فندق كوتا سنترال بارك

[تقى احمد]

بسم الله الرحمن الرحيم

سكنت في فندق كوتا سنترال بارك ثلاث ليالي من تاريخ 17/9/2014 الى 20/9/2014
بمبلغ 130 ريال لليله الواحده ..

الفندق ممتاز , و المنطقة اللي فيها الفندق جيده .. و فيه جنب الفندق بقاله
و لكن للاسف ما فيه مطاعم , المنطقه هادئه و لافيه ازعاج و لكن للاسف
ماتقدر تروح اي مكان الا بالسياره ..

الاستقبال جيدجدا و هو مفصول عن الغرفه , الغرفه ضيقه بتشوفون ان شاء الله في الصور

المسبح كان قريب من الغرفه (جميل جدا) , و الفطور ممتاز (متنوع و لذيذ)
و يوجد في الفندق صاله رياضه و تدليك ..

و عندهم خدمة توصيل الى اربع اماكن كل ساعتين , من الساعه العاشره صباحا و الثانيه عشر ,
و الثانيه بعد الظهر , و الرابعه و السادسه مساءً , حيث تقدر تروح احد الاماكن الاربعه شاطى
كوتا او شاطى ليغيان او ديسكفري مول او مول رابع نسيت اسمه

طبعا يوصلك ولايرجعك ترجع بتاكسي

الغرفه نظيفه والاثاث كويس


بصراحه انصح بالسكن في هذا الفندق لسعره الرخيص مقابل القيمه والخدمات والنظافه
ممكن و اكيد فيه فنادق احسن منه و في مناطق اكثر حيويه , بس هذا الفندق
ممتاز للي يبحث عن السعر الرخيص و المناسب ..



و هنا بعض الصور

المسبح

السيب بين الغرف

صالة الرياضه صغيره نوعا ما

الغرفه

الفطور

و تقبلوا تحياتي أيها الأحباب .. ​