أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح.
يجب عليك ترقية متصفحك أو استخدام
أحد المتصفحات البديلة.
اعزائي اعضاء المنتدى الغاليين
اقدم لكم تقرير رحلتي لعيد الاضحى المبارك
بالبدايه ...
انا من عشاق تايلند .. وهذي مو اول مره اروح لها بس هالمره بتكون اول مره اروح فيها مع عيالي
قبل الحجز سألت اكثرر من شخص اللي كانو ماخذين عيالهم معاهم تايلند شلون الوضع و الصعوبه
الكل قالي عااادي جدا وعلى اساس راي الناس اخذت عيالي معاي
الهدف كان سباحه
و الهدف الثاني السووووق
تم الحجز على الخطوط القطريه
3 ايام في بوكيت و 5 ايام في بانكوك
الرحله كانت
كويت- قطر -بانكوك- بوكيت- بانكوك -قطر - كويت
اليوم الاول: الاربعاء 7\9\2016
طيارتنا كانت الساعه 11 مساءا
ولانه في عطله بعد يوم
توقعنا المطار زحمه
فاتجهنا للمطار بعد صلاه المغرب مباشرة .. تقريبا عالساعه 7 لكن
الزحمه كانت مسكره الشارع عند المطار
نزلنا وسحبنا جناطنا مشيا لي بوابه المغادرون
الصدمه الثانيه ..
الكاونتر
كاونتر القطريه زحمه و غير جذي بس كاونترين شغالين والمصيبه الاكبر اللي يخلص يسحب جناطه معاه ويوقف دور علشان يدخلهم الشحن
الوضع كان ماساااااه
خلصنا عالساعه 10 تقريبا وركض لي البوابه
دخلنا الطياره
و تاخرنا بالطيران ساعه كامله
طبيعي التأخير لانه المطار كان فوضى و الناس كلها حايسه مع الجوازات والجناط
و اللي نايم واللي يتابع فلم قبل الاقلاع
هذه الصورة تم تصغيرها . الحجم الافتراضي لها هو 1037x778.
الحمدلله طارت الطياره
هذه الصورة تم تصغيرها . الحجم الافتراضي لها هو 1037x778.
ووصلنا الدوحه
و الترانزيت اقل من ساعه
على طول عالبوابه
وطارت لي بانكوك
ولاختلاف التوقيت .. كلما قربنا كلما شفنا الصبح اوضح
ووصلنا بانكوك
ومن بانكوك لي بوكيت على الطيرات التايلندي
الطيران التايلندي ممتاز جدا وانا كنت مسافره دايركت من الكويت لي بانكوك بسنه 2009
الحين الطيران التايلندي للاسف ما ينزل بمطار الكويت
ووصلنا بوكيت
تقريبا كانت الساعه 4 بتوقيت بوكيت
ومن المطار سالنا المكاتب السياحيه عن فانتاسيا
قلنا بما انه احنا واصلين العصر مانبي اليوم يضيع علينا
لكن قالولنا انه اليوم الخميس ومافي عرض
حجزنا من هذا المكتب سياره من المطار الى الفندق ومن الفندق الى المطار لرحله العوده
هذه الصورة تم تصغيرها . الحجم الافتراضي لها هو 1037x778.
و طق علينا مطر قوووي
استانسو الاطفال من زمان مو شايفين مطر
كان الطريق شوي زحمه و ظلمت علينا الدنيا
زين انه ماحجزنا رحله
كلش ماكان في وقت
ووصلنا فندقنا
هوليداي ان ريسورت بشارع الباتونق بيتش
هذه الصورة تم تصغيرها . الحجم الافتراضي لها هو 1037x778.
في المره السابقه سكنت بالفندق بس بالغرف اللي عند اللوبي
هالمره حجزنا بالغرف المطله على حوض السباحه
و كان اختار موفق
وااايد احلى الغرفه
مرافق الفندق
هذه الصورة تم تصغيرها . الحجم الافتراضي لها هو 1037x778.
غرفتنا
هذه الصورة تم تصغيرها . الحجم الافتراضي لها هو 1037x778.
هذه الصورة تم تصغيرها . الحجم الافتراضي لها هو 1037x778.
