بلاد الإسبـان

[دعاءء]

بوابة السفر الى اسبانيا

عنوان التقرير القـول البيـان .. في أحـد عشـر يومـا في بلاد الإسبـان :: تقـرير مصـور,,بقلم Triple M

يسعد أيامكم


​

الحمـد لله ذي العـزة و الجـلال ،، المتفـرد بصـفات الكمـال ،، عالم الغيب و الشهـادة الكبير المتعال

منزل الكتاب و مجري السحـاب و مرسل الرياح و مسبب الاسباب

سبحـان من خلق الارض و أنبت منها الشجار

و جعل فيها البحـار و أجرى فيها الأنهـار

نحمـده تعـالى على ما يسـر و قضى ،، و ما قـدَّر على عبـاده و أمضى

أمـا بعـد

فالسلام عليكم و رحمـة الله و بـركاته



أود أن أعـرفكم بنفسي

أنا Triple M من أرض جـزيرة العـرب

عبـد من عبـاد اللـه الصـالحيـن >> أول كـذبة بالموضوع

آتاني اللـه بسطـة في العلم و الجسـم و جعلني منارا من منارات الحكمـة و علما من أعلام النبلاء >> الكـذبة الأولى ما بردت

اسمـحوا لي جميعا أن أضع بين أيديكم تقـريرا بما تم و حـدث في بلاد الأعـاجم .. في بلاد اسبانيا بين الثالث عشر من يوليو و حتى الثالث و العشـرين منه

سيـر الرحلـة كان كمـا هو موضح في الخـريطة

برشلـونة ٣ أيام - اشبيليـة يوم - غـرناطـة يوم - ملقـا ٣ أيام - مـدريد ٣ أيام


النـاقل الرسمـي : الخطـوط الجـوية التركيـة

سعـر التذكـرة: ٢٤٥٠ ريـال سعـودي

خط سيـر الرحلـة : البحـرين - اسطنبول - برشلـونة - مـدريد - البحـرين

مـدة الإقـامة : ١١ يـوم


قبـل السفـر جهـزنا جميع المتطلبات اللي تطلبها السفارة الاسبـانية و هي كالتالي:

١ - جـواز السفـر

٢ - حجـز مؤكـد

٣ - تأميـن يشمـل فتـرة الإقـامة

٤ - صورتيـن شخصيتين ملونتين مكشـوف الرأس

٥ - تعـريف بالراتب من العمل مصدق من الغـرفة التجـارية

٦ - كشف حسـاب

٧ - فاكس من احـد الفنادق اللي راح تقيم فيها مكتوب فيها حجـزك ( و هذا شرط معقد جدا )

٨ - تعبئـة نمـوذج طلب الفيـزا مرتين

٩ - الاتصال بالسفـارة لتحـديد موعـد


لما جهـزنا هالطلبات كلها مشينا للرياض لغرض التقديم و مشى الدور بسرعة الحمد لله

وصـل دوري

و قابلتني وحـدة عجـوز شمطـاء جـرباء حمقـاء غـول عنقـاء

يطلق عليها الكويتيـون اسم النسـرة

غسلتني بكم كلمـة بناءا على ملاحظـات شافتها في الطلب حقي من بينها اني حاط مدة التأمين من تاريخ ١٣ يوليو و حتى ٢٣ يوليو .. يعني بنفس فتـرة الاقـامة بالضبط

صرخت علي و قالت : لو اضطريت انك راح تجلس يوم واحد زيادة في اسبانيا راح يعتبر تأمينك illegal .. و لك انتا بتعـرف شو يعني illegaaaaaaaaal ؟ لك المفروض تبحبحها شوي

الصراخ قدام هالعالم ذولا كلهم قوية في حقي شوي

جلست اقلبها في راسي شوي و اقول: لو رديت عليها بيطردوني و يدوسون ببطني و يحرمون اوروبا مني

و لو اني ابلعها و اسكت بيعدونها و الصبر زين في هالحالات

و انطلاقا و عملا بالمثل القائل: لو حاجتك عند الـ.... قول للـ.... يا سيـدي

قـررت اني اسكت بانتظـار ما ستؤول اليه النتيجـة

و لذلك اقـول تجنبا لحالات مثل هـذه زود في مدة التأمين شوية لتسد الباب في وجه كل أجرب

​

​

 

[دعاءء]

كـانت النتيجـة هي قبول الطلب و اصدار الفيـزا قبل الرحلـة بيومين بس

كنـا اربعـةُ نفـرٍ في هـذه الرحلـة .. انا و ثلاثة من الاصدقـاء كحـراس شخصيين

و لذلك اسميهم الأخويا

في الثاني عشـر من شهـر يوليـو مضينـا على بركة اللـه الى البحـرين و رحلتنا تقلع في اليوم اللي بعـده في اولى ساعات الصباح

مضيناها سوالف و بلع الى ان جـاءت سـاعة الصفـر و حـان وقت الاقـلاع الى اسطنبـول

و انـا في القـرب من بـوابة المغـادرة تذكـرت يوم ان فـارق المتنبي سيف الدولـة الحمـداني اذ انشـد حينها قصيـدته المشهـورة قـائلا في مطلعهـا

في سلـم الطـائرة بكيت غصبـاً بكيت ****** على محبيـن قلبي عنـدما ودعـوني

منظر من البلكـونة

وصلنـا بحمـد اللـه الى اسطنبـول و قـدامنا سويعات قليلـة قبل الذهـاب لبرشلـونة

مضيناها سـوالف و بلع ايضـا

احـد الحراس الشخصيين سعيـد باصطحـابي له

الحـارسين الشخصيين الباقيين ماشين قـدام لتأمين الحمـاية بشكل كـامل

اللي ينزل بالمطـار لازم يمـر على هـذا

يبيع ايسكريم بالطريقة التركيـة المميـزة بس يبي لك تكـون مـروق و انت تشتري لانه ممكن يرفع ضغطك

​

​

 

[دعاءء]

تم اعـلان الرحلـة المتجهـة الى برشلـونة و الشـوق يحدوني نحـوها

اسـابق السـاعة و تسبقني الساعة ****** و انا توني باول ثوانيها
ابشتـري وقت وين اسواق بيـاعه ******* ياللي تبيع الدقـايق حـد و اشريها


طـارت علي الدريشـة و جلست بالطرف

جلس جنبي واحـد ارجنتيني اللـه يعل كبـده راعي سـوالف .. احط سماعة الايبود باذني بس وين اللي يفهم

و ليتهـا جات عالسـوالف كان هانت .. خوينا ما شاء الله عليه ما يتعب و هو يدور وظيفـة

بامكـانه يشتغل طفاية حـريق ام رغـوة

و يقـدر يشتغل علبة مريتو بمغسلـة

و يقـدر يشتغل اسفنجـة مبلولـة حق تقليب الصفحـات

عسـاه لا يجلس جنبك .. يسـولف و تشوف تفلـة طايرة على وجهك ..سألت المضيفة اذا عنـدهم تركيب مسـاحات بس قالت خلصت

​

الارجنتيني كمـا بـدا في الصـورة

وصل الفطـور و عسـى اللي جنبي ينثبـر .. لكـن للاسف كان للحـديث بقيـة

فستـق !؟ امحـق ضيـافة

و اللـه لو ان الركـاب قـرود السـراة

منظـر عـام لبرشلـونة

لقطـة 3D للمـدينة

وصلنـا بعـدها بقليل لمطـار برشلـونة

طـائرة اسرائيليـة و يا كثـر السياح الاسرائيليين هناك

و انا اللي كنت متوقع ان الفقـر داقهم

اللـه لا يـرده

خلصنـا من امـور الجـوازت و اجراءات الدخـول

و اخـذنا باص المطار اللي راح يودينا لمحطـة القطـار اللي راح يودينا لمحطة المترو

وصلنا لمحطـة القطـار و انا اشهـد ان احنا نقعنا نقعـة اليييييمة ننتظـر هالقطـار يوصل

المسـافرون المنقـوعون ينتظـرون القطـار


وصلنـا للمترو .. و لكـن حـدث ما لم يكـن بالحسبـان

كنت اظن بأن الشعب الاسبـاني لا زال محتفـلا بحصول منتخب بلادهم على كأس العـالم

كما كنت اظـن بأنهم غيـر آبهيـن بقـدوم اي شخصية ذات اهميـة ابـدا

و لكن كنت اظن و كنت اظـن و خـاب ظني

فقـد كـان الثالث عشر من شهـو يوليـو يوما يُـدوَّن في سجـلات التاريخ

فاكتب يا تاريخ و اشهد يا زمـن

فالخطـب عظيم ،، و القـادم كـريم ابن كـرام

اذ كان هذا اليوم هو اول يوم يهبط فيه Triple M الى ارض اوروبـا منذ ان عـرف نفسـه

فكل من في اوروبا مبتهج ،، و كل من في اسبانيا سعيـد

خـرجوا زرافات و وحـدانا لتحيتي و رؤيـة محيـاي .. رجـالا و نسـاءا .. اطفـالا و شيـوخا ،، اسبانا و غير اسبـان ،، ناس معهم اقامات و ناس لفظهـم البحـر

فـلام اللـه من يلومهم … فهـم ابعـد من ان يـروا القمـر في ليلـة تمامه في صـورة آدمـي >> لا عـاد هذي توكل على الله من جد

فقـد امـر الحـاكم الاسبـاني خـوان كـارلوس بأن تحشـد الحشـود .. و تقـرع الطبـول .. و تسيـر الجمـوع في شـوراع مـدن اسبانيا ايـذانا بمقـدمي الميمـون و أمـر بأن يعلن هذا النبـأ في صحيفة ام القـرى

اليكم صـورا من احتفـاء الاسبـان بي

و اللـه ان المـرء لتدمـع عينـه لكل هـذا الحب

المشكلـة ان ما عنـدي وقت ودي ارتـاح شـوي و بعدها اقـدر اقابل عامـة الشعب هم و معاريضهـم

رونـالدو فـرحا بهـذه المناسبة

مين قـده ضمن له فيلا على الرامبلا

​

​

​

 

[دعاءء]

قـدرت الحمـد للـه اني اخلص نفسـي من الجمع الغفيـر الذي حضـر الاستقبال

و بهـذه المناسبة احب اشكـر الحرس الشخصي لمسـاعدته الكبيـرة في تدبيـر وسيلـة للخـروج و تأمين السيـارة المصفحـة

>> كنت ابغى صورة ارنب بس ما لقيت الا فار

طلعنـا من المتـرو بشـق الانفس

عـاد هنـا صـار الشي اللي ماله داعي

جلسنـا نسـحب بالشنـاط في الشارع و ما حنا داريين وين الفنـدق اصلا .. رغم ان المسافة كانت قريبة جدا

و ما زال التسحيب مستمـرا

ناس تعـرف تشخبـط و التسحيب ايضا مستمـر

وصلنـا للفنـدق بعـد جهـد جهيـد

اسم الفنـدق Ayre Hotel Caspe

اربع نجـوم و تقييمـه في بوكنق ٨ من ١٠

اخـذنا فيـه غرفتين

​

مثل ما انتوا شايفين غـرفة يركض فيها الخيل

هي بس خطوة وحـدة لهالخيل من الباب و يضرب راسه بالدريشـة اللي قدام

بعـد استـراحة المحـارب رحنـا للمتـرو مـرة ثانية و عالرامبلا

اسلـوب شحـاذة راقي جـدا و اللـه اعلق و اصفق

مهـوب اللي عنـدنا لابس ثوب منكب عليه حليب و فاك الزرار و السروال اطول من الثوب و لابس شماغ العقل و يقـول قـدر الله عليّه حادث و مديون و هذا صك من المحكمة و بالاخير يطلع صك ملكية ارض

