Sofitel Paris La Defense
راح اذكر لكم اليوم تجربتنا في السكن في فندق سوفوتيل لاديفانس
يقع الفندق في منطقة لاديفانس او ما يسمى باريس الحديثه في منطقه هادئه جدا بدرجة تصير موحشه في الليل
الفندق مصنف 5 نجوم بس ما حسيته بالفخامه المطوبه
موظفي الفندق بشوشين ومتعاونين جدا
فترة اقامتنا ما شفت الا عائله سعودية وعائلة اماراتية والباقي اجانب وكان في نسبه كبيره جدا من الايرانيين وباين انهم في باريس بغرض التجارة
حجزنا كان عن طريق موقع Agoda لفترتين
الفتره الاولى : غرفتين لمدة 3 ليالي بسعر اجمالي 1,080 يورو غير شامل الافطار
الفتره الثانيه : غرفتين لمدة ليلتين بسعر اجمالي 796 يورو غير شامل الافطار
الغرف ما كانت متصله بس في نفس الطابق
والي لاحظته انه الي معاهم عيال كلهم في هالطابق بس الحمد لله ما كان في اي ازعاج
اتركم مع الصور
مدخل الفندق
المنطقه الي فيها الفندق الين مجمع الفصول الاربعه ما تدخلها السيارات ....كل الشوارع تحت الارض
يعني الي بكون في سيارته الخاصه راح يواجه شوي صعوبه في الوصول حتى التاكسي الي وصلنا لف ولف الين ما وصل
الاستقبال
ستايل الاستقبال مودرن تشوف كل كرسي غير شكل ولون عن الثاني
ولانه فترتنا كان الايستر فكله مزينين بالشوكولا
مكان الريوق
الممر بين الغرف
حسيته شوي كئيب بس الادوار الي تحت كان افخم كله خشب الضاهر يجددون في الفندق