اجمل مدن العالم الصين

[دودى]

صباح الخير

العام 2017 كانت لي سفره بزنس خطافيه سريعه حتى من غير تخطيط

كل شي صار سريع بنات عمي وخالتهم اللي خبره في الصين اتصلوا وقالوا تروحين الصين ..

انا يلا نروح الصين متى ؟

جان يقولون الخميس

اي خميس ؟

الياي

شنو الياي من صجكم اليوم الاحد والخميس نروح ماعندي فيزا وماضبطت أموري بعد ..

خالتهم قالت باجر روحي السفاره و سوي الفيزا في اي بي يومين و تخلص
يعني الاربعا تخلص الخميس نسافر

انا اوك من غير تفكير

واروح السفاره و اقدم الفيزا حق 3 انا و بنات عمي ثنتين السفاره قالت الخميس الصبح تستلمينهم

قلت حق خالتهم قالت اوك
قلت شنو اوك والسفره الخميس

اي عادي باليل نطير

وان ماعطوني الجوازات ؟

ماعليج منهم يعطونج ..

اوك والله واروح الخميس و خالصين الحمدلله الجوازات و بنفس اليوم حجزنا على كوانزو

على الخطوط القطرية

وهذي بعض الصور من الخطوط القطرية 380 لا يعلى عليها الخطوط القطرية ممتازه

درجة رجال الاعمال

يعطونا بيجاما

اللوبي او اللاونج

توزيع جناط فيها منظفات والخ

المنيو

على ما يوصل الاكل

اي انا من محبين السنافر هههه

الشوربه والمخبوزات

السلطه من الذ السلطات اللي ذقتها في حياتي ماادري شنو هذا النوع اللي فيها اللي يعرفها يعلمني بصراحه كانت خطيره

الطبق الرئيسي

الحلو فرنش توست

والريوق ما صورته كان في حليب و كورن فليكس و بيض وبطاط ..

القطرية ممتازه وتاخذ 10/10

الحين نروح على الفندق




Sent from my iPhone using Tapatalk ​

 

[دودى]

السفره اقتصادية لانها بزنس
الطيران كنا على السياحية لكن اللي شفناه هلانه نغير و نسوي ابقريد على البزينس
السياحية فل مغبطه للاخر كلها من الصين وافريقيا
انا يساري خال و يميني خاله و الخاله مطنقره و معصبه حتى ما اقدر اطلع من مكاني خفت منها

المهم نروح الفندق

Sino hotel
3 star

الفندق وايد سعر رخيص بس بصراحه يسوى نظيف و غرف و سيعه وموقع حلو بالتاكسي مو بعيد عن الاسواق اللي نبيها ..

اسمه وعنوانه

ندخل اول شي غرفة بنت عمي وخالتهم

وهذا الحمام عزكم الله وسيع
واهم شي فيه هوووووز ( بربيش )
و غساله

مطبخ تحضيري

غرفتي مع بنت عمي

وفِي باب خشبي يفصل بين الصاله و السراير

الحمام عزكم الله

وماچلتنا معانا
لاتستغربون من السيريلاك ما معانا بيبي
احنا الاربعه نحبه

وانتهينا من الفندق و الطيران


​

 

[دودى]

و رحنا شارع العرب كلينا في مطعم البسفور التركي

المنيو

الطلبات ترا ما صورت كل شي اللي قدرت عليه صورته

والحمدلله على النعمه

​

 

[دودى]

صور من بعض الشوارع
وزحمة

​

 

[دودى]

​

​

​

 

[دودى]

صبحكم الله بالخير

هذا مجمع الساعات
تخيلوا تاخذون الرولكس طبق الأصل و فاتوره اصليه بسعر الرولكس الأصلي و جيس رولكس و الضمان
كله بسعر 25 ديناااااار ... يالهووووي

التقليد والكوبي شي مو طبيعي عندهم والله شي يخرع ..

هذا مجمع الهدايا و الخرابيط

حبيت هالطاوله حق بوفيه وعزيمه صغيره

تخيلوا يبوني الف كل هالمجمع انا ينيت قلت مستحيل انا سوق بالكويت ما دخلت تبوني الف هذا كله وكل دور فيه مو اقل من 500 محل انسوووا ..
قلت سمعوا انا بقعد تحت والماليه عندي لابغيتوا تحاسبون نادوني عشان ايي ادفع غيره ما راح اسويه ..

​

 

[دودى]

نكمل اشوية من مجمع الهدايا

مجمع الاعراس و الحفلات
الاسعار رخيييييصه

مجمع تجهيز الصالونات

​

 

[دودى]

نكمل تمشي

رحت الدكان اللي ورا الفندق

اشتري الهمبه اكبر من چف ايدي

هذي منطقه راقيه وفيها مجمعات راقيه وبعد ادواااار

اسم المجمع

​

 

[دودى]

داخل المجمع

عقب رحنا شارع العرب تعشينا في البيت الشامي عندهم بوفيه او عالطلب
احنا طلبنا

المنيو

الطلبات

الفاتوره
يعني فاهمه اشيك عالفاتوره

الحمدلله على النعمه و اللهم أدم علينا
​

 

[دودى]

نيهااااو = السلام عليكم

اليوم رحنا سوق تجهيزات المحلات و كل ما يحتاجه مشروعك ونفس المكان بعد في محلات

وخذينا تاكسي العبريه مو تاكسي رسمي ومعانا وحده عندها عربانه و تشيل أغراضنا فيها

ورحنا سوق الاكسسوارات تقليد داماس والربع كلهم

وبعدين سوق جناط التقليد والله ما تفرقون بينهم و بين الأصلي

يتبع
​

 

[دودى]

نيهااااو

اخر جزء من الصين

رحنا هالمول الكشخه

المول كله ماركات عالمية و طبعا البوتيك الأصلي مو تقليد

العشا في مطعم سلطان تركي

طاولتنا

​

 

[دودى]

المنيو

الشوربه

المقبلات

هذه الصورة تم تصغيرها . الحجم الافتراضي لها هو 1656x1242.

طبقي بس اللي صورته ونسيت الباجي

هذه الصورة تم تصغيرها . الحجم الافتراضي لها هو 1242x1656.

والحلو

هذه الصورة تم تصغيرها . الحجم الافتراضي لها هو 1242x1656.

وطلعنا نشوف لنا تاكسي

ولقينا التك تك و ردينا فيه و ضحكنا على أشكالنا

وانتهى تقريري الصيني السريع
سامحوني على التأخير في طرحه و قلة التفاصيل و التصوير السريع لان الرحله كانت سريعة و عمل .
ان شاءالله ازورها مره ثانية و اعرفها لها واكتب عنها بالتفصيل ..
الى اللقاء
​