لمن يهمه الامر: الحمام في هوز
ركن القهوه
حطينا اغراضنا و غسلنا وبدلنا وطلعنا على طول
نتمشى بالشارع ونحجز رحله للصبح
ونتعشى
مطعم الفندق
السبا
تعشينا في بيتزا كومباني
للاسف ماصورت الاكل من اليوع
بس العصير المنعش
الرقي
و عقب العشا
سألنا المكاتب السياحيه و مانصحونا نروح رحله بحريه لانه الجو باجر مو قائم والبحر مو راكد
ترا الرحله للجزر كانت الهدف الاساسي من زياره بوكيت
بس الحمدلله
فحجزنا حق فانتاسيا شووو
و كملنا جولتنا بالتمشي بالشارع
وركبنا التوك توك اللي ياخذنا بجوله
وردينا الفندق
والى النووووم
....
اليوم الثاني: الجمعه 9\9\2016
بسبب فارق التوقيت واليوم اللي قبله كنا واصلين وطول الوقت مو نايميين لين صار الليل
بهذا اليوم قعدنا متأخر وايد ..
اخر لحظه قبل انتهاء الافطار
وبعد وجبه الافطار السريعه قررنا ننزل الى حمام السباحه
الجو جميل مشمس و الهوا مو حار وايد
والماي يشوووق
في الفندق موجود حوضين سباحه
هذا واحد مهم اما الثاني شكله اصغر
وهذا الاقرب لنا
وداخل الحوض تقدرون تاخذون لكم مشروب وسناك خفيف
قعدنا بهذي القعده الظريفه
واخذنا لنا مشروب منعش
وسناك عباره عن فول سوداني
وبعد السباحه
قررنا نروح نتمشى في مول جنق سيلون
المول قريب من الفندق مو بعيد وايد
بس اخذنا توك توك يوصلنا للمول
منها نتسوق ومنها نتغدى
هذه الصورة تم تصغيرها . الحجم الافتراضي لها هو 1037x778.
تغدينا في برجر كينج
على ذمته يقول انه الدياي حلال عنده بس اللحم مو حلال
وبعدها تحليه
ايس كريم رول
وبعدها مشينا بالوصله اللي بين جنق سيلون والمول اللي يمه
حبيب الاطفال
المول مافي وايد اشياء وكنت حاطه ببالي ابي اتسوووق في بانكوك
من المحلات اللي احبها
بس ما شريت منه لاني بشتري مره وحده من بانكوك
طلعنا من المول نتمشى بين المحلات اللي بالشارع
وشفنا هذا
وقلنا يلا نلعب
ورجعنا الفندق بحدود الساعه 4 لانه حاجزين فنتاسيا والباص بيمرنا الساعه 6
وقهوه لتعديل المزاج
وبالوقت وصل الباص ونزلنا
وطبعا اكيد الباص بيمر اكثر من فندق واكثر من عايله
مرينااهم ووصلنا
و بس وصلنا طق مطر قووووي
وللحظات وخلص بسرعه المطر
وكملنا طريقنا للعرض
فنتاسيا شو .. يقع في كمالا .. وهو عباره عن عرض استعراضي يتكلم عن كمالا والحاكم
ويذكرون القصه اللي صارت بسببها صارو يقدسون الفيل
والعرض مو بس ناس تمثل
بعد في اداء للفيله واستعراض
وبعض الحيوانات مثل النمر والدجاج والماعز
هذه الصورة تم تصغيرها . الحجم الافتراضي لها هو 1037x778.
احنا حاجزين التذاكر بدون وجبه عشا
و بسرعه طاف الوقت
مجرد انه ركبا على ظهر الفيل و صار وقت العرض
هذه الصورة تم تصغيرها . الحجم الافتراضي لها هو 1037x778.
هذه الصورة تم تصغيرها . الحجم الافتراضي لها هو 1037x778.
وهذا حمد تعلم التحيه التايلنديه
هذه الصورة تم تصغيرها . الحجم الافتراضي لها هو 1037x778.
وهذا مكان العرض
هذه الصورة تم تصغيرها . الحجم الافتراضي لها هو 1037x778.
