منطقة كناري وارف في لندن

[روكا]

بسم الله نفتح تقرير جديد


كانت الرحلة في نهاية شهر مارس

وقلت بما ان في منطقتين من الي زرتهم التقارير عنهم قليلة

باكتب هالموضوع لعله يفيد حد بتجربتي البسيطة

و اعتذر عن رداءة بعض الصور وقلتها

حقيقةً أنا ماكنت مستعد لتقرير مفصل كهذا

لكن عسى الله يقدرنا و نكمل التقرير ..

وشكرا لكل من تفاعل مع التقرير السابق

اقربوا و ترقبوا

​

 

[روكا]

منطقة كناري وارف في لندن


أول مابديت التخطيط حق الرحلة .. فكرت وين أسكن

و أنا ابغي أشوف لندن بنظرة مختلفة عن نظرتي السابقة

و ابغي اشوف أماكن .. غير عن الأماكن المعتادة

وين أسكن ؟ قريت عن منطقة جميلة .. مختلفة عن لندن

مبانيها حديثة .. أسعار السكن ارخص .. الغرف أوسع

لكن بعيدة شوي .. هل البعد عيب ؟ و في لندن خاصة ؟

مع وجود شبكة مواصلات متطورة

لندن المترامية الأطراف كلها قريبة من بعض

فتوكلنا على الله و قررنا السكن فيها في فندق الهيلتون

كناري وارف


تبعد كناري وارف عن وسط لندن ربع ساعة تقريبا بالاندرقراوند

من المطار اتجهنا بخط البيكادلي الى محطة قرين بارك

وغيرنا منها في خط جوبلي الى منطقة كناري وارف

تعتبر كناري وارف منطقة رجال أعمال بالدرجة الاولى و سياحية أيضا

وجه حديث للندن مختلف عن وسط لندن التاريخية ذات المباني القديمة

اول مانزلنا من المحطة انبهرنا بمحطة كبيرة جميلة ذات سقف زجاجي ( احداثية المحطة )

ومتصل بالمحطة عدة مولات و مداخلها كثيرة

ركبنا هذا السلم الكبير متجهين للاعلى واذا بمدينة لا تشبه لندن اطلاقا

ابراج و مارين وجسور وعدة انهار صغيرة تخترق الممرات

عبرنا هذا الجسر ووصلنا الى فندقنا الهليتون وقضينا فيه ليلتين ب1,238 ريال قطري

يوم وصلنا جنب الشارع وشفنا الباص الاحمر تاكدنا اننا مازلنا في لندن هههه


ثم نزلنا نتمشى في المنطقة فيها ساحات حلوة ومطاعم ومحلات اشكال وانواع لكن كان تعب السفر فينا للحين

فكانت جولة استكشافية لمنطقة ماسمعنا عن حد سكنها من قبل او حتى جاها

الا في هالمنتدى الرائع الي تعلمت منه الكثير ، شفت اخوي وجهات اوروبية ينصح الناس في استفساراتهم بالتغيير والسكن في هذي المنطقة .

وماقصروا اختي كويتية و اخوي اخر فرصة في استفساراتي شجعوني اكثر ان اسكن فيها وكانت تجربة جميلة

هني حسينا شوي ان تصميم المكان يشبه الحرم المدني

رحنا لمطعمين في هذي المنطقة

و رحنا لوسط لندن بطريقة ممتعة

ترقبوا تكلمة التقرير .. =)

​

 

[روكا]

اما المطاعم في منطقة كناري وارف فزرنا مطعمين

الاول مطعم Hazev التركي


مطعم تركي جميل مطل على نهر صغير

اكله لذيذ وسعره مقبول ..

كان غدا متأخر و عشا مبكر هههه



و في صباح اليوم الثاني تريقنا في مطعم بريك فاست كلاب
الموقع هنا

مب بعيد عن الفندق 10 دقايق مشي تقريبا


لذيذ ومزدحم .. الموظفين لك عليهم .. مايبتسمون

طلعنا من كناري وارف بوسيلة مواصلات جديدة
ليست قطار ولا سيارة ولا طيارة ولا مترو


ماذا تتوقعون ؟

ترقبوا تكملة التقرير =) ...




​

 

[روكا]

انتقالنا من كناري وارف الى وسط لندن عن طريق نهر التايمز


من بعد ما تريقنا في مطعم بريك فاست كلاب

قلت حق صديقي قريت ان في ميناء في هالمنطقة

تقدر تروح إلى لندن آي بالعبارة .. شرايك ؟

قال طيب تجربة جديدة يلا ..

مشينا الى نهر التايمز وكان قريب على مسافة دقايق مشي

واخذنا العبارة كان دخولها ببطاقة اويستر ب6 باوند

وصديقي ما أخذ البطاقة فدخل ب8 باوند ..

ورحنا فيها الى لندن نزلنا جنب ساعة بق بن .

