طبعا في البدايه امور التأشيره/ الفيزا كانت سهله وسلسه جدا لله الحمد
حجز التذاكر كان على طيران اللإتحاد سعر التذكره للشخص الواحد 508 دينار بحريني
تكلفة الطيران الداخلي جميع الرحلات 150 دينار
الفنادق
[table=50%][tr=alt2][td]المدن[/td][td]الفنادق[/td][/tr][tr=alt1][td]سان فرانسيسكوو[/td][td]Kensington park hotel[/td][/tr][tr=alt2][td]لوس انجلوس[/td][td]Miyako hotel[/td][/tr][tr=alt1][td]لاس فيغاس[/td][td]Westin[/td][/tr][tr=alt2][td]ناشفيل[/td][td]Radisson airport hotel[/td][/tr][tr=alt1][td]نيو يورك[/td][td]Seton[/td][/tr][/table]
اهم شيئين في الفنادق بالنسبه لي النظافه و الموقع الحمدلله الفنادق الي سكنتها نظيفه بغض النظر بعضها قديم ولكن نظيفه وفيه اهتمام وتجديد و مواقعهم ممتازه واسعارهم مناسبه
وانصح بحجز الأشياء حجز مسبق مثلا تذاكر الملاهي ديزني و يونفرسال وغيره ، والسياره الأجار وكللل التذاكر حجزت من قبل ، يعني مصروف اليد فقط للأكل والبترول حق السياره والأمور البسيطه.
نبتدي
الرحله ابتدت من مطار البحرين الدولي الى مطار ابو ظبي مثل ماذكرت على طيران الأتحاد والطياره كانت A320 اذا ماخاب ظني
وقت الإنتظار 3 ساعات تقريبا بين الرحلتين... مع العلم اني انه وزوجتي على طول كنا نمشي وماوقفنه نستريح او ناكل ونشرب ومع ذالك الوقت داهمنه بسبب الزحمه والتفتيش الشديد وصلنه على اخر لحظه !!!
طبعا صادني موقف لا يحسد عليه قبل لا اركب الطياره قسم الهجره والجوازات الأمريكيه موجود في المطار حق ختم الجوازات قبل ركوب الطياره ، يعني قبل لا تنزل ارضهم يختمون دخول جوازك ،وهم نفسهم الأمريكان الموظفين يوم شافو جوازي شكو فيني لنه الجواز كان مجدد وجديييد ومكتوب الوظيفه (طالب) الله يسامح موظف الجوازات... وفيه ختم الأنتخابات البلديه والنيابيه وماعرفو شنو الأختام وقالو لي انتظر ...والله اني فقدت الأمل قلت خلاص الطياره راحت علي.
.وكان ينادو النداء الأخير وانه خايف وبعد خمس دقايق دخلوني غرفه لحالي جاني واحد وسالني عن الختم وشرحت له وتم يناظر في الجواز ليييين مانتبه على شعار المملكة في الختم
وقال اهاااا واقتنع وقالي خلاص رووح
بصراحه كان اكثر موقف يخوف في الرحله كلها والحمدلله على طول ركضنه للطياره الطياره كانت boeing 777
والرحله كانت طويله جدا ومتعبه انه من النوع الي ماعرف انام لا في باص ولا في طياره
اليوم الأول ســـان فــرانــسيسكووو
وصلنه سان فرانسيسكو تقريبا الساعه 9 الصبح
اخذت كرت تلفون T mobile وانصح الجميع فيه الباقه الي اخذتها بـ 100 دولار شامله استخدام بيانات غير محدود ونسيت كم دقيقه اتصال مجانيه. اقوه شركتين في امريكا T mobile والشركة الثانية AT&T
اول ما وصلنه كنت ابي اعرف اتجاه القبله للصلاة كل برنامج في التلفون يأشر على اتجاه غير !!!. المهم صلينه وعلى طوول نزلنه نشوف السان فرانسيسكو
الجو كان معتدل وجميل مع بروده الصبح والمغرب
فندقنه كان بالضبط عند Union Square وهذي صور المكان
واهم شي الهوت دوق الأمريكي ، الحمدلله انه تقريبا كل المطاعم الي رحتها عندهم لحم بقر ، ماعدا الببروني والبيكن للأسف كله لحم خنزير كرمكم الله.
طبعا اليوم الثاني عندنه كان عندنه برنامجين البرنامج الأول جوله بالدراجات الهوائيه (سيكل) على المدينه والبرنامج الثاني جولة بالعباره في البحر تاخذك تحت الجسر العظيم Golden gate bridge
لما تدخلون الموقع في اكثر من خيار للتور ، انه الي اخذته الـClassic تور مدته 5 ساعات، وبصراحه التور بالدراجات شي عجييب ولازم يكون اول البرامج في المدينه حق اكتشاف المدينه واخذ فكره تاريخيه عنها وفرصه حق تشوفون اشيه حلوه او ماكنتو مدخلينها في برامجكم سعر التور الكلاسيك 33 دينار للشخص.
صحينه الصبح وعلى طول نزلنه نتمشه لي موقع اللقاء طبعا في الموقع مذكور في موقعهم وانه ضبطت Google map وتوجهنه للموقع الي ننطلق فيه ، وفي الطريق دخلنه كووفي شووب نفطر فيه وكان احلى وجبة فطور في الرحله من مطعم اسمه The grove وله 3 افرع في المدينه.
وبعد الإفطار الذييذ طلعنه و وصلنه لي نقطة التجمع ، كل واحد اخذ دراجته وخوذته ، وكان مرشد التور شخص محبوووب اسمه جوش وتعرفنه على باقي المجموعه الي معانه
نواصل لكم برنامج اليوم الثاني وهوه كروز بحري بالعباره
حجزت تذاكر الكروز من هذي الموقع
San Francisco Bay Cruises - Bridge To Bridge - Golden Gate | Red and White Fleet Cruises
اذا تدخلون الموقع في كثير كروزات انه خذت الـ California twilight cruise مدته ساعتين ، سعر التذكره 22 دينار للشخص الواحد.
وطلعنه العصر وتمشينه ورحنة المنطقه الي اسمها مرفأ الصيادين حق العباره Fisherman's Wharf عباره عن شارع المرفأ وفيه كثير مطاعم اكل بحري ومحلات هدايا وفيه madame tussauds الي اهوه متحف الشمع بس انه مادخلته، عموما مرفأ الصيادين عجبني وفيه على نفس الشارع مرفأ Pier 39 الي رحته في اليوم الثاني في تكملة تقرير الرحله.
خلف النورس ذي العباره الي بنركبها وتاخذنه في جولة داخل البحر، العباره قديمه وصوت محركها كأنه دبابه من الحرب العالميه الثانيه، بس اهم شي الجوله ومشاهدة جسر Golden gate bridge وفي العباره فيه بوفيه سناكس.
وهذي سجن ALCATRAZ الشهير فيه تورز تودي للجزيره وجولات داخل السجن المهجور الي اغلقوه في الستينيات بس انه مارحت.