وهذا الفيل
والله استمتعو اليهال وايد بالمكان
وصارو ينادون على دخول المسرح
و الطابور طويل لتسليم الكاميرات
لانه ممنوع التصوير
وبعد ماخلص العرض
استلمنا صورنا
مع الفيل والنمر
و انطلقنا الى باتونق بيج
و شرينالنا عشا خفيف
و ختامها
و هذي اخر ليله لنا في هوليداي ان
باجر بننطلق لمنتجع ثاني
انتظروووني
اليوم الثالث: السبت 10\9\2016
اليوم اخر يوم لنا في هذا المنتجع
نزلنا الصبح مبجر تريقنا على حمام السباحه
وبعد الافطار رحنا البحر
حاطين هذا العلم
بس الناس مو هامهم
داشين البحر يسبحون
الجو جميل ماكان حار ولا رطب
ولا احد قاعد تحت المظلات
كلمن يدور الشمس
في انشطه متعدده عالبحر مثل ركوب الباراشوت والجت سكي
و في اللي يحطون تاتو واللي تسوي الشعر ظفاير الافريقيه
بس احنا بس نزلنا نتمشي
مع انه كان ودي اسوي شعري
هذه الصورة تم تصغيرها . الحجم الافتراضي لها هو 1037x778.
هذه الصورة تم تصغيرها . الحجم الافتراضي لها هو 1037x778.
والله بوكيت روووعه ومحد يحس بقيمتها اللي الي رايح لها
رجعنا الفندق
القندق له باب مقابل الشاطئ على طول عالباتونق
ولابد من عصير الليمون
مادري شنو العلاقه بين البحر والليموناده بس المهم شي منعش
وكنا متفقين مع شركه التاكسي اللي وصلنا من المطار عالموعد
وفعلا بالموعد وصل لنا الفندق
سوينا اجراءات الجيك اوت
وطلعنا
الى .....
بنيان تري
بنيان تري منتجع مكون من فلل مع مسبح خاص
واحنا بالطريق لاحظنا المنطقه هاديه واغلبها شاليهات وفلل راقيه
المهم
لمن وصلنا وقعدنا باللوبي
يات لنا وحده شكلها (صينيه) وبيدها كاميرا وقالت بصوركم
واحنا يلااا واكي صورنا
صورتنا وراحت
شوفوها بالصوره اللي قبل لابسه فستان ابيض
جان استوعب انها مو من الفندق
انا توقعت خدمه من الفندق بيصورونا
المهم قلت هذي ليش صورتنا
مادري مستغربه اشكال غير اسيويه
ولا يمكن بتحط صورنا وتعلق علينا عربوووو عربووو
المهم ما قلت لها شي البنت شكلها راقيه وكلااس
اكيد عاجبها شكلنا
قدمولنا ضيافه
ولبسونا الفل
و على مايجهزون الفيلا
انا رحت اتمشى بالمنتجع
هذا حمام سباحه للكل
وبحيره ومراكب
هذه الصورة تم تصغيرها . الحجم الافتراضي لها هو 830x623.
والقواري للتاجير
لانه اللوبي بعيد عن الفلل
اللي يحب يتمشى او اللي يحب يأجر قاري
او تتصلون على اللوبي يطرش لكم سياره القولف
هذه الصورة تم تصغيرها . الحجم الافتراضي لها هو 1037x778.
المهم قالولنا الغرفه تجهز الساعه 3
وكانت تقريبا الساعه 12
قلنا مانبي نضيع وقت
وطلبنا سياره تودينا الاولت والابسيد داون هاوس و فيستيفال مول
اول شي وصلنا الاوتلت
هذه الصورة تم تصغيرها . الحجم الافتراضي لها هو 830x623.
برايي الشخصي ما يستحق العنوه
مافي شي والاسعار عاديه
اذكر بال 2009 شرينا منه ملابس رياضيه ماركه اديداس وكان اسعاره بسيطه
الحين شفناه نفس السعر العادي
هذه الصورة تم تصغيرها . الحجم الافتراضي لها هو 830x623.
ماشرينا شي
بس تغدينا هناك
فيش اند جيبس
وصورنا وطلعنا
الى upside down house
او البيت المقلوب
قريب من الاوتلت
و البيت هذا عباره عن بيت مقلوب وكل شي داخله المقلوب
اللعب انكم تصورون بعدين تعدلون الصوره فيكون الشكل كانه البيت عدل وانتو اللي متعلقين عالسقف
يتبع
تابع
اليوم الثالث: السبت 10\9\2016
افضل طريقه للتصوير انكم تستعينون بالموظفين هناك ماراح يقصرون معاكم
يعلمونكم شلون تقفون بالضبط علشان تطلع الصوره مضبوطه
ويصورونكم
المتعه لمن تعدلون الصور
اليهالوااايد استانسووو لمن شافو الصور متعدله
كأنهم متعلقين مثل سبايدر مان
هذه الصورة تم تصغيرها . الحجم الافتراضي لها هو 830x623.
