القهوة البيضاء الماليزية

[تقى احمد]

بسم الله الرحمن الرحيم

السلام عليكم ورحمه الله وبركاته جميعا


الحمدلله ع السلامه ورجعنا ارض الوطن ارض الامن والامان ،
بلاد الحرمين يارب لك الحمد حمدا كثيييرا على جميع نعمك وكرمك وفضلك علينا باننا مسلمون وعايشين ف اطهر وانقى مكان على وجه الارض

من جد من جد محد يحس بالنعمه اللي هوا فيها لين مايخرج ويشوف العالم برا كيف عايشين ..!


بدايه حابه اقولكم انا اول مره اسافر خارج السعوديه ، رجعت وانا بس احمد الله على النعم اللي انعمها علينا ، اخذت من الوقت الكثير وانا افكر كيف تقريري يكون مميز ومفيد للجميع ..! فححاول قد ما اقدر اني ابدع في كتابته ،،

طبعا ما انسى اول شيء قبل لا أبدأ ، اوجه الشكررر الجزيل لكل اعضاء المنتدى من استفدت منهم في هذه الرحله وكالعاده نرد الجميل بالأجمل منه �� ان شاء الله ..

ولاتؤاخذوني ان حصل تقصير علما باني اول مرة اكتب تقرير هكذا في منتدى ..

بس من الان اقولكم انا انسانه احب التفاصيل جدا ودقيقه ويمكن تلاحظوا هذا الشيء في تقريري ،، وان شاء الله ماتحسوا بملل في قراءة التقرير ،،

بداية ،،
يارب لك الحمد انه جاء هذاك اليوم اللي قررنا انا وابو جاسم انه نتوكل على الله ونقرر نسافر ،،
طبعا قبل السفر ب 5 شهور تقريبا بدات انا رحله الصولات والجولات عن ماليزيا واقرا جميع التقارير واتفرج كل الفيديوهات في اليوتيوب المهم الين ما كونت فكره عامه عن المكان اللي انا رايحتله ،،

وبعدها قررت اش الاماكن اللي تستاهل نروحها واش اللي نكنسلها طبعا مع الأخذ بعين الاعتبار راحة اولادي وراحتنا ،،

فكنا محتارين بين لنكاوي ولا بينانغ وحده فيهم لازم نختار !!
قررنا تكون بينانغ ،،
لاننا مانبغا نركب طياره ولا نبغى نركب سفينه .. فضلنا البر احسن وافضل واريح لنا مع سيارتنا المستأجرة ،،

فتم القرار ووزعنا الايام لكل مدينه ومن ثم بدات رحله اختيار الفنادق ،، اما الفنادق فنوعنا في اختيارها اخذنا الارخص والانظف واخذنا الغالي وذلك للتوفير في المصاريف ..


موعد الرحلة : من ٧ نوفمبر ٢٠١٦ الى ٢٢ نوفمبر ٢٠١٦
عدد الايام : ١٤يوم من دون يوم الوصول والمغادره
على الخطوط الجويه السعوديه ، الدرجه السياحيه
الذهاب والعوده ( جدة - كوالا - جده ) دايركت


سبب اختيارنا للدايركت
( عشان الاولاد خلاص تعب واحد ونخلص ، لانه لو ترانزيت لسا ننزل ونحمل شنطنا والعربيه مشحونه ف الشنط
فلو نزلنا ترانزيت حنحمل الاتنين الله يحفظهم ونتبهدل قدام العالم ويتبهدلوا معانا مساكين >> بخصوص تعب الاطفال ابشركم طلعت لي عضلات ماشاء الله تبارك الله اذكروا الله بس

سرت سوبر وومن وابوهم سار سوبر مان

)


اعضاء الرحله : ٢ كبار ( انا وابو جاسم )- ٢ اطفال ( ٣ونص جاسم - سنه راشد )

توزيع الايام
( ٥ ايام سيلانجور - ٦ ايام بينانغ - ٤ ايام كوالا )

ميزانيه الرحله :
٢٥ الف شامله التذاكر والفنادق وكل شيء


الميزانيه بالتفصيل :
التذاكر : ٦٣٠٠ ريال ذهاب وعوده
الفنادق : من بوكينغ جميع الحجوزات ٣٥٠٠ ريال
( طبعا تفاجأنا انه بوكينغ مايحسب الضرايب )
الزياده بنسبه ٦٪‏ للضرايب

فصارت سعر الفنادق مع الضرايب ٤٠٠٠ريال

مجموع التذاكر والفنادق : ١٠٣٠٠ريال

التسوق والمصاريف الاخرى ( شامله التذاكر للحدايق واستئجار السياره والاكل والبقاله ) : ٩٧٠٠ريال

وتبقى لنا ٣٠٠٠ ريال رجعت معانا للسعوديه

يعني ماشاء الله تبارك الله انبسطنا وغيرنا جوو واتسوقنا وادلعنا والحمدلله رجعت معانا فلوس زياده كمان واصلا هذي خطة ابو جاسم الجهنميه ناويها من واحنا هناك اننا نرجع ويبقى معانا فلوس عشان نمشي حالنا في الشهر اللي بعد السفر

،
بس لو جات عليا ماني راجعه السعوديه لين اخلص كل سنت ورنجت معايا

( اصلا تدروا انه كان باقيلي من فلوسي ف محفظتي ٢٠٠ رنجت ، وانا ف مطار كوالا راجعين ع السعودية ، لفيت السوق كله عشان ابغى اخلص فلوسي عشان ارتاح نفسيا اني صرفت لاخر قطره

بس خاب ظني اش تسويلي ٢٠٠ رنجت في محلات المطار اللي كل ابوها رولكس وشانيل ومايكل كورس وباقي الشله المصونه �� ، فقررت اني اخلص ماتبقى من رنجيتات في الصيدليه << على فكرة الصيدليه اسمها تقريبا gurdain ترى ماني متاكده من الاسبلينغ بس كذا اسمها فظيييييعه ارخص من النهدي عندنا

انا قضيت منها كل شيء وبالكميات كمان ، بعدين حرجع اتطرق لموضوع الصيدليه ، كل شوي ادخل في تفاصيل اكثر هههههه ،،،)


هدف الرحله :

١- الاستمتاع والترفيه وتغير الجو مع افراد العايله السعيده
٢- تجربه شيء جديد ماقد جربته في حياتي

ملاحظة مهمه جدا : قبل لا ابدا في سرد التقرير حبيت اقولكم انه سقف اهداف الرحله بالنسبه ليا شخصيا كان جدا اقل من المتوقع ،، والسبب انه كانت نصيحه اختي ليا مجربه السفر
قالت لي انه السفر مع الاولاد حيجيب المفاجأت الجميله والغير متوقعه ، فلا تتحممسي ع الفاضي وبعدين تروحي هناك وتنصدمي وتتنكدي �� ،،

وفعلا صدقت في كل كلمه قالتها ، ومانكدت على نفسي ولا حاجه الحمدلله

من جد والله نصيحه لكل ام او اب بيسافروا لاتتوقعوا تخلصوا كل الاماكن اللي مخططين لها في السفر
عشان لا تتنكدوا وانتوا هناك ع الفاضي ومايستاهل اصلا يكفي انكم سافرتوا مع بعض وغيرتوا جو
وشميتوا هواء يرد الروح واستمتعوا بالمناظر وكل شيء جميل هناااك
<< فيا بكيه ابغى ارجع تاني ماليزيا

المهم نرجع لتكمله موضوعنا ،،


اسماء الفنادق
سيلانجور : فندق البوتيكي ٣٣ ، لمدة ٥ ايام 800 رنجت بدون فطور

بينانغ : تم السكن في فندقين
الاول : قولدن ساندن شانغريلا ، لمدة ٤ ايام 1800رنجت شامل الافطار
الثاني : هارد روك ، لمدة ٢ يومين 1500رنجت شامل الافطار

كوالا : فندق ميترو٣٦٠ لمدة ٤ ايام 850 رنجت شامل الافطار

مع الضرايب الاسعار ، وحتطرق لكل فندق ..


التطبيقات للجوال :

اوبر وجراب وقوقل ماب

الأماكان المخطط لها للزيارة :

سيلانجور ( 5 أيام ) :
1- منتزه الماينز وندرلاند
2- الاي ستي
3- مسجد بتروجايا
4- ملاهي ديسا ووتر بارك
5- كيدزانيا الاطفال
6- حديقة الحيوانات زوو نيقارا
7- صنواي لاجون
8- مطعم الطربوش في البيراميد
9- مطعم صاقر الهندي في صنواي لاجون

بينانغ ( 6 ايام ) :
1- بيت القهوه ( coffe tree )
2- هضبة بينانغ
3- الحدايق ( الفراشات والفواكه والتوابل والطيور ) والشلالات
4- ملاهي ايكو سكيب
5- مطعم منارة كومتارو في جورج تاون
6- مول جيرني بلازا
7- مول كوينسبي
8- تناول العشاء على مطعم ع البحر ( uncle zack )
9- الانشطة البحرية
10 - متحف الالعاب
11- السوق الليلي
12- رحلة بالقارب للشواء والصيد الى جزيره القرود .
13- كافيه هارد روك

كوالا ( 4 ايام ) :
1- زيارة البرجين .
2- زيارة المنارة برج الاتصالات .
3- الاكواريوم .
4- مجمع سوريا والبافليون
5- الاوت لت التايمز سكوير .
6- مطعم ناندوز
7- اوت لت ميتسيو بجانب المطار
8- جنتنغ وركوب التلفريك .
9- السوق الصيني .

هذي كانت الخطه قبل السفر للاماكن والزيارات اللي نبغا نروحها
<< الظاهر مع ورعانك ماظنتي روحتي مكان من الخطه

الاجزاء المهمه في التقرير بشكل عام :
والتي سوف اتطرق اليها مفصلا ،،

١- زياره المستشفى مرتين في اول خمس ايام !
٢- رأي الشخصي في مطعم الطربوش في البيراميد مول بسلانجور، ومطعم 59 sixty في برج جورج تاون في بينانغ ..
ومطعم صاقر في صنواي لاجون ،
ومطعم ناندوز في التايمز سكوير بكوالا

٣- تجربة استئجار السياره في جميع ايام الرحله
٤- سلبيات وايجابيات الرحله بالتفصيل في كل جزء حذكره ..

٥- نصايح مهمه كثييره
٦- رأي في بعض محلات ماليزيا والفرق بينها وبين محلاتنا ف السعوديه ..
٧- اسعار تذاكر الحدايق والملاهي مرتفعه !!

٨- افضل مشترواتي من ماليزيا ..

9- الاطفال والسفر
10- أهم تجهيزات السفر للاطفال

11- اهم مقتنيات المطبخ المفيدة ف السفر
12- افضل وأحسن وأروع وأجمل مطعم أكلت فيه في ماليزيا

13- أدمنتها من اول رشفة ( شنطة كاملة للقهوة البيضاء ) << لحد يقول لي اعطيني كيس ^_^

14- مشكلة الملابس المتسخة ..
15- السفر والريجيم وما أدراكم ما الريجيم
<< ادري انكم تدروا اش اقصد هههههه

ان شاء الله ما اكون نسيت شيء ههههه المهم واكيد مع سرد التقرير حفتكر اشياء اكثر كمان وملاحظات

اما الان عزيزي القارئ او القارئة / إذا لم يسبق لك السفر من قبل للخارج فاتوقع انه تقريري حيفيدك جدا باذن الله ،، أما من سبق لهم السفر فما اقوله ليس بجديد عليكم واذا استفدتوا شيء ايضا فـ لله الحمد

واتمنى لكم وقتا ممتعا مع رحلتــــــي الجميلة والبسيطة والمليئة بأصوات البكاء الصادرة من جسومي ورشودي

​

 

[تقى احمد]

​

يوم السفر

ونبدأ بسم الله ..... !!!


<<<< لحظاااات بس اخذ لي رشفة هادئة من كوبي الدافيء من القهوة البيضاء
ذات الرائحة العبقة اللي تنطح ريحة الكابتشينو اللي كنت مدمنته سابقا ...

هذه الصورة تم تصغيرها . الحجم الافتراضي لها هو 2448x3264.

[/IMG]

يوم السفر : هوا اليوم المنتظر والمترقب بفارغ الصبر ،،

عدد الشنط اللي انشحنت للطائرة : 3 شنط طقم
الكبير : ملابسي انا وابو جاسم .( ما كثرنا ملابس )
والوسط : شنطة المطبخ ( في الجزء القادم حتكلم عن محتوياتها )
والصغير : ملابس جسومي ورشودي .( كل اللي في الدولاب اخذته حتى ملابسهم القديمه ، حتكلم عنها في وقت لاحق )

هذه الصورة تم تصغيرها . الحجم الافتراضي لها هو 2448x3264.

[/IMG]


عدد الشنط على الطائرة : 5 شنط << ماهذا العدد ي لطييف ..!!!!

الاولى : شنطة كروس لابو جاسم فيها جميع الاوراق المهمه والفلوس ( للي مايعرف شنطة الكروس الصغيره اللي لها حبل طويل )
الثانية : شنطة ظهر لابو جاسم تحتوي على ( علبة حليب جديده لراشد حجم صغير – علبتين مويه جديده – سناكات ليا ولابو جاسم وكتابين – لعبة راشد ..)
الثالثة : شنطة كروس ليا ( جوالي محفظتي- كريم يد طبي في علبة صغيره – علبة عدساتي ( عدسات شفافه طبيه ) – سلك شاحني – بخاخ معقم )
الرابعة : شنطة جسومي ع الظهر ( كتاب قصص – ايباد – سناكات – زمزمية المويه )
الخامسة : شنطة رشودي : كبيره قليلا اللي تنشال ع الكتف وتحتوي ( 6حفايض – مناديل مبلله حجم صغير 20 منديل ف الكيس – علبة لمقسمات الحليب تحتوي على 4 اقسام يعني اربع رضعات او 4 وجبات – غيارين ملابس المقفله كامله ( بربتوز كامل ) – 1 علبة المويه حق الاطفال ماينفك الغطاء منه بسهوله – 2 سكويزات عصير لرشودي – 1 سكويز شورة خضار لرشودي ( الصورة ف الاسفل للسكويزات ) – دواء خافض حرارة – رضاعتين – علبة صغيره حافظة للمويه الحارة ابو 250مل تقريبا ( تكفيني لثلاث رضعات واذا خلصت اقدر اعبيها من الطياره او من أي كافيه ، طبعا على حسب حجم رضاعة طفلك ،، انا طفلي يرضع رضاعه ابو 120مل الصغيره ،، فاذا كان طفلك اكبر فاكيد هذا الحجم من حافظه المويه الحاره حتكفيه لرضعه واحده ،، المهم ماعلينا الفكره كلها انه هذه الحافظه ترى تثقل عليكي فاحرصي انه ماتكون كبيرة لانها وزن ع الشنطة ) – طبعا جهاز الانكر شاحن متنقل 20000 امبير يشحن الايفون 7 مرات )

هذه الصورة تم تصغيرها . الحجم الافتراضي لها هو 1668x2339.

[/IMG]
هذي هيا الاسكويزات اروع واسهل شيء للاطفال ،، انا اسوي اكلهم فيها وافرزنها ف الفيرزر ،،
وتقدروا تسووا الاكل فريش ويتناولها بسهوله طريقتها بالشفط يخرج الاكل بسرعه ..
أسوي فيها عصيرات فريش كوكتيل - او شوربة خضار ...

مفيدة جدا في السفر للاطفال لانه مايحتاج امسك ملعقة وصحن وااكل طفلي اثناء الطياره او السياره او حتى في جلوسي ف المطعم ،، لاحظت انه طفلي يخلصها في اقل من دقيقتين ، بعكس الوقت اللي استغرقه بالملعقه والصحن أقعد ربع ساعه اأكل فيه

غير المعركة اللي تصير بيني وبينه ويعدم ملابسه ويعدمني معاه ..

الزبدة : ترا هذا الشيء مو جدا ضروري بس اللي حابة تجربها حتنبسط معاها ، ومو شرط للسفر تفيدك في اي مكان تخرجي فيه من البيت

وعربية وحدة صغيرة الحجم عند باب الطيارة ياخذوها مني ويحطوها عند الشنط بس قبل لازم لمن تشحني الشنط تخليهم يحطوا على عربية ولدك الاستيكر نفسه اللي يحطوه على الشنط ..

هذه الصورة تم تصغيرها . الحجم الافتراضي لها هو 1668x2968.

[/IMG]

هذا الاستيكر اللي ينحط على العربية


اوك وكذا خلصت من كل شيء وحطيتكم في الصورة تمام ،، مستوعبين الكم الهائل من العفش ..!!

الحين نجي لاهم الملاحظات :
( الاخطاء اللي وقعت فيها ) :
1- عدد الشنط المبالغ فيه ع الطائرة ... وهذا اكبر غلط وقعت فيه من وجهة نظري ، تخيلوا معايا كيف كنا انا وزوجي مع هذا العفش ،،
لااا والادهى من هذا كله انه لمن ننزل من الطيارة ورانا مشاوير في المطار قبل ما نستلم عربيتنا وعفشنا
( اخر محطة في المطار عند الوصول لكوالا هي استلام الامتعه )
فلكم ان تتخيلوا المعاناه لمن نزلنا من الطائرة ، ولمن ركبنا القطار المتوجه للجوازات ، ولمن وقفنا طابور في تختيم الجوازات ، ولمن مشينا مشوار الين ما وصلنا لاستلام الامتعة ،،
المطار هناك جدا كبير ماشاء الله تبارك الله ،، معاناة حقيقية جدا للاسف .. كانت بالتناوب بيني وبين ابو جاسم في حمل راشد ، هذا غير تعب جسومي وغيرته من اخوه ، بس يقول " ي بابا شيلني انا تعبان "

المهم من هذا كله : ( إنه في رحلة العودة الى ارض الوطن : اتعلمت الدرس جيدا جدا جدا ، فخليت العدد من 5 شنط الى شنطتين فقط لاغير ولا ارضى النقاش في هذا الامر مع ابو جاسم ، شنطتين وبس وبس حتى شنط الطياره اللي يعطونا هيا مجانا ما ابغاها ما اخذتها سواء في رحلة الذهاب او العودة )

رحلة العودة :
3 شنط في الشحن
2 شنط معانا ع الطائرة : ( 1 شنطة كروس للاوراق المهمه – 1 شنطة لاغراض راشد )

فانتبهوا انتبهوا تقعوا في نفس الخطأ اللي وقعت فيه ..!

حتى اذا كان ما عندكم اطفال شنطه كروس لكل شخص فقط للاغراض الشخصيه ، واذا مررا تبغوا اشياء تشيلوها معاكم خذوا الشنطة الصغيره اصغر حجم السبورت ابو كفرات ،،
واذا ماعندكم هذه الشنطة خذوا شنطة ظهر وحدة افضل لشخص واحد فقط مو انتي وزوجك الاتنين تشيلو شنط ع الظهر – واحد فيكم بس ، عشان تكونوا خفيفين مرتاحين ،،
حماس الفرحة هوا اللي خلاني من دون تفكير جيد اني اشيل عفش بيتنا معايا
<< ولسا حقولكم اش سويت بالعفش هذا كله ، جايتكم في الحكاوي

..

2- تنويه : اذا كان اطفالك كبار فحلو كل واحد يكون عنده شنطة على ظهره يحط اللي يحب فيها ،، اما انا جسومي صغير بس ينزل الشنطه من ظهره ويخلينا نشيلها له فحرام تعبته بالشنطة وتعبنا احنا كمان معاه ..

3- وفي حاجة كمان مخدة الرقبه جدا مهمه ، بس انا شفت انه مالها مكان بين هذا العفش اللي شايلته معايا فما اخذتها ،، اتمنيييتها وانا ف الطيارة ، لانه والله جدا جدا ضروريه ،،
كنت اقول هما يعطوني مخده ومن هذا الكلام ، وهناك اتفاجأت انه المخده لاتسمن ولاتغني من جوع ،،،
مررا صغيرونه ماتسوي شيء ههههههه الرقبه اتكسرت والعظام دخل في بعضه مع النومه المدري كيف جايه !!..

المهم ترا في موقع يبيعوا مخدة الرقبة اللي تتنفخ بالهواء ومعاها طاقيه كمان عشان تغطي عينك من الضوء .. مررا اتمنيت اني اشتريتها

بس ان شاء الله المرة الجاية ، بحيث لمن اخرج من الطياره افضي الهواء منها وادخلها في الشنطة ... فابحثوا عنها وهيا خيار جدا ممتاز عشان مايكون معاكم عفش ....

4- العربية والعربية صحيح انها ماقصرت ابدا معانا ،، الا اني من تجربة اتمنيييت اني اشتريت عربية yoyo اللي تتطبق وتصير بحجم جدا صغير ونقدر ندخلها معانا الطياره ..
والله انها اختيار رائع وموفق وجميل ،، انا من الان ناويه اشتريها ان شاء الله صح انها غاليه شوي
بس والله من التعب اللي شفناه ف السفر تستاهل كل قرش ،،
وفي منها تقليد صيني كثير وارخص من الاصليه ( الاصلي دايم يعيش ويعمر معاك )
مايستاهل تدفع هذاك المبلغ في التقليد وتخرب وتنرمي بعد فتره بسيطة ...
على فكرة انا لقيتها في ماليزيا ارخص من السعودية ب 200 ريال ،، وكنت خلاص حشتريها بس ما شوفتها الا في اخر الايام ...
وقلت خلاص اشتريها من السعودية لانها اصلا كذا ولا كذا حتفيدنا حتى في مشاويرنا العادية .. يعني مثاليه في كل زمان ومكان .. مو شرط للسفر .


