اليوم الخامس عشر اول يوم في بالي (شاطى نوسادوا +مصنع الفضه+حديقة الطيور+مصنع قهوة اللواك)
بعد الفطور في الفندق (كان فطورهم ممتاز )
[ATTACH=full]455146[/ATTACH]
[ATTACH=full]455147[/ATTACH]
تاخرنا شوي على طلعت باص الفندق اللي كان يطلع كل ساعتين ويبدأ الساعه عشر الصباح وكنا ناوين على شاطى كوتا او ليغيان لانه هذا اللي يوصل لهم الفندق واي واحد عليه نشاطات حنا بنروح له ..المهم تاخرنا وصارت خيره لنا ..قلنا بناخذ تاكسي ..واخذنا من تاكسي البلوبيرد ..وسألنا سواق التاكسي النشاطات البحريه على اي شاطى؟؟ قال في شاطى نوسادو.. (يعني مش في شاطى ليغيان او شاطى كوتا اللي يوصل لهم الفندق) قلنا حلو ودنا .. وحنا فالطريق ومع السوالف البسيطه السريعه مع سواق التاكسي..!! من متى انتوا هنا؟؟ ووين رحتوا؟؟ قال لنا ان عايلته عندهم تاكسي او سياره خاصه بالاصح ويسون جولات.. وقال لنا ان اخوه هو سواق السياره وانه مسلم ويتكلم عربي وكويس في الانجليزي واتصل على اخوه وكلمته واتفقت معه على 400 الف روبيه في اليوم قلت طيب حنا بنروح مع التاكسي شاطى نوسادوا وانت تعال لنا هناك واخذنا من هناك نكمل معك اليوم قال لا خلك هنا وبيجيك عند كارفور .. ورحنا كارفور ودخلنا في كارفور لفينا شوي الا وجاء اخوه اسمه باندي (طيب وحبوب وبس تشوفه ترتاح له ووجهه بشوش ) وطلعنا معه بالانوفا ورحنا شاطى نوسادوا وركبت البارسلينق ب٣٠٠ الف تقريبا طبعا رحت معه بالجت سكي على الجهه الثانيه للشاطى
[ATTACH=full]455148[/ATTACH]
اللي كانت قريبه وانتظرت لين جاء دوري وركبت
[ATTACH=full]455149[/ATTACH]
وانتظرت لين خلصوا اللي معه وبعدين رجعنا بالقارب (الجت سكي وصلني قريب الشاطى لانه مايقدر يقرب اكثر بسبب كثرة الحصى .. اضطريت اروح مشي للمكان اللي اركب منه البارسلينج وعلى اثر هذا المشي على الحصى تشققت رجولي ..واقولهم خلوني بنعالي.. قالوا لا افصخهم[ATTACH=full]455150[/ATTACH] ) وركبت مع راعي التاكسي بعدما غيرت بنطلوني اللي امتلاء ماي