المكان صغير
بس يستاهل الزياره
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
صوره بعد التعديل
خلصنا من البيت
ورحنا فيستيفال سنتر
المجمع في محلات ومطاعم وسينما
بس احنا مخلين التسوق لي بانكوك
ولانه مانبي نضيع وقتنا نبي نرجع الفندق
ولانه ندري انه اذا دخلنا الفيلا ماراح نطلع
والمكان شبه مقطوع مافي يمه لا سوبر ماركت ولا مطاعم ولا شي
ف شرينا من السوبر ماركت مخبوزات و مشروبات ورجعنا الفندق
هذه الصورة تم تصغيرها . الحجم الافتراضي لها هو 830x623.
رجعنا مع نفس التاكسي اللي ودانا
كان ناطرنا
ووصلنا بنيان تري
ووالفيلا جاهزه
وصلنا حزه اللي بيشغلون الشموع
عاد عندهم مراسم لتشغيل الشموع
لابسين لبسهم التقليدي وموسيقا تقليديه
ونادونا نصور معاهم
مادري ليش
اشكالنا غريبه
فيلتنا
صوره من النت لشكل الغرفه
هذه الصورة تم تصغيرها . الحجم الافتراضي لها هو 820x461.
راااحه واستجمام
كل شي بالمنين بار فري
من ضمن حجز الغرفه
طبعا الاطفال على طول بالمسبح
ولهذا السبب كنت متأكده انه ماراح نطلع من الغرفه
وبدون مبالغه
تمينا لي ال 10 بالليل بالمسبح
عيب المكان الوحيد
كثره وجود البريعصي ... مادري شنو اسمه بالعربي يمكن سحليه
واااايد مترووووس المنتجع منهم
والفيلا من برا وعند المسبح وعلى الطوفه كله
وانا من النوع اللي عااادي استفرغ اذا شفته تلوع جبدي
بسس قاومت وغضيت النظر علشان الاطفال مايخافون
ويستمتعون
بس للامانه من داخل الفيلا نظيف ماشفت شي يمشي
وهذي القعده عند المسبح الخاص
طبعا انا حطيت عالطاوله الاكل اللي شريناه والمشروبات
والرامبوتان هديه من المنتجع
وبعد ماخلصنا سباحه
طقو علينا الباب
هديه بمناسبه ذكرى زواجنا
وبس تمينا لي وقت النوم بالفيلا ماطلعنا كلش
وتصبحون على خير
اليوم الرابع: الاحد 11\9\2016
صباح الخير
والجو العليل
اهم شي الصبح ماكو زواحف ولا حشرات كلهم نايمين
الاجواء تخليكم تقومون الصبح تمشووون
وايد هدوء
بعض مرافق المنتجع
السبا نفسه موجود عندنا بالكويت في مستشفى رويال حياه
وبعد المشى والانتعاش رحنا نتريق
البوفيه متنوع
واهم شي ماكو احد خذيت راحتي بالتصوير
العصاير المنعشه بانواعها ...نفس حركاتنا برمضان
خلصنا الحمدلله
ورجعنا الفيلا
وكلمن اخذ موقعه بحمام السباحه
وبعد ما خلصنا
سوينا الجيك اوت
والى المطار
مطار بوكيت صغير ومافي اي تعقيد خلال 10 دقايق تخلصون كل الاجراءات ..
ومافي زحمه
هذه الصورة تم تصغيرها . الحجم الافتراضي لها هو 830x623.
وبالموعد طارت الطياره التايلنديه
ما ادري اذا ذكرت لكم هالنقطه من قبل
بس انا وايد افضل الطيران التايلندي على الاسيوي
لانه يضل طيران مو تجاري و ممتاز
انا كنت اطير عالتايلنديه دايركت من الكويت بس للاسف الحين الطياره التايلنديه ماتنزل مطار الكويت
الطياره ممتازه وعلى مستوى عالي
والله جان زين ترجع تنزل بالكويت
هذه الصورة تم تصغيرها . الحجم الافتراضي لها هو 830x623.
ووصلنا بانكوك
فندقنا نوفيتيل سيام سكوير
للمره الرابعه اسكن فيه
بس هالسنه عندهم تصليحات باللوبي كان مسكر و الباب الرئيسي للفندق مسكر
وهذي غرفتنا
هذه الصورة تم تصغيرها . الحجم الافتراضي لها هو 830x623.
