(الجزء الفرنسي -والالماني )
توجهنا باليوم الثامن من الرحله بالسياره من بلجيكا في مدينه بروج
الساعه 10 صباحا تقريبا
مثل ماتعرفون العائله مع الاطفال ثقيله بالتنقل مو مثل الشباب
سريعين وفرقت معي هالسنه كثير التنقلات بالاطفال مو متعبه بس ثيقله
الوقت ماتقدر تتحكم فيه
ووصلنا الى الفندق بدزني لاند تقريبا على الساعه 3 او اربع العصر
الفندق صراحه مريح وجميل للاطفال مرفقاته تخدم العوائل مع الاطفال بشكل كبير
سوينا دخول مع وارتحنا شويات وقصينا تذاكر لشخصين كبار وطفلين لمده 3 ايام
بمبلغ 2500 تقريبا او اقل
طبعا هالفندق او الفنادق المحيطه بدزني عندهم خدمه النقل لدزني والاوت لت
النقل لدزني عبر الباص يمر كل 30 دقيقه من 10 صباحا الي 11 مساء
يعني سيارتك انساها بالمواقف بالمره
وبهالثلاث ايام ماحركت السياره ابد الا بيوم انتقالنا الى المانيا
الساحه الخلفيه للفندق
وتوجهنا للالعاب ولعبو العيال وانبسطنا
صراحه دزني 3 ايام حقها تجرب كل الالعاب وعلى راحتك
ومرينا على الاوت لت ثالث يوم الصباح وتغدينا فيه
وكملنا باقي اليوم بدزني
وبعد هالثلاث ايام توجهنا الى المانيا
بادن بادن
صراحه الطريق من باريس الى ستراسبورغ كل رسوم طريق
كل كم كيلو ادفع رسوم ومتفاوته من 16 يورو الى 8 يورو
تقريبا دفعت اربع او ثلاث مرات
وصلنا بادن بادن على المغرب لانو الشمس ماحسيت انها تغرب بدري الا
بالمانيا
توجهت للشقه اللي مستاجرها طبعا هالشقه لها سالفه
بعد ماشفت التقيمم والتعلقات النزلاء اعجبتني بتوفر غساله ونشافه ومطبخ
وبلكون وموقف سياره حجزت وقبل الرحله باسبوع
حصلت موضوع واحد يحذر من هالشقه وانو حصله سرقه وطريقها صعب
وتكسرت زجاج السياره
انا خفت قلت ولا ارتحت
طبعا راسلت صاحب الشقه وبين لي انو لكل شقه موقف
1 و 2
و علمني طريقه وجود المفتاح والرقم السري للصندوق اللي موجود فيه المفتاح وللانترنت
وصلت بالظلام ووقفنا السياره ونزلنا الاغراض
الشقه جميله واللي مايناسب غيرك ممكن يناسبك الناس مو مثل بعض
اخذنا جوله خفيفه في بادن اول يوم
طبعا بادن بادن طرقها مرتفعه واحيائها بوسط حاره وتحصل لك طلعه يتقطع حيل الموتر على بال مايطلع
(الجزء الالماني )...
بعد ماوصلنا بحمد الله واخذنا جوله مسائيه في وسط بادن بادن
المدينه هادئه
تعشينا باحد المطاعم بالساحه
رجعنا لشقتنا نمنا بهدؤء وراحه
اصبحنا باليوم الثاني في بادن بادن
وكانت وجهتنا الى
Gutach
على حسب الجدول الموجود
ومرينا عليها مرور
واخذنا من مخبز فيها بعض الفطائر
الوقت يمر سريعا مع وجود الاطفال
بعدها توجهنا الى قريه
Triberg
ووقفنا بالمواقف وبحثنا عن الشلال
في طريقين اما بالمشي لاكثر من 30 دقيقه
او تركب القطار وتمشي بعدها 15 دقيقه
اخترنا القطار ومنها ناخذ جوله على القريه ونريح العيال شوي
طبعا القطار بسعر رمزي من 5 يورو الكبار تقريبا
والامطار علينا
طبعا يمر على نقاط محدده يتوقف فيها
وبعدها نزلنا في المكان اللي بنمشي بعده للشلالات السبع
الجوء المطر موقف والولد فارس بعربيه كفراتها كبيره تمشي وتخبرون يبي لها طاقه
فيها طلوع جبل
وانا على فارس بالعربيه والشنطه الظهر والمطر ينزل علينا بغزاره
متعه متعه تحس انك بمغامره ومسؤليه
انبسطت كثير
هالبحيره يوقف فيها القطار ومنها تمشي وبنفس لمطان يرجع لها كل 45 دقيقه
وعندها العاب للاطفال
ورجعنا للسياره ووجهتنا بحيره تتسي
مناظر بالطريق
سبحان الله
ووصلنا للبحيره جميله جدا وسنتر القريه
رائع ووممتع
واكلنا بالمطاعم اللي مقابل البحيره
وانتهي اليوم الثاني ورجعنا لشقتنا
اليوم الثالث كانت وجهتنا بالجدول الى ستراسبورغ
ولكن الغيتها على رغبه العيال يبون الزحليقه
وووجهتنا الى Todtnau
صور من الطريق
