* تبعد عن نيس تقريبا نص ساعه
* لايوجد فيها مطار دولي وأقرب مطار لها هو مطار نيس
* وشارع أنتيب هو الأفضل للتسوق
* شارع الكروازييتLacroazet Area
الكورنيش الموازي لساحل البحر وتقع عليه أهم الفنادق والكثير من المطاعم
* قصر المهرجانات
في كان حيث تتم استضافة جميع الفعاليات المهمة فيه كمهرجان السينما
والتلفزيون والذي يقام كل سنه في شهر مايو
* مدينة كان القديمه
وهي تمتاز بتعدد المطاعم وجماليات القدم والتراث الفرنسي.
* ميناء كان لليخوت بالقرب من قصر المهرجانات.
* حي لا سوكيه LasuquehDistrict
و هو أقدم أحياء كان على الاطلاق ، حيث انه يقع على مقربة من منطقة
لا كروازيت السياحية كما أنه يزخر بالوجهات الترفيهية المميزة و المراكز التجارية العالمية
*متحف لامير La mer Museum
يقع متحف لا مير على جزيرة سانت ماركوريت على بعد حوالى 1كم من كان
تم تخصيص هذا المتحف لعرض أهم الكنوز البحرية
فهناك على سبيل المثال
بقايا لبضائع و شحنات لسفن قديمة تعود لفترة الأمبراطورية الرومانية
* شاطئ مارتيناز Martinez beach
من أكبر شواطئ الكروازيت و أكثرها شعبية حيث أنها تتيح أقوى فرص
الأستمتاع بالتزحلق على الماء و ركوب الأمواج و الغطس بكافة أشكاله
*قطار سياحي يلفك حول المدينه
*صعود تله وتشوف منها مدينة كان
*رحلات بحريه بالبوت لجزيرتين قريبتين من كان
وفي وحده من هالجزر جزيرة فيها سجن
نتابع معاكم أحداث اليوم الثاني
ميزة نيس انه يايه في الوسط
نطلع يمين
نسير صوي كان وغراس وانتيب
نلف يسار
نسير صوب موناكو ومونت كارلو وغيرها
[ATTACH=full]526912[/ATTACH]
واليوم هدفنا نسير كان
صحينا بدري رغم انه كنا نايمين متأخرين
ما أدري ليش في السفر ماودك تنام ودك ع طول صاحي ومايفوتك شي
نزلنا ندور مطعم نتريق فيه
حصلنا عدال فندقنا مطعم تركي وبعد تجربته ماعجبنا وقلنا مابنكرره 
[ATTACH=full]526913[/ATTACH]
[ATTACH=full]526914[/ATTACH]
[ATTACH=full]526915[/ATTACH]
[ATTACH=full]526916[/ATTACH]
هاي طلبتنا
[ATTACH=full]526917[/ATTACH]
[ATTACH=full]526918[/ATTACH]
هذا طلب بوعيسى مثل فطيره بالجبن بس كأنها قديمه ومب حلوه وماكليناها
[ATTACH=full]526919[/ATTACH]
وهذا طلبي وتفاجأت انه الجبنه فرنسيه وانا كنت متوقعه جبنه تركيه
مثل اللي كنا ناكلها في المانيا عند الأتراك
وهاي كانت لابأس فيها
وتجاسمنا ( تقاسمنا ) الساندويتش أنا وبوعيسى
[ATTACH=full]526920[/ATTACH]
وعقب ماخلصنا ريوقنا سرنا صوب مكتب اليورب كار عشان نستلم سيارتنا
[ATTACH=full]526921[/ATTACH]
أنا يالسه ع الكرسي أتريا بوعيسى لين خلص ويالحرمه رمستهم عن السياره
وعقب الحرمه خذتنا صوب الكراج عشان نشوف كم سياره
والكراج قريب المكتب
[ATTACH=full]526922[/ATTACH]
ولما دخلنا شفنا سياره فورد وسيارات ثانيه صغيره
بوعيسى قالها ماشي افضل من جذي ، قالتله
فيه مرسيدس فان
طبعا مابغينا سياره حق 7 او 9 راكب
بوعيسى أختار الفورد وانا ما أعترضت
[ATTACH=full]526923[/ATTACH]
رجعنا المكتب وخلص بوعيسى الاجراءات الخاصه بايجار السياره
وسرنا عقب ناخذ السياره وانا شاله في ايدي الجارمن مالنا
وبعد ماركبنا السياره وضبطنا الجارمن وبرمجه ع كان
الجارمن مب راضي يحدد الطريج تمينا فتره وماشي فايده
قلت لبوعيسى جرب تحرك ونحن نمشي يمكن يشتغل
وأول ما اتحرك بالسياره
وأول ماطلعنا ع الشارع الجارمن متنح مب راضي يشتغل
ونحن مانعرف وين الطريج لكان ؟؟؟؟
ولما وصلنا للشارع الرئيسي شفت علامه تقول الى موناكو
قلتله عيل كان في الاتجاه الثاني
فخذينا يمين
ومشينا نتبع حدسنا ، وعقب بدينا نشوف لوحات عليها اسم كان
وبعد فتره بوعيسى سكر الجارمن ورجع فتحه وعقب اشتغل
في الطريج لكان
[ATTACH=full]526924[/ATTACH]
[ATTACH=full]526925[/ATTACH]
[ATTACH=full]526926[/ATTACH]
[ATTACH=full]526927[/ATTACH]
[ATTACH=full]526928[/ATTACH]
[ATTACH=full]526929[/ATTACH]
طفنا ع غراس وايد قريبه من نيس
[ATTACH=full]526930[/ATTACH]
[ATTACH=full]526931[/ATTACH]
تابعوني ...