اليوم الثالث كان عندنه رحلة حق محمية اشجار اسمها Muir Woods
حجزت التذاكر من نفس الموقع الي حجزت منه تذاكر كروز البحري هذي الرابط المباشر، سعر التذكره 21.5 دينار للشخص
V
V
Muir Woods & Sausalito Tour - Red and White Fleet Cruises
صحينه الصبح وتمشينه للمكتب الي بياخذنه بالباص وكان المكتب قريب من مرفأ الصيادين
وهذي فطورنه في احد الكوفي شوبات في الدرب بس ناسي اسمه، ومثل ماقلت لكم برنامج الـ yelp مايقصر معاكم في اختيار المطاعم في المكان الي انتو متواجدين فيه
اذا بتدخلون الموقع حق الحجز بتشوفون اسم التور Muir Woods & Sausalito Tour ساوساليتو اهيه قريه صغيره على اطراف البحر ،يمر عليها الباص في الدرب للغابه
الطريق حق الغابه جميل وندخل عن طريق الجسر العظيم Golden gate bridge
صحينه في اليوم الرابع وهو يوم فاضي تماما ، تجهزنه وقلنه بنروح منتزه الـ Golden gate park لأنه المكان عجبنه في اول يوم شفناه في تور الدراجات.
طلعنه وفطرنه في هذي الكووفي
وتمشينه رايحين لمحطة الباص الي بتوصلنه لي اقرب محطة حق المنتزه
طبعا Google map لما تدخل عنوان او اسم المكان الي بتروح له تختار مشي او سياره او باص او اي وسيلة مواصلات متوفره في المدينه ، ولما تختار باص يطلع لك باص رقم 7 مثلا اهوه الي يودي للمكان الي تبقيه
وصلنه المنتزه
الشايب واهوه يتمرن
حته بطهم جميل
في داخل المنتزه نفسه، في حديقة الشاي اليابانيه Japanese tea garden ومن اروع الأماكن للإسترخاء للأسف مادخلته
طبعا المنتزه كبير جدا جدا اخذ لنه ساعتين ونص نمشي فيه ضعنا داخله بس اذا تطوف عليه على الشارع تقطعه في ساعه وشوي
فيديوات للبحيره الجميله اسمها Stow lake وفي مكان حق تأجير قوارب
v
v
v
صحينه في يوم المغادره وتجهزنه ونزلنه العفش رتبت مع موظف استقبال الفندق اليوم الي قبل انه يرتب لنه تاكسي ياخذنه حق المطار و رحنه المطار حق استلام السياره
حجزت السياره من هذي الموقع
v
v
Billiger Mietwagen, Beste Preise Garantiert, Buchen Sie Heute! - rentalcars.com
تختار التواريخ ومن اي مطار تبقي تستلم السياره وفي اي مطار تبقي ترجعها السياره خليتها معاي 10 ايام تقريبا لي لاس فيغاس، و الموقع يبين لك شركات التأجير المتوفره
انه خذت السياره من شركة Dollar
خبرت راعي التاكسي انه ينزلنه عند مكاتب سيارات الأجار و رحت للمكتب وكان هناك شايب صيني وحاول ينصب علي يعطيني سياره اصغر
انه كنت حاجز سيارة كيا ريو واهوه كان يبي يعطيني فيات 500 حته الشنطات مايدخلون فيها ، وعقب قالي ادفع 20 دولار وبعطيك فورد موستنج ، قلت له 20 دورلار متأكد ؟؟ يقول ايوه شكيت في الموضوع .. سالت موظف ثاني وقالي 20 دولار زياده كل يوم. المهم اخذت الكيا.
تاخذون السياره قولو لهم انه السياره تبون تطلعون بها من ولايه الى اخرى، حق يدخلون في بيانات السياره لو مثلا اوقفك مرور او شي يبين عندهم انه مسموح ,ونقطه ثانيه تدفعون مبلغ بسيط حق الـ Express line تقدرون تمشون في الخط السريع على راحتكم. واهم شي النافقيشن.
المهم اخذنه السياره واكلنه سندويشات في المطار وتوكلنه على الله ضبطنه النافقيشن على فندقنه الي في لوس انجلوس، النافيقشن كان نوعه Garmin.
انه سمعت انه في طريقين ، طريق جبلي وطريق ساحلي الي يطل على المحيط، انه رحت على درب جبلي ومناظر ماشاءالله وكان فيه مزارع يبيعون فراوله طازجه ومثلجات طازجه للاسف ماتوقفت على طوول مسكت الخط
في هذي اليوم قضينه اليوم كامل في Universal studio Hollywood
اشتريت التذكره من الموقع الرسمي
V
V
Universal Studios Hollywood | Official site of Universal Studios Hollywood theme park in Los Angeles California. Your guide to park hours, attractions, and theme park ticket deals.