الان تابعوا التقرير :

في مطار الملك عبد العزيز بجدة

وصلنا المطار في تمام الساعة 10 ليلا ، والاقلاع كان في الساعة 2 ص ،،
مااهي الا نص ساعه الا ونحنا خلصنا تختيم وشحن شنط وقص بوردينق وتفتيش ،، المطار كان فاضي تقريبا ماشوفت زحمه ،،
وجلسنا ننتظظر مرررا كثير ،،
( معليش ننتظر ولا اننا نتاخر ويسير زحمه ولا مشكله .. الحمد لله )



صعدنا الطائرة وقلبي صعد قبلي شعور ماينوصف مرررا شيء جميل ،،
طبعا مانسيت الاذكار والتحصين ليا ولاولادي ولابوهم ..

[/IMG]


مرت الـ 9 ساعات كالبرق ما ادري كيف ،،

تم تقديم وجبتين ع الطائرة : عشاء – فطور

الاكل جدا لزيز ماشاء الله تبارك الله
اما الاكل عند العودة الى جدة كان جدا ماله طعم ومو لزيز ابدا الله يكرم النعمه بس ...

كل شيء كان جميل ف الطياره ماعندي أي ملاحظات سلبيه ..

والاجمل كان موقعنا في الطائرة ، الان ساضع لكم صورة مقاعدنا ،،

[/IMG]


ليش عجبني هذا المكان ؟!
1- الاكل يخرج من المطبخ على طاولتنا احنا اول شيء ،،
2- سرير الطفل اللي ينام فيه راشد يوضع امامنا ،،
3- مساحه واسعه عند الاقدام بحيث انه رشودي وجسومي انبسطوا وجالسين ع الارض يلعبوا وماخذين راحتهم ، وجسومي ف الاخير فرشتله البطانيه ع الارض ونام عليها ومرتاح في النومه وماخذ راحته في الترفيس والشقلبه حقت النوم ..
4- ابو جاسم جالس في الطرف وجسومي في الوسط وانا عند الطاقه ..
5- اول ناس نخرج من الطياره ..

هذه الصورة تم تصغيرها . الحجم الافتراضي لها هو 2448x3264.

[/IMG]
هذا سرير الطفل ، طبعا السرير يكفي لطفل عمره سنه فقط .. لانه جدا صغير مايوسع لطفل ابو سنه ونص حتى ،، لانه راشد عمره بالضبط 11 شهر وعلى القد السرير ..

هذه الصورة تم تصغيرها . الحجم الافتراضي لها هو 2448x3264.

[/IMG]


على فكرة هذا المكان لا احد ياخذه الا اللي عنده اطفال ، لانه في هذا المكان فقط يقدروا يحطوا سرير الطفل
فلا تكونوا انانين وتاخذوه لانه المقاعد بالحجز ، فخلوا هذا المكان للي معاهم اطفال ،،

اذا انتوا بدون اطفال اقعدوا في أي مكان ف الطائرة براحتكم ي عرسان ، وكل ما بعدتم عن هذا المكان كان الهدوء لكم اكثر ....

تنويه : اذا اطفالكم مرررا مزعجين وكثيرين البكاء ، احجزوا في المقاعد الخلفيه جدا اخر الطائرة ، لانه دايما ف اخر الطائرة مافي احد .. الكل يحرص يكون قدام ، وفي اخر الطائرة الحمام محد يستخدمه كثير والمطبخ قريب منك واذا فيه مصلى تقدري تروحي المصلى تسوي تمارين انتي وعيالك وتاخذوا راحتكم ...



تم الوصول لمطار كوالا والتوجه للقطار ومن ثم تم شراء الشرايح من شركه سيليكوم ،
كان عندهم عرض شريحه ب 45 رنجت فيها 4 قيقا نت و10 رنجت اتصال
المهم احنا اشترينا شريحيتن ليا وحده ولابو جاسم وحده ..
نحتاج النت لقوقل ماب اكثر شيء ..

وضروري عشان اتواصل مع ابو جاسم ادا نزل البقاله ولا راح يجيب لنا عشاء وهكذا ..

طبعا جزاكم الله خير ياللي قلتلوا لنا انه اهم شيء ندور عروض الانترنت وبالفعل افضل عرض للانترنت اخذناه ..
وعلى فكره استخدامي كان فقط لقوقل ماب وراجعين لجده ولسا النت ما خلص ..

اما الواتس واليوتيوب من واي فاي الفندق جدا جدا سريع النت في كل فنادقهم حتى مستشفياتهم في نت مفتوح .

المهم : عند تختيم الجوازات طابووور جدا طويل ووقفنا ف الطابور ،،
وافتكرت كلام هاي مزمز انه قال انهم يمشونا للبدايه بسبب اطفالنا بس ما كان فيه احد نكلمه اثناء وقوفنا ف الطابور ،،
وكان اصعب شيء بالنسبه لنا في مطار كوالا ، لاني قلتلكم بدون عربيه ومعانا كم شنطة
<< خلاص لا تتخيلوا شكلناا يكفي بهدله ...

المهم خلصنا الطابور وتنفسنا الصعداء اول مادخلونا بعد تختيم الجوازات ،،
تترسم الفرحه والوناسه عليكم على طول تحسوا انكم مدري ايش

،،
اممممم يعني حاجه تجننن شعور لايوصف ،، يجيكم احساس ودكم ترقصوا سامري

قدام الناس من الفرحه << ياربي ضعت وانا اعبر المهم ان شاء الله وصلكم الاحساس الجميل

....


ودايما قولوا الحمد لله و الشكر لله على كل شيء انتم في نعمه انكم سافرتوا وانكم تحسوا هذا الاحساس ،،
في غيييركم كثيييير نفسهم ومنى عينهم يكونوا في المكان اللي انتوا فيه ....

يارب لك الحمد حتى يبلغ الحمد منتهاه ،،

ولاتنسوا ( ولئن شكرتم لا أزيدنكم ) ...

وسامحوني ما صورت كثير في المطار ،، شايفين كيف حالتنا

الزبدة من يوم مطار كوالا :

اولا : النزول من الطائرة .
ثانيا : ركوب القطار للتوجه الى منطقه تختيم الجوازات .
ثالثا : شراء شريحه جوال او تأجيل الشريحه لوقت اخر ، اذا تم تأجيل شراء الشريحه فتوجه مع الناس الى منطقة تختيم الجوازات .. وحتشتري الشرايح من كوالا ، لانك ماحتقدر ترجع لشرايح المطار لانك خلاص تم تختيم جوازك ودخلت كوالا ..
رابعا : التوجه الى استلام الامتعة ( ستظهر لك شاشات دور على رقم رحلتك ويقولك وين تتوجه على أي سير للشنط .
خامسا : التوجه للبوابه لركوب التاكسي والتوجه للفندق ..

( طبعا اللوحات الارشادية ماحتقصر فلا تشيل هم ولا تخاف ولا تحتاس وانت هناك ، الامور جدا سهلة وميسرة وبسيطه وحتى ما حتحتاج تسال احد عن أي مكان ، من كثر اللوحات الارشادية هناك )

اوك اللي حصل معانا بعد النزول من القطار انه الناس تجري جري تقولوا سباق مارثون ،
المهم احنا سرنا نوخر للناس ونخليهم يجروا ، احنا اصلا مافي مجال نمشي بسررعه ،،
يكفي اننا محملين فسرنا نمشي على مهلنا ، ووقفنا لشراء الشرايح ومنها استراحه من الحمل ،،
وبعد ما شغلنا الشرايح ، توجهنا الى منطقه تختيم الجوازات واتفاجأنا بالطوابير الكثيرة ،،
وامرنا لله وقفنا طابور لا بأس به ،،
تعرفوا لو اتاخرنا كمان 5 دقايق كان من جد نمنا ف المطار ذاك اليوم هههههههه

،،،
والسبب كان انه واحنا واقفين الا فجأه يدخلوا علينا طلاااااب كثيييييير جدا جدا شكلهم في رحلة مدرسيه طلاب ثانوي كانهم ،،
المهم عينكم ما تشوف الارض من كثرهم ماشاء الله وتعرفوا كيف لمن تكونوا مع اصدقاء لكم الوقت يمر وانتوا منتوا حاسين فيه ،،
يحليلهم يسولفوا ومبسوطين والطابور يمشي على مهله وهما في عالم والزحمه ماتعني لهم أي شيء

<<< واضح اني كنت أتأملهم من طول الانتظااار آآآآه

، الحممد لله بس انتهى ذلك اليوم على خير ....


طبعا بعد ما استلمنا الأمتعة ،،

توجهنا للبوابات الخروج ، وعند الخروج تقابلكم كشكات تكاسي وجولات وكل شيء ،،
قلت لابو جاسم شوف بس المكتب هذا بكم التكسي للفندق ؟؟ حب استطلاع فقط

قال ب 160 رنجت من المطار الى الفندق في سيلانجور ( الفندق حقنا البوتيكي 33 ، بجوار صنواي لاجون جدا قريب ) ،،
المهم طبعاا انفجعت من السعر

وقلت لا طبعا الله يخلي اوبر وجراب ،،
طبعا ردي كان بناء على خلفية سابقه من تجاربكم ي الأعضاء الرآئعييين ،،
وفعلا طلبنا جراب الارخص طلع لنا ، ب 75 رنجت وتوكلنا على الله

اثناء انتظارنا للتاكسي ،، تعرفوا مين جاء لنا يكلمنا !!!!

اكيد عرفتوهم ي اصحاب الخبرة ..

الرجال اللي يجوا يبغوا يصيدوكم في جولات ومدري ايش

.. طبعا كنا مستعدين لهم استعداد تام ..
ومحصنين نفسنا منهم ومنتبهين لكل شيء ..

المهم ابو جاسم قال للرجال شكرا شكرا مانبغا وكمل مشي اصلا ماوقفنالهم حتى ..
نبغا نتخارج ونخرج تعبانين ع الاخر ،،

احنا واقفين نستنى التكسي الا رجع لنا يقول لنا " يو ار سبيك ارابيك ، تعال شوف هذا اش مشكلته ، تعال تعال "
من جد حاجة زي النشبة ما رد عليه ابو جاسم وعلى طول خرجنا برا عند المواقف نستنى التاكسي ونشرد منهم .

تنويه مهم : الحذر والحذر من أي شخص يحاول المساعدة ،، عيش في ماليزيا نفسك واهلك وبس ،، لا تنغر للضحكات والابتسامات ،، اوك صح انهم شعب بشوش وخلوق بس كن حذر حذر لنفسك واهلك واطفالك ،، في نهاية الامر انت في بلد غريب .. ( ساذكر لكم موقف حصل معانا لاحقا )

ويارب لك الحمد واخيرا ركبنا السيارة بعد تعب وتعب وتعب طويل << تعب طيارة وتعب مشي وتعب حمل وتعب طوابير << فعشان كذا لازم تكونوا خفيفين سواء معاكم اطفال او من دون ..

هذه الصورة تم تصغيرها . الحجم الافتراضي لها هو 2968x1668.

[/IMG]

الطريق من المطار الى الفندق جميل جمال سبحان الله ، منظر الاشجال فتنة سبحان الله
استمتعت بالمناظر جدا وانا ف قمة التعب

هذه الصورة تم تصغيرها . الحجم الافتراضي لها هو 2448x3264.

[/IMG]


وصلنا الفندق بالسلامة

الصورة من النت


الجزء القادم حيكون عن :
- 5 ايام في سلانجور و الاماكن التي تمت زياراتها...
- فندق البوتيكي 33 مميزاته وعيوبه
- المستشفى ورشودي
- المطاعم
- استئجار السيارة
- اهم مقتنيات المطبخ المفيدة ف السفر
- موقف التبرع الخيري لأطفال ماليزيا ؟!
- شنطة المطبخ
​

​

​

​

 

[تقى احمد]

وقبل ما اكمل الجزء الجديد فيه نقطتين نسيتها في جزء ( يوم السفر ) وهي :

- بخصوص الشنط : أفتكرت اني ما ذكرت وزن الشنط عند الشحن ، الحمد لله في رحلة الذهاب ماواجهنا صعوبة ابدا في وزن الشنط .. مع انه الشنطة الكبيرة كانت 24 ك بس محد كلمنا ،،
وفي رحلة العودة كنا مرا خايفين من وزن الشنط ، لانها من جد كانت ثقيله ، والحمدلله عدت على خير ..

- بخصوص الاطفال والضغط مع الطيارة : زي اطفالي كذا مرا صغار ففي حركه حلووا تسووها
عشان مايحسوا بالضغط الشديد اثناء الاقلاع ،،
وهيا انك تجوعي اطفالك قبل الرحله بوقت بحيث انهم اول مايصعدوا الطيارة يكونوا جيعانين ،
وأول ماتبدأ ترفع الطيارة عجلاتها من الارض ، هنا تقومي بحركتك السريعه بإعطائهم الوجبات حقهم ،
زي راشد طفلي على طوول اعطيته رضعته ، لانه مع الاكل يخف الضغط على اذنهم ..

- وترى هذه الحركه كثير اعتمدتها في السفر ،،
حتى كمان لمن كنا في المصعد بنطلع لأعلى قمة المنارة في كوالا ،
نحس بضغط في الاذن لان المصعد يصعد بسرعه كبيره ، فهنا كمان اعطيته الرضعه بسرعه ،
فحبيبي مايحس بألم الحمدلله ..


والان نبـــدأ بسم الله .......

( سيلانجور )

وصلنا الفندق بالسلامة ، واستلمنا الغرفة وحطينا عفشنا ،،
وفي اثناء ذلك ، أفتكرنا اننا ميتين جوووع ، فايش نسوي الحين !!
فينزل ابو جاسم يستكشف المنطقة وبما انه البيراميد مول قريب جدا ، فراح واشترى لنا ماكدونالدز ..
<< وهذي هيا لسعة الجوع اللي تجبرك تاكلي أي شيء اهم شيء انه اكل ...


ومن هذيك اللحظة ارمق ابو جاسم هذيك الرمقة اللي معناها " قال ريجيم واكل صحي قال "

المهم الحين اجيكم بالمفيد والمهم :

اسم الفندق :
فندق البوتيكي 33 ( الفندق نجمة واحدة )

هذه الصورة تم تصغيرها . الحجم الافتراضي لها هو 840x460.

هذه الصورة تم تصغيرها . الحجم الافتراضي لها هو 840x460.

الاستقبال

هذه الصورة تم تصغيرها . الحجم الافتراضي لها هو 840x460.

هذه الصورة تم تصغيرها . الحجم الافتراضي لها هو 840x460.

الموقع الرسمي للفندق :

About Hotel | 33 Boutique Hotel - Bandar Sunway




رابط الفندق في بوكينق :

https://www.booking.com/hotel/my/33-...0cbb851c07c83e



السعر :
5 ليال بـ 800 رنجت شامل الضريبه

نوع الغرفة :
ديلوكس كينغ ، مساحة الغرفة 17 متر مربع . ( اكبر حجم غرفه لديهم .)

موقعه :
في سيلانجور في منطقة بندر صنواي ، بجوار مول البيراميد وصنواي لاجون ،
يبعد خمس دقايق مشي ع الاقدام ..

سبب اختياري له :
نظيف جدا ، رخيص جدا ، الفندق جديد


ملاحظاتي وتقيمي :
1- اهم شيء لفت انتباهي في هذا الفندق النظآآآفة ثم النظافة المكان يلقلق
( صاحب الفندق جدا مهتم في نظافته ، هذا ما عرفناه من حوار ابو جاسم مع احد الموظفين ف الفندق )
2- افضل واريح سرير نمت عليه في سفرتي كلها في ماليزياا جدا مريح السرير والمخدات كمان ،
والسرير جدا كبير ..

3- طبعا سعره رخيص تقريبا الليله ب 125 رنجت
4- ينفع لعائلة صغيرة .

5- مساحة الغرف تبدأ من 7 متر مربع الى 17 متر مربع .
6- طلبنا تنظيف الغرف ، لم يحضروا للتنظيف ، ولكن كل يوم يمروا علينا يغيروا القمامه ( اكرمكم الله ) ويعطونا اثنين قارورة ماء جديدة . ومناشف نظيفة .

7- السكن في هذا الفندق ممل قليلا ، لانه اللي يسكنه يستفيد منه فقط للنوم ولاشيء اخر ..
8- لايوجد به مطعم او كافيه ولا شيء ..

9- لكن افضل مافيه الهدوء وقربه من مول البيراميد والصنواي لاجون ،
كل يوم نروح المول مشي قريب جدا جدا

10- يوجد بجواره ( بقاله 99 – بقالة 7 الفن – كنتاكي – دومنيوز بيتزا – شرطة السياحة )
11- المنطقة جدا آمنة .

12- تعرفت على الفندق من بحثي المتواصل في بوكينغ ومن خلال صور الفندق واراء الناس اللي سكنوا فيه من تقيماتهم للفندق من بوكينغ ..
13- اخر ملاحظة : الحرمة في الرسبيشن قالت لنا انه لو دخلتوا موقع الفندق حتلاقوا الاسعار ارخص
من بوكينغ .. << انا وقتهاا قلت لاااا ي ريتني فكرت فيها ، بس يلا المرات الجاية ان شااء الله


( فانتوا خلال بحثكم عن أي فندق ، ابحثوا عن افضل الفنادق في بوكينغ وشوفو الصور والتقيمات للفندق
الذي أعجبكم ، ثم ابحثوا عن موقع الفندق في قوقل وقارنوا الاسعار )
لانه بوكينغ الصراحة جميل وسهل الاستخدام وحتستفيدوا منه في البحث عن الفندق الأعلى تقييما ..

واخر شيء اقوله : انه لو حجزت 5 ايام في صنواي لاجون حيطلع السعر معايا قرابة 2000 رنجت ..

تووفييييير ي معلم ، بس والله توفير في شيء نظيف ويستاهل ،، والحمد لله اتوفقنا في هذا الفندق ..


صور الغرفه

هذه الصورة تم تصغيرها . الحجم الافتراضي لها هو 840x460.

الحمام اكرمكم الله

هذه الصورة تم تصغيرها . الحجم الافتراضي لها هو 840x460.

اطلالة الغرفه ( واضح قرب الصنواي من الفندق )

التقيم :
النظافة : 5/5
السرير المريح : 5/5
خدمة الغرف : 3/5 ( تقيم جيد لفندق ابو نجمه واحدة )
قربه من كل شيء : 5/5 ( حتى قريب من افضل مستشفى " مستشفى صنواي " الكبيرة والفخمه )
تقيم الفندق في بوكينغ : 8.3 / 10


انتهينا من الفندق الان ننتقل الى ( رشودي والمستشفى )


ذهابي للمستشفى مرتين كانت بسيطه الحمدلله :
المرة الاولى : لعمل إشاعة لراس راشد لانه قبل يوم السفر في جدة
اخذ له طيحة محترمه من فوق السرير ، الكدمة منتفخه ولمن اضغط عليها كأنها ورم بسم الله ،
كانها معبية مويه ، يعني تعرفوا كيف دايما الفقشات حقت الراس تجيكم الوان الطيف تتلون
ولمن تمسكوها تعور على طول ، بس اللي في رشودي ما تعوره ومنفوخه مويه ..

وياربي قلقت قلق مو طبيعي ،، لاني ظنيت على طول انه جمجمته اتضررت
لاني ماني قادرة المس الجمجمه لمن اضغط ع المكان المصاب .

والى ثاني يوم ف السفر وانا الاحظها كل مالها تكبر بشكل مفجع ويخوف ، بس خلااااص انا ماني مرتاحه ،،

يلا ي ابو جاسم ع المستشقى على طول ابغى اسويله اشاعه اطمن ..

طبعا هنا اود اني اوجه الشكر الجزيييل للعضو ( ماجد الفهد ) حيث انني كنت اتابع سنابه وولده ارتفعت حرارته ووداه لهذه المستشفى ومدح فيها ..

والحممد لله على سلامة ولده ..

واسم المستشفى ( مستشفى صنواي ) وتصادف انها قريبه جدا جدا من الفندق تقريبا 3 دقايق بالتاكسي .

هذه الصورة تم تصغيرها . الحجم الافتراضي لها هو 1242x994.

ونروح المستشفى اللي ماشاء الله كأنها فندق ، المهم ع الطواريء على طول عند الرسبشن يستقبلونا الممرضات عشان ياخذوا وزن وحرارة الطفل واش عنده ، وبعدها يعطونا رقم وننتظر

احنا انتظرنا قليل لانه مافي زحمه ابدا ، ودخلنا ع الدكتور وسوا لنا اشاعه ، والحمد لله اتطمنا على راشد ،،
جمجمته سليمة ، و طلع انه دم متمجع وحياخذ من اسبوع الى اسبوعين لين مايختفي .