هـذا كنت ناوي اجي عنـده اخليه يرسمني بس من بعـدها ما شفته للاسف

يقـول انه يرسم الشخص في خمس دقايق فقط بواسطة الفحم و هذا جـزء من اعماله

و هـذي اعمـال شخـص آخـر



و الآن ايها الاخـوة الـكـرام .. اسمحـوا لي ان اقـدم لكم قصـة قصيـرة مصـورة

بعنـوان قصـة سائح ضيع ربعـه

سـواح و انا ماشي ليالي سـواح

ولا داري بحـالي سـواح

بالفـرقى يا غالي سـواح

ايـه اللي جـرى لي سـواح

بس خلاص انتهت القصـة

تمثـال كولومبـوس في نهـاية الرامبلا

اللي عاليمين حـاول يسوي حـركة بس ربكم انقـذ اللي عاليسـار انها تطلع بالشكل المطلوب في الكاميرا

اخر مرة سويت هالحركة في ثالث ابتدائي

صـورة شخصيـة و الاثنين اللي وراي لا زالوا ينتظـرون دورهم

​

مينـاء برشلـونة

منظـر يحمس الواحـد يطب بالبحـر بس مشكلة اللي ما يعرف يسبح

مدري السبب هو المينـاء مع السفن ولا لون البحـر ولا جـودة تصويري

.. مدري بالضبط

بعـدها دخلنـا المجمـع التجـاري الواضح اماكم اللي قـدامه افارقة معاهم خياش فيها نظارات

و ما كان فيه شي يسوى غير المتجـر حق نادي برشلونة

تلاها تناول وجبـة غـداء من احد المطاعم الموجودة في شارع الرامبلا و من ثم العودة الى الفنـدق للراحـة بعـد عنـاء السفـر

و بهـذا انتهى يومنـا الأول في برشلـونة

قـريباً .. انشطـة اليـوم الثـاني في برشلـونة
​

​

​

 

[دعاءء]

كنـا قـد ذكـرنا فيما سبق طلبـات السفـارة الاسبانية لاصـدار الفيزا و كـذلك رحلتنـا الى اسطنبـول و منهـا الى بـرشلـونة

ثم عـرجنـا بالحـديث عن كيفيـة استقبـال الشعب الاسبـاني لي و كيف ان قـدمي قد وطئت اوروبـا لاول مـرة

عفـوا .. اسمحـوا لي ان اعيـد صيـاغة ما سبق

اقـول مستعينـا بالله مُصْدِقـاً لكم القـول .. أن تـراب اوروبـا قد لامس قـدمي (أجلكم اللـه) لأول مـرة و تلك سـابقة لم تعهـدها من قبل

في اليوم التالي قمنـا من صبـاح اللـه خيـر بغيـة التعـرف اكثـر على المـدينة

و ما كـان من سبيـل لذلك الا البـاص السيـاحي

مشينـا الى موقف البـاص و كـان قـريب من الفنـدق
​

وصلنـا للموقف و الحبيب طلع ماشي لاتجـاه ثـاني ما نبغـاه قلنـا نستنى للبـاص اللي بعـده

مرسـوم عالبـاص اعـلام الدول اللي لغـاتها متوفـرة في الدليل .. يعـطونك سماعات و اذا مـريت على معلم مشهور يقوم الدليل يتكلم باللغـة اللي اخترتها

بالنسبـة لي اخترت اللغـة البرتغـالية لاني اجيدها بطلاقة >> في احـد صـدق ولا لسـه !؟

شـرينا تذكـرة استخدام الباص ليومين بـ٢٩ يورو و هي الخيـار الافضل لكثـرة المعـالم في برشلـونة

لقطـة احتـرافيـة لمصـور لم يعـرف اين وضعـه اللـه

وجهتنـا الأولى كـانت نحـو اهـم معلم في برشلـونة .. و هي كنيسـة ساقرادا فاميليا و معناها بالعـربي كنيسـة العائلة المقدسـة .. الويكيبيديا ما خلى شي

هالكنيسـة عجيبة جـدا سـواءا من ناحيـة التصميم المعقـد او قـدم فتـرة البنـاء او حتى ارتفاعها الرهيب لدرجـة اني حسيت بآلام في الرقبـة من محاولة تصوير البنـاء بالكامل .. فعلا اللي يطالع فوق تنكسر رقبته

ابتـدأ البنـاء في هالكنيسة عـام ١٨٨٣م على يد المصمم ايلي صعـب

بل على يد المصمم انتوني قاودي اللي مات سنـة ١٩٢٦م و عمـره ٧٤ سنـة

لكـن المعلومة اللي يستغربها الجميع هي ان الكنيسـة الى الحيـن ما خلص بناءها و لا عجب في ذلك ابدا،، اذ عـرفنا فيما بعد ان الدرباس هو اللي مستلم المشـروع

عالعمـوم من المتوقع انتهـاء المشـروع في عـام ٢٠٢٦م الا اذا شد حيلـه الدربـاس شـوي

المشكلـة اصـلا انه انتوني قاودي عليـه المواد و الدرباس عليه شغل اليـد

بس مات قاودي و صـار المواد و الشغل على ولدنـا

الكنيسـة فيها ١٨ منـارة و العـدد هـذا له مغـزى بناءا على المعتقـدات المسيحيـة

١٢ منـارة للذين صاحبـوا المسيح عليه السـلام و نشـروا الديانة المسيحيـة

و ٤ للذيـن كتبـوا الاناجيل و هم متَّـا ، ماركوس ، يوحنَّـا و لوقـا

و واحـد لمـريم عليهـا السـلام

و المنـارة الكبـرى و الاخيـرة للمسيـح عليه السـلام

الارتفـاع الكلي للمنـارات هو ١٧٠ متـر .. اطول مني

منظـر يوضح وجـود المنـارات بشكل افضـل


يتبـع​

​

​

 

[دعاءء]

انطبخـنا في الحـر و احنـا جالسين بالدور اللي فوق بالباص

صرخت في الاخـويا مـااااااااااااااء .. اريـد مـاااااااااااااااااااء

و بـدال الكاس جـابوا لي ثلاثـة

صـورة امـام الكنيسـة

رحنـا نشتـري التـذاكر لقينا صف طويل عريض فضلنا واقفين فيه لغاية ما وصلنا للشباك قالوا لنا ميعاد الدفع فات و لازم تدفع ١٠ جنيه غرامه يا اما نشيل العـدة

الطابور كان طويل جـدا يعني فيـه حوالي ١٥٠ متـر

و بعـد تقريبا ٥٠ دقيقـة من الانتظـار اشترينا التذاكـر و كانت كل وحـدة بـ١٢ يـورو

علمـا بأن هنـاك مصعـد بـ٢ يورو و عليه زحمـة شديدة يخليك تطلع فوق و تاخـذ منه نظـرة شاملـة عالمدينـة

دخلنـا داخل الا و الله نشـوف العمـال جالسين يشتغلـون

سـاعدي الايمـن تكفـل بتوثيق كامل الرحلة و هـذه اللحظـة ايضـا بالفيديـو

لقطـة تظهـر الفسقـة بالاعمـدة


الكنيسـة تعتبـر في هـذه الجهـة خـاوية متشطـرين على الاعمـدة فقط .. لكـن هنـاك امـاكن اخـرى في الكنيسـة تستحـق المـرور

احتـرام الكبيـر واجـب



تذكـرون يوم اقول لكم عن انتوني قـاودي ؟

هـذا هو المـاخـوذ

و هـذي رسمـة له يوم وفـاته مع صـور لمـراحل بناء الكنيسـة

يقـال بأن سبب وفـاته بأن شنبـه قـام بسـد كل الطـرق لمـرور الهـواء الى الانف او الفـم .. ففطس الرجـل هـذا و الله اعلم

و هـذي صـورة حقيقيـة له و يلاحظ منها شـاربه الكثيف

ياخي و الله ودي اعطيه لبن و اشوف كيف يشـربه

يتبـــع في الغـد بإذن اللـه

​

</B> ​

 

[دعاءء]

صـورة للكنيسـة في مـراحلهـا الأولى لمـا كانت المواد على قـاودي


مـرينا على ضريح قاودي داخـل الكنيسـة و ما فيه امكانية لمشاهدته الا من القـزاز من فـوق

للاسف هـذي افضـل زاويـة صـورت منهـا قبـره بسبب القـزاز .. اكـواريوم مهـوب قبـر !!

يا ربي يثلمـه ثكلـه يـدنن يا ناث

استمـرينا بالتجـول داخـل الكنيسـة و الدخـول في جبنـاتهـا اكثـر

و مـرينا على منجـرة بو صـالح داخل الكنيسـة يبيع فيها تصاميم للكنيسـة كذكـرى

بو صـالح يـزاول عملـه بهمـة و نشـاط .. يصلي الفجـر و ياكل معصـوب و يمشي للدوام

ودعنـا بعـدها الكنيسـة بآخـر لقطـة متمنيـن لجميع روادهـا مستقبلا الهـداية مسبقـا

توجهـنا ناحيـة الباص السيـاحي نحـو المجهـول .. ما حـددنا شي بعـدها .. و الله البلشـة

الاخـويا و الحيـرة ظـاهرة على وجـوههم

مـررنا باحـدى الكنائس و الشبـاب قـالوا يبـون يصلـون

بس للاسف ما كـان فيه مـواضي

مـرينا على نادي بـرشلونة و لكـنه يحتـاج سـاعتين عالاقـل ،، فكـانت الخطـة انـه يكـون في اليـوم التالي

ايهـا البرشـا لن تسيـر وحيـدا .. قـادمون قـادمون

دكـي يا جبال نحـن في القمم ***** الصنعي الرجـال ايقظي الهمم

و البـارحة يوم شـدوا العـرب شـديت ****** وي !! اجل اجلس لحـالي في البيـت !؟

​

جـات ببـالي فكرة تصوير المرايا .. يعني من الفضـاوة

​

​

و اللـه على بالي مقـر الرئاسـة

​

اللي امـامكم في الصـورة هي حلبـة ثيـران زي اللي يمارسون هاللعبـة

النافـورة العجيبـة و زرناها في اليـوم التالي .. راح اذكـر لكم معلومات عنهـا في الجـزء القـادم مع صـور من الزيـارة

قـررنا اننـا ننزل في الرامبلا و نتغـدى هنـاك

و احنـا بالطريق للمطعـم قام ابو فانيلـة زرقـا رمى علبـة عصيـر بالشـارع ،، و المقـرود ما سـواها الا قـدام سـاهر

مسكـه اللي عالدبـاب و دار بينها الحـوار التـالي

وصلنـا لهالمطعـم و انا انصـح به بشـدة

يشتغل فيه واحـد مغـربي ما قصـر معنـا .. المنيـو فيه ٣٠٠ وجبـة كلهم حـرام ما عدا ثنتين

قـام يقول لنا هذا فيه لحم خنزير ،، و هـذا فيه كحـول ،، و هـذا فيه خنزير و كحـول .. الخ

