم

وهذا اللي بالاخير لابس موف هو بطل الفلم وشايف نفيساته مايصور مع احد مع اني اول مره اشوف هالممثل

هنا سوق ثاني زي الاول بس فيه اشياء مختلفه

هنا كنت اشوف كثير من الناس يلعبون لعبه قعدت اتابعهم بس عجزت افهمها والمشكلة صغار وشباب وشيبان يلعبون في نفس الموقع مدري وش مجمعهم

مدري وش يسجلون وكيف هاللعبه كنت اشوف صور لاعبين تقريبا ع الورق اللي بياديهم

شوفو كل هالناس يلعبون نفس اللعبه

شكلها ادمان وممتعه

يتبع ===>>




​

 

[لوجىى]

بعض الوحات اعجبتني وصورتها

​

اللوحات للبيع

اكملت الجوله في السوق وواصلت طريقي

مدري وشلون جت الصوره ابيض واسود

دخلت هالسوق تجولت فيه لحد ماتعبت وشفت ستاربكس قلت خليني اكل شي الجوع لسى فيني

هذا طلبي تسكيت للجوع

وشفت استعراضات لـ هالبنات جيت عندهم قالو صوررنا اخذت لهم كم صوره ومشيت وكل الناس اللي يجي عندهم يطلبون يصورونهم بس مدري وش عندهم وايش سالفتهم

وبعد الجوله في شارع باوليستا رجعت للفندق

ريحت الى العشاء تقريباً ونزلت رسبشن الفندق ومع مترجم عمو قوقل طلبت منهم اذا يعرفون مطعم عربي يوصفون لي مكانه اذا قريب
قالو المطعم بعيد شوي حق ربع ساعه بالسيارة قلت عادي باخذ تاكسي بس ابليز اعطوه عنوان المطعم وفعلا طلعو العنوان عن طريق النت
وطلع معي موظف الرسبيشن للشارع وكان فيه تاكسي واقف عند الفندق وقعد يوصفه بالمطعم وقال لي اوكي اركب وهو بيوصلك للمطعم
شكرته واعطيته المقسوم وتوكلت ع الله

هذا هو المطعم اسمه المناره

لمن دخلت توقعت فيه احد يتكلم عربي بس للاسف مافيه احد واخذت المنيو وما اعرف وش اللي فيه بس قريت كلمة رايس في المنيو واشرت لها عليه وبعد شفت اسم تبولة وطلبت مع الكولا

لمن جابت لي الطبق قالت تبي فلافل يالله فهمت عليها وقلت ايه هات ايش شي من الماكولات العربية

هذا هو الرز بس علية طعم يمن الله لا اطباق هداوه ولا غيرها يمكن تاكل اصابعك والصحن من لذته وااااااااو والتبولة شي ثاني ماحصلش واليوم الثاني رجعت هالمطعم عشان التبولة

هذا صحن الفلافل لمن جابته

وهذي الخاتمة اكلت كل شي من الجوع بس الحمد لله شبعت وريحت في المطعم يمكن نص ساعه بعد العشاء

بعدما تعشيت رجعت لشارع باوليستا تمشيت شوي وبعدها ع الفندق ونومه وبكذا انتهي يومي الاول في ساوباولو

واليوم الثاني صحيت متاخر شوي لحقت على فطور الفندق وكنت مكسل رجعت للغرفه ريحت للعصر وطلعت لسنتر المدينة نتمشى ونتعشى مره وحده

وصلت لسنتر المدينة وداني التاكسي على سوق شعبي بس للاسف كل شي في السوق واكثر المحلات تبيع شعارات واعلام البرازيل عشان البطوله خلاص كلها كم يوم وتبدأ

ومن هنا ركبت تاكسي وطلبت يوديني ع المناره

لمن ركبت التاكسي طلبت منه يوديني على مطعم المناره والبارح اخذت كرت من المطعم مدون عليه العنوان والموقع بالكروكي
وهذا كان عشاي المطعم عجبني والتبولة خلتني اكرر الزيارة

حياكم

واخيرا ساوباولو ما اعجبتني ولا اقدر اقيمها من يومين زياره ولكن مايوحي ان المدينة ليست سياحية
والريو وفوزديغواسو من اجمل المدن اللي زرتها في حياتي وخاصه الريو لها طبيعه مميزه ومتنوعه واما الشعب البرازيلي فهو شعب ودود وبشوش وخدوم بس المشكله اللغه ولكن مع لغة الاشارة كل شي يمشي ولا غنى عن المترجم

وختاما هذا كرت دخول البرازيل مترجم ينقسم الى جزئين جزء تسلمة عند الدخول والجزء الاخر وانت مغادر البرازيل
وضروري تحتفظ في هالكرت حتى موعد مغادرتك وتسلمة لموظف الجوازات وبدون هذا الكرت لن يستلم جوازك الموظف ولا اعرف ماهي الاجراءات في حالة فقدانة