في التذكره العاديه وفي تذكرة Front of Line وفي تذكرة VIP
نصيحه ومثل مانصحوني تاخذون تذكرة Front of Line حق ما توقفون في الطابور حق الألعاب والعروض ، اما تذكرة الـ VIP هذي مالها داعي يكون معاك مرافق ويفرجكم الأماكن والألعاب
سعر التذكره 56.5 دينار للشخص
صحينه الصبح وعلى طول بالسياره رحنه يونفرسال ، طبعا لوس انجلوس مب مثل سان فرانسيسكو لازم يكون معاكم سياره
وصلنه و وقفنه السياره في المواقف ، اول ماتدخلون في اليونفرسال ستوديو تكونون في الساحة الي اسمها City walk فيها مطاعم وعروض وسينما ومحلات وحفلات مكان حيوي في الليل
هذي الـ City walk طبعا في الصباح عادي وهادئ
وهذي مدخل الحديقه
عطيتهم التذاكر الي طعتهم وعطوني بطاقة ال front of line
فيديو
V
السيارات الي في فلم Fast 7
Plymouth road runner
1968 camaro
السياره الأصليه الي فلم Back to the Future
سكوبي دووو
دراكولا ينتظر فريسته تصور معاه واهوه يعضك
وجبة الغداء رجل ديك رومي
عروض مائيه
فيديو العرض المائي
V
طبعا الألعاب كثيره واقلبها عرض سينمائي 3D وماقدر اصور من داخل ،بس متعه بصراحه خصوصا الي عنده عيال اعمارهم 12 بتكون يونفرسال احلى من ديزني لهم شبابيه اكثر ..وجايكم تقرير ديزني لاند في الدرب
المكان كبير لازم تاخذون الخريطه عند البوابه حق تعرفون محلات الألعاب والمطاعم والأستراحات
وهذي مقاطع فيديو في جوله تشوفون فيها مدينة التصوير وخدع والتأثيرات في صناعة الأفلام
V
V
اليوم الثالث صحينه وكان عندنه برنامج تور داخل ستوديو Warner brothers شركة الأفلام الغنيه عن التعريف
حجزت التذاكر من الموقع
V
V
WB Studio Tour Hollywood | Hollywood Made Here
الموقع مجددينه ماكان مثل الشكل يوم احجز منه ، سعر التذكره للشخص 40.75 دينار للشخص
وصلنه
طبعا عطيناهم الحجز ودخلونه على سينما صغيره ويفرجونه على تاريخ الشركه و وزعونه مجموعات حق الجوله الداخليه كل مجموعه ومعاها مرشد
مدن كامله للتصوير
طبعا المواد الي مستخدمينها حق بناء المدينه مب اسمنت واشياء ثقيله ، مواد خفيفه مثل الجبس الي يزينون فيه سقف المنازل واكثر قريات التوصير عمرها اكثر من 30 سنه وبعضهم حتى 50 سنه
هذي المكان قبو ، صورو فيه فلم قديم حق مخلوقات تتكاثر بالماي اسم الفلم Gremlins
هذي صوره للي شاف الفلم يتذكره
هذي المكان الي فيه لقطه فلم سبايدر مان الي يقبل صديقته واهوه نازل بالمقلوب من فوق
ودخلنه المكان عجبني وايد وبيعجب محبين افلام BATMAN
هذي شخصيات فلم BATMAN & ROBIN الي نزل في سنة 1997 من احلى افلام باتمان بالنسبه لي ،والبعض يشوفه من افشل الأجزاء، انا احبه يمكن لنه يذكرني بأيام حلوه وانه صغير
شخصيات فلم BATMAN FOREVER الي نزل في سنة 1995
طلعنه من كهف باتمان
هذي المكان الي تم فيه تصوير صورة غلاف البوم فرقة Pink floyd العريقه، الي يسمع اغاني روك كلاسك اكيد يعرف الفرقه، اسم الألبوم wish you where here الي اصدر في سنة 1975
هذي صورة المكان
صورة غلاف الألبوم من قوقول
دخلونه كراج فيه كل سيارات ودراجات الي في افلام باتمان القديمه والجديده
فيديو
V
طبعا المجموعه الي معانه ومرشد التوور محنكين افلام ومسلسلات وخصوصا المسلسل الكوميدي friends الي كان يعرض من كم سنة على قناة MBC اهمه كانو عايشين الجو صح
وهذي الكوفي الشوب الي كانو يجلسون فيه في المسلسل
صوره من قووقل
V
V
V
وخلصنه التور وفيه محل هدايا داخل وكوفي شووب ستاربكس
صوره من برع الستوديو
صار لنه نتجول بالسياره ونبغي افضل مكان نصور فيه شعار Hollywood الي فوق الجبل ، دخلت قوقل ابحث عن اجرب نقطة حق احصل صوره واضحه ، وتوجهنه على طريق جبلي فيه ممشى وناس تمارس الرياض عباره عن منتزه بس ناسي اسمه
صوره للمدينه من فوق
وهناك سألنه الناس عن افضل مكان حق تصوير اللافته وقالو لنه اسم شارع Beachwood canyon وقدرنه ناخذ صور اوضح
عقب قررنه نروح شارع هوليود المشهور بس الشارع بالنهار مافيه حيويه
تغدينه بيتزا من مطعم اسمه Masa of echo park
طبعا هذي البيتزا الي يسموونها Chicago deep dish pizza تجي سميكه ومليانه صلصه وجبن
رجعنه الفندق نرتاح شوي ويوم ظلم الوقت رحنه شارع هوليوود مره ثانيه وكان رائع وفيه عروض واشياء حلوه اسم الشارع Hollywood walk of fame
في هذي اليوم رحنه شاطئ New port beach يبعد مسافه ساعه بالسياره تقريبا عن فندقنه
في المنطقه فيه جزيرة Balboa island في قلب المكان
واحنه رايحين في الدرب صدفه من مليوووون
شفت هذي الكورفت، طبعا هذي الكورفت اهيه الوحيده في العالم بتصميم خاص من شفروليت حق عازف قيتار اسمه Paul stanley عازف ومغني في فرقة الروك KISS وانعرضت السياره بأسم شفروليه في معرض 2014 SEMA في لاس فيغاس
هذي فيديو من يوتيوب حق السياره نفسها وتصميمها ولو تلاحظون السياره يوم صورتها عليها لوحات خاصه شفروليت
بس بعد ماهذي موضوع الكورفت الي سألت عنه اخوي فارس الجبيل ، الموضوع جايك في الدرب مع تكملة التقرير
وصلنه البحر في هذي المنطقه مطاعم وايد ، وبالنسبه حق مواقف السيارات في كل مكان في وكل ساحة مواقف تختلف اسعارها وفي منها سعره مبالغ لي 30 دولار
وجبة الغداء اكل بحري مشوي من مطعم اسمه Rockin Baja
لما تدخلون الموقع تحتارون Parks and tickets > Tickets
وفي اختيارات يوم و يومين واكثر
انه حجزت حق يومين كل منتزه خليته ليوم بروحه
وفي تذكره اسمها Park hopper ticket للي يبي يدخل في يوم واحد المنتزهين
سعر التذكره طلعت علي 119 دينار للشخصين شامل سعر مواقف السيارات، لنه المواقف بفلووس وتقدر تدفع للموقف لي وصلت او اونلاين مع التذكره ، وانا انصح اونلاين
طلعنه من الصبح ورحنه و تعجبت على كبر المدينه الي مليانه فنادق ومنتجعات حق ديزني وغير المطاعم مثل cheesecake factory
لي توصل البوابات تعطيهم رصيد الموقف مال السيارات وتصفط السياره
رقم البارك على شخصياتهم
ونركب باص و وياخذنه للمنتزهات، شوفو الافته
طبعا احنه اول يوم دخلنه Disney California Adventure
المنتزه حلو و ممتع والعابه متنوعه حق صغار والكبار يستانسون منها بعد
طبعا انصح بأخذ خريطة المنتزه عند البوابه حق تعرفون وين انتو و وين المطاعم والألعاب وغيرها ، وتلاقون عند كل لعبه وقت انتظار بعض الألعاب يوصل وقت الإنتظار في الطابور 90 دقيقه !! وقفنه فيه الطابور في اول لعبه ، وفي بعض الألعاب المرغوبه الي يصير عليها كثير طوابير في لها تذاكر Fast pass حق تحصل بطاقة الفاست حق مثلا لعبة السيارات ، لازم تبحث في الخارطه من وين تحصل تذكرتها في المنتزه ، حركه حلوه حق تكتشف المنتزه ، وتدخل في الجهاز بطاقة دخول المنتزه ، وتطلع لك بطاقة الفاست حق لعبة السيارات ، ومع ذالك اذا عندك بطاقة الفاست حق لعبه معينه مايصير تدخل كل وقت ، في اوقات معينه فقط يضهر وقت الدخول على شاشه عند كل لعبه.