خفت اطلب دجـاج و يقـول لي مصعـوق

بس بشكـل عـام ممتـاز جـدا و السعـر اغلى بشوي عن غيره لانه على الرامبلا

حـاولنـا نخليـه يتحـرك ،، يتكلم ،، يعطس ،، يضحـك بس ما فيـه فـايدة

قـربت من عنـده و جلست اسبـه ،، ماش ما فيه فايدة

جيت باخـذ الطاسة اللي حـاط فيها الفلوس بس خفـت يصكني بالمجـرفة اللي بيـده

مضينا الى الحي القوطي مشيـا على الاقـدام منها رياضـة و منها تهضيم

و اللـه امحق تهضيم .. اول شي سويناه هنـاك هو بلع الايسـكريم و التهضيم لاحقيـن عليه

الحي هذا قديم جـدا يتميـز بوجـود المبـاني و الكنائس الاثرية اضافة الى وجـود محلات التسوق

جـولة حـوالي نص سـاعة تفي بغـرض اخـذ نظـرة عامة عنه

و بالحـي القـوطي انتهى يومنـا الثـاني في برشلـونة

طبعـا تسألون عن العشـاء

العشـاء يا طويلين الاعمـار في الغـالب هو بسكـوت محشي بالشوكولاتة بالاضافة الى بيبسي فقط

ــــــــــــــــــــــــــــــــــــــ

لمـاذا دخـل Triple M و أعـوانه قسـم الشرطـة !؟

هـل كـان هنـاك مخطط لادخالهم قسم الشرطـة و من كان وراء ذلك المخطط !؟

كيف تصـرف الجميع في هـذا الموقف !؟

كـل هـذا و اكثـر يأتيكم في الجـزء القـادم باذن اللـه

​

​

​

 

[دعاءء]

عـدى اليـوم الثـاني بخيـره و شـره و الشـوق كلـه له اتجـاه واحـد .. نحـو الكامب نو .. ملعب النـادي الكاتالوني

اصبحنـا و اصبح الملك للـه في اليـوم الثـالث .. و بعـد تنـاول وجبـة (الريـوق)

قمنـا بالذهـاب الموقف البـاص ليكـون البرشا هو اول وجهـة لنـا في هـذا اليـوم

مبنـى ذو شكـل (مفلطـح) قـريب من موقف البـاص

رتسبنـا البـاص

باتجـاه البرشـا

احـد ضحـايا الدربـاس

وصلنـا لمعقـل النـادي الكاتالوني

تأسس النـادي في سنـة ١٨٨٩ بواسطة بريطانيين و سويسريين و اسبان مهتمين بكـرة القـدم و ذلك بقيـادة جوان قامبـر و في وقتهـا اصبح هـذا النـادي رمـزا لمقاطعة كاتالونيـا و اصبح شعـاره عبـارة "اكثـر من مجـرد نـادي" و ذلك بعـد ان رؤيتهم لتلك العبـارة في آخـر زيارة لهم لمكتبـة جـرير

و خـلال تاريخـه في تلك الفتـرة صـارع الكاتالونيون امـورا عـدة من بينها الحـرب الاسبانيـة الاهليـة و كـذلك الاغتيالات لشخصيات النـادي اضـافة الى الصـراع الاهم .. الصـراع ضـد النظـام الاسبـاني

في عـام ١٩٤٣ و في مبـاراة نصف النهـائي ضـد الغريم التقليدي ريال مـدريد .. ابتدا شغـل المبـزرة

يا افـوز يا اخـرب


كان برشلـونة فايز في مباراة الذهـاب ٣ - صفـر و قبـل مبـاراة الايـاب قـام احـد المسـؤولين عن الامـن بزيـارة للنـادي بغيـة تذكيـرهم بأن الحكـومة قـد قـامت بالتكـرم بالسمـاح لبرشلـونة بمواصلة لعب مباراة الاياب .. و تلك رسالة مبـطنـة مفـادها اننـا لاعنين خـامسكم لو فزتوا

و تحقق للمـدريديين ما ارادوا و انتهت المبـاراة بفـوزهم ١١ - ١ (الارقـام كتابة: احد عشـرا هـدفا مقـابل هـدف واحـد) و الله مدري مين اللي باعها و جاب الهـدف

اما بالنسبـة لملعب الكـامب نو فيقـع في الجـزء الغـربي من المـدينة و قـد افتتح في عـام ١٩٥٧ محتضنـا الآن قـرابة التسعة و تسعين الف متفـرج

كـان يطلق على الملعب اسم ستـاد نادي برشلـونة حتى قبل تغييـر هذا المسمى عـام ٢٠٠٠

ابراهيموفيتش قبل ما يروح للميـلان



في الحقيقـة كـانت زيـارة الاخـويا للنـادي كجـولة سيـاحيـة .. بينمـا كنت اعتبـرها جـولة تفقـدية

و ذلك من اجـل مناقشـة امـور النـادي مع المسؤولين و مراجعة الميزانية المرصودة و كذلك طريقة جلب لاعبين سعوديين بعـد فشـل كل الوسائل السابقة لاقناعهم بالعـروض المـادية

وضعت اقتـراح بتقديم ٥٥ مليـون يورو لكل لاعب سعودي .. رغم انه رقم غير مغري بالنسبة لامكانياتهم الفـذة >> خـراط مشمش

هـذي كـانت فـرحة اللاعبين يوم وصلنـا مطـار برشلـونة

>> قـالت العرب: سمج يسمج سماجة فهـو سـامج و الاسم منها سمـاجة .. ورد ذلك في القـاموس المحيط لفيروز سمـاجي و غيـره من كتب اللغـة

صـورة قبـل مواجـهة مسؤولي النـادي فـردا فـردا للتحقيق معهم في سوء ادارة الميزانيـة

رحنـا نشتـري التزاكـر لئينـا صف طويل عـريض آلـوا لنـا ميعـاد الدفع ........ الخ

كـانت قيمـة التذكـرة ١٩ يـورو للشخـص و هنـاك تسعيـرة خـاصة للاطفـال .. بس للاسف ما كان فيه تسعيـرة للحـراس خخخخخخخخخخخ

بالاضافة الى التذكـرة اشترينا دليل المتحـف .. اظنـه بخمسة يورو

دخلنـا من هالباب و شفنـا الـناس يسلمـون علينـا و يرحبون فينـا

سألونا السكرتيـة كيف شفنا اسبانيا و ليش احنـا جايين ، قلنـا لهم: و اللـه يايـّون يغـازلون .. اكيـد جـايين نتفقـد وضع البلـد و كيـف ان كل شي متوافق مع شروط هيئـة المقايس و المواصفات السعودية

وصلنـا من بعـد هالممـر الى متحـف النـادي .. لكـن قلنـا نخش المدرجـات اول شي و لاحقيـن على المتحف اللي يبي له فيما يعرف في علم التمحيصولوجيا .. بـ(المخمخـة)

رجعنـا للمتحـف قبل لا اروح لاجتماع الجمعيـة العموميـة المـزمع انعقـاده لما افضى من المتحف

هيـا بنـا نمـخمـخ

كأس العـالم للاندية سعيـدا بالتقـاطه صـورة تـذكارية معي بالاضافة لكاسين وراي ما عرفوني على اساميهم

هنـاك لقطـات ذات طابع احتـرافي مأخـوذة من كاميـرا الاخ اللي بالصـورة .. يستـاهل منـا احلى تحيـة ياللـه صفقـوا له يستـاهل

كـورة قـديمـة >> تراني قـايل معلومـة تنشـر لأول مـرة .. استـروا علي

صفـارة حكـم مأخـوذة من قـدر ضغـط في مطعـم شعبي

يتبــــــــــــــع


​

​

توثيق المتحـف بالفيديـو استمـر معنـا في النـادي

هـذي صـورة توضح عـدد الاشخـاص اللي عنـدهم عضـوية النـادي من جميع انحـاء العـالم

السعـودية لـديها ٧٧ عضـو مثل ما هو واضح

الجـدار هـذا كله شاشات عـرض لتـاريخ النـادي

غـرفة تبـديل الملابس مـزودة بشـاشات عـرض

صـورة اخـرى بالكاميرا الاحتـرافية

نلاحظ وجـود سحـب ركـامية رعـدية مع توقعـات بتسـاقط حبـات البـرد على المنطقتين الوسطى و الشرقيـة

درجـات المتوقعـة في مـدن المملكـة

العبيلة و شـوالة خمسـا و ثلاثين ... خمسـا و عشـرين

صامطـة ثلاثيـن .. خمس عشـرااااااااااا

و اخيـرا راس ابو قميص درجـة الحـرارة العظمى سبعا و ثلاثين و الصغـرى اثنتان و عشـرين

شكـرا لاصغـائكم مع احلى الامـاني

تم بعـد ذلك دخـول الملعب على انغـام نشيـد النادي الرسمي

في داخـل ممـر اللاعبيـن توجـد كنيسة صغيـرة للاعبيـن عند السهم الاحمر .. اللي فاتته صلاة من اللاعبيـن يمديـه يخلص امـوره بين الشوطيـن

ناقصهـا مراقب و تصير قـاعة اختبـار

الجلوس على مقـاعد البدلاء تحسبـا لأي تغييـر اضطـراري

تبعهـا عـدة تغييـرات اضطـراريـة و كان واحـد من بينهـا على حسـابي

هيـن يا قوراديـولا خلني بس اجي الجمعيـة العموميـة

انتهـت جولتنـا داخـل ارضيـة الميـدان ،، و لكن تبقى هنـاك غيـر ذلك

الدخـول الى كبـائن التعليـق

تصـل الكـورة الى ميسـي .. ينطلق ميسي في الجهـة اليسـرى ... و يراااوغ ميسي ... و ينطــلــق

و يـوووووززززززع .. و كـوووورررررررراااااااة ... و قوووووووووووووووووووووووول لديفيـد فيـا

ميسي في ارضية الميـدان يبـدع و يمتـع .. يرواوغ و يـوززع .. و فيـا يسجـل و يسعـد الجماهيـر

نـزلنا بعـدها تحـت لاكمـال باقي الجـولة

و هـذي حـركة حلـوة مجمـوعة من الجمـاهير يرددون نشيـد النـادي بطـريقة مميـزة جـدا

تصوير وهمي مع اللاعبين .. تختـار لاعب و توقف في مكان معين و يصورونك

و بقـدرة قـادر تطلع صورتك مع اللاعب كل هذا بـ١٢ يورو .. ما تسـوى

لا خلصـت و طلعـت راح تمشي في ممـر الين توصل هنـا

تقـوم تشـوف الصـورة عجبتك ولا لا .. اذا عجبتك ادفـع فلوسها و خـذها و اذا ما عجبتك تحمل اللي يجيك

امـزح

اتجهنـا بعـدها للمتجـر و اللي كـان جولـة بحـد ذاتـه

ما شـاء الله .. القبضـة الحـديديـة

مستأجـرها مني سبـاك قبل اسبـوع و امتـدح لي كفـاءتهـا .. لا الـه الا اللـه قولوا ما شاء اللـه

طبعـا تم شـراء شـوية اغـراض من المتجـر كهـدايا و بعض التذكـارات



استـراحـة محـارب و اعـود لكم

​

 

[دعاءء]

