السلام عليكم
اول شئ شكراً لهذا الصرح الي استفدت منه كم معلومة وعشاك كذا تحمست اكتب تقرير مختصر عن رحلتي
كرد للجميل ولعل احد يستفيد من تجربتي زي ما استفدت من تجارب البقية [ATTACH=full]555871[/ATTACH] [ATTACH=full]555872[/ATTACH]
[ATTACH=full]555873[/ATTACH]
رحلتي كانت فجر يوم السبت 16 ديسمبر على الخطوط السعودية مباشرة
والعودة صباح يوم الاربعاء 27 ديسمبر على الخطوط السعودية مباشرة
الطيران كان عادي جداً وطيارة صغيرة مثل الطيران الاقتصادي ثلاث ركاب على اليمين وثلاثة على اليسار
في الذهاب كانت الطياره شبه مليانه والعوده مليانه
استغربت في الذهاب أن فيه نسبة كبيره من الهنود أو البنغالية مسافرين قروب بعوائلهم
ولا فيه اي سعودي غيرنا [ATTACH=full]555874[/ATTACH]
مدة الرحلة تقريبا 6 ساعات
الذهاب والعودة
الرياض - ميلان
ميلان - الرياض
خطة الرحلة
يوم الوصول ميلان ثم ناخذ السيارة وننطلق لكومو نجلس ليلة ونطلع بعدها للبندقية [ATTACH=full]555875[/ATTACH]
جلسنا ليلتين ثم الانطلاق الى فلورنسا ايضا ليلتين ثم مرينا بيزا ساعة زمان [ATTACH=full]555876[/ATTACH] متوجهين الى بورتفينو
بنجلس فيها ليلة لكن السكن كان في ربالي تبعد 20 دقيقه عن بورتفينو ثم باقي الايام في ميلان [ATTACH=full]555877[/ATTACH]
[ATTACH=full]555878[/ATTACH]
أول ما وصلنا ميلان اظاهر ماكان فيه الا رحلتنا ورحلة معنا فاضية الجوازات وما طولنا وحتى الشنط على طول وصلت [ATTACH=full]555879[/ATTACH]
كانت الخطة باخذ شريحة من المطار وثم اخذ السياره لان حاجزها من موقع SIXT كان عندهم عرض تخفيض 20% وتدفع عند الاستلام وقابل للالغاء في اي وقت
مع ان مواقع التاجير زي رينتال كار وكايك وغيرها تطلع لي ان فيه سعر ارخص لسيارات وعن طريق شركة SIXT الا اني قلت اتعامل مع الشركة اضمن لي واوضح لان قد استاجرت عن طريق هالمواقع ويوم وصلت طالبوني ادفع مبلغ تامين على السيارة يقولون مانقبل تامين الشركة خلهم يرجعونه لك [ATTACH=full]555880[/ATTACH]
دورت محل اتصالات في المطار ماحصلت لكن سالت مطعم هناك يتكلمون انجليزي مكسر زي محدثكم [ATTACH=full]555881[/ATTACH]
وقالوا لي تحصل شرايح عند محل تبديل العملات ويوم رحت حصلت عنده شريحة فودافون عندهم عرض
بس 45 يورو شريحتين وحده نت بس والثانيه نت واتصال وحده فيها 10 جيجا والثانيه 8 جيجا
لكن اشك في كلامهم لان فيه وحده من الشرايح على طول خلصت الثانية كنا نشغلها للضروروة بنبحث عن لوكيشن ولا نشغل سناب شوي ونصور
يوم خذت الشريحة قلنا خل ناكل لنا شئ دامنا خلصنا امورنا .. خذنا لنا كوروسان وقلنا لهم نبي كوروسان مع جبن بدون لحم وخرابيط و[ATTACH=full]555882[/ATTACH]
والمدام طلبت لاتيه <<< يوم وصل انصدمت وهي انصدمت من اللاتيه [ATTACH=full]555883[/ATTACH]
طلع اللاتيه عندهم حليب ساه .. فلازم تقولهم لاتيه مع قهوه فيسوون لك حليب ويصبون عليه شوي قهوه [ATTACH=full]555884[/ATTACH]
وصراحه كنت متخوف من ردت فلعهم وتعاملهم مع الاجانب واللغة لكن طلعوا زي العسل [ATTACH=full]555885[/ATTACH]
عاد استلام السياره واضح تتبع لوحة ايجار السيارات والباص نفس الطريق في الدور الارضي
وحصلت شركة سكست لحالهم لهم مكتب كبير تحت واضح خلصت اموري وخذت السيارة
هنا بدت اللخمة [ATTACH=full]555886[/ATTACH]
حركت السيارة يوم جيت اطلع حصلت بوابات ماتفتح الا بكرت، وفيه كرت معي ادخله يقول غلط
واجرب بوابه ثانيه نفس الشئ ..