وفي الليل يصير عرض ديزني المشهور جميل بصراحه
فيديو
V
V
V
هذي كان اليوم في ديزني كالفورنيا الألعاب ماشاءالله وايد ويبغي له المكان يوم والي يبغي يشوف العرض لازم يتم هناك لي نهاية الوقت اعتقد العرض يبتدي في 9 ونص ومدته نص ساعه
اليوم صحينه متأخرين قلنه نبغي نرتاح لنه كل يوم نقوم من الصبححح 7 تقريبا
وطلعنه وتغدينه وعلى العصر رحنه Disney land park
ديزني لاند فيها كثير العاب مادخلنها المنتزه حلو حق الأطفال 12 سنه واقل يعني حته العرض الليلي للاطفال مب مثل ديزني كاليفورنيا العرض الليلي كان مبدع وحلو
بس فيها لعبه حلوه واااااايد وتسوه ومن احلى العاب ديزني
صفطنه السياره في دايزي ، طبعا اصور مكان البارك حق ما انسه وين وقفت
Hollywood tower هذي اللعبه الي فعلا عجبتني
وفي الليل يصير عرض العاب ناريه قبل العرض الليلي
لي يبتدي العرض كل الناس تجلس في على الأرض الي هذي حاشرتنه واقفه
طبعا هذي يوم المغادره من لوس انجلوس نزلنه العفش وخلصنه مع الفندق، وقلنه بنروح Beverly hills
BEVERLY HILLS
منطقه في لوس انجلوس يسكنها النجوم والمشاهير مرينه عليها مرور الكرام حق نشوف الشارع الي اسمه Rodeo drive شارع فيه ماركات عالميه ومطاعم (مال عيال دلع)
اللامبورجيني تقولنه انه وصلنه منطقتهم وماشاءالله الشارع مليان سيارات فخمه
فيه معارض سيارات عجيبه بس كنه مانبي نتأخر لنه ورانه درب لي لاس فيغاس
بس وقفت شفت حلاق/صالون نزلت حق اقص شعري
طبعا اغلب صالوناتهم رجاليه نسائيه ، وبحكم انه الصالون الي نزلته كان في بيفرلي هلز سعره كان 18 دينار قص شعري وحلق اللحيه (نعيما)
وكملنه الدرب واخذنا سندويشات على السريع
رنقات/جنوط ADV على فراري 599
شعر او معكرونيا ؟
وقفنه نترس بترول
طريقة المحطات توقف السياره وتشوف رقم المضخه مثلا مضخه رقم 2 ...تدخل داخل المحطه وتقول حق الموظف مضخه رقم 2 وتقول بكم تبقي على سبيل المثال 20 دولار ، تدفع كاش او بالفيزا وتستلم رصيد ، ترجع للمضخه ترفع الهوز وتختار نوعية البترول فيه اوكتين 87 و91 و95 على ماعتقد بس انه كنت اصب الأرخص 87
في الكيا ، خل نفترض انه مثلا قلت له قلت له 20 دولار ودفعت بالفيزا ، والمضخه وقفت على 16 خلاص انترس الخزان ، اوتوماتيكيا يرجع في الفيزا الباقي الي لك. ويصير تطلب رصيد من العامل الي يشتغل داخله تقوله Refund receipt
وانطلقنه طبعا الدرب كان جبلي وصحراوي لي نطلع من ولاية كاليفورنيا وندخل ولاية نيفادا وظلم الوقت في الدرب ونزل علينه مطر خفيف وهواء قوي
الدرب من لوس انجلوس الى فيغاس فيه outlet
الهاي وي مظلم
انه كنت مسرع شويه ماكنت ملتزم بالسرعه القانونيه الموتر الي كان قدامي كان مسرع لو انه مكانه كان انصدت ، فجأه تطلع له دورية منخشه خلف اعلان
في الهاي وي الخط اليسار كان خط سريع بس ماكان Express كان مكتوب carpool وصرنه نتفاكر نخاف نمشي عليه واحنه مايحق لنه ، المهم زوجتي بحثت عنه في قوقل ، طلع موضوعه انه خط سريع حق الي يسافرون في سياره شخصين واكثر، يشجعون الناس تسافر في سياره وحده مو كل واحد بروحه ، حق تقليل الأزدحام والتقليل من التلوث ، وعلى طووول مسكنه الخط
نزلنه اغراضنه وعلى طووول نزلنه طبعا فيغاس معروفه بشارعها The Strip طوله 6.8 كيلومتر الي فيه اكبر واضخم الفنادق وشارع حيوي وصاخب وسياح ماشاءالله وعروضات يعني تتمشه في الشارع كفايه
وقمت بسرعه وتجهزت وسويت لي كووفي على السريع، الحلو في الفندق انه في ماكينة كوفي في الغرفة وانا مدمن كووفي خذت الكوفي ونزلنه وجابو السياره عند الباب وانطلقنه رايحين حلبة سباقات لاس فيغاس Las vegas motor speedway
Dream racing شركه تعطي الفرصه انك تسوق سيارات رياضيه في الحلبه السباق Las vegas motor speedway ، تختار التاريخ و الوقت ونوع السياره وكم لفه على الحلبه في 3 لفات و5 واكثررر ، وفيه الـ Drift car experience تركب مع سائق محترف وياخذك لفه كلها Drift على الحلبه
انه حجزت سيارة Ferrari 458 خمس لفات 399 دولار امريكي
مع تسجيل فيديو من داخل السيار 49 دولار
صوره فوتوغرافيه 24 دولار
وسيارة الدرفت 86 دولار
المجموع الكلي 210 دينار
حجزت من موقعهم
V
V
Dream Racing at Las Vegas Motor Speedway. Drive Racecars and Exotics- Dream Racing
وصلنه الحلبه
في عندهم سيارات عاديه مثلا فراري F430 عاديه وفي فراري F430 مجهزه للسباق سياراة حلبات يعني
داخل الأستقبال
عطيتهم حجزي ويدخلوني على محاضره سريعه ومختصره عن السيارة وعن الحلبه، وبعدها تدريب على مثل العاب الفيديو ، حق اخذ فكره عن الحلبه في اللعبه نفس الحلبه ونفس السياره لي مايشوفوني تقريبا عرفت الحلبه و اخذت فكره تالي ننزل الحلبه