كـان ما سبـق هو نهـاية جـولتنا السيـاحية و التفقـدية

في نادي برشلـونة
اذ كـانت تلك الزيـارة حلمـا طـالما انتظـرته و هـا هو قد تحقق
الهـدف القـادم هو حضـور الكلاسيكـو في الكـامب نو بإذن اللـه

و بعـد تلك الزيارة التـاريخيـة ركبنـا البـاص قـاصدين القـرية الاسبـانية Poble Espanyol

تعتبـر القـرية الاسبـانية الواقعـة في جبل اليهـود Montjuic متحفـا معمـاريا يشغل مسـاحة ٤٢ الف متر مربع

تم تشييد بنـاء هذا المتحف في عـام ١٩٢٩ من اجل معـرض برشلونة الدولي

قـام جوزيب كادافالتش بمراعاة ضرورة اخـذ التصاميم المعمارية و ثقافات المناطق العديدة الاسبانية و جعلها في قالب قـرية صغيـرة

صورة المـدخل .. سعـر تذكـرة الدخـول حوالي ٩ يورو للفـرد الواـحد

كنك تشـوف حـارة قـديمة في مسلسل سـوري

لك فـريال خـانوم .. أومـي اغسلي الأواعي لك العمى بألبك

الثـلاثي اعلـن الاضـراب عن المشي و أصـر على الغـدا

اذا ما فيه غـدا ترا ما فيـه الفين و خمسميـة اخر الشهـر

امـرنا للـه .. اتجهنـا نحـو احد المطاعم الموجودة في القـرية

و هنـاك في المطـاعم تجـد دائما ما يسمى طبق اليوم .. ميزته ان سعـره ممتاز بالاضافة الى تنوع الاطباق

بحيث انك تطلب وجبـة رئيسيـة + طبق جـانبي + مشـروب + حلى .. يتراوح سعـره من ١٢ يورو و حتى ١٤ يورو .. سم باللـه و اضـرب بالخمـس و ادبـغ بالاكـل

طبق الباييلا الاسبـاني الشهيـر .. احححححيييييييه يا انه ادمـان

هههههههههه نفس حـركة اليوم الاول بس هالمـرة ضبطت

اللي عاليسـار عصب و حـاول يردها له بس انه صـادها للاسف

مشكلـة كبيـرة انك تخـاوي ناس احـلامهم كاحلام العصافير

فـرصة لالتقـاط الانفـاس و شـرب المـاء حتى الارتـواء

و لك يا فـريال الزفـت أومـي اخـدي الطنجـرة لبيـت ام يـزن العمى بألبك

هنـاك الكثيـر من المحـلات تجـدونها في القـرية الاسبـانية و اغلبهـا محـلات تبيـع الهـدايا و التذكـارات

انصـح بقضـاء ما لا يقـل عن سـاعة و نصف داخـل القـرية شاملـة وجبـة الغـداء ،، فهي مكـان يستحق الزيـارة

طلعنـا من القـرية متجهيـن نحـو التلفـريك و هو قـريب جـدا و تروح له مشي

التلفـريك راح ينزلك في الشاطيء و منه تقـدر تروح للرامبلا .. المسـافة قريبة شـوي

منظـر لبرشلـونة اثنـاء الطريق الى التلفـريك

وصلنا و خلونا نـركب صندوق الدجـاج اللي قـدامكم و اللي سمـوه زورا و بهتانا بعربة تلفـريك

صنـدوق الدجـاج في طـريقه نحـو النتـافـة

وصلنـا للشاطيء و منه الى الرامبلا و الذي منه ايضـا اتجهنـا الى الفنـدق عن طـريق المتـرو

الا صـلاتي مـا اخليهـا

.. صلينـا ظهـر و عصـر و ارتحنـا شـوي حتى النشـاط القـادم



بعد قسـط الراحـة ذهبـنا قـاصدين النافـورة العجيبـة La Font Magica

تقع هـذه النافورة في الجبل اليهـودي ايضـا .. نفس المنطقـة اللي رحنـا لهـا في نهـار هـذا اليـوم

و بنفس فتـرة تصميم المعالم الموجـدة في الجبل اليهـودي .. قـام كارلس بويقـاس بتصميم هـذه النافورة في سنـة ١٩٢٩ و ذلك لاجل معرض برشلونة الدولي ايضـا

تعمل هذي النافـورة من شهـر اكتوبر و حتى ابريل من الساعة ٧ مسـاءا و حتى ٨:٣٠ مساءا

و كذلك من مايو و حتى سبتمبـر من السـاعة ٩:٣٠ مسـاءا و حتى ١١:٠٠ مسـاءا

علمـا بأن هناك عـرض واحـد كل نصف سـاعة خلال هـذه الاوقـات

و اقـرب محطـة متـرو للنافورة هي محطـة Espanya

شي مـرتب مـرة مهـوب نافـورة جـدة اللي كنها واحـد شايت له بيب و كسـره و خلـوه نافـورة

لا و اللي يقهـر انك تشـوفه في اغنيـة وطنية بلادي بلادي منار الهـدى

المهم .. خلصنـا من النـافـورة و تأخـر علينـا الوقـت قلنـا لازم نـرجع لفنـدق نهبـدها نومـة عشـان نلحـق على طيـارة اشبيليـة الصبـاح


دخلنـا عـربة المتـرو و كـانت زحمـة شـديدة جـدا على غير ما اعتـدناه في جميع محطـات المترو في برشلـونة

كنـا جميعا واقفين لعـدم توفر الكراسي و كان واحـد من الشباب واقف عند الباب و كان وراه حـرمتين

و لأن الاخ الكـريم اللي هو

صـاحب حنكـة و خبـرة في مجـال الحـراسة .. قـام و قـال: كل واحـد ينتبه على جيبـه يا شباب الزحمة مهيب طبيعيـة

قبل لا يتحـرك المتـرو بشوية طلعت الحـرمتين و معاهم رجـال

قـام خـوينا اللي عنـد البـاب يصـرخ : بوكي بوكي بوكي بوكي .. يعني محفظتي محفظتي محفظتي محفظتي لغير الناطقين باللهجـة السعـودية

توقعته يستهبـل لاني شفتـه يقولها و هو مبتسم

اثـره فيوزاته ضـربت
و اشوفه يدف الباب و المترو بيمشي و بقـدرة الله وحـده فتح الباب و اركض وراه

سألته انت تشك في احـد !؟ و متى وقت السـرقة !؟ و ايش كان في المحفظة !؟ و اسمك و سنك و عنـوانك

قـال هم حـرمتين .. شـوفهم الظاهر انهم اللي هنـاك

قربنا عنـدهم فإذا هما بامرأتين فاسقتين فـاجرتين جالستين على كرسي الانتظـار .. قلت لهم هاتوا المحفظة بالطيب ولا راح اصرخ و ألم عليكم امة لا اله الا اللـه >> ياختي عليكي يا وليـة

قاموا يقـولون : نووووو .. خسلهستلخهبصخهقتفهخسب و كلام اسباني ما فهمنا منه شي

شوي الا و يجي الامن حق المترو طلع الثـاني مهوب حول شي اسمه انقليزي ابـد

انقـذ الموقف واحـد مغـربي اللـه يجـزاه خيـر اسمه زكـريا و بهالمناسبة نحب نوجـه له تحيـة و يقـول لكم ان حسـاب الطـاولات عليـه اليـوم

.. شـافنا عـرب و ناس محتـرمين جـدا

قـام يترجم لنا حـوار رجل الامن مع الفاجرتين

قال لنـا ان لهجتهم الاسبانية مكسـرة .. يعني مش اسبـان .. يعني تـراهم غجـر

طلب رجل الامن من زكـريا انه يسألنا احـنا من ويـن .. قلنا احنـا من سعـودي عـريبيـا

لما درت وحـدة من الحرمتين ان احنـا من السعـودية قامت تقـول: مسلماني مسلماني

يعني ياللـي ما تخـافون اللـه تراني مسلمـة مثلكم اصلي و اصـوم رمضان و الاثنين و الخميس و أحـج سنـة و أغـزو سنـة ً

يعني قلبتهـا علينـا بطـريقة: ضـربني بوشُّـه على ايدي يا سعـادة البيـه

قـام رجـل الامـن نزل راسـه شـوي و حصل البـوك تحت رجل وحـدة منهم قـاموا يصـرخون قسـم باللـه مهـوب احنـا .. اقـول لك ضـربني بوشـه على ايدي

طيب و اللـه اخـر مـرة نعيـدها تكفى ترا تكفى تهـز الرجـاجيل يا وجـه ابن فهـرة

اتصـل الامـن بالشـرطـة للحضـور .. و بالفعـل حضـروا خـلال ربع سـاعة فقـط

قمنـا بشكـر زكـريا على جهـده الكبيـر و طلبنـا منه يقبل منا دعـوته على العشـاء بس الحمـد لله انه رفض

و الله دايخين و ورانا سفـر

طلعنـا من محطـة المتـرو لانه راح يقفـل و هـذي صـور الفاجـرتين

ما شاء الله مبين من الوقفـة و الجـزمـة انها ناويـة تشـوت فـاول و لابسـة طيحني بعـد !!!

ياللـه يا بت انتي و هيـا .. أدامـي عالإسـم

دخلنـا قسم الشرطـة و كان يفصل بينه و بين المترو شارع واحـد فقط .. عـاد و احنـا نمشي جالسين كلنا الاربعـة محاصرين الحـرمتين لا ينحاشـون .. اثنين قـدام و واحـد ورا و انا مطنـش

وصلنـا لمنبى الشرطـة و دخلـوا الحـرمتين داخل و جالسين نستنى .. جا الشـرطي بعـدها بفتـرة و قـال لنا خـلاص امشـوا ،، المبلغ اللي بالبوك بسيـط كلهـا مية يورو و بطـاقة صـراف

قلنـا طيب وش بتسـوون بالحرمتين .. قال: تقصـدون الفاجرتين !؟

هـذولا بنخليهم يمشـون الحيـن الين يجي يحكم عليهم الشيـخ

ههههههههه يا حبيبي اي شيخ اللـه يثيبـك ... تستخف في عقـولنا انت !؟ .. اسحـب كلمتك احسـن لك

اما علمت يا فـاقـدا عقلـه ،، و يا ناسيـا أصله

انني انا الكـريم ابن الكـرام ،، و الهـزبر الهشـام ،، و الليث الضـرغام

من اطـاعني أدنيته و أكـرمته .. و من عصـاني قتلتـه و ما أمهلتـه

احتـرم نفسـك ولاااااااك

المهـم ما طلعـت من عنـدهم الا بحب الخشـوم .. اخـذنا تاكسي و خلينـاه على حسـاب الفـاغر اللي طـار منه البـوك عقـابا له و ردعـا لأمثـاله

وصلنـا للفنـدق و عملنـا بنصيحة الفنان غانم الصالح رحمـه اللـه حيـن قـال:

خمـدوا نـاموا ،، نامـوا خمـدوا

و بهـذا انتهى اليـوم الثـالث و كـذلك الجـزء الخـاص بمـدينة برشلـونة

اتمنى من اللـه ان اكـون قـد وفقـت في اسلـوب الطـرح و ايصـال شيء جـديد لكم

القـاكم قـريبا في الجـزء الخـاص باشبيليـة


و قبل ان اختم .. هـذه هـديـة خاصة للاخ زكـريا و لمـن قـرأ هـذا التقـرير

http://variety.salmiya.net/songs/Abd...ulhussain63.rm


اخـوكم Triple M

​

و حـانت لحظـة وداع برشلـونة

ان القلب ليحـزن ، و ان العيـن لتدمـع ، و انا على فـراقك يا برشلـونة لمحـزونون

اتفقنـا مع الفنـدق بعـد ما رجعنـا من الشرطة في الليلـة السابقـة بأن يحجـز لنا تاكسي الســاعة ٦ الصبـاح لنتجـه للمطـار في الصبـاح الباكـر

و فعـلا وصل التاكسي في الوقـت المحـدد ،، و جنـاب حضـرتي لسـه ما صحيـت من النـوم

صحيـت بسـرعة و على بال ما اصلي الفجـر و اخشـع بالصـلاة و اطبق اركـان الصـلاة كاملـة من تكبيـرة للاحـرام و قـراءة للفاتحـة و غيـرهما صـارت السـاعة ٦ و نص

طلع العـداد جالس يشتغل طول هالفتـرة و هو جالس و السـاعة بخمسـة جنيه و الحسـابة بتحسب .. طبعـا دفعتهـا انا عقـابا لي و ردعـا لامثـالي

و صلنـا للمطـار و كـان الحسـاب ٤٢ يورو ،، نعم .. الارقـام كتابة: اثنـان و اربعـون يورو فقط لا غيـر

في الحقيقـة اختـرنا هـذا التوقيت المبكـر جـدا لعـدم رغبتنـا في اثـارة الشغب في اوسـاط المقاطعـة الكاتالونية ،، حيث اننا على يقين بأن مظاهرات و احداثا شائنـة ستحدث في حال علم سكـان برشلونة مغادرتنا مدينتهم و توجهنا لمدينـة غيـرهم

اقلعـت طـائرة Iberia متجهـة الى اشبيلية باللغـة العـربية .. سيفيل بالانقليـزية .. سيثيليـا بالاسبـانية

حرف الثاء عندهم يرفع الضغط .. برثلونة ، قراثياس ، كولا ثيرو .. و غيرها من الثاءات اللا منتهية

وصلـت الطائرة بمن فيهـا الى ارض الاندلس .. ارض حضـارة مسلمـة .. اندثـرت فهنـأ بهـا القـوم العـدى

نزلنـا المطار و للاسف كيف لشخصيـة مثلي ان تهبط في مطـار متهـالك كهـذا !؟ كيف كيف كيف !؟

استقلينـا الباص و الذي كـان من المفتـرض ان ينزل في منطقـة قـريبة من الفنـدق

مشى الباص شوي و يوقف .. ياللـه انزلـوا هاه !! ننزل !؟ وين !؟

و ابتدا حـوار الطرشان المعتـاد في اسبانيا مع ابناء تلك البلاد .. فهمنا بعدين انه نروح عند مواقف التكاسي و ندبر انفسنا

بـداية جيـدة في اشبيليـة تنبيء عـن يـوم Perfecto خصوصا عند مواقف التكاسي

اخذنا تاكسي الى فنـدق Hotel Bequer

تصنيفـه ٤ نجـوم و مستواه جيد جدا و طاقم الفنـدق محتـرمين بعكس من هم خـارج محيـط الفنـدق هههههههه

Booking.com : Hotel Becquer Seville

اخـذنا قسطـا من الراحـة لا يتعـدى الربـع سـاعة لننطـلق بعـدها للكنيسـة الكـاثدرائيـة

اكمـل معكم البقيـة البـاقيـة في الغـد باذن اللـه تعـالى

​

​

 

[دعاءء]

و بعـد راحـة دامـت دقـائق معـدودة .. انطلقنـا مشيا على الاقـدام لتلك الكنيسـة التاريخيـة و اهم معالم المدينة

كانت المسافة من الفنـدق الى تلك المنطقة قـرابة الكيلـو متر

يطلق على الكنيسـة اسم كنيسـة سانتا ماريا و هي كنيسـة كاثوليكيـة تعـد ثالث اكبـر كنيسـة في العـالم محتضنة قبـر كرستوفر كولومبـوس الذي يعرفه الجميع

و للاسف، في عـام ١٤٠٢ للميلاد تم البدء هـذه الكنيسـة مكـان احـد مساجد اشبيليـة الذي اصبح في حـال يرثى لها بعـد زلزال ضرب المدينة عـام ١٣٥٦للميـلاد حتى تم الانتهـاء منها في عـام ١٥٠٦ م

و في ١٥٠١١ انهـارت قبـة الكنيسـة فتم اعـادة بنائها من جـديد. و كـذلك ايضا انهارت القبـة في عـام ١٨٨٨م و تم اعادة بنائها حتى اكتملت في عام١٩٠٣ م

و حتى الآن، تعتبـر الكنيسـة صاحبة اطول ارتفـاع داخلي على مستوى كنائس اسبانيا بـ٤٢ متـرا

قطـار التـرام يمـر بيـن المبـاني القـديمة

تكثـر في اشبيليـة الشـوارع الضيقـة جـدا .. كمـا ان المباني فيها مزدحمـة بشكل غير طبيعي كما سنشاهد في صور قادمة

و اركـب الحنطور .. درقـن درقـن .. و اتحـاااااااااانطـر

تلاقـون اصحـاب الحنطـور في هالمنطقـة بشكل مكثف اخس من الحلاقين اللي عنـد الحـرم

و الغـريب انهم كلهم يكشـون ذبـان

الكنيسـة الكاثدرائيـة امامكـم

و الحنـاطير من ورائـكم

منـارة La Giralda

فـريّـان هـذا العصـر مقتحمـا الصـورة

صـورة من جهـة اخـرى للكنيسـة

دخلنـا داخـل و استقبلنـا طيـر شـلوى الواضح امامكم

قـام طير شلـوى بتزويدنا بالمعلومات السابقة الذكـر في بـداية الموضوع و كذلك تعـريفنا بكل جـزء من اجـزاء الكنيسـة

اصـر علينـا طيـر شلـوى اننـا نحضـر درس لاحـد المشـايخ الفضـلاء


​

بانتظـار وصـول فضيلـة الشيخ لالقـاء الدرس

الى حيـن وصـول الشيـخ جلسـت العـب Angry Birds
لين الحيـن معصلق في مـرحلـة

تمثـال للمسيـح حسـب معتقـدات الديانـة المسيحيـة >> المعلومة مقـدمة لكم بـرعايـة طيـر شلـوى

لقطـة تبعـهـا سقطـة على القفـا

درع الدوري و جـوائز اللعـب النظيف و الهـداف و افضـل لاعب

ايـن الملـوك ذوي التيجـان من يمـان >> OUT

اتخـذنا بعـدها قـرار تـاريخي و خطيـر ،، و ذلك بصعـود منـارة La Giralda و ذلك لرؤية المدينة بشكل اوسع من الاعلى

اللـه وكيلكم ٣٣ دور اليـن الاجـراس ،، تشـوف اللي حولك كل واحـد لسـانه واصل لركبتـه من التعـب


قبـل الصعـود الى الاعلى تجـد هـذه اللوحـة

امـر الخليفة ابو يعقـوب يوسف عريفه احمـد بن باسل بتشييد هذه الصومعـة في ١٣ صفـر من عـام ٥٨٠ هـ (٢٦ مايو ١١٨٤ م) فتم بناؤها على العمـاري في عقـر ربيع الآخـر من عـام ٥٩٣ هـ (١٩ مارس ١١٩٧ م) خلال خـلافة ابي يوسف المنصور فجـدد المهندس فرناندويث هـذه الصومعـة فـزاد في اعلاها قبـة الاجراس في عـام ١٥٦٨ فنقش هـذه الكتابة في عـام ١٩٨٤ تمجيدا للذكـرى المئويـة الثـامنة لانشـاء هـذا المنار العظيم العجيب

منظـر جـوي

ورش الصنـاعية ولا بيـوت !؟
​

حلبـة الثيـران من بعيـد

و اللـه قهـر ،، كـان مسجـد

عسـاك لا تضيع هنـا


انتهـت الزيـارة للكنيسـة الكاثدرائية و لكـن يومنـا الاول لم ينتـه بعـد فمـا زال هناك المـزيد

و مـازال لتقليب المواجـع بقيـة ما دامت الانـدلس و دمنـا على وجـه الارض

القـاكم في الغـد باذنه تعـالى لاكمـال ما تبقى

​

قمنـا بتوديـع طيـر شلـوى وشكـرناه على حسـن الضيافة و الاستقبـال متمنيـن له زيـارة المملكـة في قـادم الايـام >> موسيقى استقبل و ودع

انطلقنـا الى الوجهـة القـادمة و هي القصـر او Alcazar و الذي يطلق عليـه اسم قصـر اشبيليـة الملكـي

احـد ابـرز مآثـر المسلميـن التي استلمهـا الاسبـان باردة مبـردة

كـان هـذا القصـر هو قصـر ملك اشبيليـة المعتمـد ابن عبـاد و الذي عـاش في فتـرة حكم ملوك الطوائف للاندلس

و الذيـن قسمـوا الدولـة الامـوية في الاندلس الى ٢١ دولـة لكل دولـة منها ملكهـا و شعبهـا و جيشهـا و اقتصـادها

و بعـد احـداث عـديدة شهـدتها الاندلس ،، قـام الفـونسو ملك ليـون و قشتـالة باستـلام القصـر بعـد سقـوط حكـم ابن عبـاد

و لعـل حسنة الفـونسو انه اعجـب بالعمـارة الاسلاميـة

فقـام باكمـال بنـاء القصـر بمـزيج من العمـارة الاسلاميـة و المسيحيـة

حتى انك تـرى اسـم اللـه على جهـة المدخل و عليـه يوجـد الصليب ،، ما توقعت انهم قـاطين الميـانة معنـا لهالدرجـة

اشجـار البرتقـال المعتـاد رؤيتها في اسبـانيا و بلاد الاندلس تحـديدا

قمنـا بشـراء التذاكـر بحـوالي ٧ يورو للواحـدة مع جهـاز الدليل السمعي بـ ٣ يورو

واثق الخطـوة يمشي حـارسا شخصيـا خخخخخخخخخخخخخ

مـدخل القصر في الطريق لشـراء تذاكـر الدخـول

ساحـة القصـر

ولك يا فـريال أومي اسقي الزريـعة يخـرب بيتك العمى بألبـك

نـلاحظ اسم المعتمد ابن عبـاد في السطـر ما قبل الاخيـر

اللـه ياخـذك يا الفـونسو و ارتاح منك

الاخ مستمعـا لمعلومـات عن ما بـداخل القصـر و كذلك الاحـداث التاريخيـة التي دار حـوله

اللـه يكـون بعـون الوردة

قـوانين الطبيعـة جمعـاء ترفض امكـانية حـدوث مثل اللي في الصـورة

يعني ممكـن تكـون ماسك مفك عجل، كلاش، شوزن، طفاية حـريق، سكـروب، مقص .. لكـن وردة !؟ مستحيل فيزيائيا

