طبعا بما انو جلسنا هنا قرابة الساعتين جالسين بكراسي قدام البحيره وتحت ظل شجره واجواء ترد الروح .... مر علي شايب وعجوز بعربة مشي هو كبير بالسن مر من قدامي وقعد ياشر لي بيده انا قلت يمكن رجولي مضايقته لاني مادها وخرت رجولي وعدلت جلستي المهم انا وقفت بس بعدل جلستي الا العجوز يوم جلسة بمكاني هههههه لاحول ... انا ضايقت ام فارس شوي وجلست بجنبها الا الشايب واقف يبي يجلس وانا اقول لام فارس شكل هالكرسي متوعدين يجلسون فيه كل يوم ونقوم ونجلس بالكرسي اللي بجنبه ..
العاب للاطفال بالحديقه
توجهنا للمحطه لموعد القطار الساعه 5:30 ...
رجعنا للفندق وريحنا ....ونزلنا الي الساحه لانو اخر يوم لنا بميلان والوداع ..
اعلام دول الخليج بشارع التسوق بجانب ساحه الدومو وتواجد الشرطه مكثف .. تعشينا بمطعم على الشارع بمبلغ (27يورو)...
مشرد ينام بجانب مكينه الصراف
وبكذا خلصت الجانب الايطالي لمدة 8 ايام .. 3 ايام بروما 2 ليلتين بفنسيا 3 ليالي بميلان وان شالله انو يكون مانقلته نال استحسانكم وان شالله لنا لقاء بالقسم السويسري .. تحياتي لكم