الحلبه
صوره مع العروس
وانطلقت
فيديو التصوير من داخل طبعا معاي مساعد محترف
V
V
V
وخلصو الخمس لفات على الحلبه في لمح البصر من الوناسه
وبعدين ركبنا الكمارو حق الدرفت ، في الكمارو مافي تصوير داخلي مالهم ، انه صورت فيديو من تلفوني
فيديو
V
V
وخلصنا
رجعنه مكتب الأستقبال يجهزون لي الفيديو ويعطوني اياه في بطاقة ذاكره نوع SD مع الصوره ، وشهاده وشريت من عندهم جاكيت عليه اسم الحلبه
ودعت المكان
ورجعنه فندق وماكان عنده شي لي الساعه 6 المغرب تقريبا فتحت الابتوب وقلت خل ابحث عن معرض سيارات كلاسك وحصلت واحد وعلى طووول نزلنه
اسم المعرض Las vegas muscles cars
هذي موقعهم
V
V
Vegas Classic Muscle Cars
وصلنه المعرض وبعرض صور السيارات الي عجبوني ، طبعا كلهم عجبوني
بس بحط البعض
الوحوش الأمريكيه لها طعم ثاني
وحشششششش
الشايب الي داخل المعرض تكلمت معاه وعن السيارات، وسالني وين رحت وكذا قالي في مكان لازم تروحه، قلت له وين ؟؟؟ قالي مصنع شلبي ... واحصل على برنامج سيارات غير
قالي ادخل موقعهم في النت في تور حق المصنع وشوف الأوقات
سامحوني سويت المنتدى منتدى سيارات
المهم طلعنه من المعرض وكلينه برجر من Five guys burger من اشهر محلات البرجر في امريكا وافرع في كل انحاء امريكا، بس انه ماعرف وين صور الأكل راحو اعتقد اني جوعان دائما وما الحق اصور
رجعنه الفندق واستعدينه حق البرنامج الثاني
الي اهوه Jack of Lights
واهوه جوله على لاس فيغاس بالهيلوكبتر
حجزت التذكره من الموقع
V
V
Las Vegas Tours with Prices, Deals & Reviews | Vegas.com
سعر التذكره للشخص 40 دينار
الموقع نفسه حجزت منه عروض جايتكم في باقي التقرير ، وفيه وااااااااايد اشياء وتورز حق حجوزات
المهم احلى شي في الموضوع ياخذونك من الفندق في ليموزين وتوقيتهم صح قالو 6 المغرب وفعلا نزلنه 6 والليموزين واقف ينتظرنه
معليش بس شوي عايش جو يزعم مليونير
وصلنه
سااااحره فيغاس من فوق
فيديووو
V
V
في نهاية الفيديو الأول بتشوفون برج اسمه Stratosphere واهوه ارفع نقطة في لاس فيغاس شوفو الألعاب الي فوق البرج ، انه احب الألعاب المخيفه الي تخرع بس هذي مب مخيف هذي مميت
وكنت ناوي اروحه بس يوم شفته من قريب قلت لا
ورجعو المليونير الفندق
وانتهى اليوم بقطعة بيتزا على ما اتذكر
اتصدقون اكثر الأكل كان بيتزا برجر بيتزا برجر بيتزا برجر
اليوم الثالث كان عندنه برنامج افطار بوفيه في فندق Wynn
وتالي رحنه مصنع الشلبي الي قالي عنه الشايب في معرض السيارات
وفي الليل كان عندنه عرض بعد في فندق Wynn اسم العرض Le reve the Dream
صيحنه الصبح ورحنه بالسياره فندق Wynn
من فتره بسيطه قبل 3 شهو اول مارجعت من السفره نزل فلم paul blart 2 ومثلو الفلم في في الفندق نفسه
الفندق من داخل جميل ومليان زهور ، نسيت اقولكم شي عن فنادق فيغاس ، ارخص فنادق في الرحله كانت فنادق فيغاس وافخمها وارقاها ، لأنه دخل الفنادق كله من الكازينو
ودخلنه البوفيه وفطرنه وكالعاده مافي صور
البوفيه كان كبيييييير وماشاءالله شي رهيب ولذيذ كان السعر 18 دينار للشخصين، في البحرين بوفيه اقل مستوه منه بسعر 18 دينار للشخص
وفي عندهم بوفيه غداء بعد، عموما كل فنادق فيغاس تقريبا فيها بوفيهات
خلصنه الفطور ، واخذنه الحجوزات مال العرض ورحنه صندوق التذاكر حق تبديل التذكره، انصح بتبديل التذكره قبل العرض بفتره طويله عن تفادي الزحمه
تمشينه في الفندق ونزلنه تحت عند مسبح وشربنه عصاير وشاي
وطلعنه من الفندق ورحنه معرض ومصنع الشلبي Shelby American Inc
كارول شيلبي صاحب الشركه ، طبعا كارول كان سايق سيارات سباق وهذي سيارته الشخصيه ، القصه بختصار انه اخذ بدي سيارات MG الأنجليزيه وركب عليها محرك فورد كبير وفاز بالسبافات على شركة فراري وجاغوار في ذاك الوقت ، وصار بين الشلبي والفورد نوع من الإندماج ، توفه كارول في سنة 2013.
في المعرض فيه تور مجاني تور يبتدي الساعه 10 ونص الصبح وتور الساعه 1 ونص الضهر ، وكان التور ممتع الموجودين كلهم يحبون السياره والفورد عموما ،كانو متعصبين للفورد ، اما انا حيادي
والمرشد كان اسلوبه ممتع وفاهم تاريخ سيارات الشلبي ، يقول انه التور ياخذ ساعه ونص تقريبا واحيانا يوصل 5 ساعات اذا كانت المجموعه تسأل ومتفاعله وعاجبها الجو.
طبعا هذي اهيه الكوبرا الأصليه ، الي كأنها (بومبو) تتذكرونها ؟؟ بعض هذي السيارات يوصل سعرها في المزادات مليون دولار
وفي شركات ثانيه تصنعهم تجميع قطع مثل شركة Factory5 وشركة Kirkham ، وغيرهم ، وشرايكم تتصنع في البحرين !! تجميع في البحرين بس اغلب القطع من Factory 5 ،اسم الشركه في البحرين V motion تلاقون حسابهم في الأنستقرام.
