مدينة اورلندو

[nanaa]

بوابة السفر الى الولايات المتحدة الأمريكية U.S.A


بسم الله الرحمن الرحيم
السلام عليكم و رحمة و بركاته ..

مبروك على المنتدى الجديد مع أنه قلبي تقطع على المنتدى و المحتوى القديم ..

أتشرف أن يكون تقريري إن شاء الله الأول في هذا المنتدى و حيث أني رجعت من أمريكا قبل اسبوعين و الحمد الله كانت رحلة جميلة لأمريكا ..

الرحلة بإختصار كانت من يوم 5 نوفمبر إلى يوم 26 نوفمبر على النحو التالي:

من 5 - 8 نوفمبر نويورك
من 8 - 10 نوفمبر واشنطن
من 10 - 25 نوفمبر اورلندو فلوريدا ...

السفر من صنعاء إلى جدة باليمنية و بعدين بالسعودية إلى نويورك ..

أستأجرت سيارة من نويورك و تم تسليمها في مطار واشنطن قبل المغادرة إلى اورلندو
السفر من واشنطن إلى اورلندو عن طريق شركة طيران جت بلو ..
العودة إلى نويورك من اورلندو عن طريق شركة جت بلو و العودة إلى جدة بالخطوط السعودية

العفو بس هذا أول تقرير أكتبه و هذا واجب بسيط لكمية المعلومات اللي قدمها لنا هذا المنتدى و الأن و قد تم إغلاق المنتدى القديم وجب علينا المشاركة و رد الجميل للناس اللي نفعونا و نحن نرتب الرحلة .. فالمعذرة عن أي تقصير لانها أول مرة أكتب تقرير عن رحلة .. لكن كان عندي بعض المشاركات في قسم ماليزيا أيام الدراسة ..

تابعونا و إن شاء الله نكتب تقرير جيد و يكون أول تقرير في المنتدى الجديد إن شاء الله ..

و السلام عليكم و رحمة الله و بركاته .. ​

 

[nanaa]

بسم الله الرحمن الرحيم
والسلام عليكم ورحمة الله وبركاته
عفواً على التأخير بس مع الشغل و الأعمال بس إن شاء الله نكمل التقرير إن شاء الله .. و الله مدري كيف أحل مشكلة الصور بس إن شاء الله تكون باينة يا رب ..

نبدأ بالفيزة .. بدينا نحضر للفيزا من شهر 3 تقريباً بتعبئة الإستمارات في الموقع و أخذ الموعد من السفارة و حاب أفصل شوية في الموضوع هذا لانه ما لاقيت أحد كان يتكلم عن طريقة أخذ الفيزة من السفارة في صنعاء ..

أولاً طبيعي جداً تقدم على الموقع و تحط كل المعلومات و بعد ما تخلص يعطيك رقم الملف تقريبا أو شي زي كده .. و بعدين تدخل موقع السفارة الأمريكية في صنعاء و تحجز موعد بالرقم اللي أعطوك هو بعد ما خلصت الأستمارة ... (قبل ما تدفع أي فلوس أو رسوم) والحجز حق الموعد كان بقريباً بعد أسبوعين و كل الأوقات 7 الصباح .. و بعدين لازم تسوي موعد لكل فرد في العائلة حتى إبني اللي عمره سنتين لازم أسوي له موعد لوحده

رحنا على السفارة 6:45 دقيقة و بعدين الحراس برا على الشارع عند الحواجز اللي بعيد من البوابة الرئيسية عندهم قائمتين .. قائمة بالي عندهم مقابلة فيزة هجرة و الثانية باللي عندهم فيزة زيارة .. طبعاً لازم تحط كل التلفونات و البطائق اللي فيها شرائح زي الفيزا أو بطاقة البنك و ممنوع تدخل بها ..

بدأوا يدخلوا الناس اللي عندهم مقابة فيزة هجرة وبعد ربع ساعة تقريبا بدأوا باللي عندهم فيزة زيارة .. طبعاً تفتيش صغير عن الحواجز و تدخل إلى قبل البوابة الرئيسية و في عندك مظلة و جلسات عن الباب الرئيسي برضوا يتأكدوا الحراس من أسمك و الجوازات .. و يعطوك بطاقة زائر .. و تدخل الباب الرئيسي و عنده التفتيش الرئيسي ... و بعدها تدخل حوش السفارة و تروح القسم القنصلي .. و تدخل و تشوف شبابيك كثيييير .. و الشباك حق فيز الزيارة أخر شباك أعتقد رقم 9 ..

جلسنا شوية و بعدين فتح الستارة اللي على الشباك و تروح عنده و تعطيه الورق اللي طبعتها من الموقع و الجوازات ... يتأكد من البيانات و الأسماء و يعطيك فاتورة ب 160 دولار على الجواز يقول لك تروح تحاسب عند الصندوق .. تروح تحاسب و تعطيك اللي في الصندوق الوصل وترجع عن شباك 9 ثاني مرة و يقول لك خلاص تروح تجلس بنصيح لك بإسمك لما يجي القنصل (الأمريكان اللي في السفارة اللي يسوا المقابلة يسموهم القنصل) ..

تروح تجلس و تشوف كل المقابلات حق المهاجرين .. اللي عندهم فيز زيارة قليل جداً و المشكلة جلسنا من الساعة تقريباً 8 إلى 11 مستنين

و أجا الشخص اللي يسوي مقابلات الزيارة و تقرياً الساعة 11 وربع سمعت أسمي .. .. المقابلة عادية و أهم شي يعرف إنك عندك شغل في اليمن و راجع لليمن بعد الزيارة .. أنا أخذت معي كشف حساب و رسالة من الشركة و الجوازات القديمة بس ما شاف أي شي .. جلس يتكلم معي شوية و بعدين مع الزوجة شوية و ابني يوسف الله يحفظه جالس يجري يروح و يرجع لعد الشباك اللي نحن عنده .. و بعدين قال لي خلاص تمام .. بنتصل لك لما تكون الفيز جاهزة .. و كان عندي بعد أسبوع سفرة قلت له أنا مسافر بعد أسبوع قال لي خلاص خذ جوازك و لما نتصل لك تجيبه معك ...

بعد أسبوعين تقريباً اتصلوا لي و قالوا لي تعال جيب الجواز و 30 دولار على كل جواز قيمة الفيزة .. و ال 160 دولار حق إيش قالت حق المقابلة .. رحت جبت الجوازات و يعطوك مدة الفيزة سنة متعددة ..

و بعدها بدأ التخطيط متى يكون السفر و فين و الحجوزات و الولايات و المده و هذه إن شاء الله نسويها في الجزء القادم إن شاء الله ..







​