الغريب ان هنـاك من اقسـم بالله ايمـانا مغلظـة بأن الصورة ملعوب فيها بالفوتوشوب

انطلقنـا الى حـديقة القصـر و يا كبـرها كبرااااااه ما شاء اللـه

و فجـأة و من غيـر ماحـد يسمي علينـا قابلنـا هالكـائن الغـريب

يا سـلاااااااااام ،، احلى بروستـد ممكـن تذوقـه

ايه !؟ في حـاقـة يا فنـدم !؟

توجهنـا بعـد ذلك لشـراء تذكـر القطـار و ذلك لرحلتنـا الى غـرناطـة في اليوم التـالي من مكتب Renfe و كـان قـريب من الفنـدق لكـن مكـانه موجـود في واحـد من هالدواعيس

كلفتنـا التذكـرة ٢٤ يـورو لرحلـة طولها ٣ سـاعات



و بهـذا ايهـا الاعـزاء انتهى الجـزء الخـاص باشبيليـة ،، اول مـدينـة اندلسيـة في رحلتنـا هـذه

اتمنى ان حـالفني التوفيق في سـرد انشطـة هـذا اليـوم و كتابة اهم المعلومات

القـاكم قـريبا باذن الله في الجـزء القـام الخاص بغرناطـة

​

​

 

[دعاءء]

اعتـذر لكم جميعـا على التأخير و الذي سببـه انا في الحقيقـة

و باذن الله سيستمـر التقـرير بلا انقطـاع كالذي حصـل


ـــــــــــــــــــــــــــــــ

غادرنا اشبيليـة بالقطـار متجهيـن الى حيث تعلق الفـؤاد بها منذ الصغـر

الى حيث من كـانت رمـزا للعمـارة ، و الحضـارة ، و العلم ، و السيـادة

الى غـرناطـة الحبيبـة ، اخـر عهـد حكم للمسلميـن في الاندلس


اتجهنـا فجـرا نحـو محطـة القطـار بعـد شـرائنا التذاكـر من احـد المكاتب الموجودة في دواعيس اشبيليـة بـ٢٤ يورو للشخص

قطـار مـرتب و محتـرم ما تسمع فيه صـوت ابـد و سـرعته زينـة

مهـوب زي قطـار بقيق و الحسـا اللي جـايبين ٢ بنقـالية و واحـد باكستاني يدفـونه ،، لا و حاطينهم كونتراكترز بعـد

و حـان وقت الانتقـام للاخ

هع هع هع هع هع
طبعـا الاخ

في مرحلة سبـات عمييييييق


طـول الطريق كـانت مزراع دوار الشمس و اشجـار الزيتون بالاضافة الى بعض المزراع اللي فيها خيـول تخفف علينا طول المسافة نحو المقصـد مهـوب مثلنا رمـل و بعـدين صندقـة و بعـدين شبك فيه بعـارين و بعـدين سكراب سيارات

بدايـة الوصول الى محطـة غـرناطـة

ايييييييييه يا غرناطـة انا افـدى خشمش

اخـذنا بعـدها تاكسي الى فندقنا و اللي اسـمه Abba Granada

فنـدق اربع نجـوم ممتـاااااز جـدا و انصح جميع زائري غرناطـة انهم يحطونه ضمن خياراتهم

كان تكلفـة الليلة الوحـدة فيه وقتها تقريبا ٨٧ يورو

هنا خمـد الاخ

بينمـا قمـت انا بالخمـود هنـا خخخخخ

بس كويس انها تنقلب لسرير
​

العلم الاسباني في المنتصف و على يمينه علم غـرناطـة بينمـا العلم اللي عاليسـار ما عـرفني على نفسـه

بعـد ما ضفينا الاغراض و الشنط بالفنـدق اتجهنـا نحـو الهـدف المنشـود .. قصـر الحمـراء

قطـع اللـه هالاشكـال

الحمـد لله وصلنا لقصـر الحمـراء ابـرز مآثـر المسلمين في بـلاد الاندلس

رغم الشكـوك اللي كانت تقـال حول احتمال نفـاذ التذاكـر لكـن همـة الابطـال و عـزم الشجعـان ابطلت تلك التكهنات >> تلايط


اشترينا التذاكـر و اتجهنـا بعـدها نتغـدى و نعين من اللـه خير الين يفتح القصـر

الزيتـون الاسبـاني حاضـرا في وجبـة الغـداء بالاضافة الى بلاوي اخـرى

سلطـة خضـار بالاضافـة الى اخطبـوط نعيمي

بالهنـا و الشفـا

الاخ

ما شاء الله عليه لا يبقي و لا يـذر

فقـد اقسـم باللـه جهـد أيمـانه ان يمسـح ما على الصحـن عن بكـرة ابيـه

سمعنـا صـوت تكسيـر قـزاز او سيراميك، بس الحمـد لله قدرنا نقنعه ان الصحن ملك للمطعم

اتجهنـا للقصـر و كلنـا شـوق و لهفـة لرؤية اعمـال المسلمين الجليلة التي لم نرها الا في الكتب

الحديث وحـده يحبس الانفاس حين ذكـر القصـر فكيف لا نذرف الدموع و نحـن هنـاك

مساحـة القصـر هااااااائلة جـدا و تبلغ ١٤٢،٠٠٠ مترا مربعا

و يضم جـانبا من العمـارة الاسلامية الى الجـانب المسيحي و الذي أتى بعد سقـوط الاندلس في قبضة المسيحيين بالاضـافة الى حديقة القصـر ذات المساحة الكبيرة

برأيي ان الجولة السريعة جدا في جـوانب القصـر قد تصل الى ٣ ساعات نظرا للمسـاحة

صـورة بعـد الدخـول الى القصر عنـد الحديقـة

توثيق جـوانب القصـر بالفيديـو و التي هي مهمـة الاخ

​

من المعلومات اللي احب اذكـرها لكم عن غـرناطـة ان اسمها القديم هو البيـرا حتى منتصف القرن الثامن الميلادي و من ثم اتى المسلمون ليطلقوا عليها الاسم الحالي .. غـرناطـة


قـام بنو الاحمـر حكـام غـرناطة في ذلك الوقت ببناء القصـر بعد سقـوط دولـة الموحـدين، حيث يرى فيه الزائر هنـدسة معمـارية عجيبـة

فمنظـر النوافيـر و الزخـارف و الاسقف يخلي الواحـد يتنـح شوي و يتسـاءل عن التطـور اللي هم كانوا عليه

بـداية وضوح معـالم القصـر

على اليسـار تلقـون محـلات تحف و آثـار انصح بزيارتهـا اولا

المـدخل الرئيسي للقصـر

منظـر لسقف احـد المبـاني

و اللـه صـورة تقطـع نيـاط القلب فيهـا الكثيـر من جـراح الانـدلس

الاخـوين و

في محـاولة لم يكتب لها النجـاح لقـراءة النقـوش المكتوبة على الجـدار

صـورة بـزاوية عـريضة للمكـان

و لا غـالب إلا اللـه .. شعـار بني النصـر الذين يرجع نسب ابـن الاحمـر اليهـم

لا اخفيكم اني توقفت كثيـرا عنـد هـذه العبـارة دون غيـرها لسبب واحـد .. اذ ان فيها اشعـارا بأن الكلمـة كانت للمسلمين في ذلك الوقت حين كـانوا آخـذين بما امـرهم اللـه و تاركين لما نهـاهم عنـه

ايييييييييييييييييه يا زمن صـاروا الحيـن سيـاح !!!

ولا زمـانكم جـواري و اصـرخ عليكم انقلعـوا هـاتوا لي قـدحا من المـاء قبل ان اقـوم عليكم جميعا بسيفي هـذا و ألعـننَّ سلسفيلكم

طبعـا في هالصـورة قالب الشنطـة كني بيبي سيتـر شايلة ولـد

في حـال انك شايل شنطـة بيجيك الامن و يقـولون لك البس الشنطـة بالمقلوب عشـان لا تحكك فيها الجـدران

صـورة للجهـة المقـابلة

هـذه الصـورة لمطلع قصيـدة قـالها الوزيـر الاندلسي ابن زمـرك

تبارك من ولا امـر عبـاده ..... فأولى بك الاسـلام فضـلا و أنعمـا

فكم من بلـدة للكفـر صبَّحـت اهلهـا ...... و أمسيـت في أعمـارهم متحكمـا

و طوقتهـم طوق الإسـار فأصبحـو ...... ببـابك يبنـون القصـور تخـدما

فلـو خيـر الاسـلام فيمـا يـريده ...... لمـا اختـار الا ان تعيش و تسلمـا

بقـايا سقف تقـاذفتـه السنـون >> تم الاستعـانة بثـلاثة دكـاترة مختصين في اللغـة العـربية واحـد منهم يشتغل بارت تايم في بنـده

عـاد بعـد هالصـورة جـاني اتصـال ... من ميـن!؟ من العمـل

قفلـت اخـلاقي من جـد

سقف مبني بشكـل جيد لم تستطع السنـون ان تتقـاذفـه

صـورة بزاويـة عـريضـة للسقف الذي لم ..... الخ

عـاد هـذا من جـد اللي جلست السنـون تتقـاذف فيـه اليـن داخ​

​

النوافيـر و احـواض الميـاه هي فصـول اخـرى في روعـة العمـارة و الهنـدسة نرجـو ان يتعلم منها مقـاولوا هالايـام

نوافيـر اختـرعها المسلمون تعمل بدون اي مصـدر للكهـرباء

علي الحـرام انها اطلق من نافورة جـدة

ابد ما فيه فرق بينها و بين حديقـة بن جلوي >> محتاج لدورة في فن التشبيـه

لقطـة جميلـة جـدا من الاخ

يحتاج ان احنـا نشجعه عليها .. يستـاهل منا احلى تحيـة

​

​

​

ما تصـورني يا باشا !!!
​

انتهينا من جـولتنا في الجـانب الاسـلامي من القصـر و اتجهنـا نحـو الجـانب المسيحي

​

​

عـلامات البؤس ظـاهرة على محيـا الحـارسين الشخصيين حـزنا على سقـوط غـرناطـة

​

بصـراحة .. الجـانب المسيحي يفتقـد لجماليات العمـارة كما هو في الجـانب الاسلامي من القصـر

و لذلك اغلب السيـاح ما يجلسون كثير في الجانب المسيحي لانه يفتقد للكثير



انتهـت زيارتنـا لقصـر الحمـراء و اللي كانت للامـانة موجعـة لانك مهمـا قـرأت في الكتب او حتى رأيت صور في التقـارير فهي لن تغنيك ابدا عن الوقوف بنفسك على امجـاد المسملين في تلك البلاد

كم سنـة حكم المسلمون و ما انجازاتهم !؟ 800 سنـة و المسلمون يحكمون اوروبا و ينشرون المعـرفة في ارجـائها و المحصلة في النهاية ان غيرنا استفاد و احنا اللي ماكلينها

يا عـزيزي القـاريء تلك غرناطـة قد سقطت ،، فسقطت آخر ورقة في مجد المسلمين ،، فأصبحنا أكثر المتمسكين بهذا المجـد

و لكنـه في النهاية مع الاسف ،، هو المجـد الضـائع

اني تذكـرت و الذكـرى مؤرقـة ..... مجـدا تليـدا بأيدينا أضعنـاه

ويح العـروبة كان الكون مسرحهـا ...... فأصبحت تتوارى في زواياه
كم صـرَّفتنا يد كنـا نصـرِّفها ...... و بات يملكنـا شعب ملكـناه


يا ألبي آه .. الحب وراه .. اشجـان و ألم
و اندم و اتوب .. و على المكتـوب .. ما يفيدش نـدم >> مسكـت معي غلط


و اكثـر ما يغيض في سقـوط غـرناطـة أمـران:

1) من وقت سقـوط غرناطة و حتى الآن فالمسلمون يعيشون في ذل لم يسبق له مثيل . ذل اقتصـادي، ذل معـرفي، ذل تقني، حتى ذل كـروي و اخرتها الخمسـة اللي دقـونا فيها اليابان

2) ان هذا السقـوط كان بسبب تفكك المسلمين في ذلك الوقت فكل مشغول في دولته لدرجة ان الدويلات وصلت في تلك الفتـرة الى اكثر من عشـرين دولة. فكـانت اذا اصيبت دولة من قبل المسيحيين فإن التطنيش هو الجـواب من قبل الدويلات الاخـرى حتى سقطت تلك الدويلات تباعا.