الحمام تكرمون فيه شطاف
وبس حطينا جناطنا وعلى طووول عالسوووق
وقبل كل شي صعدنا اخر دور بالمجمع علشان نحجز فلم
هذه الصورة تم تصغيرها . الحجم الافتراضي لها هو 830x623.
حجزنا فلم اطفال
العرض الساعه 11:15 مساءا
وايد زين
نتسوووق على راحتنا
وفلم سالي حجزناه حق يوم ثاني
والغدا كان في بيتزا كومباني
وطلعنا من براقون مول
الى ام بي كي
للاسف ماصورت شي لانه كنت مشغوله بالتسوووق
بس هذا المحل شافوه اليهال وصحصحووو
كلمن يدور فريقه
لين سكر السوق
رجعنا الفندق حطينا اغراضنا
والى السينما
هذه الصورة تم تصغيرها . الحجم الافتراضي لها هو 830x623.
هذا كان الفلم
الفلم جنه فلم رعب بس للاطفال
ماحبيته
اسأل اليهال اقولهم خايفين يقولون لا
البوب كورن
غصنا فيه
وانتهى الفلم عالساعه 1
ومازالت بانكوك تنبض بالحياه
والى الفندق مشي
لانه المول قريب من الفندق
وهذا اللي يخيلي كل سنه احجز فيه لانه قريب من كل المولات اللي ابيها
والتحليه قبل النوم
الجزء هذا مافي انشطه ولا صور وايد لانه كان يوم للسوق فقط
اليوم الخامس: الاحد 12\9\2016
اليوم كان يصادف عيد الاضحى المبارك
طلعنا عقب الريوق
وعلى توصيه احد الاخوان
قالنا روحو مجمع بوبي ... لا يطوووفكم
وتوكلنا على الله ورحنا باستخدام التوك توك
صارو اليهال كلما طلعنا يقولون نبي توك توك
استانسووو
والجنطه اللي بالتوك توك اذا شايفينها لزوووم الشوبنق
خبراء تايلند يعرفونها
وصلنا بوبي
هذه الصورة تم تصغيرها . الحجم الافتراضي لها هو 968x727.
لو طايفنا المجمع وايد احسن
المجمع كبير وااايد في محلات
بس المحلات كلها جمله مايبيعون مفرد
يعني اللي عنده محل
او بيشتري هدايا ينفع
لانه اقل شي يبيعون 6 حبات
ومتنوع ملابس اطفال .. حريم .. رجال .. بيجامات
كل شي موجود
بس من اول جم محل شفت ان الكل يبيع جمله
طلعنا ما شرينا شي
شنسوي ب 6 قطع
مع انه اسعارهم رخيييييصه تطلع
طلعنا ورحنا الي باتينوم فاشن مووول
للي مايعرفه هذا اللي لايطووووفكم
هذه الصورة تم تصغيرها . الحجم الافتراضي لها هو 830x623.
تمينا فيه وقت طووووويل
انا اسفه كنت صج مشغوووله
كل شي موجود ملابس .. اكسسوارات .. احذيه عزكم الله .. العاب
ماصورت شي
وعموما هذا اليوم كان حافل بالتسوووق ماصورت وايد
عقبها ردينا الفندق حطينا اغراضنا ومشي
الى المولات القريبه منها
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
هذي المجمعات ارقى وفيها البراندات العالميه
هذه الصورة تم تصغيرها . الحجم الافتراضي لها هو 830x623.
وعند المول حاطين هذي المجسمات
و رحنا اول شي نحلي
حبيبنا العم توتسووو
هذه الصورة تم تصغيرها . الحجم الافتراضي لها هو 830x623.