الاندرقراوند اسرع لكن هذي العبارة ممتعة

تمر على عدة مناطق منها برج ريتشارد و جسر المشاة و الكنيسة الكبيرة نسيت اسمها

موقع العبارة

نزلنا بجانب ساعة بق بن

و اخذنا الجولة السياحية المعهودة في لندن

بق بن و بكنقهام وكوفنت قاردن وهايدبارك واجوانرود وهارودز .. مافي شي جديد احدثكم فيه ..

ممكن يكون الشي المميز زيارتنا لمكان جميل جنب كوفنت قاردن ..

خمنوه ؟

​

 

[روكا]

اشكر الي جاوبوا و تفاعلوا مع الموضوع

نعم المكان الجميل بجانب سوق كوفنت جاردن

هو متحف المواصلات ..

موقع متحف المواصلات بجانب كوفنت جاردن

متحف صغير ولكن ممتع
مناسب للكبار و الاطفال

يعرض تاريخ تطور المواصلات في لندن
من الخيول والعربات الى اكبر شبكة مواصلات حديثة وسريعة .
بالإضافة إلى المشاريع الي تنجز الآن في لندن
و تنبئهم بمستقبل المواصلات الحديثة

هذي أسعار الدخول

هذي طريقة تغيير اللوحة في الباصات
قبل ظهور الشاشات الالكترونية

هذي قاعة العرض من الاعلى

هذا اول ما ظهر القطار البخاري
يخلونه يدور في حلقة و الناس يركضون وراه
و يتحداهم الي صنعه من يقدر يصيده هههه

ثم رجعنا عن طريق محطة قرين بارك الى منطقتنا كناري وارف استعدادا لمغادرة لندن متوجهين الى مدينة ليدز

ترقبوا تكملة التقرير و بعض التفاصيل عن مدينة ليدز و ابرز معالمها =)




​

 

[روكا]

مدينة ليدز الجميلة

كم تبعد ليدز عن لندن ؟ تبعد ساعتين بالقطار

كيف أذهب إليها ؟ من محطة كنقز كروس و هي محطة جميلة وكبيرة
موقع المحطة

فيها محل هاري بوتر , و فيها مكتب امانات لوضع الشنط اذا كان موعد القطار متأخر و تبي تتجول في لندن

هل تستحق الزيارة ؟ لزائر بريطانيا لأول مرة اعتقد ما تستحق
يمكن للي يكرر زيارة بريطانيا ووده يشوف مدن جديدة نعم تستحق يومين إلى 4

على العموم ليدز مدينة جميلة تتوسط عدة مدن صغار يدرسون فيها العرب مثل هدرزفيلد وشيفيلد وغيرهم
فتكون ليدز المتنفس لهم لان فيها مولات كبيرة و تنوع في المطاعم و سنترها جميل وممتع

كان وصولنا يوم السبت في المساء فكان الانطباع الأول عنها امممـ
نوعا ما سيء .. ازدحام و بارات و اشكال ماعجبتني

محطة القطار في مكان استراتيجي بين السنتر و النهر

موقع المحطة
فندق هيلتون ملاصق فيها و اظن له مدخل في المحطة

مشينا للشقة تقريبا 10 دقايق
دخلنا حطينا الشنط

​

الشقة فيها غرفتين وحدة بحمامها ووحدة الحمام خارجها

اطلالة ليلية من الشقة
في النهار وايد احلى ..

ثم رحنا إلى مطعم ايراني للعشاء
بعيد شوي فــ رحنا عن طريق اوبر

موقع المطعم

الأكل لذيذ و السعر مقبول و الخدمة ممتازة

لكنه في منطقة بعيدة عن السنتر ومافي حولها شيء
يعني اذا بتروح عشانه بس


مازرنا كل مكان في ليدز رغم تواجدنا فيها لمدة 6 ايام لاننا يوم رحنا مانشتسر و يوم ليفربول
و قضينا كم يوم عزايم مع الشباب .. بالإضافة لليومين الي رحنا فيها منطقة البحيرات
يعني تقريري عنها بيظلمها شوي لان فيها وايد اماكن مارحتها

فيها متحف و تكسي نهري و اماكن كثيرة ما تسع الوقت لزيارتهم

لكن زرنا السنتر و بعض الاسواق القديمة و المولات الحديثة و حديقة رائعة باكتب تفاصيلها قريباً

هل تغير انطباعي الأول عنها ؟ .. ترقبونا






​

 

[روكا]

جولتي في مدينة ليدز
و أبرز الأماكن الي زرتها



ثاني يوم الصبح
تحسن المزاج شوي على هالاطلالة الجميلة

وبدى يتلاشى الانطباع الاول عن ليدز شوي شوي


نزلنا نشوف المدينة , أو بالأصح أنا اشوف المدينة وهو يتفلسف علي هههه
كله اقوله يلا راوني بلادك خلنا نشوف شعندك

وهو يودينا الشقة من طريق و يرجعنا من طريق لين دخت

لين اخر يوم وانا ما دليت الطريق حتى حق اقرب الأماكن

لدرجة اني مشتت الحين ماعرف شاكتب عن المدينة او من وين ابدأ
لاني ماحضرت حق هالتقرير قبل كتابته انما اكتب الحين و اعتمد على الذاكرة
و الذاكرة الله بالخير هههه

على العموم باكتب الي اتذكره من خلال الصور
و هالاماكن زرناهم في عدة أيام بالرغم من تقاربهم
و بعض الاماكن كررناهم اكثر من مرة

كان أقرب مول للشقة هو The Light تقريباً ملاصق في العمارة
موقع مول The Light

صغير متواضع .. فيه بعض المطاعم الجيدة منها ناندوز

تصدقون شفت طلاب خليجيين يشتغلون في المطعم !

