– اللي اول ما ندخل المول –
يوجد فيه محلات شنط تقليد ماركات درجه اولى و درجه ثانيه , و محلات سكارفات و ايشاربات ,
محلات اكسسوارات , محلات نظارات , محلات ملابس
انا ارى ان جودة الشنط هنا عاديه الى جيده , و المفاصله على الاسعار مممكنه
.
.
ملاحظه : الشنط اللي تقليد ماركات , لا تعرض باللوقو على الارفف
تكون موجوده في المستودع و تجيبها لكم الموظفه
و تعاقب الشرطه اي محل يكون عارض اللوقو بشكل صريح
( ما تدري هم صادقين او يلعبون على انفسهم او شسالفه بالضبط !!!! )
عادة يقابلونك فيها بياعين بالهبل يرددون : (كوبي باق كوبي ووتش / copy bags copy watches ) و معاهم بطاقات محلات و ياخذونكم الى الاوفس على قولهم و هو عباره عن شقق يبيعون فيها شنط تقليد ماركات , بجوده ممتازه و موجود عليها اللوقو و اسعارهم قابله للمفاصله للنصف
و هذي المكاتب بعيده عن اعين الشرطه , اللي تصادر أي شنطه موجود عليها لوقو الماركه آخر مره رحنا لهذا المول , كانت الشرطه موجوده , و كانو صافين طابور و السوبرفايزور يعطيهم تعليمات و هذي صوره لهم قبل ما يبدأون بمباشرة عملهم و البحث عن الماركات المقلده
تقريباً نفس الشيء بالنسبه لتنوع المحلات , الا ان محلات الشنط أكثر , اجمل , و أكثر جوده
و بالتالي أغلى , يعني تبدأ الاسعار من 600 ريممبي الى الفين و ثلاثه
المفاصله في الاسعار معهم متعبه , معضمهم يتمسك في السعر او ينقص شيء بسيط
و يوجد فيه كوفي شوب يبيع قهوه – ماء – عصير ,
اذا تعبتو من التسوق حلو ترتاحون فيه نص ساعه
و عادةً مليان بالعرب
يوجد في الدور الثاني دورات المياه – اعزكم الله – مكان مناسب للوضوء , و ممكن تصلون في الدور الثالث او الرابع
محلات شنط معظمها تبيع ماركات صينيه و بجوده عاليه و السعر رخيص مقابل الماركات المقلده , قابلين للمفاصله في السعر . و يوجد فيه محلات شنط مغلقه من الداخل بستاير , و هذي المحلات اللي عليها ستاير تدل على ان تخصصها فقط البيع بالجمله و عموماً الحركه قليله في هذا الدور
امام هذا المبنى شارع عام كبير
و يوجد جسر مشاه للمباني اللي في الاتجاه الاخر , و هي مباني تبيع ايضاً حقائب :
ماركات صينيه , و ابواك , شنط سفر
و هذا هو الجسر اللي يصلك بالمباني الاخرى
اول ما تطلع من المبنى الرئيسي , يوجد عاليمين مواقف لانتظار التاكسي
و الدور فيها يمشي بسرعه
و ممكن يجيكم شخص يوصل بسيارته , و طبعاً اغلى من التاكسي
لكن مع التعب غالباً راح توافق
.
و يوجد عربات و اكشاك في الخارج تبيع فواكه و كستناء و لوز :
تفتح المحلات في المول من الساعه 9:30 تقريباً الى الساعه 7 مساءً , احرص على الذهاب للتسوق مع بداية ساعات العمل , لان معظم بضاعتهم للعرض , وقد تضطر الموظفه للذهاب للمستودع عشان تجيب لك القطع اللي اخترتها , بكذا راح توفر وقت أكبر للتسوق .
لم ارى محلات تغيير عمله في هذا المول – احسب حسابك بمبلغ كافي للتسوق
ممكن تلاقي في سوق الشنط موديل بـ 50 ريممبي , و نفسه بـ 2000 ريممبي , لا شك ان الجوده و الاخراج تختلف اولاً : لا تستعجل في الشراء , خذ فكره عن السوق و عن السلعه في اكثر من محل ثانياً : احرص على شراء جوده عاليه , و باذن الله بتلاقيها بسعر مرضي
الافضل ان تكتب الاسعار و التفاصيل , و كم دفعت و كم باقي على الفاتوره – حتى لا تتعرض للغش او الخداع خاصةً ان فواتيرهم باللغه الصينيه
اذا طلبت شنطه , و قالت البياعه هذي ستوك , اروح اجيب لك نفسها من المستودع , الافضل صور الشنطه ممكن تجيب لك شنطه فيها اختلاف بسيط , و بنفس السعر اللي انت دفعته , لكن اذا شافتك صورت القطعه بتضطر تلتزم بها بالضبط
التسوق في سوق الحقائب , ممتع و قد يمتد الى 3 – 4 ساعات , خاصةً اذا حبيت تروح لاكثر من مبنى ينصح بأخذ سناك بسيط : شوكولاته – سنكيرز ......... الخ , علماً ان الكوفي شوب يبيع ماء و كوفي , و لكن طبعاً السناكس اللي عندهم غير حلال .
عربة التسوق مفيده جداً في هذا المول , لا تفوتها , و الافضل لا تشتريها من الكشكات المقابله لهذا المول لانها تبيعها بـ 70 ريممبي , بينما في الخارج ما تتجاوز 35 ريممبي
اتمنى اكون وفقت في طرح بعض المعلومات و الصور و الملاحظات عن سوق الحقائب و قرأه ممتعه
.