جيز كيك ياباني لذييييييييييييييييذ
واللي شايف تقرير اللي طاف لرحله ماليزيا يدري شكثر كليت منه
بس للاسف كان خالص وماراح يسون بعد
حلينا بسويننز
ايس كريم
وانطلقنا للشوبنق
ولازم اليهال كلما شافو دبدوب هارودز يبون يصورون عنده
بس هالمره بالتحيه التايلنديه
وبعد ما تسوقنا وتعشينا وسكر المول
رحنا الى
سوق الليل
بات بونق
السوق صغير مافي وايد محلات
شويه اكسسوارات وملابس و الكترونيات
يعني ماياخذ وقت طويل
ومثل ماقلت لكم اليوم كله سوق بسوق
اي نسيت اقولكم انه اتفقنا مع سايق حق باجر انه يودينا السفاري
وقالنا اوديكم وتشترون تذاكر من عند البوابه ارخص
لكن سألنا عندنا بالفندق خدمه الكونسيرج
عطونا تذاكر للسفاري والمارين بارك مع وجبه الغدا بسعر ارخص ب 1000 و 850 بات للكبار والصغار
واحنا مو متأكدين من سعر التذاكر عند البوابه بس اخذناهم من الفندق
وان شالله الجزء القادم اقولكم شنو صار وتفاصيل السفاري
اليوم السادس: الاثنين 13\9\2016
اليوم موعدنا لرحله السفاري
قعدنا مبجر
نزلنا نتريق
وهذ العربانه موجوده بالبوفيه فيها فاكهه
وتتغير الفاكهه كل يوم
بعد الريوق
دقينا عالسايق قالنا انا ناطركم عند باب الفندق
طلعنا له
سألنا شريتو تذاكر
قلنا له اي اخذنا من الفندق
جان يعصب علينا
يقولنا روحو دورولكم تاكسي ثاني يوديكم انا مابي اوديكم
الظاهر والله اعلم يعطونه عموله او شي لمن يوصل سياح للمكان
عموما
اخذنا تاكسي من الشارع وانطلقنا
ووصلنا
هذه الصورة تم تصغيرها . الحجم الافتراضي لها هو 830x623.
علشان تعرفون اذا تاخذون تذكره الكبار او الاطفال
مع انه محد جيك
وهذي الكشكات تبيع هدايا تذكاريه
هذه الصورة تم تصغيرها . الحجم الافتراضي لها هو 830x623.
وهذي الاسعار
هذه الصورة تم تصغيرها . الحجم الافتراضي لها هو 830x623.
احنا اخذانهم ارخص من الفندق مع وجبه غدا
هذه الصورة تم تصغيرها . الحجم الافتراضي لها هو 830x623.
ودخلنا الحديقه
يعطونكم جدول بمواعيد العروض والاماكن
والعروض ساعاتها ورا بعض
يعني امشو ورا الناس
اللي بيطلع من اول عرض بيروح الثاني على طووول
او تقدرون تدورون مكان العرض عن طريق الاشارات المكتوبه
او تسألون الموظفين
اول شي عرض القرود
المفروض +18
وايد فيها حركات غير لائقه
هذه الصورة تم تصغيرها . الحجم الافتراضي لها هو 968x727.
ماحبيته
ثاني شي عرض اسد البحر
هذه الصورة تم تصغيرها . الحجم الافتراضي لها هو 830x623.
ماشالله انا يبهرني تدريب المدربين للحيوانات
وشلون الحيوان يستجيب
هذه الصورة تم تصغيرها . الحجم الافتراضي لها هو 830x623.
وخلال العرض يتم بيع الماي والعصاير والمرطبات
انا اخترت الكوكنت واتر
مفيد للصحه والبشره والشعر ومنعش
عرض الكاوبوي
اليهال استنانسو وايد بالمكان
حبو العروض كلها
اخر عرض رحناله
الدلافين
وكان في عروض فيله بس مادخلناه لانه كنا في بوكيت وحضرنا عرض فيله ب فنتاسيا
بعدها طلعنا للسفاري
تركبون باص يمشيكم بين الحيوانات
واللي عنده سياره خاصه او تاكسي يقدر يروح بسيارته
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
الغريب انه كل مجموعه حيوانات قاعدين بروحهم
محد يهجم على احد
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
خلصنا السفاري تقريبا 45 دقيقه
رجعنا الحديقه
ورحنا المطعم للبوفيه اللي اخذناه مع التذكره
هذه الصورة تم تصغيرها . الحجم الافتراضي لها هو 830x623.
الاكل مو متنوع ومحدود
بس في ركن للاكل الحلال ..
