كل ما تريد أن تعرفه في الهند

[ابو خلييل]

تأشيرة الهند بكل انواعها


الهند سياحة او تجارة او دراسة او علاج





تقرير مفصل وشامل عن التأشيرة الهندية بكل انواعها .. سياحة .. تجارة .. دراسة .. علاج .. اخوكم ابو خليل


رقم الواتس الهند


00919603676102







حادخل في الموضوع طوالي


️ لو شخص بفكر يسافر الهند لازم يحدد الهدف من السفر لانو كل غرض بتترتب عليه تفاصيل كتيرة و اولاها المنطقة الحتسافر ليها و الاحتياجات ️





العلاج


لو مسافر بغرض العلاج فاحجز على مدينة حيدراباد


ما لأنو


العلاج فيها كويس و بس ️


و كمان العلاج فيها رخيص جدا


و كل التخصصات موجودة ودا مابمنع انو كل الولايات التانيه كويسة بس لانو رخيصة في السكن لو فترة علاجك طويلة


حتى الاكل و التعامل بتاع الناس طيبين


و نسبة الاسلام كبيرة و المساجد متوفرة و المطاعم الحلال كتير ودي المشكلة الكبيرة البتواجه الناس في أغلب الولايات التانيه انو مافيها اكل حلال بس حيدراباد متوفر فيها كل الاشياء الصحية و الحلال


الاوراق المطلوبه للفيزا العلاجية


اولاً ترسل التشخيص الطبي من السودان الى اي شخص موجود بتعرفو في الهند بشيل تشخيصك وبعرضو على اي مستشفى و المستشفى بي دورها تحدد نوع العلاجات و التكلفة وتديه موافقه و قبول للسفارة علشان يطلعوا ليك بيها الفيزا ودا اسمه قبول المستشفى


قبول المستشفي


جواز المريض مع جواز المرافق


صور فوتغرافية


تتقدم للسفارة وبتطلع في اقل من 4 ايام





الدراسة


اما لو مسافر بغرض التعليم كورسات او دراسة طويلة ( بكلاريوس او ماستر ) برضو بنصح بحيدر اباد


لانو التعليم رخيص و الحياة ارخص و المعاهد كتيرة ومعترف بيها في كل الدول


في معاهد كتيرة زي ( ابتك - زوم - الخ ) دي معاهد معترف بيها في في اغلب الدول العربية و الخليجية


وفيها تخصصات مختلفة زي الشبكات وكورسات الصيانة و الملتميديا و ccna و ccnb


الكورسات دي ماغاليه وانا انصح انو للكورسات و الدراسة الطويلة ماتمشو عبر مكاتب السفر او الوكالات لانو في اجراات هنا لازم يكون واقف معاك فيها شخص بتعرفو


وبسبب مواقف كتيرة جدا شفتها انو الوكالات بتجيبك وبعد توصل هنا مابتكمل باقي الاجراات معاك او بكون ماعندها وجود في الهند



معلومة


اغلب الناس بعملو فيزا بتاعت انجليزي ودي مدتها سنه و في اثناء فترة وجودهم في الهند ممكن يعمل عدد من الكورسات من معاهد مختلفة ماشرط المعهد الجيت منو ️ بس ️ لازم تداوم على كورس الانجليزي يعني ماينفع تكون جاي على ابتك و ما تمشي ليهم اصلا و تكون في معهد تاني


المهم انك تكون مداوم في معهدك الطلعت بيه الفيزا و ممكن تعمل اي كورس تاني خلال اليوم ودي انسب لانو اغلب الكورسات التانيه مدتها بتكون شهور بس او ودي ماكافيه انك تخلص كورساتك التانيه او تسافر في الهند


وبرضو ممكن بالفيزا بتاعت الكورسات دي تسافر كل ولايات الهند بحرية و تركب الطيران الداخلي بي حرية و تعمل كل النفسك فيه وتعامل كانك مواطن هندي


متطلبات الفيزا ( كورسات )


اولاً ترسل المؤهل الاكاديمي بتاعك حتى لو ثانوي
ترسلو لي واحد من الشباب وهو بشيل الشهادة بمشي بيها المعهد المعين و بطلع منهم قبول و برسل ليك القبول علشان تقدمو لي ناس السفاره علشان تبدا في اجراات الفيزا


قبول المعهد


اقرار من محامي لولي الامر انو بتعهد بمصاريفك باللغة الانجليزية


كشف حساب لولي الامر و ممكن يكون عمك او اخوك يعني واحد من الاصول باللغة الانجليزية


شهادة الجامعية او الثانوية موثقة و باللغة الانجليزية


الجواز + صور فوتغرافية





اما الدراسة الطويلة ( البكلاريوس - الماستر )


بنصح بي


جامعة العثمانية


جامعة ال jntu





و المصاريف الشخصية 300 دولار شهريا فيها السكن و الاكل و الشراب و المواصلات و


وغير مسموح ليه بالتجارة و بعتبر غير قانوني


الدراسة ساهله وهم شعب ودود ومتعاون و ممكن تستفيد منهم


المناطق الممكن تسكن فيها في حيدر اباد هي


مهدبيتنام ( للكورسات )


تلشوكي ( للكورسات )


بنجارة ( للكورسات وجامعة العثمانية )


ترناكا ( لو بتدرس في العثمانية )



احتياجات فيزا البكلاريوس و الماستر


ترسل صورة من الشهادة او البكلاريوس لواحد بتعرفوا وهو بطلع ليك القبول من الجامعة ويرسلوا ليك علشان تقدم بيه للسفارة


قبول الجامعة


الجواز + صور فوتغرافية



اقرار محامي لولي امرك فيه اقرار بالكفالة (الانجليزية )


كشف حساب ل ولي الامر ( الانجليزية )


الشهادة الجامعية او الثانوي موثقة ( انجليزي )


الجواز لازم تكون المهنة طالب





⛱ السياحة ⛱


اما لو سبب سفرتك هي السياحة وشهر العسل فبنصح بالمدن التالية


قوا


كيرلا


كشمير


ديل اكتر اماكن سياحية و رخيصة في نفس الوقت الهند كلها بلد جمال


‍ انا شخصيا مابنصح بيها شديد لانها بعيدة جدا وتكلفة التزاكر للهند و الاجراات و السكن و الجوطة ممكن توديك جزر المالديف و الوضع احلي بكتير اما لو دايرين تشوفو البلد فممكن .


الاجراات المطلوبه للفيزة السياحية


كشف حساب
الجواز + صور فوتغرافية





التجارة


وعلى سبيل المثال لو مسافر بغرض التجارة انصح بانك تحجز لمدينة مومباي مع العلم انو لازم تحدد نوع التجارة لانو الملابس في مدينة محددة في مدينة تانية و الالكترونيات و الماكينات في مدينة تانية


عموما بنصح بمدينة مومبي لانو كل الاشياء فيها متوفرة


احتياجات الفيزة التجارية


التقديم للفيزة اونلاين عبر موقع السفارة


سجل تجاري


الجواز


صور فوتوغرافية


كشف حساب بنك