و في المول نفسه فندق راديسون بلو .. في كوفي حلو

وأيضاً بالقرب منه مول ترنتي Trinity Leeds

موقع المول Trinity Leeds
وهو اكبر مولات المدينة و يتوسطها تقريباً

مجمع تجاري عجيب , شرح و من عدة طوابق و له عدة مداخل مع السنتر

متنوع المطاعم و المحلات دخلنا في هالكوفي و تقهوينا

السويت عندهم عجيب , كرمل ذكرني في رمضان هههه

و فيه بريمارك حبيب الشعب هههه ووايد محلات

و رحنا بعد مول فكتوريا Victoria Leeds حلو فيه خرابيط حريم وايد هههه
موقع مول فكتوريا

و حذاه السوق الشعبي و البسطات

​

 

[روكا]

جولتي في مدينة ليدز
و أبرز الأماكن الي زرتها



ثاني يوم الصبح
تحسن المزاج شوي على هالاطلالة الجميلة

وبدى يتلاشى الانطباع الاول عن ليدز شوي شوي


نزلنا نشوف المدينة , أو بالأصح أنا اشوف المدينة وهو يتفلسف علي هههه
كله اقوله يلا راوني بلادك خلنا نشوف شعندك

وهو يودينا الشقة من طريق و يرجعنا من طريق لين دخت

لين اخر يوم وانا ما دليت الطريق حتى حق اقرب الأماكن

لدرجة اني مشتت الحين ماعرف شاكتب عن المدينة او من وين ابدأ
لاني ماحضرت حق هالتقرير قبل كتابته انما اكتب الحين و اعتمد على الذاكرة
و الذاكرة الله بالخير هههه

على العموم باكتب الي اتذكره من خلال الصور
و هالاماكن زرناهم في عدة أيام بالرغم من تقاربهم
و بعض الاماكن كررناهم اكثر من مرة

كان أقرب مول للشقة هو The Light تقريباً ملاصق في العمارة
موقع مول The Light

صغير متواضع .. فيه بعض المطاعم الجيدة منها ناندوز

تصدقون شفت طلاب خليجيين يشتغلون في المطعم !

و في المول نفسه فندق راديسون بلو .. في كوفي حلو

وأيضاً بالقرب منه مول ترنتي Trinity Leeds

موقع المول Trinity Leeds
وهو اكبر مولات المدينة و يتوسطها تقريباً

مجمع تجاري عجيب , شرح و من عدة طوابق و له عدة مداخل مع السنتر

متنوع المطاعم و المحلات دخلنا في هالكوفي و تقهوينا

السويت عندهم عجيب , كرمل ذكرني في رمضان هههه

و فيه بريمارك حبيب الشعب هههه ووايد محلات

و رحنا بعد مول فكتوريا Victoria Leeds حلو فيه خرابيط حريم وايد هههه
موقع مول فكتوريا

و حذاه السوق الشعبي و البسطات

​

 

[روكا]

زرنا أيضاً سوق الذرة Leeds Corn Exchange
أو سوق التبادل بالذرة , اعتقد انه قديم قبل ظهور العملات
فكان شراء البضائع عن طريق التبادل وهذا شائع حتى عند العرب

على العموم كلها تنبؤات من المسمى
يعني مب معلومات موثقة لاتاخذون فيها هههه

السوق قديم و مبناه جميل عبارة عن قبة كبيرة

موقع السوق

مافيه بضاعة مميزة لكن طرازه المعماري و تاريخه هو عامل الجذب فيه

تحس بعبق الماضي و انت فيه هههه

طبعاً هالاماكن كلها مشي , قريبة من بعض

وهذي ميزة ليدز انها ملمومة وكل شي قريب

السنتر وايد حلو مبانيهم جميلة

رحنا كوفي هوتيل جوكلت

الهوت جوكلت عندهم لذيذ و خفيف
موقع الكوفي

و تريقنا في مطعم لبناني المكان بسيط و العامل لك عليه
لكن اكله لذيذ و اسعاره جيدة جداً
موقع المطعم

تقريبا هذا كل الي زرناه في ليدز
بقى مكان واحد في ليدز وهو من أجمل الأماكن الي زرناها ..

ترقبوا بقية التقرير ..






​