الحممممد لله تعرفوا يعني ايش هم كبير زي الجبل انزاح من قلبي ،،،

المستشفى : تعتبر غالية جدا بالنسبة لأهل ماليزيا << على كلام الموظف اللي في الفندق ..

المبلغ اللي تم دفعة :
قبل ما يكشف الدكتور تدفعوا 300 رنجت ، وبعد ما تخلصوا ، يكتبوا تقرير عن المبالغ والمستحقات
ويخصموا من الـ 300 رنجت اللي دفعناها مقدما ، حق العلاج والكشفيه وكل شيء ، وانتوا خارجين يرجعوا لك الباقي ،،

يعني احنا كنا خايفين انه الاشاعة مرا غاليه تطلع ، بس الحمد لله الحساب كله 150 رنجت ..


اما المرة الثانية اللي رحنا فيها المستشفى :
تقريبا في اليوم الرابع ، كان بسبب ارتفاع الحراره الشديده لراشد برضو .. وصلت حرارته 39
ونفس الخطوات سويناها تاني واخذوا 300 رنجت ودخلنا ..

طبعا اش سوو لنا في الطوارئ .

دخلونا على سرير وجابت الممرضة طشت او كروانه فيها موية ، ومنشفة وروشت راشد وخلت جسمه يتهوى ، واعطتوا تحميلة ، ولحظات الا والحررارة تنزل .. والدكتور قال عنده التهاب حلق .. وقال تبغونا نرقده عشان نطمن اكثر ..
( طبعا ترقيد ايش مايستاهل ، طبعا رفض ابو جاسم .. )

واحنا خارجين جالسا اقول لابو جاسم عجيتني المنشفة الكمادة عادي يعطونا هيا عشان لو سخن تاني بسويلوا بيها ،،

الا وتجي الممرضه وتعطينا المنشفة من حالها وتعطينا الكروانه كمان ، وانا وابو جاسم نطالع في بعض من جدها هذي ، ويا حليلها وربي يسعدها <<< فرحنا على بالنا كرم وواخلاق عاليه وكذا ..


المهم من هذا كله الحساب طلع في الفاتورة 150 رنجت

ولمن نقرا الفاتورة : مسجلين حتى سعر الكروانه والمنشفة الكمادة اللي عجبتني وحتى فرش السرير اللي اتعدم بالمويه حاطين حسابه ..
<< طلعت الشغله لا هي كرم ولا اخلاق مافي شيء ببلاش هههههه اجل لو رقدناه عندهم كم حياخذوا مننا ..

الخلاصه : مستشفى مررا كويسه تعامل واخلاق ونظافة ومافي زحممه كثيرة فيها .. شيء نظيف ومرتب ..



واي فاي مجاانا ف المستشفى

( استئجار السيارة )

في البداية انا كنت ابغى احجز واطلب السيارة من النت عن طريق موقع وضعه في المنتدى أحد الاعضاء الفضلاء اللي جرب الاستئجار من هذا الموقع ..

وبحيث انه السيارة نستلمها من المطار ونسلمها في المطار << هذي هيا كانت خطتي ..
وكان السعر في الموقع 1400 رنجت لمدة 15 يوم ، سيارة نوع برودوا الماليزية الحجم الصغير ( اربع ابواب ) .
<< سعر جدا رائع مع التأمين ..

بس ابو جاسم فضل انه يتعامل مع احد الاصدقاء له من الطلاب في ماليزيا ،
وفعلا تم استلام السيارة منهم وكان الايجار على كل يوم 100 رنجت .. ومدة استئجارنا لها 13 يوم ..

اول ثلاث ايام كانت عصيبه جدا بالنسبة لنا ماحبيت التكاسي والبهدله ،
نستنى التاكسي مع الاولاد ف الشارع وكدا << مع اوبر وجراب كنا نطلب ..

بس الحمد لله لمن وصلت سيارتنا ، لحد يكلمنا نروح ونجي نوقف وقت مانبغا و نلفلف ماليزيا بكيفنا
نقعد في أي مكان بالوقت اللي نحب ..

<< عن جد تجربة جميله ومريحه انصح الكل انه يستأجر له سيارة بالذات مع الاطفال ..

( تعرفوا بالذات في الخط الى بينانغ جسومي ينام ويصحى وينام ويصحى ورشودي زيه ،
ونوقف حمامات في نص الخط ونوقف بقاله ونشتري واذا جوعنا نوقف ناكل ونكمل خطنا )
يعني حاجه في منتهى الراحة والامان ....

صورة السيارة

من الداخل

هذه الصورة تم تصغيرها . الحجم الافتراضي لها هو 3264x2448.

اهم الملاحظات :

- ابو جاسم كان متخوف شوي من السواقه بالعكس ،
بس سرعان ما اتأقلم ع الوضع وقال انه الموضوع جدا سهل ..
( شوية ثقة واتوكل على الله ، ولا تخاف ياللي نفسك تستأجر سيارة .. والله انها متعة وراحة )

- المواقف ، في البدايه شويه حسينا انه لازم ندور موقف للسيارة لمن نبغا ننزل مكان ،،
بس مع مرور الايام اكتشفنا انه في كل مكان عندهم باركينغ ..

- وطبعا هناك في ماليزيا ماعندهم أي شيء ببلاش ، حتى المواقف بفلوس . بس الاسعار جدا زهيده .

- في سيلانجور : اكثر شيء فادتنا االسيارة لانه في اماكن كثيرة بعيدة عن الفندق . زي الاي ستي ومسجد بوتراجيا وحديقة الحيوانات .
- اما في احترام الانظمة ، فاطمن هناك الشعب جدا جدا محترم لانظمة المرور ،،
حتى لو وقفت في نص الخط مستعدين يستنوك لين ماتمشي ولا يدقوا بوري ولا شيء ...
ماشوفت برودة دم واعصاب زيهم ..

- << ترى والله اعلم اتوقع انه هدوء اعصابهم وبرودة دمهم من الجنة اللي هما عايشين فيها
تنعكس على نفسياتهم ،، في كل مكان تشوفوا خضار وخضار منعش كمان ،
مو زي شجرنا لونه اخضر باهت ناشف تحسوا الشجره عندنا اتحنطت من النشفان ...
بس تلعب علينا انها شجره وكذا

- في بينانغ : إحنا الحمد لله متعودين نمسك خطوط ماشاء الله ،
فماكان هناك أي مشاكل وبالعكس كنا نمشي وسط جنة من جنان الله في الارض ...
مدة الطريق : 4 ساعات تقريبا من كوالا الى بينانغ

واكثر مايزيد الخط الطويل متعة ، هي الامطاار الجميلة
<< طبعا قلة ولف هنا ف السعودية ماعندنا امطار فكل ما تمطر هناك كأني اول مرة اشوف مطر ،
الله يهنيهم ي رب

- وفي وسط بينانغ : استفدنا منها اكثر شيء برضو ،
خاصة لمن انقفل الطريق المؤدي الى حديقة الفواكه والطيور والفراشات
وكل شيء في بينانغ في هذيك المنطقة بسبب انه شجرة كبيرة طاحت وانعدم الشارع ،،

فاضطرينا نمسك الخط الخلفي من الجهة الأخرى لبينانغ ومدتة ساعة ونص تقريبا ..
( الصراحة والله مجانين اننا مسكنا هذاك الخط ،جدا صعب ووسط الجبال نطلع والطريق ضيق جدا
ومن كثر الخوف كنا بنرجع للفندق بس وقتها خلاص قدنا قطعنا مشوار مرا طويل .. )
والله حفظنا وسلمنا وزرنا الحدايق ورجعنا على خير ..

<< والان ننظر للموضوع انها كانت مغامرة جريئة لنا ..

( الحمدلله اننا مسكنا الخط للحدايق الساعه 10 ص ، وهذا فادنا في وقت العودة للفندق ،
بحيث اننا زرنا كل شيء ورجعنا قبل ماتغيب الشمس ... )

- اما في كوالا : ما استفدنا مرا كثير منها طول الوقت وهيا واقفه
في الموقف بس اللهم كانت السيارة تقربنا للاماكن اللي نبغاها ونوقفها باركينغ وكل اليوم يروح ف المولات .
- البنزين كان تمام مايصرف كثير . على قولة ابو جاسم

- مدري اذا كانت هذه المعلومة مفيدة : انه صاحب السيارة اعطانا الكرت حق التاكس الضرايب حق الطريق ، واحنا شحناها وفي كل نقطة تاكس تاخذ مننا رنجت او رنجتين ونص ،،
- اما في الخروج من كوالا الى بينانغ تاخذ 40 او 54 رنجت وكذلك في الدخول نسيت كم المبلغ للدخول حول ال40 او 30 ،
و عادي اذا خلصت البطاقة اثناء خروجك من كوالا او نسيت تشحنها في موظفين هناك تقدر تدفعلهم كاش .
<< احنا نقص علينا رينجت واحد فدفعناه كاش . ...
<< طبعا هذا في حال خروجك ودخولك للمدن ..
- ترى لو تحسبوا كل مشاويركم بالتكسي مع الانتقال بالطيارة او الفيري في مخطط رحلتنا
حتلاقوا اننا وفرنا على نفسنا كثير بالسيارة ..

- وكل واحد فيكم ادرى بمخطط رحلته ، فانت تعرف متى اكثر شيء تحتاج السيارة ،،
وموشرط كل ايام الرحلة تستاجرها زيننا ، انت ادرى ..!!
- يعني في بعض الناس لازم لازم يحتاجوا يركبوا طيارة او يبغوا يجربوا الفيري السفينه ..


( الاماكن المخطط زيارتها )

لم تتم زيارتها : ( لا استطيع افادتكم في هذه الاماكن لعدم تمكنا من الذهاب اليها )
منتزه الماينز وندرلاند
ملاهي ديسا ووتر بارك
كيدزانيا الاطفال


تمت الزيارة بنجاح : ( وساتحدث عن كل مكان بالتفصيل في الاسفل )
حديقة الحيوانات زوو نيقارا
المدينة المضيئة ( I city )
مسجد بتروجايا
المدينة المائية ( صنواي لاجون )


1- حديقة الحيوانات زوو نيقارا :
طبعا رحنالها تقريبا في ثاني يوم ، لسا ما وصلتنا سيارتنا ..
فأخذنا تاكسي اوبر ، من سيلانجور الى زوو نيقارا ، تقريبا 45 دقيقه ،،

المهم واحنا في الطريق كان الجو بدأ يغيم وتتجمع الغيوم ،

هذه الصورة تم تصغيرها . الحجم الافتراضي لها هو 1632x1224.

ما ان وصلنا الحديقة الا ومطره شديده ماشاء الله ،،

واصابني القليل من خيبة الامل ، خفت انهم مايدخلونا مع المطرة .. لا واحنا قاطعين مشوار ..

المشكلة ما اشترينا مظلات ، بس الاولاد انا من جده اشتيرلتهم جاكيتات المطر . وماخذتها معايا ...

الزبدة ،، داخلين يعني داخلين ماني راجعه الفندق بستنى المطر يخلص .. وهذي جلسة ...

المهم نروح عند التذاكر ونقولهم بندخل وكذا يقولوا ما حتشوفوا شيء ، قلنا عادي بندخل ..
ودخلونا الحمد لله دفعنا انا وابو جاسم 200 رنجت تقريبا وجاسم مجانا 3 سنين ..
وراشد مجانا في كل الحدايق .لانه رضيع ..
طبعا اسعار دخول الماليزين ارخص الى النصف مننا ..

هذه الصورة تم تصغيرها . الحجم الافتراضي لها هو 1224x1632.

واشترينا مظلات من عند بوابة الدخول .. المظلة ب 44 رنجت مرا كثير ..
فلاتنسوا المظلات تشتروها من بدري ..

اول ماتدخلوا الحديقه بعد ماتشتروا التذاكر حتلاقوا كشكات زي كذا

وحبذا لو اشتريتوا المظلات اللي تدخل الشنطة تتقفل تصير مرا صغيرة ..

نصيحه مهمه ترا عشان لا تتعبوا في شيل المظلة الطويلة مرا مقرفه لمن تشيلها ..
طفشتنا صراحة .. وكل ما نبغا نرميها نفتكر ال40 رنجت كثيره عليها ..
علما انه انا لقيت ب 19 رنجت مظله تتطبق وتدخل ف الشنطة ..

اوك لمن تدخلوا الحديقة ،،
في عندهم سيارات مكشوفه مغطية السقف ... فهذه السيارات تقربك الين بداية الحديقة ..

ترى مررررا مفيده وحلوا احسن من انكم تمشوا مشوار مرا طويل لين ماتوصلوا عند بداية الحديقة ..
<< لانه اصلا ورااااااكم مشي مو بس طويل الا ال ال ال طويل ..
<< الحديقة جدا كبييييرة ..

اوك تدفعوا كمان 10 رنجت تذكرة ذهاب وعوده لهذه السيارات ، بحيث توصلكم لين بداية الحديقة ،
وتوقف عند اقفاص الاسد والنمر .. واذا خلصتوا لفلفه في الحديقة ترجعوا عندهم ويرجعوكم لبوابة الدخول .. ..

هذي صورة السيارات داخل الحديقة

هذه الصورة تم تصغيرها . الحجم الافتراضي لها هو 1600x1200.

طبعا بين الحيوانات المفترسة وبينكم مجرى مائي كبير وحاجز كهربائي ..
حترككم مع الصور ..

هذه الصورة تم تصغيرها . الحجم الافتراضي لها هو 1280x720.

من داخل الحديقةوالاجواء ممطره

اول شيء حتشوفوا الزرافات

النمر

جواميس

الفيل

هذه الصورة تم تصغيرها . الحجم الافتراضي لها هو 1632x1224.

هذه الصورة تم تصغيرها . الحجم الافتراضي لها هو 960x1280.

ممرات الحديقة

النمر الابيض الجميل

فلامينقو

صورة عائليه تحت المطر والاجواء خورافيه والجمال الرباني يأسر القلب

الا الباندا لم ندخلها ماله داعي يكفي ماشوفناه من حيوانات ..

اكثر ما شد انتباهي من الحيوانات :
الفيل والاسد والنمر الابيض والزرافة والفلامينغو والجواميس ،
والثور وما ادراكم ما الثور سبحان الخالق اول ماشوفته انفجعت صراحة كيف هذولا الامريكان
اللي يركبوا فوقه ،،
يوووما مرررا يخوووف انا بس شوفته اترعبت قال اركبه قال ....

كان مرا بعيد وماني قادر اخذ له صوره حلوا ..



طبعا قبل ماتروحوا الحديقة افضل انكم تشتروا لكم سناكات وموية ،،
وترى موجود ف الحديقة كشكات تبيع سناكات ومويه وفشار واسكريم ..
بس انا شعاري اكون مستعدة دائما
ولاتنسوا الكاميرا تشحنوها فل وجوالاتكم فل ..
لانه التصوير هناك خرافة جميل جمال ،، ماشاء الله .

كثير في المنتدى نصحوا اننا نروح زوو نيقارا احسن من افاموسا ..
فانا عشان كذا اخترت هذه الحديقة ..

من زمان نفسي اشوف الحيوانات كدا ع الطبيعة من دون اقفاص .. ممتعه التجربة جدا جدا ..
بمجرد انك تشوفي الاسد قدام عيونك مافي حديد بينك وبينه تحسي بحمااااس ويزداد ضخ الدم لديك
<< ادرينالين ي حبيبتي هههههه

لا ولمن يطالع فيك وانتي تطالعي فيه يختي مدري اش احس المهم تجربة حلوا ..

2- مسجد بتروجايا :

هذه الصورة تم تصغيرها . الحجم الافتراضي لها هو 1280x720.

جميل جدا ماشاء الله ماعندي أي ملاحظات تذكر في هذا القسم
عدى انه رحناله في صباح اليوم الثالث وكان فاضي ،،
وكان مطل على اطلاله البحيره الجميلة ..

وهذي بعض الصور من عدسة ابو جاسم :



2- الاي ستي ( المدينة المضيئة ) :


في مساء ثالث يوم رحنا لها ، مكان جميل جدا جدا ، ساحر وآخاذ ،
ذهبنا اليه في الساعة 6 ليلا يوم كان ممطر جدا جدا ، والامطار جدا غزيرة ..

من شدة غزارة المطر محنا قادرين نشوف اللي قدامنا ، بالقوه نشوف انوار السيارات ..
<< لحظات مرعبة والله أول مرة ننحط كذا في هذا الموقف ..
خفنا على نفسنا بس الحمد لله سرعان ما هدأت الامطار قليلا ..

وواصلنا مسيرنا ، ابو جاسم كان بس يقول يلا رجعنا ،
وانا ارد عليه " لا والف لا يدي بيدك وسنواصل والله يحفظنا .. " ههههه اهم شي ما ارجع الفندق ..
<< احنا فينا عقدة سيول جدة فعشان كذا خايفين من المطر ،
فطول الوقت وانا اهدي من روعة أنفسنا ،
فبس اردد واقول " انه هنا العالم عايشة حياتها بالطول والعرض وسط المطر ولا نقطة مويه تشوفها في
الشارع سبحان الله .. الوضع عندهم جدا عادي .. "

سامحوني اخذني الهرج ونسيت الاي ستي ،، نرجع لها طبعا لفينا في الحديقة واخذنا الكثير من الصور ..
أصلا ما تقدر تمسك نفسك انك ما تصور ..

اللي لاحظته انه الاي ستي عباره عن مدينه مصغره فيها شوارع وحدايق منفصله كل واحده عن الاخرى .
كانك من جد تمشي في مدينه صغيرة ...

قسم فيها الاشجار وفيها العاب ملاهي . وفيها قطار يمشي فوق الحديقة كلها ..
بس ماركبناه ، كان زحمة طوابير < طلاب مدارس في رحلة

والحديقة الثانيه برضوا فيها اشجار وملاهي وزيادة فيها عالم الثلج مادخلناها من بعيد شوفناها ،
تعبنا من المشي ومايحتاج ندخلها لانه نفس الاشجار اللي ف القسم الاول
واصلا كان في درج طويل للاسفل ،
اصتصعبناها مع عربيتنا وقلنا بلاش ننزل ..
وعلى فكره كل هذا ولسا المطر مستمر بس على خفيف

وقريب منها متحف الشمع ..

دخلنا الحديقة مجانا مافيها رسوم .


خريطه المدينه المضيئة عشان توصل لكم فكره المكان

هذه الصورة تم تصغيرها . الحجم الافتراضي لها هو 930x660.

صور الاشجار المضيئة

صورة بانورامية

عالم الثلج مادخلناه : العيال لسا مريضين وخفت يمرضوا زياده ..


ومتحف الشمع : جميل ...

بس عندي ملاحظة مدري هل احد فيكم حس بهذا الشيء زيي ؟!!
الاحساس هوا طول وانا امشي وسطهم وانا متضايقة قلبي مقبوض احس ،،

بالذات لمن دخلت قسم تماثيل الروك والمغنين والله حاسه اني مخنوووقه مرا سرت اقول لابو جاسم بسرعه نطلع ماني قادرا اتحمل المكان ..

اصلا انا مررا ماا استمتعت كثير ، بس ابو جاسم انبسط ع الاخر .. اتصور معاهم كلهم .. ههههه
وربي احس شياطين متلبسينهم بسم الله الرحمن ..

( لاتدخلوا هذاك المكان الا وانتوا متحصنين واذكروا الله )

ملاحظة : المكان فيله رائحة عاديه بس غير مستحبه كثير ومظلم نوعا ما ،،
يعني الاضاءة مااعجبتني في كل المكان مظلم ، ومافي تكييف ممتاز ..

طبعا اسعار الدخول لغير الماليزين اعلى من الماليزين ، والله ماني فاكره السعر تقريبا ،
بس اتوقع 85 للشخص الواحد والطفل 45 رنجت ..
( العربية ماسمحوا لنا بدخولها .. )

الحديقة كبيرة ولها تكملة بس ما كملناها حسينا بملل وتعب .
المطاعم القريبه من الاي ستي : يمكن فيه مطاعم بس صراحة ماشفت غير كنتاكي
<< وهذا المطعم اكلناه فيه مضطرين من الجوع ومدري كيف اكلته كل ما افتكره نفسي تلوع الله يكرم النعمه .. سيء اصلا انا مرا ما احب كنتاكي ..



4- المدينة المائية ( صنواي لاجون )

هذه الصورة تم تصغيرها . الحجم الافتراضي لها هو 1280x720.

اول شيء سعر الدخول صار : للكبار سواء لعبت او لم تلعب بـ 150 رنجت ، والاطفال 60 رنجت
جاسم عندهم ورقه لمقياس الطول اذا كان تحت 90 سم فيدخل مجانا ..
طلع جسومي فوق الـ 90 سم ودفعناله .

ممنوع الاكل يدخل للمدينه ، وتفتيش ع الشنط اول مادخلنا .
ولاحظت انه تقدر تستاجر عربية اطفال ، عند بوابة الدخول تلاقي العربيات . احجام واشكال مليان .