للاسف اللي حكموا في تلك الفتـرة كانوا دشير قياسا بمصطلح الوقت الراهن، آثروا ملذات الدنيا على قيـام دولة مسلمة واحـدة و كانت النتيجـة هي ضياع جهـود من سبقـوهم بدءا من موسى بن نصير و طارق بن زياد حين دخلوا الاندلس سنة 92 هجـرية و حتى نفاذ اخر نفس فيها سنة 897 هجـرية حين حاصر الملكان فيرديناند الخانس و ايزابيلا غرناطة و قطع سبل الحيـاة عن اهلها

فقـام ملك غـرناطـة في ذلك الوقت ابو عبدالله محمد ابن الاحمـر بتسليم المدينة للملكين و اعلن المنادي في ارجـاء غرناطـة عن تحول المدينة الى ملك المسيحيين

فقـام بعـدها ابو عبدالله بالوقوف على تل عـال و خـر عليه باكيا فجـاءت امه قـائلة: الا فلتبك كالنسـاء على ملك لم تحفظـه كالرجـال



و بدمـوع ابي عبدالله و بأحـزان ضياع الاندلس انهي معكم هـذا الجـزء الخاص بغرناطـة

اتمنى من الله العلي القدير ان اكـون قد وفقت في نقل مشـاهداتي لتلك الحضارة
على امل ان القـاكم بإذن اللـه قـريبا في ملقـا

اخـوكم Triple M

​

​

​

 

[دعاءء]

نعـود لكم من جـديد في جـزء جـديد من يوميات اسبـانيا الى ارض كان للمسلمين نصيب في حكمها

انها ارض ملقـا و التي كان يطلق عليها المسلمون اسم مالقـة حين كانت ضمن حدود بلاد الاندلس التي حكموها حين فتحها طارق بن زياد عام ٩٥ هـ حتى سقوطها في اواخـر القـرن التاسع الهجري

تقع المدينـة في جنـوب اسبانيا عند البحر الابيض المتوسط. و يبلغ عـدد سكانها قرابة ٦٠٠ الف نسمة

تعتبر ملقا من المـدن القديمة جـدا و التي اكتشفها الفينيقيـون سنـة ٧٧٠ قبل الميلاد و من وقتها ضلت المدينة تشهد حروبا لتكون تحت حكم دول اخـرى اذ حكمها اقوام عدة كاليونانيين و القرطاجيين و الرومانيين و كذلك العـرب المسلمين


اليـوم الأول

وصلنا الى المدينة قادمين من غـرناطة بواسطة الباص في رحلة استغرقت ساعة واحـدة فقط .. الظاهر اذا ماني غلطان كان سعر التذكرة ٢٥ يورو

اختـرنا فنـدق Silken Puerta Malaga

فنـدق ٤ نجـوم و نظيف و ممتـاز و تقييـمه ٨،٢ من موقع بوكنق

و سعـره وقتها حلو كان تقريبا ٧٥ يورو

بهـو الفنـدق من اليسـار

بهـو الفنـدق من اليميـن

يوجـد بالغرفـة تلفـزيون بلازما سوني ٥٠ بوصـة Full HD مـزود بنظـام المسرح المنـزلي كما هو موضح في اقصـى اليسـار

طبعـا تـركنا الاغراض بالغـرف و مشينا نحـو يوم جـديد في مدينة جـديدة

​

نافـورة >> معقـولة !؟

و بما اننـا في وسط المـدينة اتجهنـا نحـو السـوق و المعـروف باسم Calle Larios

السـوق يحتوي على العـديد من محـلات الازياء و الاحـذية و المطـاعم و المقـاهي و الافارقة حقين النظـارات

منظـر عـام للسـوق

قـررنا نتغـدى سندويتشـات في هالمطعـم و يا ليتنـي ما تغـديت معـاهم

يا ليتني كنت صـايم ذاك اليـوم و اخـذت اجـر

يا ليتني عالاقـل اكلت هـوا و لا اكلت من هالمطعم

بعـد الغـدا كملنـا الجـولة مشيا على الاقـدام يقـال ان احنـا جالسين نهضـم​

كنيسـة قـريبة من السـوق

بعـد انتهـاء الجـولة قـررنا العـودة الى الفنـدق استعـداد للذهـاب الى الشاطيء الذي لا يبعـد الا قـرابة ١٠ دقائق مشيا على الاقـدام

و لحسـن الحظ .. صـادف وصولنا لملقـا احتفـال Vergin Del Carmen في الشاطيء

سألت كم اسباني عن السالفة و مناسبة الاحتفال و لو اني داري ان ما حولك احد بس قلت عساني اطلع بشي

اللي فهمته ان هالاحتفال مخصص للبحـارة الاسبان اللي ماتوا في حرب ضد الانقليز .. عـاد متى صار هالكلام و ليش !! اللـه اعلم

فكـرته انهم يجيبـون تمثـال لمريم عليها السلام (حسب معتقدهم) و اكـرر انه حسب معتقدهم و ينزلونه في البحـر و يخلونه يمشي الين يوصل وين ما يوصل


اليكم صـور الاحتفـال او صـور الذكـرى ان صح التعبيـر

وصـل العشـا

نـزل التبسـي بشويش يا ولد اللـه يغربل ابليسك

ياللـه حيـاكم الله على قل الكـلافـة يا جمـاعة

انتهـى الاحتفـال و رجعنـا للفنـدق لاخـذ قسـط من الراحـة

قمنـا بعـدها بتنـاول وجبـة العشـاء في محطـة القطـار او الباص اللي كانت قريبة من الفنـدق و اللي فيها محـلات عديدة و مطـاعم شرقية و غربية

صـورة ليليـة للفنـدق من الخـارج اختم بها معكم اليـوم الاول

يتبـــــــــع



​

اليـوم الثـاني


اصبحنـا اليـوم التـالي و اصبح الملك للـه و قمـت من الفـراش الا و احس بشعـور غـريب

ماني قـادر اتوازن ابـد و احـس اني دايخ و غثيـان و لوعـة كبـد

جلسـت اتذكـر وش سـويت امس !!

جـا على طول في بالي هالمطعـم الخـايس



قسم باللـه حتى الحـركة ماني قـادر اتحـرك، عاد انا اكلت من مطاعم وصخـة واجد اللـه يقطع الحـاجة بس ما صار فيني شي


اعطيت خبـر للشباب بأني ما اقدر اطلع معهم ابـد،، خليتهم يروحون ، جلست متبطح عالسرير بانتظـار النكست ستيب


لكن سـرعان ما قام الشباب بنشر خبـر وعكتي الصحية و جلوسي على السرير الابيض حتى وصل ذلك النبـأ الى الصحـافة الاسبـانية و وسـائل الاعـلام الاخـرى

صورة ضوئية لما جـاء في احـد الصحف الاسبانية



المهـم مالكم بالطويلـة .. الشباب كملوا جولتهم نحـو القصبـة

و هـذي كم صـورة من القصبـة

حلبـة الثيـران ظـاهرة في الصـورة


رجعـوا الشباب للفنـدق بعـد ما حسـوا بافتقـاد عنصـر مهم و فعـال في جولتهم و راحـوا للصيدليـة و جـابوا لي دواء و ما قصـروا الله يثيبهـم و يجـزاهم خير


تحسنـت حالتي الصحيـة شوي و قـدرت الحمـد لله اطلع معاهم للبحـر في الليل لتنـاول العشـاء و اللي كان اكلات بحـرية مشوية

بصـراحة .. من افضل ما اكلت في اسبانيا .. اكل ممتاز و سعر مناسب



اليـوم الثالث


دبَّ فيَّ النشـاط لتعـويض ما فاتني بالامس لنزور القصبـة التي لم ازرها

On the way to Alcazaba

نلاحظ في هالصورة شعار ملقا ٢٠١٦ و اللي هو العام اللي تستعد فيه ملقا لتكون عاصمة الثقافة في اوروبا

الوصول الى القصبـة

تذكـرة الدخول للقصبـة تقريبا ٢ يورو .. تحصل مكينة تحط فيها الفلوس و تطلع لك التذكـرة

منظر من الاعلى

بشـويش يا موهبـة البـول دانسنـق

اللـه اكبـر يا فتـاة الغـلاف

صـدقوني هالنافورة فيهـا شي

قسـم باللـه شلـة بنقـالة ولا هنـود ما يسـوون كل هالتصـوير زينـا

انتهـت زيارتنـا للقصبـة و التي بها انتهـت اقـامتنـا في ملقـا

اتجهنـا بعـدها للفنـدق لتجهيـز الحقـائب لرحلـة الساعة الثامنـة مساءا و المتجهـة الى مدريد عن طريق الطـائرة

بصـراحة .. ملقـا ما فيها الا بحـر و قصبـة لكـن الله يسـامح اللي ورطنـا و قال نخليها ٣ ايام >> هـذا

يعني هالمدينـة حـدها يومين و لا تزيد عنهـا ابد .. حتى لو قدرت انك ما تروح لها خير شـر يكون افضـل

عالعمـوم .. اعـزائي الكـرام انتهـى الجـزء الخـاص بملقـا راجيا الله ان اكون قد وفقـت في تقـديمه

على امل اللقـاء بكم قـريبا في مـدريد

اخـوكم Triple M

​

​

 

[دعاءء]

فصـل أخيـر يجمعني بكم في هـذه الرحلـة أيهـا الكـرام

و بعـد قضـاء ٣ أيـام في ملقـا كانت الوجهـة الى عـاصمـة البـلاد .. مـدريد

اكبـر مدينة في اسبـانيا و بعدد سكـان يبلغ ٣،٣ مليـون نسمـة

علـم مـدريد


اليـــوم الأول

كـانت الرحلـة بالطـائرة في رحلـة استمـرت سـاعة واحـدة فقط

وصلنـا الى مـدريد و انطلقنـا الى فنـدق Husa Moncloa

فنـدق اربع نجـوم و تقييـمه 8.1 في موقـع بوكنق و ميـزته انه قـريب من شارع قـران فيـا

بصـراحة الفنـدق ما يسـوى هالتقييم العـالي لانه واضح انه قـديم يحتـاج لصيـانة و ان كان الافضل هو الهـدم و اعـادة البنـاء من جـديد

اخذنا الليلـة وقتهـا بحـوالي ٥٠٠ ريـال .. طبعـا مع الافطـار



طلعنـا من الفنـدق المخيس

و ركبنـا البـاص السياحي بالاتجـاه الى النـادي الملكـي .. الميرينقي .. ريـال مـدريد