وطبعا استنعت في برنامج الـ Yelp الي قلت لكم عنه، وشفت مطعم اسمه Rollin Smoke barbeque عجبني تعليق احد الزباين كاتب انه المطعم حق الي يبي ياكل شي لذيذ مب حق الي يبي ديكور ومكان جميل وعلى طول ضبطت الـ GPS ورحنه لنه ، المطعم صاير في منطقه صناعيه بعيده شوي عن Strip تقريبا 20 دقيقه بالسياره، ويوم وصلنه المكان شوي نائي كأنه منطقه مهجوره وقدام المطعم شباب اشكالهم مال عصابه
الوضع كان مايطمن نوعا ما ، المهم يوم دخلت وطلبت ارتحت المطعم كله مليان ناس وعلى طول زباين داشين وطالعين فيه حركه وتشوف مختلف الزباين من الموظف والعامل والي شكله مدير و جميع الأشكال من الناس
العروض فكرة زوجتي ، انه ماكنت مهتم قلت يالله مو مشكله بنخلي العروض في برامجنه ، واحد من شباب الأهل مدح العرض بعد
العرض كان خرافي جدا جدا ، روعه اندمجت ماكنت متوقع انه بيعجبني عرض جميل وتعجبت شلووون جهزو المسرح حق العرض ، المسرح مهيأ فقط حق ذي العرض القوي ، ماخلو شي العرب
هذي كان اخر يوم في لاس فيغاس كان عندنه برنامج واحد في الليل واهوه عرض اسمه ka cirque du soleil في فندق MGM Grand
صورة الفندق صورته اول مانزلنه من الهيلكوبتر
حجزت التذاكر ايضا من نفس موقع الي حجزته منه العرض الي قبله وتور الهيلوكبتر سعر التذاكر 98 دينار للشخصين
اما اليوم كله كان فاضي وتمشي في الـ Strip الجو كان حار في ذي اليوم ، اول ثلاثة ايام كان الجو معتدل ، ويوم في حلبة السباق قاالو لنه انكم محظوظين انه الجو معتدل لنه طبيعته حار
في ذي اليوم في وايد اشياء ماصورتها، في احد الفنادق الي في الـ Strip فيه رولر كوستر من فوق يبين ، وانه كنت احسبه ديكور
لاكن شفته وناس راكبينه المهم مافوتنه الفرصه ودخلنه وركبناه وكان عجيب ، كان في فندق New york hotel
صوره من قوقل
ودخلنه M&Ms World
ودخلنه فندق MGM حق تبديل التذاكر عن الزحمه
الجو كان حار في هذي اليوم وخذيت هذي السلاش البااارد ، صار لي ساعه امزمز فيه ومايخلص ، الكل في فيغاس يتمشه ويشربه
مدخل فندق Paris
وصار الليل ورجعنه حق الـ MGM وهذي صورة مدخل المسرح
فيديوات العرض
V
V
V
العرض جيد لكن عرض LE Reve The Dream كان بالنسبه لي افضل منه ، نقطه ثانيه وصلنه متاخرين وكان مكان الكراسي سيئ جدا ، عرض LE reve كان يصير اختار اماكن الكراسي بس هذي العرض لا.
وعقب طلعنه نتشمه نشوف عرض نافورة فندق Bellagio طبعا هذي العروض في الـ Strip مقابل الفنادق
اوقات العرض من يوم الأثنين الى يوم الجمعه من الساعه 3 العصر الى الساعة 8 الليل كل نص ساعه ، وتالي من 8 الليل الى 12 منتصف الليل كل ربع ساعه
ويوم السبت والأحد وايام الإجازات يبتدي العرض من من 12 الضهر.
هذي كان اخر يوم في لاس فيغاس كان عندنه برنامج واحد في الليل واهوه عرض اسمه ka cirque du soleil في فندق MGM Grand
صورة الفندق صورته اول مانزلنه من الهيلكوبتر
حجزت التذاكر ايضا من نفس موقع الي حجزته منه العرض الي قبله وتور الهيلوكبتر سعر التذاكر 98 دينار للشخصين
اما اليوم كله كان فاضي وتمشي في الـ Strip الجو كان حار في ذي اليوم ، اول ثلاثة ايام كان الجو معتدل ، ويوم في حلبة السباق قاالو لنه انكم محظوظين انه الجو معتدل لنه طبيعته حار
في ذي اليوم في وايد اشياء ماصورتها، في احد الفنادق الي في الـ Strip فيه رولر كوستر من فوق يبين ، وانه كنت احسبه ديكور
لاكن شفته وناس راكبينه المهم مافوتنه الفرصه ودخلنه وركبناه وكان عجيب ، كان في فندق New york hotel
صوره من قوقل
ودخلنه M&Ms World
ودخلنه فندق MGM حق تبديل التذاكر عن الزحمه
الجو كان حار في هذي اليوم وخذيت هذي السلاش البااارد ، صار لي ساعه امزمز فيه ومايخلص ، الكل في فيغاس يتمشه ويشربه
مدخل فندق Paris
وصار الليل ورجعنه حق الـ MGM وهذي صورة مدخل المسرح
فيديوات العرض
V
V
V
العرض جيد لكن عرض LE Reve The Dream كان بالنسبه لي افضل منه ، نقطه ثانيه وصلنه متاخرين وكان مكان الكراسي سيئ جدا ، عرض LE reve كان يصير اختار اماكن الكراسي بس هذي العرض لا.
وعقب طلعنه نتشمه نشوف عرض نافورة فندق Bellagio طبعا هذي العروض في الـ Strip مقابل الفنادق
اوقات العرض من يوم الأثنين الى يوم الجمعه من الساعه 3 العصر الى الساعة 8 الليل كل نص ساعه ، وتالي من 8 الليل الى 12 منتصف الليل كل ربع ساعه
ويوم السبت والأحد وايام الإجازات يبتدي العرض من من 12 الضهر.
فيديو للنافورة
V
V
وتالي رحنه عرض على الشارع مقابل فندق The Mirage وهوه عرض بركانهم الشهير العرض يبتدي كل نص ساعه من 8 الليل لي 11 الليل
فيديووو
V
V
صوره حق مطار شيكاغو O'hare inetrnational air port اكثر المطارات العالميه إنشغالا
ومن شيكاغو الى ناشفيل
شيكاغو من فوق ... بأذن الله بزورها السنه الجايه
Nashville ناشفيل هي عاصمة ولاية تينيسي Tennessee
وهذي موقعها في الخارطه الأمريكيه
يمكن البعض اول مره يسمع فيها هذي المدينه، طبعا ناشفيل مب مدينه سياحيه ابدا ،السبب الي خلاني ازورها هوه National Corvette Museum متحف الكورفت الدولي ، الكورفت سياره رياضيه امريكيه واعشقها من الصغر (مجنون كورفت)، قلت انه دام قاطع كل هذي المسافه ورايح امريكا ليش مازور المتحف والمصنع وكانت احد امنياتي والحمدلله رب العالمين الله يسر علينه امورنه وشفت المكان
في البدايه كنه بنروح بس يوم واحد ، يعني يوم الوصول واليوم الثاني نزور المتحف والمصنع واليوم الثالث ماشيين، بس انه مددت يوم قلنه اكيد ناشفيل فيها اشياء وخل نكتشفها
متحف ومصنع الكورفت مب في مدينة ناشفيل ولا في ولاية تينيسسي ، المتحف والمصنع في ولاية كنتاكي Kentucky في مدينة اسمها Bowling Green
بس اجرب مطار حق المتحف اهوه مطار ناشفيل ، ويبعد عن المتحف مسافة ساعه وشوي بالسياره ، تطلع من ناشفيل وداخل حدود ولاية كنتاكي لي منطقة Bowling green
في مطار قريب من المتحف بس صغير مطار خاص للطيارات (الجت)
ولاية كنتاكي فيها مطار Louisville international airport ، بس مطار ناشفيل اقرب، طبعا عرفت من موقع متحف الكورفت كاتبين افضل طريقه للوصول للمتحف عن طريق مطار ناشفيل
وكنه بنسكن في فندق اسمه Sync قريب جدا من المتحف ، واكثر الي يسكنون فيه حق زيارة المتحف والي يقون يشوفون سيارتهم واهيه تنصنع
بس كنت وايد استخدم خرائط قوقل google map قبل لا احجز وكنت اشوف انه المنطه مافيها اي شيييييي فقط هارديز ومطعم ومحطة بترول ، لنه المتحف صاير على الخط السريع،غيرت الفكره وقلنه نسكن في المدينه اقرب لنه وحق المطار وناخذ سياره اجار افضل والحمدلله انه اخذنه سياره، ماسكنه في وسط المدينه ، سكنه في منطقة الفنادق الي يم المطار ، منطقه هادئه وآمنه جدا ، لنه قريت في قوقل انه ولاية تينيسسي من اخطر الولايات في امريكا واكثر معدل جرائم ، بس ابد ماشفت شي من هالقبيل الحمدلله
حجزت السياره من نفس الشركه Dollar وكنت حاجز نفس الكيا ، كيا ريو ، بس انه ماعرف شقصة هذي الشركه صحيح رخيصه بس انصحكم تحجزون من شركه افضل مثل Budget و Thrifty لأنه كنت حاجز الكيا وعطوني شيفروليت سبارك ! المفروض يعطوني سياره بحجم الكيا ، عطوني سياره اصغر يادوب الشناط دشو فيها ، وغير آمنه وصغيره جدا جدا.