اما هذه المدينة ، فتخيلوا رحنا لها في اخر يوم قبل يوم السفر بالتحديد

والسبب المهم : انه الاطفال ثم الاطفال ..

شوفوا من كثر ما رايت من تجارب كثير من اقاربي لمن يروحوا الصنواي في اول الايام ،
اطفالهم في بقيه السفر مريضين ومزكمين والتهابات وكل شيء ،
ويقعدوا طول السفرة يمرضوا في اطفالهم ..

فانا فكرت ف الموضوع واصلا كانوا اولادي مريضين من السعودية وفيهم سخونه ،
فجاسم خلصت كورس المضاد الحيوي له في سيلانجور اللي كتبه له دكتوره في جده ..
طبعا خمس ايام والحمدلله مافيله أي شيء بقيه الرحله ..

وراشد كنت على خافض الحراره اللي اعطاني هوا الدكتور في مستشفى صنواي ..

اوك فاتخذت القرار انا وابو جاسم في ايامنا ف سلانجور ، انه خلاص نأجلها لاخر الرحلة ..
عشان مايمرضوا زيادة ..
وفعلا اخر الايام رحنالها بس ...!!

صراحة كنا مرهقين جدا وتعبانين قليلا من ارهاق السفر ..
وما كنا متحمسين كثيير ، ففقط ابو جاسم وجسومي لعبوا في المسابح
حتى ابو جاسم مادخل كل الالعاب الخطيره حقت المسابح زي الزحاليق الكبيره مررا
كان في طوابير كبيره وماكان فيله حماس شديد << قلتلكم مرهقين كنا ..

الحين ماعليكم فينا مو شرط كلكم تتعبوا وتحسوا بارهاق وكدا ، لايجيكم احباط مني ..

المفيد والمهم : من جد من جد نصيحة لكل اب وام الصنواي
خلوها قريبه من اخر الايام مو شرط اخر يوم ممكن قبل سفرتكم بثلاث ايام حلو تروحوا لها ..
عشان لاايمرضوا اطفالكم والرحله كلها تتخبص بسبب مرضهم ..


اوك حتقولوا لي طيب في الفنادق فيه مسابح .. !!

ايوا في بيننانغ في مسابح وانبسط جسومي وكل شيء بس المسبح حق الفندق
اناا فوق راسه يعني اول مايخرج من المسبح احط المنشفة على راسه
( انا جايبه له منشفه روب ابو طاقية وفيها حزام ، عشان ماتنفك منه واضمن انه يتدفا تمام ) ...

غير لمن يككون في الصنواي اليوم بكبره وسط المويه
ويتنقل من مسبح الى مسبح ويطلع زحاليق ويلعب بالمويه وينصفق من الهواء ..
مع الجري والازدحام حق الناس .. << شوفتوا كيف ..

يعني في مسبح الفندق اأمن له .. هيا كلها ساعه اخليه يسبح مع ابوه ويكفي
واخرجه واذا مرا طوول ساعه ونص .. ويتعب من حاله .

اما الصنواي من الساعه 10 ص الى المغرب ويالله تشبعوا من الحديقة ومن مسابحها ..
ومن جد الصنواي ماتقدر تخلصها في يوم واحد ..
الا اذا قسمت وقتك مثلا ساعتين مسابح او ثلاث ساعات
وبعدين كل قسم تروح له تعطيه نص ساعه وتخرجوا وهكذا ..
حتى لو لعبتوا لعبه وحده في كل قسم نعمه وخير وبركه .

ملاحظاتي المهمه :
- ايوااا فيه حاجه مرررررا مهمه وخطيرة وتجنن ،
اللي هيا شراب المسبح انا شوفته في امازون من قبل السفر بس ما اهتميت بالموضوع كثير ..
ولمن كنت هناك شفت اثنين رجال لابسينه مررا كيوت ويجنن عليهم ..

هوا فكرته شراب ماسك على الرجل بس ميزته ضد المويه يعني قماشه مايمتص الماء ..
وفايدته انه يحمي رجلك .

تييييب تعرفوا ليش مهم مررا كذا .. لانه ابو جسومي وهوا يبغا يخرج من المسبح مدري اش اتزحلق فيه
واتصقعت رجله في حافة الدرج واصباعه نزل منه دم ..

فوقتها اتمنيييت اني اشتريت هذاك الشراب
<<< كثير اشياء اتمنيت اني اشتريها بس وقت السفر ندمت ما اخذتها ،
فعشان كذا انا بقولكم عليها عشان تستفيدوا ..

- خصوصا انكم هناك مسابح وتنتقلوا من مسبح الى اخر ومو حاله كل شوي تفصخ صندلك
وترجع تلبسه هههه

- خلاص تلبس الشراب هذا وروح اسبح وامشي واتزحلق وكل شيء وانت في امان حامي رجولك ..
<< كيف بس اعجبكم صح هههههه ،،
ترى ينفع كمان للبحر تمشي فوق الرمل بالشراب مايعدم ولا يدخل التراب في صندلك ..
<< اقولكم شكلي بشتغل موسوقة دعائية .. طول التقرير وانا امدح لكم في اشياء خطيره

هذي صورة الشراب من امازون ( shose swimming )

- هناك الحمامات فيها غرف لمراوش دش خاصه ..
لانه كثير مسابح يحطوا لكم مروش خارجي قدام الناس ، يا دوب تغسل جسمك من مويه المسبح .

- في اسواق هناك تبيع كل شيء لادوات المسبح من عوامات وملابس سباحة
بس جدا غاليه الاسعار ..

فاحسن تكونوا مستعدين من بدري قبل السفر اشتروا اشياء السباحه حق اولادكم .

- عندهم لبس السباحة الاسلامي للحريم ، في حدود 200 رنجت اتوقع ،
المهم كل شيء هناك غالي يعني للطوارئ تشتروا منهم ..

- المكان جدا نظيف ،، دائما العمال ينظفوا المكان باستمرار .

الكلام في هذه الالعاب جدا يطوول ، اذا بحثتوا ف النت حتلاقوا تقرير يفصل كل قسم على حده ..

وياحبذا انكم بعد ماتقرأوا التقرير اللي في النت المفصل عن الحديقة هذه ،
تقرروا اش تبغوا تدخلوا من قسم ، واش الالعاب اللي تبغوا تجربوا وحطوها في نوت او ملاحظه عندكم ،

عشان صدقوني لمن تروحوا هذاك المكان من دون تخطيط مسبق حتتوهوا من كبر الملاهي
ويضيع الوقت كله وانتوا تمشوا تدوروا عن اماكن الالعاب وتستكشفوا المنطقة ..

فحتلاقوا خريطة المدينه المائية اطبعوها وسووا دائرة على الاماكن اللي مرا تبغوا تزوروها وهكذا ..

لانه هذا المكان بالذات اروع واحلى حديقة مائية شامله كل شيء ،
حتى حديقة حيوانات في اقفاص تلاقوا عندهم .


المطــاعم :

اش رايكم انا افضل اني اخلي المطاعم اللي جربتها في جزء خاص لحاله .؟!

بدل ما اني في كل تقرير اكتب عن تجربتي لكذا مطعم ..



شنطة المطبخ


وما ادراكم ما شنطة المطبخ هههههههه
<< تلاقيكم مترقبين هذا الجزء جدا بما اني كنت منزلة اول موضوع ليا بخصوصه ...


بسم الله ..

اذا راجعتوا موضوعي في هذا الخصوص ، حتلاقوا اني ماخليت شيء وكنت ابغى اشيله معايا ،
غير مدركة اني تهورت قليلا وتحمست قليلا أخرى ،،

فمن هناا يا اعزائي ، ان شاء الله تستفيدوا مني في هذه النقطه جدا جدا ..

اول شيء حكتب لكم الاشياء الضرورية اللي لاغنى عنها من نظري في السفر
في كل احوالكم عرسان عوائل :

ولكم حرية الخيار :

- غلاية الماء . الحجم الصغير طبعا
- دلة العرب للقهوة الكهربائية ( اكيد معاها البن والزعفران والهيل ..الخ )
- اكياس قمامه حجم 30 جالون .
- صحون ملاعق كاسات بلاستيك او كاسات ورق .



محتويات شنطتي وما الغرض منها :
1- غلاية ماء صغيرة جدا
انا ما افضل استخدم حق الفنادق ، تكون غير نظيفه جدا وغير معقمه من كثر الاستخدام ..
وأفادتني جدا جدا جدا
مايحتاج افصل فيها ..
2- عين كهربائية وقدر صغيرون لغلي الحليب : ( ليس بضروري ويمكن الاستغناء عنه )
انا احب اسويلي كابتشينوا كل يوم لازم اشرب لي كوب ..
<< سبحان الله في ناس مايقدروا يعيشوا يومهم بروقان الا اذا شربوا دلة القهوه العربيه حقهم ..
انا احب كابتشينو حقي ..
<< فكان هذا الشيء جميل بس ندمت اني اخذته معايا

تيب تدروا اني بعد السفر اكتشفت شيء مرا خطييير >> انا سموني ام الاكتشافات هههههه ، ،

المهم مقهورة مرررا اني ماشوفته من قبل ، ولا كان ما اشتريت العين الكهربائية
وخففت على روحي مرا كثير ....

المهم من كثر ماني زعلانه طلبته قبل كم يوم من امازون والان هوا في الطريق ليا ،
حيفيدني في أي سفره قريبه حتى لو رايحين شاليهات وكذا ..
خصوصا اني غيرت تخصص ادماني من الكابتشينو الى القهوة البيضاء . .
( على فكرة ترى القهوة البيضاء الذ واطعم مع الحليب .. )

اللي هوا سخان الحليب millk frother وميزته انه يسخن الحليب ويسويله رغوة كثيفة ،
وهو يشبه مرا غلاية المويه ، ينشبك على الكهرباء ويشتغل تقدري تخليه يسخن الحليب
ويسوي رغوه كثيفة ، وتقدري تخلي الحليب بارد مع رغوة ..

هذي صورته ..
..

هذه الصورة تم تصغيرها . الحجم الافتراضي لها هو 1300x1500.

هذه الصورة تم تصغيرها . الحجم الافتراضي لها هو 1500x1125.

نكمل المحتويات :
- قمارة التوست ( ما استفدت منها مراا كثير بس كان التوست يجنن والجبنه ذايبه منه ،
بس تعتبر ماهي ضروريه جدا )
- كاسات ورق ، درزن واحد صحون بلاستيك وملاعق بلاستيك ( مرا مفيده جدا )

- اكياس قمامه كبيره وصغيره ( صراحه اهم اهم اهم شيء اخذته هذا ،
تعرفوا كيف يسير حالكم مع القمايم في الغرفه ، فأنا ما اقعد على رحمه اللي ينظفوا الغرف ،
خلاص اول باول انظف الغرفه واربط الكيس لمن يجوا اعطيهم الكيس ..
ونقعد في نظافه وترتيب الحمد لله .. خصوصا مع حفايض رشودي هههه )

- جونتيات " glovs" – اسفنجة مواعين – فرشاه غسيل الرضاعات – فرش اسنان معجون – سكر
ستيفانا – جبنة مربعات كيري – جبنة كاسات وسط ( الجبنه اهم شي صراحه اكثر شيء استفدنا منها
هناك مع التوست ) وعرووض الجبنه عندنا ارخخص من الجبنه عندهم ..

- سكين – قشارة بطاطس ( استفدت منها في تقشير التفاح عيالي ما يحبوا القشر ،
والسكين اقطع لهم التفاح والبرتقال .. )

الكاتشب اذا كنتوا من محبين الكاتشب ، فنصيييييحه اشتروا كتشبكم من بلدكم في السوبر ماركت
النوع اللي يجي في اكياس صغيره اللي دايما تنحط في كل المطاعم ..
او ابداوا في تجميع الكتشاب من كل الوجبات اللي تطلبوها من برا وحتفيدكم هناك هههههه

لانه صراحه ماعندهم كتشب لزيز ، مفلفل سومطرا الكتشب حقهم ..
<< والله انا شلت الكاتشب من بيتنا بالصدفة يعني مدري اش اللي خلاني اشيله
ومرررا فادانا هناك هههه ..

ملاحظه مهمه : اذا كنتي ام متحمسه زي لما كنت ترى اقلك هيا ، انتي في اجازه
وماحتلاقي وقت تسوي فيه أي شيء .. يا دوب لمن تصحي من النوم تسويلك توست
او كورن فليكس للعيال وخير وبركه منك ..


اما الاكل الصحي :
من اول يوم لنا هناك قرصنا الجوع موطبيعي ، وحاولنا ناكل مشاوي ما عجبنا ولاشيء هناك ..
فاستسلمنا لماك والشله المصونه من وجبات سريعة ..


ف النهاية كل شخص حر في أيش يشيل وايش يخلي وهذا اللي كتبته ماهو الا نتاج تجربة رحلة واحدة للخارج .

بس قبل ما تحط أي شيء في شنطتك ، أسأل نفسك سؤال : هل أنا أقدر استغني عن هذا الشيء....؟؟؟؟؟؟؟؟؟
إذا كانت احابتك نعم : فهوا غير مهم وخرجه من الشنطة على طول ...




الى هنــا وكفاية لهذا الجزء :
وســــــآآمحوني إن أطلـــــت عليكم في التفاصيل ، أشياء كثيره كنت بمسحها بس من شدة
طلبكم اني اكثر تفاصيل خليتها ، فصار الموضوع طوييييل ...


​

 

[تقى احمد]

بسم الله ..

بينانغ


في صباح اليوم الخامس ، فطرنا في الفندق ، توست وكرواسان وكورن فليكس
وشاهي عدني لابو جاسم ،
وكابتشينو ليا ..
ثم سوينا شيك اوت من الفندق ، ومسكنا الخط في الساعة 10 ص
كان رفيقنا في الدرب ( قوقل ماب )

صوره لكم من الطريق المؤدي الى بينانغ

- أهنيهم الصراحة على الشوارع المرتبة والمنظمة
- بخصوص المحطات اللي على الخط : محطاتهم تجيك لافته تقولك انه المحطة قريبه بعد 1 ك مثلا ،،
- ولمن تقرب من المحطه تدخل مخرج ينزلك على المحطة وكل شيء ..
( الحين عندنا ف السعودية المحطة موجوده على الشارع مطلة على الشارع الرئيسي صح !! .. هناك عندهم المحطة لايوجد لها اطلاله ع الشارع الرئيسي يعني كل محطاتهم تدخل مخرج او منفذ ، ويوصلك للمحطة ..!! ان شاء الله وصلت المعلومة .. ) << لانه احنا فوتنا كم محطة لاننا محنا عارفين انه لازم ندخل المنفذ هذا ، لاننا متعودين المحطات تكون مطلة على الشارع .. ^^
- تيب محطاتهم : فيها حمامات نظيفة جدا ، محلات لبيع الفواكه والعصيرات بكثره في كل مكان ، بقالة مصلى ، كل شيء كل شيء مجهزة ، حتى ممكن تلاقي فنادق صغيره كمان اذا تبغا ترتاح
( مع انه مايحتاج بس للمعلومية انه حتى هذا الشيء متوفر )

- وصلنا بينانغ الحمد لله ، اتغدينا ماك

صور الوجبة

صورة اول مادخلنا بينانغ

واحنا ف الطريق للفندق

مرينا على فرع القهوة البيضاء ( coffe tree ) اصلا شوفناه بالصدفة ،
لانه هذا الموقع في قوقل ماب ماهو موجود ع الخريطة .. ،،
انا وجدت موقعهم ف الخريطة وحفظته عندي .. ولمن كنا هناك اتضح لنا انه الموقع
اللي في قوقل ماب انه مكان غلط ..

انا الحين حعطيكم الاحداثيات الصحيحه لموقع القهوة البيضاء .. في بينانغ بجوار مول الجيرني بلازا ..

https://www.google.com.sa/maps/place...0.306068?hl=ar

القهوة البيضاء :

هذه الصورة تم تصغيرها . الحجم الافتراضي لها هو 1632x1224.

قصتها معايا انه صاحب زوجي ذوقنا ظرف واحد منها ، انا صراحة دوخت من طعمها ،،
ونويت النية ان شاء الله اني حشتريلي كمية محترمة ..
المهم طعمها جميل جدا ،،
اذا كنت من عشاق الكابتشينو ،، فصدقني حتعجبك ميه ف الميه ،
اما اذا كنت من عشاق الاسبريسو والتركي والامركي ، فما اتوقع انه تعجبك ,,
لانها اقرب لطعم الكابتشينو ..
وهذا الكلام من تجربة ، لمن ذوقناها اهلنا ، فعجبت اللي يحبوا الكابتشينو .. والعكس

الزبدة : قلت لكم انها اطعم مع الحليب ..
لانه طريقتها : انه تضيف ماء حار فقط معااها .. وبالعافية ..

الكيس الواحد فيله 15 مغلف ، وكل مغلف يسويلك كوب كامل
( بس انا اسوي حليب نص الكوب الورق ونص مغلف )
عشان مايخلص عليا بسرعه ، لانه لو سويتي مغلف كامل وكاسه كامله ترى مررا كثير ودسم
وحتحسي بطنك مرا مليانه ،، فانا اشوف نص كوب جيد ..

اوك السعر :
الكيس الواحد ب 39 رنجت .
عندهم عرضين :
1- تشتري 7 اكياس + كيس واحد مجانا مع حقيبة حلوا كبيره تحطي اكياس القهوة فيها .
2- تشتري 14 كيس + 4 اكياس مجانا مع حقيبتين . ( 9 كيلو )

انواع القهوة :

شوفوا اول ماتدخلوا على طول يذوقكم كل الانواع يمكن حول 15 نوع ذوقته ..
افضل واطعم شي القهوة البيضاء السادة ، لايغركم شي كلها ماهي لزيزه ،،
نفس الطعم كلها بس اللهم نكهة خفيفه مالها دااعي صراحة اللغوصه حقهم هذي هههههه ..
فيه بالتيراميسو وبالفانيلا وبجوز الهند وبالموكا والقرفه واشياء كثيره ...

عندهم القهوة البيضاء السادة بالسكر – وبدون السكر ..

القيمة الغذائية :
في كل مغلف قهوة : نوع ابو السكر : 2 قرام سكر : يعني كانه مكعب سكر صغير حق الشاي .. مرا روعه
اما اللي من دون سكر المغلف الواحد فيله : 1 قرام كربوهيدرات ..

على فكرة القهوة صحيه طبيعية : خالية من السعرات الحرارية وخاليه من الكافيين ..

ايوا سالناهم اذا فيه توصيل للسعودية ، اعطانا الايميل حقهم ، وقال كلمونا ونشحن لكم وعلى حسب الكمية نحدد كم سعر الشحن ..

هذي ارقام التواصل معاهم ..



( اول ما الاقي الورقة حكتبها ان شاء الله )

وعندهم انواع الشوكولاته ( هوت شوكلت ) مو مرا طعمه ما اخذنا شيء منها .. برضوا تضيفي مويه وتشربيها
سعر الكيس الواحد 49 رنجت وفيله 15 مغلف ..
وشاي وعسل ما عجبنا شي .. احنا يكفي الاكياس اللي خرجناه بيها من عندهم ،،

ابو جاسم يعطيني هذيك النظرات اللي مفجوع ويطالعني اش بتسوي انتي ؟!!
<< واقوله لا تشيل هم انا حزبط الامور كلها بس سيبها عليا ..
( وانا ف قلبي اقول الله يستتر اش حسوي فين ححطها ف الشنط ..) هههههههه
طبعا احنا اخذنا العرضين ابو 14 كيس بالسكر وعرض ابو 7 اكياس بدون سكر
يعني احسبوا انتوا كم خرجت منهم ههههههههه

الاقامة لمده 6 ايام
( 4 ايام في فندق شانغريلا ساندنس
2 يومين في فندق هارد روك )​

وصلنا الفندق الحمدلله 45 دقيقه من اول مادخلنا بينانغ الى الفندق << كان يوم جدا مرهق ومتعب

الان الفندق الغني عن التعريف ، لن أطيل فيه

( فندق قاردن ساندس شانغريلا )

رابط الموقع الرسمي للفندق

طھط·ط¨ظٹظ‚ ط´ط§ظ†ط؛ط±ظٹظ„ط§ ظ„ظ„ط¬ظˆط§ظ„




اول مادخلنا قدموا لنا ضيافة عصير يجيب الكحه ،، كان مرا بارد وعصير بودرة كانه زي الـ ( تانج )
المهم جسومي على طول صار يكح ، واعطونا حلاوة مصاص للاطفال ،،
مشكورين على حسن ضيافتهم ..

كنا حاجزين غرفة بالعرض من يوكينغ غير مطلة على البحر بسعر 1300 رنجت 4 ليال .. سعر رائع ..
المطلة على البحر كانت بسعر 1900 رنجت ..

اسم الغرفة :
للإقامة الأقل - غرفة سوبيريور مزدوجة أو توأم مع إطلالة على التل ( شامل الفطور – غير قابل للاسترداد )

تفاجأنا انه الموظظفه قالت غير متوفرة ، وأعطتنا غرفة مطلة على البحر << والحمدلله انه ربي كتبها لنا ، لانه فعلا الاطلاله خورااافيه جميييله ،، لحد ياخذ اطلالة الحديقة ، لاترضوا بذلك ابدا ابدا ..

