سكنت في هذا الفندق 6 ليالي من تاريخ 11/سبتمبر/2014 الى تاريخ 17/سبتمبر/2014
بمبلغ 190 ريال تقريبا لليله
في الاول كنت خايف من الفندق انه يكون مش ولا بد
وخايف من المنطقه انها تكون مش كويسه لانها قريبه من شارع العرب
بس طلع الفندق ممتاز
اول شي المنطقه اللي فيها الفندق كويسه بس بسبب الحفريات صارت زحمه كثير
الفندق مقابل برجايا تايمز سكوير بالضبط بينه وبين الفندق خطفة شارع
جنبه مطعم القلعه
وعلى الجانب الثاني من الفندق مركز شرطة كوالالمبور
الفندق بعيد عن زحمة او خربطة شارع العرب
تطلع وتدخل ياطويل العمر ولاتشوف شي من اللي يصير في شارع العرب
تشييك الدخول والخروج كويس
الغرفه وسيعه وكويسه ونظيفه
فطور الفندق بالرغم من قلة الاصناف الموجوده
لكنها لذيذة الطعم ومتنوعه
موقع الفندق حيوي جدا جدا يعني تقدر تروح برجايا تايمز سكوير وسوانج والفهرنهايت والبافليون وشارع العرب وحتى البرجين التوأم كلها مشي
واكيد لايخفى عليكم المطاعم الموجوده في شارع العرب والمنطقه الحيويه اللي هناك
بصراحه انصح بالسكن في هذا الفندق لسعره الرخيص جدا مقابل القيمه والموقع والنظافه
&
وهنا اضع بين يديكم بعض من الصور
السرير
المساحه في الغرفه
اطلالة من الغرفه على مركز الشرطه
مساحه في الغرفه
الحمام اكرمكم الله
وتقبلوا تحياتي