وطلعنه من المطار، شوفو في الصوره اللافته الي على اليسار مكتوب Rental cars حق ترجيع السيارات الأجار
وصلنه الفندق Radisson Airport Hotel
منطقة الفندق حلوه هادئه في يمها مطاعم فاست فود ومحطات بترول واااايد ، وكل محطه يختلف سعر بترولها عن الثانيه لنه شركات بترول متخلفه وايد
فديو تصوير عند الفندق
V
نزلنه الشنط وصلينه وظلم الوقت ،قلنه بنطلع نتعشه و نرجه انام حق بكره ، اكثر المطاعم في امريكا تسكر الساعه 10 الليل ، المهم صار خاطرنه في اكل هندي وحشتنه البهارات والرز/العيش ، وبرنامج الـ Yelp مايقصر
حصلنه مطعم هندي وكان ممدوح ضبطنه الـ GPS ورحنه ، احيانا استعين بالـ GPS قارمن الي شركة التأجير تعطينه ، بس احيانا قوقل Map يكون ادق
وهذي صوورة الأكل
طبعا حاااار
وانه احب الأكل الحار
كانت الشوارع مظلمه يوم وصلنه عند المطعم ، شفت مكان مكتوب عليه مقهى عربي ، لحم كباب!!! تعجبت وانه امشي اشوف مكتوب على المحلات واهيه مسكره لحم حلال ، ماتوقعت بشوف هذي الأشياء في منطقه مثل هذي
على اساس اني ماني داخل حق الحمام ، لازم تاخذون احتياطكم اذا تاكلون اكل هندي
المهم ارتحت
وكملت المشوار
اسم الشارع كورفت درايف
و وصلنه
طبعا هذي الكورفتات الي واقفين في الصاله ، حق استلام عن طريق المتحف ، في امريكا يصير تطلب السياره وتستلمها من المتحف طبعا بتكلفه زياده ، Museum delivery ويكتبون داخلها اسمك ، ويصير تروح تشوف سيارتك اذا تطلبها بمواصفاتك واهيه تتصنع من اول يوم لي يوم الإستلام وطبعا بتكلفه خاصه
صوره من قوقل حق لسيارات الي اصحابها يشوفونها تتصنع او يستلمونها من المتحف يصير تكتب الي تبغيه في قطعه معدنيه داخل السياره ، اما السيارات العاديه فقط مكتوب على القطعه Corvette
صورة توضيحيه هذي السياره صنعت حق شركة Venegeance Racing شركة محترفه في تزويد السيارات
نرجع حق صوري
طبعا رسوم الدخول 10 دولار فقط للشخص حق المتحف والمصنع
في فلم وثائقي قصير عن السياره صورت ثواني منه
فيديو
V
V
1966 الجميله
الجيل الرابع ابتدى من 1984 الى 1996 طبعا هذي السياره الوحيده لسنة 1983 ، سنة 1983 هيه السنه المفقوده للكورفت مانزلت بسبب يوم بصنعون الجيل الرابع واجهو مشاكل وايد بسبب التكنولوجيا الي اول مره يستخدمونها فاحتاجو وقت اطول حق تضبيط امورهم ونزلت في سنة 1984 ، يعني لا احد يقولكم صار عندي كورفت 1983
اسم كورفت جاي من المدمره الحربيه
الأب الروحي للكورفت اسمه زورا ، امريكي من اصل روسي
ZR1 الجباره بقوه 638 حصان
المحرك الي خلاهم يفوزون في سباقات Le Mans
محرك اخر سنة للجيل الرابع
السيارات الكونسبت (نسخ تجريبيه للمسقبل) طبعا هذي تصميمات في الثمانينات وبداية التسعينات حق الجيل الخامس من 1997 الى 2004
هذي يا جماعة الخير صورة المكان الي صارت فيه الكارثه ، صار انهيار ارضي وصارت حفره عميقه في المتحف ابتلعت اندر واثمن سيارات الكورفت ، لحسن الحظ انه هالشي صار وقت الليل وماكان فيه زوار للمتحف
طبعا تم تصوير الحدث بكيمرات المراقبه (فيديو من يوتيوب)
V
V
الي صار شي مخيف
وهذي السياره الوحيده الي نجت
اما الباقي
في احد يعشق الشفر معانه؟
ورجعنه صالة الإستلام
الأسود ملك الألوان
الأرضيه خارج المتحف
فيديو كورفت يستلمها صاحبها لو تلاحظون المتحف كله شياب ، اصحاب الكورفت في امريكا شياب وفي احصائية تقول اكثر الي يشترون الكورفت اعمارهم فوق الـ 50 سنه بس في منهم شباب ايضا
V
V
ورجعنه الدرب نفسه وطلعنه من Bowling green - Kentuky، واحنه نمشي نشوف مناظر حلوه ، قلت حق زوجتي شوفي في قوقل اذا في منتزه في طريقنه بنوقف ونصور
وقفنه عند مكان حلو وهادئ اسمه Rockland recreation area
ركبنه السياره مشينه مسافه بسيطه وكان فيه منتزه اسمه Cedar hill park
الجو طبيعي جدا بس انه لابس شتوي خدعني الجو لنه اول ماوصلنه ناشفيل كان فيه بروده
ورحنه مطعم كنت متحمس له من البحرين اسمه Kayne prime متخصص في لحم الستيك فيه بس صورة وحده
في المطعم حسيت بشوي من العنصريه ، سالني النادل هل تبي شراب ، قصدهم شي كحولي، قلت له لا بس عصاير طبيعيه قال بس برتقال عندنه وقلت له معليش، ويوم مشه سمعته يقول حق زميله بسخريه مايشربون كحول
طبيعة شعب ناشفيل احسهم مب معتادين على السياح بس انه ماشفت منهم مضايقات
وماعندهم اله شارع واحد حيوي في downtown اسمه The district
ورحنه نشوفه
اطول مبنى في ناشفيل حق شركة اتصالات AT&T
في برنامج الـ Yelp طلع لنه محل ايسكريم اسمه Mike وكان عليه زحمه ، الصراحه عجييب ومصنوع في بيت ، مثل مانقول شغل بيت وبدون مواد حافظه والوان
طبعا مثل ما قلت لكم كنت ناوي امشي من ناشفيل ثاني يوم بس مددت يوم نشوف شنو فيها