الكرت الجهه اليمنى حق المغادره واليسرى للدخول

دعواتكم لنا واتمنى احد يستفيد من التقرير ولو بشي بسيط ...نشوفكم في تقرير اخر بإذن الله

الى اللقاء

​

 

[alzagel3000]

السلام عليكم
نكمل الجزء السابق
بعد التفكير والهلوسه والمجازر اللي دارت في راسي

رجعت الى حقايبي وسحبت العربه وخليتها في الواجهه قلت اذا كان هدفهم السرقه هذي الحقائب امامهم
وانا استخبيت وراء عمود كان في مدخل الصاله وقلت الله لايرد الشنطه واللي فيها كلوا معوض بس ياروح مابعدك روح

انتظرت قليلاً وجلست اناظر من تحت العمود اطلع راسي وارجعه بسرعه اشوف نزلوا من السياره او لا ههههههههههه صرت احاكي نفسي ياولد كيف بموت

هل بسكين

يعني بيطعنوني لحد ماقول بس وبعدها اموت مضجر بدمائي او برصاصه في راسي

وهذا موت سريع يكون احسن لي عشان ما اتعب او سينزلون بسواطير

وتقطيع فيني اووووه يالطيف ياعذابي كيف انا بقوى عذاب .

... المهم مافيه موته ماتخيلتها
شوي انفتح باب السياره ونزل الراكب مسرع في اتجاهي انا كنت جالس وراء العمود ووقفت استعداد للموت بشرف او للمبارزه هذا اذا كان يمديني اسوي شيء

الرجال دخل الى باب الصاله وكان يناظر داخل الصاله من وراء القزاز ولم يشاهد احد طبعاً انا صرت مكشوف له فخرجت من وراء العمود نافخ صدري ويديني منزلها وشادها على تحت

زي ذا

الرجال صار يناظرني باستغراب وكان يتكلم بس مدري وش يقول وانا اقول له دو يو اسبيك انقلش وهو يتكلم وياشر داخل الصاله

انا لم افهمه وهو كذلك ثم رجع للسياره مسرعاً ركب واقفل الباب
وانا اقول في نفسي شكلي بطل شكله لمن شافني خاف<< اتاريني هيبه وانا مدري

انتظرت قليلاً واشاهد السياره راجعه ريوس حتى توقفت امام المدخل ونزل الراكب والسواق
قلت ايه الحين الله الله ع القد والقد الله الله عليه قمت انفخ صدري واشد يديني لتحت بس مافيه فايده

يناظرون فيني ويبتسمون

قلت ايه راحت الهيبه اللي قبل شوي وحينها تذكرت شيلة ياعاصب الراس وينك

المهم فتحوا شنطه السيارة ونزلوا منها حقيبه وسلموا على بعض وصاحب السياره ركب سيارته ومشى وخويه جاء عندي

اتاريه مسافر وانا افكاري ودتني بعيد بعدها جلست انا وهذا الرجل نحاول نسولف بالاشارات حتى مر من داخل الصاله عامل صيانه
دقينا عليه القزاز نبيه يفتح لنا الباب ذبحنا البرد وكان ياشر لنا روحو من الباب الثاني وفعلا مشينا للباب الثاني وكان مقفل واستمرينا في المشي حتى وصلنا الباب الثالث
وكان فيه عمال صيانه دقينا عليهم القزاز وكانوا ياشرون كذلك ان نتوجهه للباب الاخر المهم مشينا لاخر الصاله
وشفنا صاله مفتوحه فيها مكاتب وبوفيات وكذلك بوليس ومسافرين وكانت مستقله عن صالات المطار فدخلنا لها وريحنا الى أن فتحت صالات المسافرين الساعه 7 صباحاً
انا توجهت على كونترات طيران تام وسحبت البوردنق وعلى صاله المغادره في الدور الاعلى

من داخل الصاله

ملاحظه بسيطه لاتعتمد على رقم البوابه اللي في البوردنق فما لاحظته في مطارات البرازيل ان البوابه تتغير في لحظه
فعندما دخلت الصاله توجهت للبوابه رقم 4 وفعلا كان عليها رقم رحلتنا على ريودي جانيرو
فتجولت قليلا بالصاله وشفت البوابه فتحت وتوجهت لها وتفاجأت ان الموظفه تقول لي اذهب الى البوابه رقم 5 واناظر للوحه اللي كان عليها رقم الرحله فوجدته تغير
هذي طيارتنا

بعد اقلاعنا من ساوباولو

وصلنا ريو وكانت الاجواء ملبده بالسحب وممطره

هبطنا بسلام ولله الحمد

المطار كان عادي جدا مع انه دولي >>يازين مطاراتنا
استلمت حقيبتي من سير العفش واخذت تاكسي الى الفندق نسيت مدري كم كان السعر

الجومطر ياسلام لم اصدق اني في الريو حلم وبفضل الله تحقق

اول فافيلا شفتها على الطريق

الدنيا زحمه

اجواء كانت رائعه ما اجملها

وصلت الفندق ولله الحمد

الى اللقاء في الجزء القادم









​

الصور لاتظهر