وربي كل ما افتكر الفندق اقول الحممممدلله انهم غيروا غرفتنا لجهة البحر ..


الصور للغرفة

الاطلالة الجميلة ، واستمتاع ( روقان ) جسومي ع المنظر ..

اطلالات من البلكونة :

ملاحظه مهمه للاطفال :
تعرفوا اش السر اللي خلا اطفالي وانا وابوهم مامرضنا بعد فضل الله طبعا ،، ( المكيييييييييييييييف )
انتبهوا من المكيف ، كل الفنادق اللي سكنا فيها ننام بدون مكيف
او نخلي المكيف دافيء يعني تقريبا درجة الحرارة نخليها ما بين 25- الى 30 درجة ..
انا بس اخلي المكيف شوي بارد على طوول ازكم وحلقي يلتهب ..

فلازم تحافظوا على اعتدال الجو في أي مكان تكونوا فيه ..
حتى عالم الثلج اذا بتروجوه خلوه اخر شيء زي الصنواي لاجون ..

- المهم فندق الشانغريلا صراحة باااااارد ، طول ما كنا فيه ولا اضطرينا ااننا نشغل المكيف أبدا .. نايمين وبردانين محنا عارفين من فين يجي الهواء ..
- فندق بشكل عام ، يشرح الصدر ووسيع مليء بالانشطة
- الافطار جدا ممتاز ولزيز ..
- صور فطوري لكل يوم :

افضل شيء الجباتي ( او الروتي ) هوا شيء زي الفطيرة مرا لزيز مع البيض ،
لازم كلكم تجربوه اذا روحتوا هناك
مكونات بوفيه الافطار اللي ينفع لنا كعرب :
- الكورن فليكس بكل انواعه وبجانبه فواكه مجففه
- البيض الاومليت ( رجال يسويها لك الاومليت فريش و انت تختار الاضافات اللي تحبها )
- الكيك بكل انواعه
- عصيرات صناعيه ( مانجا برتقال كيوي ماء )
- وفيه ركن رجال يسويلك عصير فريش << بس هذا الركن قريب جدا من مدخل البوفيه
وبعيد عن البوفيه << لانه في اخر يوم اكتشفناه لانه مرا ماهو حول البوفيه .
- توست كروسان
- مربى جبنة شيدر عسل زبده فول سوداني
- بان كيك ووافل
- البطاطس المقلية اللي تجي على شكل مثلث مغطى بالبقسماط ،
مدري والله اش اسمها امريكيه اصلها ...
- رز بالخضار
- بيض مسلوق
- مكائن كوفي : تسويلكم اسبريسو وكابتشينو ولاتيه
- ركن للفواكه

وفي ركن خاص للاطفال :
فواكه وكيك وسندوتشات توست وكورن فليكس ..

المسابح :

اكثر من رائعة وفي مسابح خاصه للاطفال فيها زحاليق والعاب مائية ممتعه
( الاطفال من 3 سنين لازم مع أحد كبير يدخل الزحليقة ، لان الزحليقة تصب على مسبح عميق بالنسبة لطفل 3 سنين .. )
يعني حتعيش الجو مع اطفالك في متعة في هذا الفندق .

البحر توجد امامه الكثير من الانشطة البحرية .

- اكثر شيء ممتع للاطفال هذا الفندق :
وجود ملاهي ادفانشر زوون للاطفال ( بيت القرود زي ما نسميها ) .

http://www.arabtrvl.com/up/uploads/a...1905379473.jpg


الزحاليق مرررا كبيرة ..

- عباره عن قسمين :
- قسم للاطفال اقل من 3 سننين ..
- وقسم للاطفال الكبار << انا وجسومي لعبنا في هذا القسم الكبير

قسم الاطفال اقل من 3 سنين

http://www.arabtrvl.com/up/uploads/a...1905379411.jpg


قسم الاطفال اكبر من 3 سنين مع الكبار مجانا ( انا وجاسم لعبنا في هذي الكبيره )


http://www.arabtrvl.com/up/uploads/a...1905379442.jpg



- طبعا انا اخذت هذيك الغرفة لانه يوجد معاها عرض انه كل يوم مسموح ساعتين لطفل واحد يلعب في هذه الملاهي ..
- وفعلا كل يوم ندخل جسومي وحتى انا مسموح ليا ادخل معاه العب ..
<< صراحه استمتعت انا وجسومي على الاخر رجعت كاني طفلة ، هههههه
- الملاهي جدا جدا كبيرة حتى الرجال يقدروا يدخلوا مع اولادهم
ويتزحلقوا ويعيشوا المغامره مع اولادهم .
( شيء جميل صراحة تعيش المتعة مع طفلك )
- انا شوفت الفرحة العامرة في عيون طفلي ،
وكل الاطفال اللي معانا لمن شافوني العب مع جسومي ،
صاروا ينادوا امهاتهم واباءهم انهم يدخلوا يلعبوا معاهم ..
شروط الملاهي : اكمام طويله وسروال طويل وشراب << اللي مايلبس كدا مايدخلوه ..
حتى انا ما دخلوني الا لمن لبست شراب ..

يعني اختصارا : هذا الفندق خيار مثالي للي عندهم اطفال خاصة ، واللي عرسان عامة ..



صور من داخل الادفانشر زوون

مواعيد الدخول للادفانشر : من 10ص الى 7 م
اسعار الدخول :
- لسكان الفندق : 35 رنجت للطفل والكبار مجانا
- لضيوف الفندق ( اطفال من خارج الفندق ): 45 رنجت للطفل​

كل يوم اصحى قبل الفجر بشويه اسويلي ترويقه ع الهدوء والمنظر الجميل
أجمل شيء حتى عيالي وابوهم نايميين يا سلاااااام استكنان على اصوله

تقييم اقامتي للشانغريلا

النظافة : 5/5
السرير المريح : 4/5
الافطار : 5/5
اضاءه الغرفه : 4/5
الخدمه : 5/5
الهدوء : 5/5
تقيمي هل هوا مناسب للاطفال : 5/5​

السوق الليلي :

ملاحظة مهمة قد تهمك او لاتهمك :

ما عجبني ابدا السوق ،،
السوق موقعه على طول الشارع ومليء برائخة الدخااان ( السجاير ) ورجال مرا كثير ،،
غير اللي يتفل جنبك ( وانتوا بكرامه )
وحر وتمشي في الشارع والمكان جدا ضيق ..
<< صراحة مايحوج ولا تستاهل العنوة والتعب والمشي وسطهم ..


1- السوق حتى ما دخلته بس جالسا اتفرج من بعيد ،، البضااعة تقليد كلها ،،
كلها شباشب اطفال ، وملابس وساعات وشنط ونظارات وكل شيء .. مافيله شيء مميز ....
( يعني انا ما اسافر من بلدي واقطع هذاك المشوار عشان
اشتري اشياء مالها داعي و متوفرة في بلدي اصلا ..)

احنا مشينا في هذاك الشارع عشان نبغا نروح لمطعم " فرينجي قاردن " ..
ابو جاسم قال لي يلا اجيب السيارة ، قلت له لا خلينا نتمشى والساعة كانت 5 العصر ..
ومشينا نص الخط بس وماقدرنا من القرف والسيارات والدبابات جنبنا تمشي
وانا خفت اكثر شيء على اولادي جالسين يستنشقوا التلوث هذا ،،
على طول رجعنا فندقنا واكلنا ماك ونمنا في هناء وسلام ..

وابو جاسم ما صدق استلمني : " انا قلت لك امشي بالسياره مارضيتي "
تيب انا اش يدريني انه الوضع سيء كذااا ؟؟!!!

لو فاتحين اسواقهم في حديقة كدا مرتبة وجو هاديء كان احلى واجمل ..
ع الاقل حتى لو ما اشترينا اسمها نتفرج على بضايعهم في مكان جميل ورايق ،
وقلك اننا نتمشى في سوقهم وكذا ..

يمكن عشان خلاص سرنا متعودين على جو المولات والنظافة والترتيب ،،
فاسواق الشارع خلاص ماسارت تعجبنا ..

على فكره : الفنادق في منطقة الباتو فرينجي كلها تقع على شارع واحد فقط ، وهذا الشارع به يوجد السوق الليلي وتوجد به جميع المطاعم ..

اذا انتوا مع اطفال فاركب تاكسي يوصلك للمكان او المطعم اللي تبغاه لانه شارع مرررا طويل ...
اما اذا انتوا زي العرسان لحالكم فعادي تقدروا تمشوا براحتكم .. انتوا كبار وتتحملوا كل شيء ..

ولكم حرية الاختيار أكيد ..


تحذير
( طبعا اذا مشيتوا في هذاك الشارع لاتشيل معاك شيء مهم ،، خذ فلوس على القد ..
ولاتمسك جوال في يددك كثير ،، لانك هناك عرضه سهلة للسرقة ..
فانتبه على نفسك وعلى اغراضك خصوصا اذا مشيت بقرب راكبي الدبابات ،،
ممكن يجي واحد ويسحب شنطتك ي الحرمه وتطيحي ف الارض ( لا سمح الله ) فانتبهوا على نفسكم )

مافي خطورة ان شاء بس للتذكير الحرص واجب بالذات في منطقة ف الشارع هكذا ..

الاماكن التي تمت زيارتها :

حديقة التوابل:
هذه الحديقة الوحيده اللي كانت مفتوحه من بعد هذه الحديقة كان الطريق مغلق ..
( بس لا تشيلوا هم اكيد الطريق انفتح من زمان وصلحوه كمان ، لانه في يوم عودتنا الى كوالا انفتح الطريق .. )

دخلناها وعند الاستقبال حق التذاكر ، كانت في مجموعه كبيرة جايين في جولة جماعية ،،
جلسنا نستناهم قرابة النص ساعة ،، خلاااص تعبنا من الانتظار مو راضيين يخلصوا بسرعه
وكل المجموعه عوايل صغار وكبار ،،
المهم لمن خلصوا يقولوا لنا انه مليان ناموس ولازم نرش على جسمنا دواء طارد الناموس ..
هوا قال كذا انا قلت خلاص كنسلنا ، اصلا راشد بدأ يبكي بكاء نوم وجوع وطفش ..
وانا صدع راسي من ريحه التوابل القويه اللي كانت ف الاستقبال ...
<< ابو جاسم عجبته الريحه مررا .. انا اصدع حتى من ريحة الدخان او اية روايح قوية ..

واش اللي صار ؟؟!!! بعد طول الانتظار .. رجعنا سيارتنا اكيد ،،
يا كثر المشاوير اللي كنا نقطعها ع الفاضي .. حجيكم في الحكاوي ..
عادي الوضع جدا ولاتزعلوا ولا شيء عيشوا الرحله بحلوها ومرها وخيبات املها ،، ما تأثر فينا ..
احنا جايين ننبسط ما نبغى ننكد على نفسنا ،،
ويمكن خيرة ما دخلنا ..


- حديقة الفواكه :
في يوم اخر : طبعا قلت لكم اننا مسكنا خط الطريق الخلفي لهذه الحدايق في الساعه 10 ص
( وذلك بسبب انه الطريق المؤدي لها مغلق للصيانه ) ، وصلنا الحديقة في الساعة 11 ونص تقريبا ..

طبعا اصحاب الحديقة حاطين يدهم على خدهم ، ينتظروا احد يجي ..

وفعلا دخلنا ووقفنا سيارتنا ، الا وجاء رجال و حرمه معانا يعني سرنا عايلتين بس .. وركبونا باص يدخلنا ع الحديقة ..
ولازم مرشد معانا ..

بدانا الجوله وخلصناها ، ثم يدخلونا على محل لبيع المنتجات المتنوعة اغلبها من انتاج الحديقة ، ثم على بوفيه الفواكه المجاني ..
( تختار لك فواكه وتختار لك عصير فريش يعصره لك الرجال .. )



<< المرشد يقول لنا العرب كلهم ياكلو موز وحبحب بس ، زعلان مننا شوفوه ،، ليش ماتاكلو الفواكه الثانية . ترى طعمها كمان لزيز .. !!! ههههه

روحوا جربوا شي جديد ، عيشوا لحظة جديده في حياتكم ، تروحوا تضربوا مشوار وف النهاية ماتاكلوا شيء جديد ، اجل ليش تزورا الحديقة من اصله ... !!!
اوك شوفتوا الفواكه كيف تنزرع تيب ذوقوها والله ماحيصير لكم شيء ماحتموتوا .. هههه بعد الشر بس عشان تجربوا ...

ترى عجبني طعم البابايا : طرية لونها برتقالي طعمهاا زي كانها مانجا بس حلوا يعني مافيها حموضه او لذعه زي المانجا
، وطعم فاكهة النجمة : كانها تفاح مليانه مويه ماشاء الله ،،
كنا في جو حار وقطفها الرجال لنا من الشجرة وقطعها لنا واكلناها ،،
صراحة بردت على قلوبنا بمويتها << كنا عطشانين وقتها مع الشمس .

وثمرة الكامو كامو مراا لزيزه ماشاء الله كان نفسي اشتري كميه منها : زي العنب بس اقسى شوي طعمها زي الكرز والتوت ..

المهم هذا اللي افتكرتهم بعض الفواكه اكلتها من البوفيه ونسيت اش اسمها ...
والعصيرات اذا عجبك طعم فاكهه جربي تشربيها كعصير كمان ..!
او خليه الرجال يختار لك كوكتيل على كيفه ..
ترى ابو جاسم طلب عصير على ذوق الرجال ،،
انا لمن ذوقته عجبني عصيره اكثر من حقي هههههههه ..

الحين كل واحد فيكم يبغى يروح هذه الحديقة ينوي انه يجرب كل الفواكه عندهم ،،
عشان اسمها انكم عيشتوا تجربة جميله وجديدة ..


صور البوفيه

العصير

بس انتبهوا تراه يحطلكم ملعقة كامله شيره مع العصير .. فاذا تبغى من دون سكر قله لا يحط لك



حديقة الفراشات :
- اجمل اجمل حدييقة ماشاء الله ، شيء على مستوى عالي من التطور والحضارة ،
متحف كامل متكامل من كل شيء
- يحتوي على : قسم الفراشات – مراحل تكون الفراشات – الحشرات – النمل والصراصير والديدان وكل شيء كل شيء غريب عندهم .. ( يعني هيا مو حديقة للفراشات وبس ، لااا يمكن فيها 6 اقسام )
وكل قسم صراحه مبدعيييييين في تصميمه ، اذا شفتوا بعينكم حتعرفوا اش قصدي ماني قادرا اوصفه من كثر الاشياء المبدعه اللي فيه ، حتى فيله سينما كبيرة تقعد تتفرج فيلم وثائقي قصير ،،
- << اقلكم احس اني ضعت لو فتحت المجال اني اوصف هذي الحديقة ما حخلص هالتقرير شكلي .. كلمة ابداع قليله فيها .. يعني تقريبا هوا متحف علمي اكثر شيء ، بالذات اللي تجذبهم هذي الاشياء الصغيره وكيف تتكون وكيف تعيش وكيف تتزاوج ..
- تخيلوا حتى بيت النمل المستعمرة الكبيرة تقدروا تشوفوا النمل كيف عايش جواتها
( حاطين مستمعرة كبيره للنمل قاصينها بالنص ومحطوطه وسط الزجاج )
وتشوفوا النمل يمشي ويدخل ويخرج قدامكم .. << اقلكم جسمي بدا يحكني لمن افتكرت شكل النمل اللي شوفته هههههههه


بعض الصور

السينما

ملاحظات :
- البسوا اكمام طويل وجزم مقفله عند الدخول لجميع الحدايق ماعدا حديقة الفراشات << لانها بداخل مبنى مغلق ومكيف . ) ،،
- ومهمه للنساء الطاقيه الخوص الكبيره عرفتوها ، عشان الشمس ، والنظارات الشمسية ، وحتى للرجال والاطفال ..


- متحف الالعاب :
- متحف جميل جدا للي يحبوا الالعاب والشخصيات الكرتونية ، اذا انت لست من محبين الشخصيات الكرتونيه حتحس بملل وماحيعجبك ..
- المتحف من تنفيذ هاوي لجمع هذه الالعاب . يعني عباره عن مستودع كبير جدا وحاط الالعاب وسط الزجاج
- ( احس انه يبغاله احد يتبنى عمله ويحولو الى متحف كبير ومعرض اكثر تقدم وتكنولوجيا ) عشان يشد السياح اكثر ويجذبهم اكثر من هالمستودع الممل ..
- صاحب المتحف مهندس جمع المجسمات الكبيرة للشخصيات الكبيره من هيلوود يشتريها منهم ويجيبها في متحفه ،
صراحة مجسمات مرا ضخمه كيف جابهم ماشاء الله وكم كلفة الشحن وكل شيء .. ححطلكم بعض الصور ..


انا من كبر المتحف ما اتفرجت غير ربعه وتعبت اصلا ماشد انتباهي اي شيء فيه ...
وجلست استنى ابو جاسم يخلص ..
طول ما انا جالسا في الجو الهادئ جدا < لانه ماكان فيه احد غيرنا ..
وانا بس اسمع تشيك تشيك ( صوت كاميرا ابو جاسم )
وتشيك تشيك وتشيك وتشيك << الى مالا نهايه

ابو جسومي ماخلا تمثال ما صوره

ترى الصور اللي ححطها لتماثيل كبيره جدا .. هوا يشتريها من هوليود ويشحنها ويجيبها ف المتحف ...
سبحان الله على طولة باله وصبره ..

المتحف اذا شوفتوه حتتعجبوا من كمية الالعاب المهوله اللي مجمعها عنده ...

ما اقول غير الله لايشغلنا الا في طاعته

الانشطة البحرية :
- ما سوينا شيء غير الجت سكي ( دباب البحر )
- كلامي هذا موجه للحريم تعالوا اسمعوا اش بقول لكم :
اذا رحتي ماليزيا وماجربتي دباب البحر فاتك كل عمرك ، والله انا بس جربته اقلكم سرت اترجى ابو جاسم ابغى كمان وكمان وكمان ..
- لدرجه لو يقولوا لي تعالي اركب الدباب الصحراوي العادي اللي يمشي ع الارض مجانا ، ماني راكبته وربي ولا شيء جنب دباب البحر ،، يجنننن قليله فيه ..
- اقلكم حتى الجولات حق القوارب ما ابغا اركبها والباراشوت كمان ما ابغا اركبه ،،
صراحه الجت سكي اروع شيء واكثر مغامرة واثارة وحماااس ،،
- بالله تطلعي بالبراشوت اش الحماس فيه بس تقعدي طايره ف الجو وتنزلي ، بعكس الدباب تسرعي فيه وتلفي وتفحطي كمان ههههههه يعني صدقوني لاتفوتوها على نفسسسسكم ....
- ترى والله مايخوووف انا ف البدايه خايفه بس بعدين محد قادر ينزلني منه رحت اخر شيء ف البحر ما ابغا ارجع الشاطيء ...
- طبعا اول ما طلعته قولت الاذكار والدعاء وتوكلت على الله ،، وانطلقت طبعا طول ما انا امشي وانا متخيله قرش يطلع لي فجأه من المويه ههههههه << متأثره بالافلام بس اكيد منطقه آمنه ماحيكون فيها اسماك ولا شيء ..
- النص ساعه قال لنا بـ 250 رنجت بس مع المكاسره صارت 150 رنجت و 50 رنجت تامين .
- كل الحريم هناك شايفتهم راكبين دبابات وعايشين الجوو من جد ، فلا تحرمي نفسك انك تركبي هذه المتعة والاثارة ،، ولاااا تخااافي ابدا اصلا الدباب ثقيل فوق المويه ومايخوف ولا ينقلب ..

الجولات البحريه :

كثير من اقاربنا واصحابنا قالوا لنا انها ماتحمس ومامنها فايده ياخذ بيكم لفه ويحطكم في مكان قلك انه شاطيء قرود ، المهم ما اقدر افيدكم لاني ما جربتها .. واسعارها ساعه 250 رنجت
وحتى الصيد يقولوا لنا اصحابنا : انه السمك مررررا صغير اللي تصيدوا مايستاهل الانتظار وكدا ..
فهيا تجربة حلوا للي يبغا يجربها ..

انا يكفيني الجت سكي ووبس ولاشيء حيبسطني غيره ..




الهضبة والشلالات وحديقة الطيور وملاهي ايكو سكيب مارحناها مرا تعبنا من الخط الطويل
ولازم نرجع قبل ما تغيب الشمس ،، عشان قلت لكم الخط جدا يخوف وضيق ...
جدا جدا زعلانه عليها ، بس ان شاء الله يكتبها ربي لنا تاني مرا في سفرة قادمة باذن الله من دون الاولاد ان شاء الله ..




الجزء القادم :

حكمل معاكم عن تجربتنا في فاليومين المتبقيه من بينانغ والتي قضيناها في فندق الهارد روك
و حتكلم عن اخر محطة لنا وهيا ( كوالا )


وتبقى لنا :
المولات والمطاعم : حذكرها مع بعض في الجزء الاخير من التقرير .