من معالم ناشفيل الـ Parthenon الي تم بنائه في سنة 1897 وهوه نسخه بالضبط من البارثنون اللأصلي الي في اليونان الي تم بنائه في سنة 447 قبل الميلاد
ويقع البارثنون في منطقه يسمونها Tennessee Centennial and International Exposition وهوه معرض احتفال السنه المئويه لتأسس ولاية تينيسي ، الولاية تأسست سنة 1796 وكان مختلف المكان وفيه بعد هرم نفس مال مصر واشياء غير ترمز لكل دولة
يوم كنه نشوف صور المكان من النت واحنه نخطط حق السفره المكان كان جميل وحواليه وروود وايد ومكان حلو حق المشي
بس يوم رحنه انصدمنه ، لأنه المكان كان يسوون له صيانه واعادة تجديد كامل ومافيه الورود والنهر والهرم ، اقصد المكان والحديقه الي حوالين البارثنون
صور البارثنون يوم وصلنه
وهذي اثينا الي اليونانيين القدماء يعتبرونها ( استغفرالله ) ربهم ، التمثال حطوه داخل البارثنون سنة 1990 ، سنة ميلادي يعني
رسوم الدخول كان مبلغ بسيط وكان داخل تماثيل وصور
بس ماصورت ماطولنه داخل ومشينه
صور قديمة من المنطقه الي حوالين البارثنون من قوقل
طلعنه وتغدينه من مطعم برجر طبعا كان افضل مطعم في ناشفيل مصنف في الـ Yelp
شفنه في قوقل طلع لنه حديقه حلوه اسمها Cheekwood-Art & Gardens
صورة الدرب
المكان كان دربه حلو بيوت وملاعب قولف ، وصلنه عند البوابه كانت في موظفه سألتنه من اي دولة انتو؟؟ قلت لها البحرين واخذت بطايقنه الشخصيه حق تدخل بياناتنه، قالت لنه ماتطلع ديرتكم في الكمبيوتر
، حته في تور الهيلوكبتر نفس القصه
المهم دخلنه وقالت لنه الساعه 5 يسكرون المكان
المكان جميييل ويسوون فيه حفلات زفاف وفيه متحف فنون
وطلعنه من المكان الجميل ورجعنة لمنطقة الـ District هناك في قريب من الشارع متحف Country music hall of fame نسيت اقولكم شغله عن ناشفيل ، ناشفيل يسمونها Home of country music مدينة الموسيقى الريفيه واهيه بلدة اشهر المغنيين الي يغنون الأغاني القديمة مثل الفيس و جوني كاش و كيني روجر
طبعا المتحف فيه قيتاراتهم والات العزف وسياراتهم وغيره ، احنه رحنه على نهاية الوقت وفيه مرشد وتور داخل المكان بس قالو لنه انتو وصلتو على نهاية الوقت ومافي تور ، وقلنه لهم مب مشكله بس نبي ندش على اي حال
سيارة الفيس
السياره الأصليه في الفلم الأسطوري Smokey & the Bandit 2 بونتياك ترانز ام
وطلعنه من المتحف واحنه نتشمه صورت Schermerhorn symphony center
وتمشينه لي الـDistrict ومرينه مره ثانيه محل الأيسكريم Mike
ورجعنة واخذنا السياره ونتشور في المنطقه وهذي صوره بعض المحلات الي نشوفها بالعربي المنطقه فيها عرب واتراك وايرانيين واكراد ماتوقعت بشوفهم خصوصا في اكثر الولايات الجنوبيه عنصريه
ورجعنه الفندق وجهزنه نفسنه لرحلتنه الصبح حق اخر مدينة في رحلتنه واهيه نيو يورك يتبع ....
بصراحه واحنه طالعين من ناشفيل ورايحين نيويورك ماكنت مستانس وايد ، كنت احس بنهاية السفره
هذي صورة اول مانزلنه مطار John F.Kennedy اول مره اشوف طياره اسرائيليه ، بوينق 747
نزلنه المطار وخذينه الشناط وتلبسنه عدل حق البرد
اول ماطلعنه من المطار طلع لنه واحد نصاب
قالنه تاكسي؟؟، قلنه ايوه ،على طول خذ شناطنه ومشه واحنه وراه ، انه اشوفه رايح يمشي المواقف مال الزوار وسيارات التاكسي اللي لونهم اصفر واقفين على صووب، المهم طلع الأخ يبي يوصل ومسوي روحه ليمورزين خاص في مرسدس اسود،واعتقد سياره شركة يشتغل فيها، المهم انه ركبنه معاه و وصلنه الفندق
بخصوص سيارات التاكسي في نيويورك اعتقد التوصيل لمطار JFK سعر ثابت ،واهوه 50 دولار اذا ماخابني الظن، مب متأكد
وهني وصلنه فندقنه Seton نزلنه الشنط وعطونه المفتاح واحنه نمشي في الممر اشوف بين الغرف حمامات وانتو بكرامه ، اقول في نفسي شسالفه !! المهم يوم دخلت الغرفه انصدمت، اله الغرفه صغيره ومافيه حمام بس مغسله
والحمامات الي في الممر مشتركه
نزلت لهم وقلت لهم الموضوع وقالو لي انت حجزت هذي الغرفه وتأكد ، يوم تأكدت فعلا الغلط مني ، كان مكتوب حمام مشترك بس ما انتبهت ، قلت لهم طيب في غرف فيها حمام ولا شسالفه؟ قالو اي يصير تسوي upgrade وعلى طوول سويت، وبدلنه الغرفه ، وكان الفرقيه الي دفعتها 60 دينار
المهم نزلنه على طوول للمكان الي الكل يزوره ويصور فيه الـ Time square طبعا في نيويورك كنه نتمشه مثل سان فرانسيسكو وقليل استخدمنه التاكسي
طلعنه نتمشه
هذي صورة Grand central terminal المركز الرئيسي للقطارات
الـ Time square
طبعا الجو كان بااااارد درجة الحراره تتراوح بين 2 وصفر في الليل وثاني يوم كانت 2 تحت الصفر
وتعشينه في مطعم bubba gump اختصاصه اكل بحري ،هذي المطعم له افرع في كل امريكا وفي فلم بطولة توم هانكس شلون صار المطعم اسم الفلم Forrest gump فلم عجيب