وصلنـا لملعب ريـال مـدريد .. ستـاد سـانتياقـو برنابـو

كنت خايف بأن الوقت راح يضيع في الطابور الطويل و ان التذاكـر راح تخلص

لكن الحمـد لله اشترينـا التذكـرة في اقل من ٣ دقـائق ،، و هـذا لعمـري ان دل فإنمـا يدل على شيء واحـد فقط

ان هـالنادي قد احتل الصـدارة في الدجـة

ما احـد يبي يزوره و مستخسـرين الهللة فيـه هههههه

هـذي تذكـرة الدخـول و قيمتهـا ١٦ يـورو

لوحـة تشـرح لك مـراحل الجـولة داخـل النادي

لقطـة للملعب من خـارج المدرجـات .. للاسف ما خلـونا ندخل المدرجـات لسبب غيـر معلـوم

في الطـريق الى متحـف النـادي و اللي كـان صـدمة من جـد

صـور رؤسـاء النـادي السـابقين و كـذلك صـور تطـور شعـار النـادي في الاسفـل

كـؤوس حصل عليها النـادي في فتـرات قـديمة .. واضح ما شـروها من الفـالح ابد

مـاتوا الرجـال يا زيـزو

نجـوم ريـال مـدريد حـاولوا مـرارا و تكـرارا و اقسمـوا بالله جهـد أيمـانهم ان ياخـذون صـورة مع الاخ


نـزلنا الى الملعب و اللي للأمـانة كـان فاضي و ما فيـه احـد الا احنـا و كم عـائلة اوروبيـة و ما يوصل عددهم ٣٠ شخص

المميـز في النـادي هو الملعـب فقط اما بقيـة المرافق فمشي حـالك

منظـر الغيـوم و العشـب الاخضـر يفتح نفس اي تيس بالدنيـا لالتهـام الملعب عن بكـرة ابيـه

المـدرب مـورينهـو في لقطـة قبـل بـداية المبـاراة

المـدرب مـورينهو يوجـه رونـالدو بضـرورة مسـاندة اوزيـل في منطقـة العمـق لضـرب دفـاعات الخصـم مع ضـرورة الارتـداد السـريع لمنتصف الملعب في حـالة الهجمـة المـرتدة

مـدرب الفـريق الخصـم مطـالبا لاعبيـه بضـرورة شـد الحيـل

انتهـت المبـارة بخسـارة مذلـة و متوقعـة لريـال مـدريد ٥ / صفـر ، ليأتي بعـدها المؤتمـر الصحفـي لكلا المدربيـن

مـدرب الفـريق الخصم : الحمـد لله على الفـوز اللي كـان السـر وراه جمهـورنا اللي حضـر من مسافات بعيـدة و اللاعبيـن اللي شـدوا حيلهـم

مـورينهـو يستمـع الأسئلـة احـد الصحفيين الذي قـال: ياخي الى متى و انتوا ملطشـة من برشلـونة؟ تتوقـع ان نهائي كاس اسبانيا راح يجيكم تلزيـخ بالخمسـة ولا اكثـر ؟

رد عليـه مـورينهـو و قـال: من أنتـم !!؟

هـذا نـاديي .. نـادي اجـدادي

قـد تنـدمون يوم لا ينفـع النـدم .. دقـت سـاعة الزحـف .. دقت سـاعة انهـاء المؤتمـر

لا رجـوع .. الى الامـام .. الى الامـام .. ثـورة ثـورة

و بهـذا الغضب الثـوري من قبل الاخ

انهينـا جـولتنا في النـادي لتكـون وجهتنـا القـادمة هي سـاحة القصـر الملكي

بانتظـار البـاص

احـد السيـارات القـديمة من عـام ١٩٠٠ و حطبـة

وصلنـا لسـاحة القصر الملكـي و اللي حسب ما فهمـته انه صـار فاضي و ما احد يجلس فيه

جلسـنا نـدوج بالحـديقة حقـت القصـر فتـرة من الزمـن و من بعـدها رحنـا نتغـدى استجـابة لرغبة الاخ اللي بالصـورة لانه ما شاء الله عليه ما اذكـر انه شبع

و ليل كمـوج البحـر أرخى سـدوله .. علي بأنواع الهمـوم ليبتلي

اتجهنـا بالباص السيـاحي الى سـاحة اسبـانيا

​

ساحـة اسبـانيـا المدريديـة شبيهـة بشـارع الرامبلا في برشلـونة

حيث يكثـر فيها المهـرجون و العازفـون و الرسـامون .. اعتبـرها نشـاط ترفيهي مجـاني اجي اشوف وش عنـدهم و امشي

يوجـد فيها مطـاعم شهيـرة للي يحب ياكل وسط الزحمـة

و بهـذا استحقـت سـاحة اسبـانيا بأن ننهـي يومنـا الأول بهـا

يتبــــــــــــع
​

​

​

اليـــوم الثـاني


ذهـب الليل و طلع الفجـر و العصفور صوصو

و بعـد تنـاول وجبـة الافطـار رحنـا لمحطـة القطـار استعـدادا للذهـاب الى مـدينـة طليطلـة .. او بمـا يعـرف بمـدينة تـوليـدو

كـانت الرحلـة عـن طـريق قطـارات renfe و بسـعر يقـارب ٢٠ يورو ذهـابا و ايـابا

مـدة الرحلـة نصف سـاعة فقـط و القطـار ما تسمع صـوته و الكـراسي ممتـازة جـدا >> Thumbs up

علـم طليطلــة


تقع طليطلة جنوب مـدريد بمسـافة تقـدر بـ٧٠ كيلو متـرا و يبلغ عـدد سكـانها قـرابة ٨٣ الف نسمـة و بمسـاحة تقـدر بـ٢٣٢ كيلـو متـرا مربعـا

هي مـدينة قـديمة جـدا و يعتقد انها بنيت في عصـر الاغـريق و طورهـا الرومـان فبنوا فيهـا الاسـوار و المسـارح

و كـانت طليطلـة تعـرف باسم "مـدينة التسـامح" حيث كـان يعيش فيها المسلمون و المسيحيـون و اليهود بسـلام دون حـروب بينهم حتى انك تـرى اعـلاما حمـراء في المـدينة تحمل الهلال و الصليب و نجمـة داوود و ذلك في اشـارة الى الديانات الثـلاث

في الطـريق الى طليطلـة بالقطـار

روضـة خـريم

وصلنـا الى محطـة توليـدو و هي محطـة قـديمة جـدا

صـورة توضح محطـة قطـار تـوليدو في زمـن مضـى

صـورة اخـرى للمحطـة سنـة ١٩٢٠ م


يوجـد في المـدينة بـاص سيـاحي للي يحـب يفـر في المـدينة شوي

لكـن كان هـدفنا هو زيـارة المنطقـة الاهم في المدينـة و كـانت تبعـد عن محطـة القطـار حـوالي ٧ دقـايق مشيا على الاقـدام

اثنـاء الخـروج من محطـة القطـار

وصلنـا الى الهـدف

نهـر يمـر من تحت الجسـر المؤدي الى الهـدف

صـورة من جهـة اخـرى

هالمنطقـة كلهـا ممـرات ضيقـة و تقع على مرتفع .. يعني يحتـاج لها شـوية ليـاقة

​

صـورة هـاي ديفينشـن .. شـوفوا الغيـوم كيف جـاية .. اللـهم لا اعتـراض

و بمـا ان المـدينة تشتهـر بصنـاعة الاسلحـة و السيـوف كافة الصناعات المعدنية و هـذا هو اللي واضح من المحـلات الي هنـاك .. دخلنا احـد المحـلات و شرينا من عنـده سيف عـادي و سيفين حق مبـارزة و ولاعة و مقص اظـافـر انكسـر من اول استخـدام ههههههههههههه

الويـل للفـرنجة .. الويـل للفرنجـة ... درقـن درقـن درقـن

صـورة بعـد طـرد الفرنجـة

جلسنـا في طليطلـة قـرابة الاربـع سـاعات كانت من اميـز اللحظـات في الرحلـة الاسبـانية

عـادت بعـدها قافلتنـا الى مـدريد مـرة اخـرى لنكمـل يومنـا بهـا و الذي لم يخـرج عن التجـول في شـارع قـران فيـا و سـاحة اسبـانيا

و في اليـوم الثـالث في مـدريد تفـرق كل منـا بعيـدا عن الآخـر .. فكلٌ مشغـول بشـراء الهـدايا لأهلـه

و لم يكـن فيه ما يستحـق ان اكتـب عنـه إلا أن أعـزي نفسـي بفـراق ديـار احببتهـا و أمني نفسي بالعـودة اليهـا مـرارا

عـذرا يا اهـل برشلونة

الى لقـاء آخـر يا سكـان اشبيليـة

الشـوق يسيـر دومـا إليك يا غـرناطـة

تبـا لك يا ملقـا

ذكـراكم لن تمحى أيها المدريديـون


يا شعـب اسبـانيا العظيم .. كفكفـوا دمـوعكم

و لا تلوحـوا للمسـافر .. المسـافر راح


لن انسى ما حييت ما قـاله الاسبـان حيـن مغـادرتي يوم ان اصطفـوا جميعـا و انشـدوا قـائلين


لا واهنيـــك دالـــه يـا سعـــود ***** تمشــي وقلبـــك دآيـــم ٍ سآلـــي

ما لاعـــك اللي لاعنـــي يا سعـــــود ****** ولا جرالـــك مـا تهيالــــي

ما صوبــك راعـــي العيـــون الســـود ****** ولا شكيــت مفـــآرق الغالـــي

أسهــــر وكـــل العالــم رقـــــود ******* ودمــوع عينـــي تهمـــل إهمالـــي

اللــي نبيـــه مــا عـــاد بــه مآجــــود ******* يــا سعــــود هــذا منزلـــه خالــــي

ماهـــو بقصـــده يــوم راح صـــدود ******* لاشـــك هــذي دبـــرت الوالــــي

ياللـــه عســـى هـــاك الزمـــآن يعـــود ******* وترجــع ليآلـــي ضآيـــق البآلــي

بــس أتحــرى يومــه الماعـــود ******* حالـــي قضــى مــا عــاد بــه حالـــي

لا واهنيـــك دالــه ٍ يـا سعــــود ******* تمشـــي وقلبــــك دايـــم ٍ سالــــي


ـــــــــــــــــــــــــــــــــــــــ

اعـزائي متـابعـي هـذا التقـرير

اسأل الله العلي القـدير ان يكـون هـذا التقـرير قـد نـال استحسـانكم و رضـاكم

كما اتمنى ان اكـون قـد وفقـت في تقـديم المعلومات الصحيحة التي تفيـد المسـافر الى تلك البـلاد

لدرجـة ان يكـون هـذا التقـرير مرجعـا للجميع باذن اللـه او حسـب اهتمام البعض منكم

اشكـر جميع من قـام بالـرد او بقـراءة هـذا التقـرير و التي كانت داعمـا لي بتقـديم المعلومات قدر استطاعتي

لا تحـرموني من دعـائكـم

اخـوكم / Triple M

تـــم بـحمـــد الــلـــــــــه​

فريق التطوير يتمنى لكم رحلات ممتعة​

​