واعذروني ع التقصير ف الصور ،،
بسبب اني ما افضى امسك الجوال وانا وقتها اكون مشغوله مع الاولاد ..







​

 

[تقى احمد]

بسم الله نكمل جزء بينانغ :: يومين في فندق الهارد روك ::

فندق هارد روك ( 4 نجوم )



لمدة يومين بـ 1500 رنجت مع الضرايب
السعر بدون ضرايب في بوكينغ بـ 1200 رنجت

نوع الغرفة ومساحتها :
غرفة مزدوجة أو توأم مع تراس ديلوكس مطل على البحر – 54 متر مربع جدا كبيره ماشاء الله


ملاحظاتي عن الفندق :
فندق جميل ورائع وهاديء
( كنت قلقانه لاني سمعت الكثير يقول انه الموسيقى ابدا ما توقف في هذا الفندق ، بس بالعكس من الساعه ٧ م كل شي يتوقف حتى المسبح يتقفل )
بشكل عام فندق ضيق نوعا ما مقارنه بالشانغريلا اللي يفتح النفس ويشرح الصدر

كثير الاجانب والعرب قليل جدا - بعكس الشانغريلا مليان عرب ماشاء الله



بخصوص الغرفه :

اكثر سلبياتها :
• اضاءة الغرفه جدا مزعجه نوعا ما ( الانوار لونها موف - واذا تبغى تنور الغرفه تمام لازم تفتح كل الابجورات اللي ف الغرفه عشان تشوف تمام )
• السرير ضيق نوعا ما اصغر سرير نمت فيه خلال اقامتي ف ماليزيا ( طبعا احنا طالبين سرير مزدوج - لمن وصلنا اتضح انهم جايبين سريرين ابو نفر وملصقينهم مع بعض )
• ايجابياتها :
• الغرفه جدا واسعه
• يوجد ثلاجة وميني بار
• الارض مفروش موكيت ( سجاد )
• يوجد افلام كثيره جدا مخزنه في التلفزيون ( ممتعه صراحه انبسطنا اتفرجنا لنا كم فيلم )
• البلكونه جدا كبيره ( لاني اخذت غرفة مع تراس )

الحمام :
• يوجد به هوز - شطاف
• نظيف وجيد

الافطار :
• مميز جدا ومتنووع وقريب من افطار الشانغريلا
• واهم شي الروتي ( الجباتي ) موجود عندهم
• عندهم ماكينه ايسكريم في البوفيه جميله


الانشطه البحريه :
لاتوجد امام الفندق - والشاطيء صعب الوصول اليه قليلا
مو زي فندق الشانغريلا بسهوله نوصل للشاطيء

المسابح :
مسبحين
توجد منطقه لعب للاطفال ف المسبح
( للمعلوميه صور الفندق في بوكينغ تحس انه الفندق مرا كبير وضخم
بس لمن شفته ع الطبيعه جدا ضيقه المساحه جهة المسابح )


الاطفال وفندق الهارد روك :
عندهم غرفه لاحتضان الاطفال من سن ٤ سنوات
غرفه زي الحضانه بسيطه جدا فيها العاب بسيطه
مو زي الادفانشر زوون حق الشانغريلا الاكثر من رائع مقارنه مع هذه الغرفه البسيطه ،،

بس فكرتها انه تحطي اطفالك اتوقع ساعه او ساعتين وتاخذيهم ..
انا جسومي عمره ٣ سنوات مارضيوا يدخلوه

وفيه حاجه انه شرط انه الاطفال يدخلوا من دون امهاتهم واباءهم ، برضوا عكس الشانغريلا ههههه


تقييم اقامتي فيه :
النظافة : ٤/٥
السرير المريح : ٣/٥
الافطار : ٥/٥
الهدوء : ٥/٥
اضاءه الغرفه : ٢/٥
الخدمه : ٤/٥
تقيمي هل هوا مناسب للاطفال : ٣/٥
هل هوا مناسب للعرسان : 5/5


صور الغرفة والاطلالة :

البلكونه

أكثر شيء مميز في هالفندق الغرف الارضيه المطلة على المسبح ،
وفكرتها انه من البلكونه حقت الفرفه فيها درج تنزلك على المسبح على طوول ،،
يعني تصحى من نومك تلبس سروال سباحتك وتنزل المسبح من غرفتك وتطلع وتنزل زي ماتحب صراحة اروع شيء من دون ما تحتاج تخرج من غرفتك وتنزل من مصعد وتروح للمسابح وفيلم طوييل ...

هذي صورتها من النت

https://s-ec.bstatic.com/images/hote...3/84311659.jpg

بس كانوا كاتبين ملاحظه في بوكينغ للغرفه هذه انه هذه الغرفه غير مسموحه لمن لديهم اطفال تحت 12 سنه ...




بسم الله ..... نكمل تقريرنا

جزء : كــــــوالا :
الاقامه فيها لمدة ٤ ايام

خرجنا من بينانغ متوجهين الى كوالا بسيارتنا طبعا ، الطريق كان مشمس جدا في الساعة تقريبا 11 ص ، والى منتصف الخط الا ونشوف الغيوم السوداء القريبة جدا من الارض ، واحنا من شده هول المنظر ، والله اصابنا الرعب قليلا ، الين ما دخلنا وسطها ، كان الجو تحت هذه السحابة مليء بالبرق والرعد والرياح والامطار القويه .. << محنا قادرين نشوف اللي قدامنا بوضوح ،،
فكانت امامنا شاحنة كبيره تمشي بسرعه ، فكنا وراها نمشي ، فقلنا أكيد هوا عارف الخط تمام ..


هذه صور للغيوم السوداء اللي اعترضتنا ..

وماهيا الا نصف ساعه تقريبا ، ونخرج من تحت هذه السحابة السوداء . ويرجع الجو مشمس سبحان الله
<< تونا كنا بنغرق تحت سحابة شديده المطر . وفجأه مافي ولا شيء والشمس ساطعه ..
<< هكذا تقريبا هو جو ماليزيا ماتقدر تتنبأ بجوهم ،، سبحان الله ..
( دايما كونوا مستعدين المظلات والجاكيتات حق المطر تكون معاكم في كل خرجه هناك )

وصلنا كوالا الحمد لله في الساعة 5 عصرا ، كان وقت ذروة عندهم الشوارع مزدحمه جدا ..
وصلنا الفندق على خير

فندق ميترو ٣٦٠ ( 4 نجوم )


رابط الفندق في بوكينغ
https://www.booking.com/hotel/my/met...2a4a5388dea317

تعرفت على الفندق خلال بحثي في بوكينغ

السعر :
٤ ليالي ب ٨٥٠ رنجت شامل الضرايب

نوع الغرفة ومساحتها :
غرفة سوبير كوين – 18 متر مربع

شامل الافطار ( الغاء مجاني )

ملاحظاتي عن الفندق :
فندق جديد افتتح في عام ٢٠١٦ م -
قريب جدا من برج المناره ( مناره الاتصالات )
خمس دقايق مشي ع الاقدام
ومن البرجين التوام ومن شارع العرب

اختياري لهذا الفندق ايضا للتوفير ، لانه اخر الايام حتكون كلها في السوق وحنستخدم الفندق للنوم فقط

فالسعر جدا طيب والموقع جدا ممتاز قريب من كل شيء


بخصوص الغرفه :
اكثر سلبياتها :
• حجم الغرفه لابأس به ( 18 م )
• السرير ضيق نوعا ما
•
• ايجابياتها :
• الارض نصفها مفروش موكيت ( سجاد ) ونصفها رخام
• يوجد ثلاجة وميني بار
• الاضاءة ممتازه
• التكيف ممتاز

الحمام :
• يوجد به هوز - شطاف
• نظيف وجيد وكبيييير جدا

الافطار :
• بخصوص محتويات الافطار جدا قليل
• ولا انصح من يسكن في هذا الفندق ان ياخذ شامل الافطار
• محتويات الافطار للعرب :
• كروسان توست
• كورن فليكس
• بيض اومليت
• فواكه
الكوفي فقط ( اسبيرسو ) لايوجد كابتشينو
اكثر محتويات البوفيه لغير العرب
( كل يوم كنت اكل كروسان وقهوه بيضاء وجسومي كورن فليكس وحبحب )


المسبح :

مسبح واحد في الدور ٦٠ على اطلاله جميله ومرعبه في نفس الوقت

هذه الصورة تم تصغيرها . الحجم الافتراضي لها هو 1230x766.

هذه الصورة تم تصغيرها . الحجم الافتراضي لها هو 1367x426.

عند مدخل الفندق ..



تقييم اقامتي فيه :
النظافة : ٥/٥
الهدوء : ٥/٥
السرير المريح : ٤/٥
الافطار : ١/٥
اضاءه الغرفه : ٥/٥
الخدمه : ٤/٥
الموقع وقربه من الاماكن السياحيه : ٤/٥




الاماكن التي تمت زيارتها :

برج المنارة :
في صباح اليوم الثاني لنا في كوالا . في الساعة 10 ص
اخترنا زيارة برج المنارة ، وذلك بسبب انه الكثير في المنتدى نصحوا بذلك ،
( لان المنارة تعتبر اعلى من البرجين التوام )
البرجين التوام فقط يسمحوا للسواح بالوقوف في الجسر اللي بين البرجين
اما المناره فتستطيع الصعود الى قمتها ..
وقفنا سيارتنا ف الباركينق واستقبلنا احد العاملين هناك واخذنا الى الاستقبال
وجلس يقول لنا عن العروض والاسعار اللي عندهم ..
الانشطة الموجوده في المنارة :
- حديقة حيوانات مصغره
- واكواريوم مصغره
- وسباق فراري
- والعاب قيمز الكترونيه
- البيت المقلوب
- الصعود الى اعلى المنارة
- دخول المكعب الزجاجي في اعلى القمة ..

طبعا احنا استبعدنا الحيوانات لاننا رحناها في ( زوو نيقارا ) واستبعدنا ( الاكواريوم المصغرة )
لاننا نبغا نروح الاكواريوم الكبيره اللي في حديقة البرجين .
وايضا استبعدنا العاب الاليكترونية والفراري مالها داعي ورانا مشوار طويل في هذا اليوم
وما نبغا نضيع وقت ع الفاضي ..
فاستقرينا على :
- الصعود للمنارة ودخول المكعب الزجاجي والبيت المقلوب . ( طبعا كل نشاط له تذكرة دخول لحالها )
المكعب الزجاجي كانت فكرة ابو جاسم واصراره عليها رغم اني رفضتها ، << ياربي بس اتخيل المنظر يجيني رعب ..

المهم اشترينا التذاكر ، واحنا متوجهين الى المصعد .... !!

( تعرفوا اكيد المقلب اللي مستنينا وما دريت عنه الا لمن وقعنا فيه ، مدري اذا كان احد ذاكر هالموقف في احد التقارير وما انتبهت له فحقه عليا )


اللي هوا قبل ماتطلع المصعد حيقابلوك رجالين من اللي يشتغلوا في البرج يقولوا لك تعال نصورك صورة free مجانا ...!!!
انتبه وانتبه انتبه ميه مرة منهم ترى منهم مرررررا كثثير في كوالا << انا ماشفتهم منتشرين غير في كوالا ..
المهم احنا فرحانين محنا دارين شسالفة .. وقفونا على جدار اخضر وصورونا ..
وانا استفهامات في راسي ليش الجدار الاخضر هذا ..
انا ادري انه عشان الفوتوشوب بس ليش يصورونا قدام هذا الجدار ..
واعطونا ورقه عشان نستلم صورنا بيها ..


خلاص مع الحمااس طنشت السالفه وكملنا طريقنا وصعودنا الى القمة ..
المصعد جدا سريع لحظات واحنا ف القمه .. طبعا تحسوا بضغط على الاذن
( ينصح للكبار تكونوا تاكلوا لبان عشان الضغط ) والاطفال تعطيهم عصير او للرضيع رضاعته ..

ووصلنا القمه واستمتعنا بالمناظر الجميلة .. ( طبعا المكان اللي رحنا مكان مكشوف )


ونجي الان الى المكعب الزجاجي وما ادراكم ماهذا ؟!!
هووا عباره عن مكعب زجاجي شفاف فوق الهواء .. يعني لمن تطلع فيه تشوف كل شيء تحتك
ومسموح 3 دقايق لكل عائلة ..
عند هذا المكعب يوجد رجال مع كاميرته يصوركم .. اذا تبغوا طبعا ، وعند الخروج يطبعوها لكم بفلوس ويضعها في ألبوم ..
احنا دخلنا كلنا ومدري والله كيف دخلنا ابو جاسم ووجسوم مرا مبسوووطين ويجلسوا وينسدحوا ويقوموا وعايشين الحياة ...
اما انا ورشودي الله الواحد ادرى بحالتنا طبعا رشوددي اكيد مو داري اش السالفه بس يبكي من ولا شيء ههههه
وانا عيني ما نزلتها للارض ابدا ..
انا اخاف شويه من الارتفاعات بالذات لمن اطالع من مكان مرتفع احس قلبي في رجولي صار من هول المنظر ..
المهم ما اطول عليكم ،،،
دخلنا كلنا والرجال يصورنا يلعب فينا جالس ويقول لنا ارجعوا ورا وتعالوا يمين وتعالو يسار وارفعوا يداتكم . وانا حيغمى عليا ،،

عند طباعه الصور طبعا اكيد حاخذ هذه الصور ، تجربة جريئة جدا وجمييييييله ..

احنا طبعنا 5 صور ب 180 رنجت وكل صوره حطها في البوم لحال . << طبعا الرجال صورنا يمكن 9 صور ..
مو اكيد لعب فينا في المكعب لين قولنا امين ..
بس باقي يقول لنا اتشقلبوا واصوركم هههههه استغفر الله ..
واحنا نسمع كلامه عشان يخلص بسرعه ونخرج ..

اذا انتو حابين اعطوه كاميرتكم هوا يصوركم وبلاش تدفعوا شيء ..

اسيبكم مع بعض الصور

المكعب الزجاجي

هذه الصورة تم تصغيرها . الحجم الافتراضي لها هو 1123x772.

وبعدين نزلونا الدور اللي تحت بالمصعد الاطلاله المغلقة مكيفه ، واول مادخلنا جلسونا بسرعه ورا الجدار الاخضر ويلا صورة فري ، واحنا جلسنا .. وماطولنا في هذا المكان ويوجد محلات تبيع ماء وسناكات واشياء تذكارية .
واحنا خارجين يلا ادفعوا فلوس الصورة ..

نععععععم ووين اللي تقولوا فري فري وشلتونا وجلستونا وفري وتشيك تشيك ( صوت الكاميرا ) ويلا قوموا

زي اللي يدبسووكم فيها ، تخيلوا وقت مايصورونا على طول يلعبوا بالصور بالفوتوشوب ويحطوا خلفكم صور ومناظر كوالا ..

طبعا هذا الاستغلال والنصب بعينه ..!!

واحنا خارجين من المنطقة المغلقه للاطلالة ،، الرجال يعطينا الكيس وفيله الصوره وسط البوم ومعاها صورة ثري دي ، وادفعوا 160 رينجت ...
وابو جاسم يقول لهم شكرا مانبغاها .. وخلوها عندكم ..
الحرمه اللي جالسا تسوي الصور بالفوتو اعطتنا هذيك النظره الحاقدة .. ورموا الصور حقنا ..
( يعني سؤال مين اللي المفروض يعطي التاني هذي النظره انا ولا انتي !!
تخدعونا وتلبسونا الشغله على كيفكم وبعدين تزعلوا مننا اذا رفضنا )

المهم اكثر حركه تقهههر هذه الحركه في كوالا في كل مكان ..

المهم نكمل ،،

نزلنا الدور الارضي توجهنا الى البيت المقلوب ، وموقعه عند مدخل المناره ..
طبعا عند مدخل البيت المقلوب يجووكم اصحاب الـ ( تشيك تشيك ) وفري فري ..
تبغوني اقلهم انا من غير ما اطالع فيهم ثانكيووووو
ونكمل طريقنا والعبوها على غيرنا

وهذا البيت جميل ويستحق الزياره لمرة واحده فقط ، ومكثنا فيه قرابه الخمس الى 6 دقايق فقط .. مايستاهل مرا كثير
واتضح لنا انه ماهم عارفين ايش يسووا عشان يشفطوا فلوس من السياح ...

انقلبت رووسنا مع هالبيت وجانا صداع هههههه
وجسومي يقول لي : ماما كيف ننام والسرير فوق ؟؟!!

الولد مسكين مخه اتلحس وضرب من اللي شافوا !!!! ههههههههه

الصور :

وخلصنا واحنا رايحين ابو جاسم افتكر الصورة اللي صوروها لنا في البدايه واعطونا رقم عليها ..
راح لهم وقال وين الصورة قالوا ادفعوا 100 رنجت وخذها وخرج اللي في قلبه عليهم ليش تضحكوا على الناس كذا وتصوروهم ..!!!

عاد يلا انتبهوا تقعوا في مقلبهم هذا اللي قاهرني للان ...!!

وهذي صورة مكان النصب ( هذا المكان اول مكان حيقابلكم بعد ماتاخذوا تذاكركم وانتم متوجهين الى المصاعد للصعود للمنارة حيقابلوكم على طول في طريقكم ..))

تيب لو يصورونا ع الطبيعه ممكن اخذ الصور زي صورنا في المكعب الزجاجي طبيعيه ..
لااا هما يصورنا على جدار اخضر وكلها بالفوتوشوب مأخوذه ليش الكذب ، انا اجي ماليزيا عشان اخذ صورة فوتوشوب .. !!!

لو بتصوروني صوره طبيعيه ممكن افكر اخذها .. اما كذا عيني عينك ضحك ونصب ..
تعرفوا يخلوكم تحسوا انهم حطوكم في موقف المغفلين والمضحوك عليهم ..
<< عشان كذا انا للان زعلانه منهم ..

فخرجت كل اللي في قلبي هنا عشان لاتنحطوا في هالموقف ......!!




زيارة الاكواريوم :
بعد خروجنا من المنارة توجهنا الى الاكواريوم ..
وقفنا سيارتنا في موقف سيارات قريب جدا من الاكواريوم ..
ونزلنا نمشي 5 دقايق الى ان وصلنا لوجهتنا ..

عند مدخل الاكواريوم يوجد ستار بكس ، قلنا خلينا ناخذ استراحة بسيطة ناكل أي شيء عشان نقدر نكمل الرحله لليوم ... لاننا على بطوننا من افطار الفندق الخفيف ..

وفعلا طلبت انا موكا شيك ، وكيك ريد فليفت .. وابو جاسم كابتشينو ..
ولسا بقول بسم الله الا اختفت الكيكه من قدامي ..
جسومي صادرها مني ،<< انا دايما اقولك ي ابو جسومي اطلب من كل شيء اثنين ..
الله يسستر لو كبر رشودي كمان ،، شكله حيطلب من كل شيء ثلاثه ههههههههههه

مملاحظه صغيرة : الحين ليش كل الناس يحبوا ستار بكس ؟!؟!
انا عجزت الاقي اجابة لها السؤال !!
بس من وجهة نظري اتوقع ، انه اقبال الناس بشده على هذا المكان من قوة الاعلام وتأثيره علينا لهذا المكان ..!
يعني صراحة الكابتشينو حقهم اعطيه 1/5
يا الله طعمه كانه استفراغ كابتشينو ف الكوب .. << عذرا على الوصف بس من جد كذا طعمه ..
مافيله أي طعم للكابتشينو الله يكرم النعمه ..
يعني اذا محل زي كدا الكابتشينو اسهل شيء ماهو مزبوط عنده كيف باقي المنتجات لديه !!!
عجزت افهم هذا المكان اشتري منه بالسعوديه ومن هناك وكل شوي اغير طلبي لعل وعسى انه يكون الغلط مني ما اعرف اطلب ... بس النتيجة وحده .. سيء لابعد الحدود ......

المهم الحمد لله روقنا واخذنا طاقة عشان نقدر نكمل طريقنا الطويل لهذا اليوم ..

اخذنا التذاكر :
اذا ماني غلطانه كان السعر 79 للشخص البالغ
39 للطفل ..
وراشد رضيع مجانا ..

ملاحظاتي :
مكان مرتب ومنظم جدا . جميل ورائع وكل شيء حلو فيه ..
- بس عتبانه على شيء عليهم ، وهوا اني ماشوفت قرش ضخم او أي سمكه مفترسه ضخمه كلهم حجمهم عادي وصغير .. ووسط ..
- كنت اتمنى اشوف شيء ضخم كبير اقول وااااااااااو وسبحان الله عليه .. بس ما اتحققت امنيتي ومافي عندهم دلافين ولا حتى سمكه نيمو وضوري ولا فقمه .. مدري اش المميز عندهم ..
- المهم المكان جميل ويستحق المشاهدة ..
- تقيمي له 3/5

مدخل الاكواريم من الخارج

والمدخل من الداخل

بعض صور الاسماك

هذا ممر تشوفوا الاسماك تسبح فوقكم ( توقفوا على سير كهربائي يمشيكم )

هذه الصورة تم تصغيرها . الحجم الافتراضي لها هو 1280x720.