الا رحمه من ربي جت عاملة تنظف ماتفهم انقليزي اشرت لها وخذت الكرت وعلى طول فتح
طلع المشكله فيني مدخله مقلوب [ATTACH=full]555887[/ATTACH]
طبعاً السيارة فيها شاشة ونفقيشن انجليزي فما يحتاج تطلب منهم جي بي اس شيك على السياره لاجيت تطلبها وشف مواصفاتها عشان لاتخسر عمرك
واصلا انا محمل خريطة اوف لاين من قوقل ماب لايطاليا
وانطلقنا بحفظ الله نتبع الخريطتين عشان نتاكد ان الوصف صح
والحمد لله الامور تمام لكن الي موب تمام ان العالم طايره وانا مهدي ما اعرف كم السرعة القصوى [ATTACH=full]555888[/ATTACH] وودي اسرع مثلهم وراي 40 دقيقة على ما اوصل
بعد مسافة جتنا بوابات كثيرة [ATTACH=full]555889[/ATTACH][ATTACH=full]555890[/ATTACH]
وش السوات يا ام محمد ..!! وين نروح معه بعضها عليها علامة قروش وفلوس وشي اسفر ومكتوب تيلي باس
وانا اذكر اني دافع من ضمن الرسوم ضريبة طريق.. قلت بدرعم مع الي تيلي باس الي بدون بوابه
وتوني معدي الا تولع اشارة حمراء وتطقني الغلقة [ATTACH=full]555891[/ATTACH]
من اول يوم يقفطوني .. واذكر دبي عندهم مخالفه كبيره على سالفة بوابات سالك لاتصير مثلهم
وانا قاري في تويتر قبل ان فيه واحد جته غرامه كبيرة وطول الطريق قافلة
جتني بوابة ثانية بس ما اذكر هو انا بس دفعت 2 يورو ولا اني خذت كرت
الزبدة سالفة هالبوبابات هي في الطرق السريعة لاجيت تدخل واذا جيت تطلع منها لازم تمرها وتوقف تحصل فيه كرت طالع تسحبه وتمشي ولاجيت للبوابة الثانية
بتحصل فيه بوابات فيها كاشير وفيه بوابات زي المكاين تعطية الكرت او تدخل الكرت في المكينة ويطلع لك السعر في الشاشة وتدفع هلل ولا ورق واظاهر بعد فيه بطاقة بعض البوبات
طبعاً حط حسابك لهالبوابات من قطة السفرة اذا انت بتستخدم السيارة
اقل شئ 2 يورو او 1.70
ومره وصلت اظاهر 20 يورو
المهم يوم دخلنا كومو بدت الشوارع الي رايح جاي صغيره ويمينك البحيره بس انت فوق جبل [ATTACH=full]555892[/ATTACH]
وفي هالمسارين يمشي معك سياكل ودبابات ومنعطفات فلازم تركز وفيه اشارات مؤقته يصير فيه صيانه فيجبرونك تدخل على المسار الثاني تعكس
ووصلنا الفندق اظاهر الساعة 11 وكان تسجيل الدخول الساعة 2 لكنهم ماقالوا شئ وكان كل شئ جاهز ومتعاونين وبشوشين وانا كنت ماخذ فكرة سيئة عن الايطالياً بسبب سمعتهم وسمعت الديرة
[ATTACH=full]555893[/ATTACH]
هذي اطالالة الغرفة .. خذنا لنا غطة ابو ساعتين ترريحة عقب الرحلة والخط
ثم طلعنا نتمشى في المدينة ونشوف وش علومها .. كنت متصور انك تمشي وتوقف سيارتك على اي رصيف
طلع فيه مواقف منتشره في المدينة طبعاً بفلوس والقريب زحمة واوقات ادخل مع طرق الناس تمشي فيها ضيقة والجي بي اس يقول طريقك صح لحسة مخ [ATTACH=full]555894[/ATTACH]
في النهاية حطيت موقع مواقف ثاني على اساس انه ابعد من الاول وطلع قريب
لان المدينة اصلا صغيرة لكن الخريطة مكبرتها وقلت ليتني موقف من زمان في هذي المواقف بدال الفرفره
نظام المواقف تحصل في الشارع لوحة مكتوب بالازرق P وبعضها مكتوب تحتها كلمة بالاخضر معناتها متاح
تاخذ ورقة وبالساعة وقبل لا تطلع فيه مكينة تحت في المواقف تسدد وانت طالع تحط الكرت تفتح البوابة
المكينة ماتقبل اكثر من 50 يورو عملة ورقية لكن تقبل بطاقة <<- ماكان معي فكه بس 100 يورو وابيهم يفكون لي [ATTACH=full]555895[/ATTACH] في النهاية استخدمت البطاقة
كان وسط المدينة الدومو زحمة لانه صادف عطلة الكريسمس وحاطين اضاءه على الكنيسه والمباني الي جنبها عالم.. وقلنا بنجرب مطعم ممدوح لنا في هالساحة ودخلنا بنطلب لنا شئ يشبعنا ويدفينا
العالم اغلبهم شراب وانا دايخين نبي ناكل ونزبن من البرد
جاب المنيو ندور شورة ؟؟ قال مافيه واستغرب يوم سالنا [ATTACH=full]555896[/ATTACH]
في الاخير طلبنا بيتزا وسلطة سيزر ومكرونه وكانت اول وجبه فعليه من ايطاليا [ATTACH=full]555897[/ATTACH]
احس اني كثرت كلام .. خلني بكره ان شاء الله اكمل لكم باقي السوالف عشان لا اقلب راسكم ... يالله نراكم على خير [ATTACH=full]555898[/ATTACH]