وهذي التحليه
وفي نهايه الرحله صورونا صوره جماعيه وطبعوها لنا على طبق زجاج عند الكينق
بعدها رجعنا الفندق
وبعدها طلعنا مشي ل مجمع ام بي كي
وكان الجو
مطر غزير وحبات المطر ماشالله تبارك الرحمن كبيره
الكل منخش من المطر الا احنا
من زمان مو شايفين مطر
مستانسين
وبعد التسووووق
تعشينا
وبعد العشى
رحنا كافيه
من اول ما وصلنا بانكوك وانا شايفته وكنت اشوفه زحمه
والناس دور عليه
وقلت لازم اجربه
رحناله بالليل متاخر والحمدلله ماكان دور
وفاضي تقريبا
اسمه افتر يو
طلب الاطفال
وطلبي بلاك كوفي
والتحليه
كوكيز عليه ايس كريم
يعني مايستاهل الدور والنطره
يعتبر عادي
وينتهي يومنا جذي
اليوم السابع: الاثلاثاء 14\9\2016
اليوم ماكان في اي خطط غير انه نروح مول يديد كنت شايفه احد الاعضاء السابقين حاط عنه بسناب و سالته عنه و حطيته من ضمن القائمه
اول شي ومثل كل يوم
الريوق بالفندق
هذه الصورة تم تصغيرها . الحجم الافتراضي لها هو 830x623.
وبعدها الانطلاااق
الى مول
تيرمينال 21
المول يبعد تقريبا 20 دقيقه بالتاكسي من منطقه سيام
المول عباره عن ادوار كل دور يمثل دوله
الديكور يتغير بكل دور
اولا ايتالي
البضاعه اسعاها حييل مناسبه بالمول
مافي ماركات عالميه او براندات كبيره
يعني من رايي يستحق الزياره مره وحده بس
روما
قاعدين عالنافوره كنت ابي اقط كوين (عمله معدنيه)
بعدين سافرنا الى طوكيووو
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
والى لندن
لاحظو المحلات داخل الباص
هذه الصورة تم تصغيرها . الحجم الافتراضي لها هو 830x623.
المول مو مزدحم مثل مولات بانكوك
هذه الصورة تم تصغيرها . الحجم الافتراضي لها هو 830x623.
هذا عزكم الله الحمام
هذه الصورة تم تصغيرها . الحجم الافتراضي لها هو 830x623.
والله انه متعوب عليه و نظيييف ماتوقعت انهم مهتمين حتى بالحمام انه يكون نفس ثيم الدوله بكل دور
ولا جان دخلت كل دور اشوووف
و للعلم بس .. حماماتهم بالتقنيه اليابانيه .. واغلب تايلند يستخدمون هالتقنيه وحتى بماليزيا شفته
وننطللق الى الحب ..
اسطنبووول
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
كان ناقصهم يحطون بكل دور الاكل الشعبي للدوله
و كان ناقصهم دوله عربيه
الدول العربيه كثير منها كانت فيها حضارات
وممكن انه يسون دور كامل بديكورات جميله للحضاره
كان في دور باريسي بس نسيت اصوره .. سرحت بباريس وماصورت
بس هالصوره من دور باريس
والى سان فرانسيسكوو
هذه الصورة تم تصغيرها . الحجم الافتراضي لها هو 830x623.
هناك قعدنا تغدينا
بالمطعم اللي علمتني عليه (قصه حب) بس مثل ماقالت
اللي بماليزيا الذ
منهاتن فش ماركت
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 855x480.
بعدها رجعنا سيام سكوير
والى براقون مول
علشان نحجز فلم
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
هذه الصورة تم تصغيرها . الحجم الافتراضي لها هو 830x623.
حجزنا الفلم متأخر وااايد
ونزلنا الى عمو تستووو
اخذنا الجيز كيك و رحنا نشرب كوفي بمكان ثاني
عقب ما خلصنا كان صار الليل
فقررنا نروح نتمشى بالبسطات اللي عند فندقنا قبل ما يبدي الفلم
واليكم نبذه بسيطه عن البضايع
من رايي يستحق الزياره والشراء بعد
الملابس عالمودا
واسعارها جدااااا رخيصه
جوكرات
البطرونات الوسيعه مكوووده هناك الوان واشكال وخامات
القمصان عمليه وخفيفه وحلوه للجو الخليجي
اخذته عن خاطري
مو خساره
خلصنا السوووق
لي وقت الفلم
وحضرنا فلم توم هانكس (سالي )
وخلص الفلم متاخر شوي
ردينا الفندق على طوووول
اليوم الثامن: الاربعاء 15\9\2016
اليوم اخر يوم تسوق لنا في بانكوك
باجر نطلع الصبح ونرد الكويت
فلازم نحط اولويات شنو الاشياء الي ابيها وماقدرت اخذها بسبب ضيق الوقت و مع الاطفال صعب التسوق
كل مره اسافر بروحي
اقعد بالمول ما اطلع الا مخلصه كل المحلات عادي
بس شويه الحركه صعبه مع عربانه الاطفال و يتمللون و يبون ياكلون
رجعت لمجع بلاتينيوم فاشن مول
ذكرته من قبل اني رحت له
بس كان في دورين ماخلصتهم
ومايمنع انه نعيد الادوار اللي عاجبتنا
الجينز مكتسح وبقوه
قررت اصير فاشينيستا على تصوير المحلات والملابس
المشكله مو جذي
المشكله اغلب المحلات حاطين غرامه للي يصور و مايرضون
كنت اصور بالخش
وهذا محل يطبع الاسم على الكابات
وكل واحد اختار الون والطباعه
على ذوقهم
لمن يهمه الامر
والعدسات الكوريه
بعدها طلعنا نتمشى بالسكيك المجاوره للمول
بوكيمون
يعني في اشياء حلوه
رجعنا فاشن مول تغدينا بمطعم هندي حلال
هذه الصورة تم تصغيرها . الحجم الافتراضي لها هو 830x623.
