أتينا ...أثينا..10
حجزنا مثل ما قلت لكم بس للباص الأحمر
من النقطة الأولى وهي عند ساحة سنتجيما
وهني لوحة الخريطة واماكن التوقف
طابور للحجز
قعدنا فوق والشمس اليوم حارة
بس لما يمشي الباص الجو لطيف
أخذنا سماعات
وركبناهم على الجهاز في مكانا باللغة الأنجليزية
مافي عربي للأسف
قلت لابوحسين يشتري لنا ماي...الشمس قوية ويمكن نعطش
اساسا خلص نص البطل واحنا ما مشينا
وهني الكشك قريب من المحطة
ومشى الباص
وهذه تقريبا في اول معلم سياحي
الباص يمشي وانا اصور لكم
أسلاك القطارات الكهربائية
جميع انواع المواصلات عندهم .....بس ما شفت تلفريك
الاتجاه للمتحف
نزلنا عند الموقف رقم 3 وهو للمتحف
ومافي مدخل للمتحف ....مشينا ورا الناس ودخلنا الا الناس ماكوو راحووو ههههه
هني يسار المدخل
والطريق هذا يصعدنا لفوق...بطريق منحني
وهني مثل ما تشوفون الأثار موجودة بمكانها الأصلي
وبنوا عليها المتحف
تحت أعمدة المتحف
وهني صورة للمتحف واحنا للحين نصعد
شوفو هني مكان الناس اللي واقفين
في اماكن مغطاة بالزجاج وتبين الأثار تحتها
وفي اماكن مكشوفه مثل هني
معلومات عن هالأثار
هذه الحفرة يحذفون فيها قطع من اليوروات
احنا حذفنا 100 فلس
وكوناها بالحفرة مو برة
كوناها يعني يبنا جووول يعني اصبنا الهدف
دخلنا داخل
ولقينا الأستقبال للمتحف ومكان قص التذاكر
قصينا تذكرتين الشخص ب5 يورو
التيكت من الأمام
ومن الخلف
ساحة انتظار للي بيحجزون او ينتظرون ربعهم للخروج
اول ما دخلنا المتحف قالو ممنوع التصوير
في هذه المنطقة
بس بعدين ممكن التصوير
اول شي فيلم عن اكتشاف الأثار ونقلهم وترميمهم
واهم شي تخطيط معبد الأكروبوليس
هني تبين الادوات واشلون لقوها ...تحت المتحف
شوفو بعض ما أخترته من صور المتحف
لاني مصورة وايد
وصلت هني وانا اصور اوتو بالكاميرا
والا تقولي حارسة امن
نونو
ليش ما اصور....والناس تصور
ألتها يعني عادي اصور بالأيفون؟؟.....قالت اوكي كاميرا بس نو فلاش
عاد بعدين شلت الفلاش وهات ياتصوير
مجسم لمعبد الأكروبوليس
هني مجسم للأعمدة اللي على شكل بنات
شايفين النقشة بأعل العمود
هذا جزء من الأصل
هذه اللوحات التعريفية موجودة بكل قاعه
القاعات مفتوحة على بعض ولا في حواجز بينهم
خليكم متابعين