قبل الخروج تمروا على محل لشراء التذكارات والكثير من البضايع

بعد الاكواريوم تجولنا في حديقة البرجين .. وتوجهنا لمول سوريا .. ( في الجزء الاخير حتكلم عنه )

حديقة الطيور :

في صباح اليوم الثالث لنا في كوالا ، توجهنا لهذه الحديقة
بما اننا لم نتكمن من زيارتها في بينانغ لارهاقنا من طول الخط الطويل ،
أخذنا التذاكر ودخلنا وتوجلنا ف الحديقة الاكبر من كبيره ههههه مساحتها جدا واسعة ..
امممم مملة بعض الشيء تمشي وانت وحظك تشوف على يمينك ويسارك الطيور
والطاووس اكثر من رائع يا سبحان الله على خلق وابداع الله ..

هنا مكان التذاكر

هذه خريطة الحديقة كاملة ..

وفي منتصف الحديقة يوجد محلات تبيع سناكات وايسكريم

ومكان عشان الصور التذكارية مع احلى واجمل الطيور الببغاوات ..
هذي صورته

هذي الببغاوات اللي حتتصوروا معاها

مكان ماحتجلسوا عشان تتصوروا معاهم

تدخل عندهم يحطوا كل الببغاوات عليك :
عندهم عرضين :
1- يصوروك هما ويطبعوا صورتك ويحطوها في البوم ب 35 رنجت اذا ماني غلطانه ..
2- يصورك بكاميرتك الشخصيه فقط ب 15 رنجت .. ( في حال منت حاب انهم يطبعوا صورتك )

وجلسنا اخذنا استراحة اسكريم في هذا الجو المشمس ..

وكملنا طريقنا ووصلنا عند عرض الطيور وما دخلناه ، تعبنا من المشي وفينا ارهاق ..
وباقيلنا ههذا اليوم وبكرا وما اتسوقنا كثير ونبغا نلحق ع الاسواق .. خرجنا من الحديقة
تقيمي لها : 3/5

توجهنا الى التايمز سكوير ( التفصيل في الجزء القادم والاخير )
ثم الى البافليون ..



اخر وجهة لنا في كوالا ، كانت الصنواي لاجون وتكلمت عنها في جزء سيلانجور ..
دخلنا الصنواي لاجون في الساعه 11 ص وخرجنا منها الساعة 4 عصرا ، ثم توجهنا الى البيراميد حبيب القلب لنكمل تسوقنا ..

ثم رجعنا للفندق لتجهيز الشنط وترتيبها للمغادرة في صباح اليوم التالي . الى المطار ..


الجزء القادم :
حتكلم عن المولات اللي زرناها وملاحظاتي عن كل مول .
وعن جميع المطاعم اللي اكلنا فيها وتقيمي لها ..
وملاحظات اخيره بشكل عام عن الرحلة ونجاحها ..








​

 

[تقى احمد]

جزء المطــــــــاعم :


قبل ماتبدأوا معايا ، حابه اقولكم لمن كتبت المطاعم و المولات اتضح انهم حيكونوا جزء جدا كبير
ومرهق ليا في اضافة الصور للقسمين ...

فرأيت انه عشان اعطي كل جزء حقه اني افصلهم عن بعض

وحنزله في اقرب فرصه لانه تقريبا جاهز


المطاعم اللتي تمت زيارتها :
1- الطربوش مو البيراميد في سيلانجور
2- بيتزاهت في مول البيراميد
3- صاقر الهندي في الصنواي لاجون
4- مطعم بيتزا ( CUBES PIZZA ) في الصنواي لاجون بسيلانجور
5- ناندوز في التايمز سكوير في كوالا
6- مطعم 69 و 60 في برج كومتارو في بينانغ
7- Fuel shaek برجر
8- كافيه هارد روك
9- ماكدونالدز
10- كنتاكي
11- مطعم ( PIZZERIA ) فندق الهارد روك
12- كافيه ديب اند ديب Dip N dip في البيراميد في سيلانجور
13- ستار بكس
14- برجر كنج


بسم الله نبدأ :

- مطعم الطربوش في مول البيراميد في سيلانجور الدور : ( LG2 ) :


نبذه بسيطه عنه :
يعد مطعم عربي ، يقدم المشويات بكل انواعها .

سبب اختياري له :
المدح الكثير عنه في المنتدى هذا ..

الاسعار :
متوسطه الى رخيصه ..

الطلب ورأي فيه :
طلبنا شيش طااووق ليا ، وحمص وبرياني دجاج وبطاطس وسفن .

صراحة انصدمت من الطعم ، الله يكرم النعمه ،،
الشيش طاووق ماقدرت اكله فيله طعم زناخه ومافيله ريحه الشوي ، تعرفوا المشويات يكون لها طعم الشوي مبخره تجيكم ، هذا لا يمت باي صله للشوي ..
واما البرياني فصارحه كان عباره عن كبسه يضحكوا علينا اذا هذا برياني .. اكلناه من الجوع بس .. ولا انه مو قد كذا ..
الحمص ممتاز
الظاهر انه انخفض مستواه جدا ، لانه كل اللي مدحوه كانوا يقولوا انه جدا لزيز .. فاكيد تدنى مستواه ..
وللعلم روحنا له في الساعه 2 ظهرا للغداء ، وكان المطعم فاضي ، وجلسنا في المنطقة المكشوفة ،،
نبغا ناكل ونستمتع بالاطلاله على مسابح الصنواي لاجون ..
كان يوجد ثلاث طاولات جالسين فيها ناس يعسلوا ..

واثناء قدوم الاكل الا تمطر هذيك المطره القويه الشديده ،، صراحه الحمد لله جمال هذا الجو شفعلهم وماخلانا نقوم من المطعم ندور مطعم تاني ناكل فيه ..
التقييم :
2/5

الصور :

الشيش طاووق حقي

برياني دجاج لابو جاسم

موقع المطعم :
Tarbbush Restaurant


- بيتزا هت في مول البيراميد في سيلانجور : الدور LG2

نبذه بسيطه عنه :
مايحتاج اقول شيء عنه معروف للجميع ، مطعم بيتزا

سبب اختياري له :
قلنا يلا نجربه ، طفشنا من ماكدونالدز .

الاسعار :
بيتزا كبيره بـ 50 رنجت تقريبا

الطلب ورأي فيه :
طلبنا بيتزا خضار ( للمعلومية اغلب البيتزاالخضار ف ماليزيا يحطوا اناناس مع الخضار )
طعمها ابدا مو زي حق جده ،، جدا سيئة مالها طعم تحس انك تاكل بيتزا مسلوقه ههههه مافي بهارات او أي طعم جميل او ناطع ..
والعجينه امممم مو مرا وااو

التقييم :
2/5






- مطعم صاقر الهندي في الصنواي لاجون في بداية الحديقة بعد السوق :

نبذه بسيطه عنه :
مطعم هندي يقدم الاكل الهندي بانواعه ، ونظامه على بوفيه ، انت تختار اللي تبغاه والرجال يغرف لك في صحنك .

سبب اختياري له :
المدح له في هذا المنتدى

الاسعار :
متوسطه الى رخيصه ، ممتازة

الطلب ورأي فيه :
طبعا بعد ماخلص ابو جاسم وجسومي سباحه ، رحنا لصاقر نتغداء ..

طلبنا : برياني رز مع دجاج ، ايدام ، 2 سمبوسه ، بتر شيكن ، نان ، سفن
حتى البرياني حقهم كانه كبسه ، اش السالفه في ماليزيا كلها عندهم مشكله في البرياني محد يعرف يسويه شكله !!!
مو مرا لزيز
البتر شيكن الز حاجه مرا طعم ولذيذ مع العيش النان ..

التقييم :
3/5

الصور :

- مطعم البيتزا ( CUBES PIZZA ) في الصنواي لاجون امام مطعم صاقر الهندي

هذا المطعم رهييييييب انصحكم بيه بشده ، الحين ابو جسومي وجسومي جالسين يسبحوا وانا انتمشى في المكان استكشفه ، الا واشوف قدامي ثلاث كشكات : واحد يبيع بطاطس مقليه وسندوتشات برجر ، وواحد بيتزا ، والثالث ايسكريم وفشار ..

المهم عيني طاحت على البيتزا قلت يلا خليني اشتري بيتزا عشان اول مايطلعوا من المسبح حيكونوا مرا جيعانين
فقلت اسويلهم هيا مفاجأه .. ههههه

المهم فيه مقاسين كبيره وصغيرة
البيتزا حقتهم على شكل مربع وليست دائريه
الصغيرة بسعر 14 رنجت
والكبيره ب 40 رنجت

اممممم ياربي ايش اخذ ....!!
قلت يلا اعطيني الصغيره نجربها اخاف اطلب كبيره وتطلع مو لزيزه وخسرت 40 رنجت ع الفاضي ..
فخلينا ع المضمون .. ووبس طلبتها بالخضار ..
واول ماخرجوا من المسبح هجوووم ع البيتزاا وطلعت مرا لزيزه
والله ندمت وقلت ياريتني طلبت الكبيره .. هههههه
طبعا الحجم الصغير ي دوب تكفي نفر واحد يعني مرا صغيره ..

المهم هذا المطعم لاتنسووه اشتروا منه اذا قرصكم الجوع وانتوا في الالعاب المائية الصنواي ..
وله اكثر من فرع في الملاهي انا شوفت فرعين له في الالعاب مدري اذا فيه ثالث او لا ..
الفرع الثاني قريب من منطقه الـ نيكولودين ..


التقييم :
4/5


منيو المطعم :

Cubes Pizza


الصور :

فرع صنواي لاجون بجانب نيكولودين

- ناندوز في التايمز سكوير في كوالا

في ايامنا الاخيره في كوالا ، كنا نتجول في التايمز سكوير ..
وبالصدفه لقينا هالمطعم في وجهنا وقلنا يلا
نجربه ..
وفعلا طلبنا 4 اطباق
برجر دجاج – الشيش طاووق – ورز مع دجاج وخضار مشويه – سلطه سيزر
البرجر اسوء من السيء العيش قاسي وناشف و الدجاج فيله ريحه سيئة زناخه –
الرز والدجاج مايتاكل استغفر الله الله يكرم النعمه بس – اما الشيش طاووق كان جيد نوعا ما مبخر له رائحه الشواء الممتازه بس الطعم في بعض القطع ايضا فيه زناخه طعم سيء .. السيزر جيدا جدا
طبعا يقدمو لك كل انواع الصوصات المشكله في الـ الحار – والحار الوسط – الشديد الحراره – صوص الثوم – صوص الزنجبيل – صوص بالليمون واشياء كثيره ..
المهم الصوصات الحاره ( الاكسترا هوت والميديم هوت )
والله بس ذقت شي خفيف جدا جدا ، على طول جاني ضغط شديد في اذني من الحراره
انتبهوا اذا كنت مو من محبين الاشياء الحاره جدا فانتبه تنسى نفسك مع الاكسترا هوت ،
يجيب بلاوي ومشاكل ف الجهاز الهضمي .. هههههه
في البدايه حتقول مو مرا حار عادي ومفعوله يبدا بعد ثالث او رابع لقمه منه جدا خطيير انتبهوا منه هههههه

التقيم :
1/5

الصور :

برجر الدجاج

شيش طاووق لابو جاسم

سيزر سلاد

رز بالدجاج

منيو المطعم :
Our Menu | Nando's Malaysia


- مطعم 59 و 60 في برج كومتارو في بينانغ :

سبب اختياري له :
تعرفت عليه من هذا المنتدى واكثر مطعم كنت متحمسه له خصوصا انه يقع في برج عالي في الدور 59

الطلب ورأي فيه :
طبعا احنا رحنا له في فترة الظهيرة ، يعني غداء ، ففي فترة الغداء منيو محدد ، وفترة العشاء منيو مختلف عن الغداء وهكذا فترة الصباح ..
وفي كل منيو سواء صباح او غداء او عشاء لديهم منيو للاطفال . .

اوك هذا المطعم قصته شويه سيئه معانا من بدايته ..
وهوا في احد الايام لنا في بينانغ قررنا اننا نروح نتغدا فيه ، المطعم موجود في العاصمه لبينانغ
وهي ( جورج تاون ) ، يبعد من فندق قولدن الشانغريلا حوالي 35 دقيقه .. فتوكلنا على الله وذهبنا له ..
لقينا باركينغ قريب من المدخل رحنا وقفنا سيارتنا ودوخنا سبع دوخات
لين عرفنا كيف نخرج من برج المواقف ونبغا نتوجه لبرج كومتارو اللي فيه المطعم ....
طبعا كنا نسال الامن واللي يقابلنا عن الطريق ويوصفوا لنا هوا ونمشي ونضيع ..
آآآه والله تعبنا هذا اليوم طالعين نازلين نمشي ونرجع للمكان اللي كنا فيه تقريبا
اتوقع الناس اصحاب المحلات حفظونا واحنا كل شوي نرجع لهم ...
المهم هذا عشان بس وقفنا سيارتنا ف الباركينق .. اما اللي حيجي بتاكسي ..
على طول التاكسي يوقفكم عند باب البرج ...


ماعليكم بالطويله المهم ..
واخيرا وصلنا لعند باب البرج .. اول ماتدخل حتلاقي كورنر صغير مكتوب فوقه اسم المطعم ،
هما يستقبلوك ويطلعوك الين فوق الى المطعم ....
المهم وصلنا عندهم وكانت الساعه 1 ونصف ظهرا ..
قالت الموظفه : خلاص باقي نص ساعه وتنتهي فترة الغداء والعشاء تبدا من 4 او 5 عصر اذا ماني غلطانه ..
تعرفوا كيف وجوهنا صارت واحنا نطالع ف الموظفه ...!!! << لاتعليق من جد ....
ولا حق التعب اللي تعبناه لين ماوصلنالكم .. تباااا ...

المهم رجعنا وانا اقول مالت على مطعكم هههههه << معصبه تعبنا وف النهايه كذا

انتوا تدروا انه هذا اليوم كان يوم المقالب لنا من بدايته والله ..
في الصباح : كنا رايحين لحديقه الفواكه واتفاجأنا انه مقفل ..
ودخلنا حديقة التوابل وجلسنا انتظار نص ساعه وخرجنا من دون ماندخل الحديقه
وتوجهنا الى برج كومتارو وضيعنا السبع ضيعات ورجعونا من المطعم
ورجعنا الفندق اكلنا ماك ..
والعصر روحنا السوق الليلي ورجعنا من نص الخط تعبنا من المشي في الشارع وسط الزحام
واتعشينا ماك برضو

يعني من جد كان يوم معاكس لنا من كل شيء سبحان الله فجأه كذا ،،
يوم كامل راح علينا ع الفاضي ...
والحمد لله جات على كذا واننا بخير الحمدلله
<< يمكن تصادفوا ايام كذا لا تنكدوا على نفسكم ولا شيء وخير اذا راح يوم عليكم من دون شيء ..!!
انبسطوا وعيشواا الجمال اللي حولكم ..

المهم اكمل لكم عن المطعم ....

المطعم رحنا له اليوم الثاني من بدري الساعه 10 ص توجهنا له ..
والحمد لله وقفنا سيارتنا وعرفنا نوصل له بسرعه البرق هذا اليوم هههههه ،،،
واستقبلونا وطلعونا الى المطعم ..
اول مادخلنا المطعم حسينا بكتمة وحر شديد ، التكيف جدا سيء ..
الاطلاله راائعه تجنن ..<< هذا اكثر مايميز هذا المطعم
المطعم مستواه عالي جدا جدا .. حتى في تقديم الاطباق فن وتناسق وابداع ف التقديم ..
بس مو هذا المهم ،، المهم كيف الطعم ..
طبعا اعطونا المنيو ونختار صنف من المقبلات وصنف من الطبق الرئيس وصنف من الحلا ..
وبعدين بالتدريج يجيبوا لنا الاطباق .. << مدري ليش حسيتهم زي برنامج ماستر شيف اللي يجي ف التلفزيون ..
المهم جابوا المقبلات ،،،
ابو جاسم طلب سيزر سلاد ، وطلب لي شوربه طماطم ومعاها دجاجه صدور ..
السيزر سلاد : لايسمن ولايغني من جوع كان عباره عن ورقتين خس وربع صدر دجاجه
يمكن اقل من الربع كمان ،
المهم ملعقتين الا وخلص طبق ابو جاسم ويطالع في صحني جالس ...
انا طبعا كنت ف الحمام مع راشد وابو جاسم طلب طلباتي ..
المهم طبقي شوربه طماطم < عفوا قصدي شوربه كشنه طماطم ..
اقول لابو جاسم انا آخرتي اكل كشنة المكرونه اللي اسويها ف غمضة عين ..
يضحكوا علينا جالسين هذولا ...
والله صراحه سدت نفسي الشوربه اصلا جالسا اتغصبها مافدرت اكملها ..
وجسومي جابوا له توست وكب كيك و2 كوكيز

ناديناهم يشيلوا صحونهم هذي ويجيبوا الرئيسي ..
وجا الطبق الرئيسي .. لقلة الخيارات ف المنيو اختار ابو جاسم ليا وله نفس الطبق دجاجه مشويه مع بطاطس مقليه وخضار مسلوقه ع البخار ..
المهم ماهذا ياهذا .. انا الدمعه في عيني خلااص ..
نص دجاجه صغيرونه مشويه مافيها لحم حتى اش تشبع هذي ..
المهم جالسين ناكل ونبغا نبكي من الصدممه ..
الا واقول لابو جاسم اقولك كلهم يجيبوا الحساب ونبغا نخرج وخلي الحلا لهم ياكلوا .. اذا هذا اكلهم من البدايه كذا كيف اجل حلاهم ... انسدت نفسنا وخرجنا والله ..
ولا حق اللفلفه والتعب حق امس عشان خاطر هالمطعم السيء .....

بخصوص الجرسونات اللي هناك جدا سيئين ، ولا احد حولك
تقول كانهم مشغولين بس والله المطعم كان فاضي ..

التقيم :
0/5

الصور :


جلسات المطعم

سيزر سلاد لابو جاسم

كشنه الطماطم هههه

وجبه جاسم للاطفال

معليش الوجبه الرئيسية من هول الصدمة ماصورناها صراحة ...

منيو ومواعيد واسعار المطعم
TOP View Restaurant & Lounge - THE TOP Komtar Penang: Top Penang Attractions & Restaurants




- مطعم Fuel shaek برجر ( الحب )

هذا المطعم طحنا عليه فجأه ، غريبه محد اتكلم عنه في هالمنتدى ،،
كنا يوم في سوريا مول في كوالا ..
وشفت اغلب الناس في منطقه المطاعم ياكلوا من هذا المطعم ..
قلت لابو جاسم يلا نجربه ..

وطلبنا :
وجبه برجر دجاج ليا – وبرجر لحم لابو جاسم ..
ياربااااااه على هذا الطعم واخيرا اخيرا لقينا شيء لزيز احلى من ماك ،،
البرجر اعطيه 10/10 ، طعمه كانه برجر على الفحم ، لزيز وناطع وفيله طعم ذات نكهة لزيزه ...
المهم اعتمدوه وان شاء الله مايخيب ظنكم فيه ..
هوا مطعم يبيع عنده باستا وبيتزا وبرجر ..
مره من المرات طلبنا بيتزا لجسومي وانا ماذوقتها بس ابو جاسم ذاقها ويقول لزيزه ..

التقيم : 5/5


الصور :

برجر الدجاج من الداخل يمي يمي

منيو المطعم :
Your Source Of Western Food In KL | Menu | Fuel Shack







- مطعم كافيه هارد روك :

ياااااااااااااااااارباااااااااااااااااااااه على هذا المطعم الخورافي اللزيز ،
نعمه من نعم الله في ماليزيا هذا المطعم الامريكي
اللي اعجز عن وصفه ،، وربي وانا اكتب لكم جوعت اشتهيته ...
المطعم هذا اكلنا منه خلال اقامتنا في بينانغ في فندق الهارد روك ،،
واكتشفنا انه له فرع تاني في كوالا لمبور .. قريب من البافليون .. بالتاكسي تروح له مو مشي ..
موقعه في بينانغ ، المدخل حق الكافيه بجانب مدخل الفندق من الخارج تدخلوا له ، يعني ماتقدر تدخله وانت داخل الفندق .. البوابه للكافيه من الشارع ..

المهم طلبنا باستا بالكريمه لجسومي مع الدجاج < يعني فوتشيني ...
وانا برجر دجاج وابو جاسم برجر لحم ...

اقولكم قليله في حقه هذا المطعم المديح والمديح ... اسعاره مرتفعه قليلا
بس والله يستتتتااااهل ..
انتوا لمن تروحوا حتحسوا بالتعب في الاكل .. ولهذا المطعم حتتمنوا كل يوم تاكلوا فيه ...

ترى والله ما ابالغ ، يعني اكلهم زي مطاعمنا الامريكيه اللي في جده ..

التقييم : 10/10




الصور :



هذا طبق جسومي الخطيييييييييير

سامحوني مالقيت صور لبرقراتنا ابو جاسم ...