وطلعنا
واستخدمنا القطار المعلق
هذه الصورة تم تصغيرها . الحجم الافتراضي لها هو 968x727.
كانت وجهتنا مول يديد بعد سمعت عنه
وسألنا شنو اقرب محطه يمه ودلونا
بصراحه وااايد اسرع من التاكسي
لانه بانكوك زحمه
هذه الصورة تم تصغيرها . الحجم الافتراضي لها هو 968x727.
وصلنا مول
emquartier
هذه الصورة تم تصغيرها . الحجم الافتراضي لها هو 830x623.
المول كله ماركات عالميه
وانا ما اشتري براندات كبيره من تايلند لانه اسعارهم مثل الكويت بالضبط
اللي يبي ماركات يشتري من دول اوربيه وايد فرق
المول فيه جزئين
هذه الصورة تم تصغيرها . الحجم الافتراضي لها هو 830x623.
وهذا المحل لمصممين تايلنديين
البضاعه حلوه .. والاسعار زينه
ملابس رجاليه
ونسائيه
خلصنا تسوووق عالسريع
و صعدنا لاخر دور
لازم الاطفال مايقدرون يشوفون هالشخصيات ومايصورون عندهم
وعلى ستاربكس
اعرف شخص يشتري من كل ستاربكس بالعالم يروحله كوب باسم الدوله
بس انا هوايتي تجميع المغناطيسات اللي تنحط عالثلاجه
خلصنا وبنطلع
وصورنا مع هذا الحارس اللطيف عند البوابه
والى مجمع ام بي كي
عالخطوط التايلنديه لمن طرنا من بوكيت لي بانكوك
قدمولنا وجبه خفيفه تشبهه المعمول
بس داخلها كاسترد وكانت لذيذه
لقيناه موجود بالكافيهات ومحلات الدونت
واخذت منه هديه
مثل اللي بالصوره
بزيارتي لاي دوله لازم اروح مكانين مهمين بالنسبه لي
السوبر ماركت .. والصيدليه
و اشتري منهم وايد اشياء مو موجوده عندنا
ومن تجربه
ماسكاتهم عجيبه
وبنهايه اليوم
رحنا للدور الاخير وتعشينا في بيتزا هت
ورجعنا الفندق نرتب اغراضنا
اليوم التاسع: الخميس 16\9\2016
قعدنا مبجر لانه اليوم اخر يوم لنا ومتفقين مع التاكسي يمرنا الساعه 6:30
طلبنا ريوق بالغرفه
الريوق لشخصين بس كميته كبيره .. احنا اربع اشخاص و ما كملناه
والى مطار سوفارنابومي
نخطط لرحاه قادمه
ونختار وجهه يديده
ووصلنا الدوحه
هذه الصورة تم تصغيرها . الحجم الافتراضي لها هو 830x623.
ترانزيت بسيط
قعدنا بالفود كورت
موقع استراتيجي والله
نشوف الطيارات اللي تطير واللي توصل
لقطع احترافيه لازم برجر كينق يدفعلي فلوس عليها
والتسووق بالسوق الحره من متع السفر
خلصنا مشتريات و صعدنا الطياره
ووصلنا الكويت بالسلامه
.................
شكرا لكل شخص تابع التقرير .. وشكرا لكل شخص كتب كلمه ...
و تابعوني بتقاريري القادمه
وتقارير السابقه
:e032:
