أتينا..أثينا...14
نكمل يومنا الثالث
بعد ما ريحنا بالفندق قلنا ...بعده الليل مطول خل نطلع
نتمشى ....قال بوحسون نبي سوق
شنو اسواقهم قلت له باقي اثنين من اللي ودي اروح لهم
اولهم سوق شارع الغلافادا
وهذه معلومات عنه من عاشقة اليونان
غلافادا glyfada:
تقع بالقرب من البحر وتمتاز هذه المحلات بوجود زارا واتش اند ام ومانجو وبريشكا وهذه النوعيه من المحلات العالميه بالاضافه الي السلع التركيه وايد حلوه وشغل ديرتهم اليوناني غريب وعجيب ، تضمن مطاعم متنوعه ومقاهي وسينمات مسليه جدا ويفضل الذهاب اليها العصر اذا كان بفصل الصيف لانه اوقات الظهر بعض المحلات يغلقون
أخذنا تاكسي من امام الفندق الى السوق ب 20 يورو
ووصلنا هناك منطقة غلافيدا....شفنا تجمهر من الناس وكانه احتفال حوالين
كنيسة كبيرة ....
طفناها ومشينا شوي ونزلنا قال لنا هذا بداية شارع التسوق
وقعدنا نتمشى فيه تقريبا الساعة 6
وهذه الصورالقليلة للشارع
شريت لي ذرة مشوية من هذه البنت
وهذا واحد من المجمعات الصغيرة اللي بالشارع
تحت المحلات مسكرة والدرج الكهربائي عطلان......
محلهم كبير نفس اللي بلندن
دشينا هالكافيه
ما بغاه بوحسين
طلعنا
وقعدنا بهذا الكافيه بسكة جانبية
لقينا فيه بنتين طلبنا منهم كب كيك وكابتشينوو وشاي حليب لابوحسين هههههه
ما نغير
مافيه احد...الا احنا
وصل طلبنا مع الفاتورة مرة وحدة
طلع حسابنا ب 6,50 يورو
نظرة اخرى
بعدين طلعنا عل الشارع اللي يودي لجهة الكنيسة
وشفنا هالسوق بسطات واكشاك
كأنه لقيمات بس يقولون دونت .....ويحطون عليه اي شي تبون من الاضافات
وهذيل يبيعون هوت دوغ باي اضافة عليها
وهذه الكنيسة
وهذا محل كبير جدامها
الشيشة وصلت هني ياخرابي
ولقينا اللي يبيع يوناني يعرف شوبة عربي معلمه صاحبه المصري
وقفنا نسال المصري عن شغلة او مكان
طلع ما يعرف ....تحس العرب اللي يشتغلون هناك ما يعرفون الا منطقة عملهم بس
اي جهة ثانية لا ....وحتى الاجانب نفس الشي
التجمهر امام الكنيسة وكانو ينشدون داخل نسمعه
بس مادري شيقولون
شوفو البحريه
وهني وصلنا ندور تاكسي او مواقف لتاكسي
مافيه للاسف ....
شفت هالمخبز ....بس مافي مجال اكل هههه
وقفنا تاكسي من الشارع ورجعنا .....طلع حسابه ب 12.50 يورو
دايما يطلع سعر الرجعة اقل
ووصلنا بلاكا
اول ما نزلت وادخل محل الصنادل الجلدية
وتكرمون اشتري للعيال ب170 يورو....تتراوح اسعارهم من 25 الى 35
بس ما صورتهم
ولقيت ابوحسين ينطرني اخر الشارع
وهذا بياع الخواتم
وصار وقت العشا ....ولقينا واحد واقف ويدلل على مطعم
يقدم كل انواع الطعام مع رقص فلكلوري يوناني
قلت لابوحسين خل نروح
ورحنا....الرجل طلع مصري وعايش هني من سنة 65 متزوج نمساوية
وعنده بنت وحدة
هالكلام قاله لنا لما رحنا معاه للمطعم يعني مسافة دقيقة للمطعم بسكة في بلاكا
دخلنا والا قروبات سياحية موجودين هناك
اجانب وهنود واسيوين
قعدنا يالنا الجرسون المرعب ذكرني بجرسون مع اسماعيل ياسين يحطونه يضرب اللي ما يعطي فلوس
.....قال العشا بيكون طريقة التقديم
والشخص 35 يورو
قلت له اوكي نبي سمك مقلي
واثنين كولا
وهذا الاطباق تقدم للكل ما عدا الطبق الرئيسي
الكولا
المقبلات.....وأشر لي على الكبة قال لي ..بيف
الحمدلله الامانه موجودة
السلطة اليونانية المشهورة
الطبق الرئيسي
وبالأخير هالأيس كريم
طبعا اخذوا 70 يورو.....بس استمتعت بالفلكلور اليوناني
للي يحب يشوف هذا فيديو
greece 350ط§ظ„ط±ظ‚طµ ط§ظ„ظپظ„ظƒظ„ظˆط±ظٹ ط§ظ„ظٹظˆظ†ط§ظ†ظٹ - YouTube
.
وبعدها للفندق لقينا المحلات أغلبها مسكر وبعضها خافت الضوء للمحل تخفيف الاستهلاك
كنت قبل لا اسافر باحثة عن مطاعم حلال في اليونان
وصورتها بس ما رحنا لها....للي يحب يروح
وتصبحون على خير
لليوم الرابع تابعوني