منيو المطعم :
http://d11kdcggr4h8di.cloudfront.net...ile_7003_1.pdf




- مطعم ( PIZZERIA ) فندق الهارد روك

اثناء اقامتنا في فندق الهار روك ، نزلنا ندور الكافيه حق الهارد روك ،
بس لقينا نفسنا في هذا المطعم اللي وسط المسابح ، وقلنا يلا توكلنا ع الله ونطلب ..
طلبنا بيتزا خضار – فوتوتشيني – مكرونه مكشنه بالطماطم - وصدر دجاج مشوي .. – سيزر سلاد

البيتزا العجينه رفيعه مابقينا ولا وصله الحمد لله
<< على فكره كان هذا اول اكل زي الناس بعد الوجبات السريعه ...
الفوتشيني خلصناها من الجووع وكانت مقبوله ..
وكل شي خلصناه الحمد لله على النعمه ...

التقييم : 3/5

بس من الجوع خلصنا كل شيء هوا مو مررا وااااااااو بس يلا مقبول احسن من الطربوش وغيره ..

الصور :

معليش مالقيت صورة اوضح من هذي ..



منيو المطعم :

http://d11kdcggr4h8di.cloudfront.net...a-Menu-NEW.pdf



- ماك :
غني عن التعريف يمكن اكلناه قرابة العشرين مرة << لا تعليق



- كنتاكي :
اسوء اسوء اسوء شيء على وجه الارض << الله يكرم النعمه شيء مقرف ولا تمشي من جنبه كمان ...
لو مافي غير كنتاكي في ماليزيا كلها مادخلته .. حتى لو مجانا ... ي لطيف



- كافيه ديب اند ديب :
طبعا هذا الكافيه غني عن التعريف جدا جدا ..
بس احتياطا للي مايعرفه ، هوا كافيه يبيع الكريب والبانكيك والوافل .. وعندهم شوكولاته لزيزه قليله فيها
اذا ذقتها تدوخ من طعمها الجنااااان ...
للمعلوميه : ترا طعمه في ماليزيا احلى واحلى من اللي في جده ...
اللي في جده يجيبوا لنا محروق ومايزينوا الصحن زي الناس << يمكن من الزحمممه الشديده اللي عليه عندنا

بس في ماليزيا فاضي جدا محد حوله ...
عشان كدا الطلبات يسووها لنا على روقان ..


هذا الكافيه موجود في قسم مراكش في مول البيراميد مول ..
طلبنا فوتشيني كريب
وبانكيك
ووافل ..
وكابتشينو وموكا

التقيم :
5/5

الصور :

- ستار بكس :
سيء جدا جدا واذا شوفته قدامك غير طريقك عنه مايستاهل تدخله ..

فيه غيره كافيهات احلى والز منه



التقيم :
0/5

- برجر كنج :

افضل شيء ، جدا ممتاز ولزيز ،، زي ماك ويمكن افضل من ماك

التقيم : 5/5​

الجزء القادم :

- المولات اللي زرناها كلها
- اش استفدت من هذي الرحله ..!!​

​

 

[تقى احمد]

:: جزء المولات التي تمت زيارتها ::



في سيلانجور :
1- مول البيراميد
2- مول ioi city
في بينانغ :
1- جيرني بلازا
في كوالا :
1- سوريا مول
2- التايمز سكوير
3- البافليون

التفاصيل :

١- مول البيراميد :

هذه الصورة تم تصغيرها . الحجم الافتراضي لها هو 1353x768.

مكان رائع للتسوق ، تصميمه شويه يلخبط ، بس رائع اكثر مول حبيته ف ماليزيا ،،
يمكن عشان خمس ايام متتاليه نروح له واخر يوم كمان روحنا له ❤
المحلات متنوعه فيه ( الغاليه والرخيصه والوسط )
مجموعه كبيره من المطاعم
خدمه استئجار عربيه اطفال stroller ( امام بوابه الدخول مباشره ، بجانب ستار بكس )
به صاله تزلج كبيره في الدور LG1

هذه الصورة تم تصغيرها . الحجم الافتراضي لها هو 1600x1200.

اكثر قسمين رائعين بهالمول :
١- asian avenu - الدور F
٢- مراكش - الدور LG2

( القسم الاسيوي )

في اعلى دور ( رهيب ويجنن اشتريت منه اشياء كثيره ، زي ارواب للبيت اللي تجيكي فيري سايز
مررا كيوت واشكال تجننن كثيره لازم تدوروا عليها ، سامحوني ما اعرف اش اسم المحل بس هوا محل يبيع ملابس داخليه وبيجامات للبيت ، كان عرض تشتري روبين ب ٤٩ رنجت ، المهم انا قضيت المحل كله من عنده ليا ولاخواتي هههه ) ترى القسم الاسيوي مو مرا كبير يعني حتخلصوه بسرعه ..
وكمان عندهم محل يبيع نظارات تقليد بس والله جودتها مررا ممتازه ب ١٥ رنجت ي بلاش
الكواليتي جدا ممتاز ..
اقلكم القسم الاسيوي كله ادخلوا محل محل وفتشوا في كل شي حتلاقوا اشياء مررا حلوووا كثييييييييييير
فيه محل يبيع كفرات لجوالات الايفون جدا جميله
الكفر الواحد ب 25 وتشتري اثنين 45 نسيت اصور المحل بس معروف اول ماتدخلوا القسم الاسيوي على يدك اليمين كل المحل كفرات للايفون فقط ..

فيه محل يصمم لكم اسمكم او اي شي تبغوا تكتبوا على لوحات السياره بالشكل واللون اللي تحبوا
وكدا هذا كل شيء لفت نظري عن القسم الاسيوي ..




( قسم مراكش ) الدور : LG2

اول شيء في قسم مراكش ، لازم لكل سيدة او رجل تروحوا هذا المكان الخطيييييير الرهيب ..
هو عباره عن تنظيف القدم زي البديكير والمانيكير ، بس ينظفوا لك رجلك من الجلد الميت ..
<< والله شوفوا عن تجربه ليا الحين شهرين من يوم ماسويته ولسا رجولي ناعمه نعومه
ماعمري حسيت بهالنعومه المستمرة كذا ..
يعني محلات البدي كير اللي في الصوالين يقعدوا يسولك رجلك قرابه العشر دقايق بالكثير ..
هذا المحل عندهم ادويه وكريمات عجيبه جلست تخرج جلد ميت من رجلي نص ساعه ..
لاتنفجعوا ترى رجلي جدا جدا نظيفه ومهتمه فيها اكثر شيء ،،
انا جالسا مصدوووومه طول الوقت من اللي يخرج من رجلي ...
المهم وصف المحل :
حتلاقوا محل ينظفوا الاقدام بالسمك ، هوا هذا ادخلوا عندهم وقولوا لهم ابغى علاج للقدم ..
معليش ما اني عارفه اسم المحل بس على طول حتعرفوا لانه عندهم حق السمك .. مايضيع المكان ...
السعر :
370 رنجت بعد الخصم عندهم عرض وقتها ، تقول لي كان ب 600 رنجت ..
المهم جربوه وماحتندموا ان شاء الله ..
حتى يسولك وجهك وركبك ويداتك أي منطقه تبغي تفتحيها قوليلهم يسولك علاج لها ..
الزبده ( هذا المحل اذا رجعت ماليزيا ان شاء الله حزوره باذن الله )
بس افضل انهم يسوولكم العلاج في الايام الاخيره لكم في السفر ..
انا غلطتي سويته في ايامنا الاولى بحكم وجودنا في سيلانجور ف اول الايام ..
وباقي الايام كلها مشي وتعب فتعبت رجلي من المشي .. بس لمن رجعت من السفر سويت لرجولي صنفره بسيطه واعتنيت بيها بالكريمات اترطبت وفي الحين مرا تمام ،، بس من جد رجولي فرق كبير للان اشعر به .. << لاتنسوني من دعواتكم الطيبه ..
بالذات الرجال اكيد رجولكم منتهيه ههههه لازم تجربوا هذا العلاج ..
صورت لكم صور الكريمات

- ثاني شيء محل المساج المعروف ( arokaya huose ) الدور : LG2
انا وابو جاسم سوينا فيه مساج للاقدام فقط ممتاز جدا ، لنصف ساعه فقط بـ 80 رنجت انا وابو جاسم سعر واحد يعني هوا بـ 40 وانا بـ 40 رنجت .. طبعا اتمنيت اني اسوي كل يوم مساج ،،
بس للاسف ماكل مايتمناه المرء يدركه خصوصا ومعاك بزرانك ...
<< طبعا ماححكيكم كيف تجربة المساج كانت

والاثنين حقوني ماشاء الله تبارك الله عليهم كانوا جدا هاديين .

اصلا كويس ماطردونا من المكان ...

المهم : الخطه للامهات والاباء عند المساج ، كالتالي :
واحد يمسك العيال والثاني يدخل . وهكذا بالتناوب ..
<< مدري اش اللي خلاني انا وابو جاسم ندخل مع بعض .. هههههههه

طبعا نصف ساعه اقل شيء ،، وترا نصف ساعه ماهم كاتبينها في قائمه الاسعار ،
عندهم الاسعار تبدا من ساعه الى ساعتين وهكذا ...
وعندهم غرف مقفله للنساء المتحجبات ،، يعني مجهزين لكم الجو بس تعالوا لهم .. مستنينكم ....

اما في محل اخير موجود في المول

وانتوا تمشوا حتلاقوه مدري وين مكانه بالضبط
غالي على قلبي جدا جدا ههههه اسمه miss t

حتلاقوه فيه شنط كيوت وشنط مدرسيه وكل انواع الشنط حتى شنط سفر لاغراض الحمام تلاقوها عنده ،
وفيله كمان حافظات مويه حار على اشكال كيوت وتجنن تنفع للي عندها بيبي ،
اقلكم هذا المحل روحوا عنده وسلمولي عليه ، دخلته ست سبع مرات
اصلا اول ماحتشوفوا حيأسركم من اول نظرة
<< كلامي للحريم طبعا والبنات .. حتفهومني اذا شوفتوه
كويس اني صورت كم صوره لاخواتي عشان يختاروا لهم كم شنطه هديه .. حوريكم هيا

هذه الصورة تم تصغيرها . الحجم الافتراضي لها هو 960x1280.

هذه الصورة تم تصغيرها . الحجم الافتراضي لها هو 960x1280.

سامحوني اطلت عليكم ،،
بس هذا اكثر شيء مميز وعجبني في هالمول ..

ايوا لحظه افتكرت محل مميز كمان ،،
ابو جاسم طاح عنده ، هوا محل سوبر هيرو ،، هذا المحل موجود في البافليون ،،
وموجود في البيرامييد ..
ابو جاسم اشتراله بلوزه سوده فيها علامه سوبر مان في الوسط بس لون العلامه ازرق مموج بالاسود وميزتها
مضيئة في الظلام ، يعني لو كنت في مكان مظلم تنور العلامه باللون الازرق جمييييييله مرا حبيتها
.. بسعر 150 رنجت او بـ 190 رنجت اتوقع كدا رهيييييييييييبه البلوزه صراحه ..
انا ف البدايه ماكنت متحمسه اننا نشتري من هناك ،، بس عاد اتوفق في الاختيار الجميل ،،
مستحيل تلاقي تقليد من هالبلوزه ..



سوبر ماركت كبيره جدا فيها كل شيء تبغوه في الدور LG1
هذي صورتها اتسوقنا منها مرتين تعتبر نوعا ما غاليه

انصحكم ببقاله ( سفن الفن ) ارخص شيء وحلوا متوفر فيها كل شيء ..
ويوجد في المول محلات كثيره خاصه بكراسي المساج
ومحلات كثيره خاصه لاغراض الرحلات وتسلق الجبال والسباحه

اما اللي ماعجبني في هالمول :
- ماعندهم محلات للاطفال كثيره




2- مول ioi city

هذه الصورة تم تصغيرها . الحجم الافتراضي لها هو 1288x697.

هذه الصورة تم تصغيرها . الحجم الافتراضي لها هو 1372x766.

هذه الصورة تم تصغيرها . الحجم الافتراضي لها هو 1370x771.

هذا المول توجهنا اليه بعد الانتهاء من جوله مسجد بوتراجيا ،، وذلك لقربه من منطقه بوتراجيا ..
المول رائع جدا ومرتب ومنظم ويشرح الصدر كبييير جدا وهاديء ومافيله سياح او عرب ،
ومليااااان محلات اطفال زي مذركير والتعليم المبكر وكثييره محلات للاطفال
( بالنسبة لمذركير عندهم جدا غالي أغلى من اللي في السعوديه )
وعندهم دايسو كمان << ماعجبني دايسو حقهم ابدا ..
< احنا ف السعوديه الاسعار موحده عندنا كل شيء ب 7 ريال او اقل ،
هما الاسعار متفاوته بس طبعا رخيصه تعتبر

هذي العاب مرا رهيبه للاطفال

في بينانغ :



جيرني بلازا :

هذه الصورة تم تصغيرها . الحجم الافتراضي لها هو 1368x770.

هذه الصورة تم تصغيرها . الحجم الافتراضي لها هو 1372x768.

مول جميل ومرتب ووسيع ويفتح النفس صراحه ، يوجد به جميع الماركات الرياضيه والنسائية والاطفال والماركات العالمية الفخمه الغالية ..
احنا دخلنا هذه المحلات اللي افتكرها ( تويز ار اص << ارخص من اللي ف السعوديه اشتريت هدايا منه ..
ودخلنا كروكس حق الجزم رهييييبه عروضهم ، تشتري قطعه والثانيه مجانا .. ودخلنا محلات الرياضة ، ومحل سكيتشرز غالي جدا جدا جدا عن اللي ف السعودية .
ومحل كاث كاديتسون << جميل هالمحل جمال اكيد غني عن التعريف
المهم كانوا مسوين تخفيضات 60 % وقتها
<< وجلس ابو جاسم وجسومي عند باب المحل يستنوني اخرج ماني قادره اخرج منه ههههه ..
( الكشكات اللي وسط المول جميلة بضاعتهم )
ايواا ومليان عندهم محلات نظيفه ومرتبه حق المساج والصحة ...


محل جزم جميل جدا ( وانتم بكرامه )

بامكانكم تتفرجوا على جميع المحلات من رابط الموقع .. قبل ماتروحوا المكان هذا ...


موقع المول :
Kids | Fashion | Gurney Plaza

الصراحه جدا اتمنيت اني ازور مول الكوينسيبي بس ماكان عندنا فرصه اننا نزوره ..



في كوالا :

- سوريا مول :

هذه الصورة تم تصغيرها . الحجم الافتراضي لها هو 1382x709.

مول زي أي مول تاني فيله جميع الماركات العالمية ..
اتعجبت جدا انه في احد هنا ف المنتدى كان كاتب انه مول رخيص اسعاره ..
بس العكس والله كل المول به كل الماركات العالمية واسعارهم مرتفعه ..

يعني احنا صراحه ما اشترينا شيء منهم غير محل لاكوست كان مسوي تخفيضات على الشنط ..
يعني اذا منت ناوي تشتري من الماركات وكذا لا تتعب نفسك تزور هالمول ..

انا يعجبني المول اللي يكون متنوع في اسعاره ..

رأي في هالمول : ماحبيته وحتى تصميمه مو مريح للتسوق ..

في هذاك اليوم اللي زرنا فيه هالمول في الساعة 1 ظهرا ..
نلاحظ انا وابو جاسم شيء غريب ف الناس ..
كلهم لابسين تيشيرتات صفراء اللون ..
اش السالفة ي ابو جاسم ؟؟!! وكل مالهم بيزيدوا وبيزيدوا اكثر واكثر ..
ماعلينا فيهم جلسنا اكلنا وشبعنا الحمد لله وجينا نبغا نخرج .. يا الله اش هذا المنظر
حشووود من الناس شيء مو طبيعي اول مره في حياتي اشوف الكم الهايل من البشر كذا ...
الا والله زي كانكم في الحج ..
في هذيك اللحظه انا وابو جاسم رجولنا تتصافق في بعض ،،
هههههه صراحه اترعبنا محنا عارفين كيف نرجع لموقف سيارتنا ..
وقوقل ماب حضرته يعلق في هذيك اللحظة ويا الله كيف نسوي ..
احنا خايفين على اولادنا اكثر شيء ..

يعني تخيلوا أمم وشعوب وقبائل بتدخل المول واحنا نمشي عكس الاتجاه لهم عشان نبغا نخرج
ولمن خرجنا انصدمنا من المنظر

وعلى طول وقفنا على جنب نسال الامن كيف نروح الاكواريوم
<< لانه سيارتنا جنب الاكواريوم واقفه ..
فعلى طول وصفوا لنا على نفق من داخل مول سوريا متصل بالاكواريوم ..
<< يالله على الجمال وربي اهنيهم من كل قلبي على انفاقهم الخطيره هذي ..

<< اول مره ادخل نفق لهم في ماليزيا وعن جد شيء جميل ورائع ..

كان النفق فاضي وفي غضون خمس دقايق الا ونحنا في الاكواريوم والحمد لله ع السلامه ياااارب ..
والله كان شيء مرعب الله لايوريه لاحد ..

وطلع التجمع هذا مظاهرة ضد رئيس ماليزيا ..

وهذا رابط الخبر
https://arabic.sputniknews.com/world...7%D8%B2%D9%82/


2- التايمز سكوير :

مول كبير جدا احنا رحنا اليه عشان الاوت لت ،،
المهم بعد مالفينا السوق كله اكتشفت انه مايسوى صراحة ..

احنا اصلا كنا متوجهين الى الاوت لت اللي بجانب المطار ( ميتسيو اوت لت )
وكان يبعد عن فندقنا 45 دقيقه والله مدري من الارهاق والمشاوير الطويله اتكاسلنا اننا نروح له ،،
فقلنا يلا نروح اوت لت التايمز سكوير ... وياريتنا رحنا اللى بجانب المطار يمكن يطلع احسن من هذا ..

تقريبا كله محلات عاديه تقليد ومحلات شعبيه فاتحين في المول ..
يعني البضاعه جدا رخيصه ،، لقينا جزم رياضيه تقليد اديداس ونايك ب 20 رنجت وهكذا ..
انا على بالي محلات ماركات فخمه مسوين تخفيضات ..

بس خاب ظني وما عجبنا شيء وراح علينا هذا اليوم ع الفاضي ...





3- البافليون :

هذه الصورة تم تصغيرها . الحجم الافتراضي لها هو 1200x654.

مول كبير جدا فخم فخامه ترتاح نفسيا فيه .. بس كله ماركات غاليه جدا ..
( طبعا الماركات تلاقوها هناك اغلى من اللي ف الخليج )
وفعلا فما اشتريت شيء من هناك واتمشينا ف البافليون وراح وقتنا ع الفاضي كمان ..
كنت اتمنيت اننا ندخل احد الكافيهات او المطاعم ،، بس وقتها كنا متغدين وشبعانين ..
بس ابو جاسم دخل محل السوبر هيرو اللي ف البافليون ...

الظاهر ما اتوفقنا في الاسواق بس ان شاء الله السفره الجايه حخطط للمولات بشكل دقيق عشان لا يروح وقتنا على الفاضي ....

ملاحظه مهمه :

أثناء تخطيط للسفر ..
قبل ماتقرر انك تضيف هذا المول في قائمه المولات لديك .. !!
فكر هل انت مسافر للتسوق ولا للسياحه ؟!!
اكيد الاثنين بس ايش الاغلب .. ايش اللي حاط عليه ميزانيه اكثر .. !!

تيب هل تبغى المحلات الغاليه جدا ولا الرخيصه جدا ..؟؟؟؟؟

هل تبغى تشتري فقط من الاوت لت .. !!

او عادي من أي مكان مايفرق معاك ..!!

اذا جاوبت على كل هذي الاسئله حتتضح معاك الرؤيه وتوضح الخيارات امامك ..!!
وبعدها تقرر هل هذا المول يستاهل اروح له واضيع وقتي فيه ولا لا ..

مثال على نفسي :
لانه انا اتضح لي انه انا مطلبي من التسوق فقط
( ابغى اشتري من الماركات اللي مسوين تخفيضات تستاهل يعني اوت لت محترم
( زي اللي تشتري جزمه اديداس اصليه والثانيه مجانا زي كذا حلو )

يعني الهدف من زياره المولات :

هو التسوق الذكي

يعني ما ابغا اضيع فلوسي في شيء الاقيه في بلدي ارخص من عندهم

ولا ابغى اضيع فلوسي على اشياء رخيصه جدا و مالها داعي وماحتعيش اصلا ..


فالمولات اللي ححطها لكم تحت كانت معاكسه لرغبتي في التسوق وبالتالي ضاع الوقت ع الفاضي ...

البافليون : فقط ماركات غاليه وفخمه مرتفع الاسعار .. فقط الكافيهات عليها مدح كبير في المنتدى ..
التايمز سكوير : محلات جدا رخيصه وتقليد في تقليد .. وشوفت كمان محلات للماركات الغاليه ايضا ..
سوريا مول : ماركات في ماركات الاسعار مرتفعه جدا ،، ممكن تروح له عشان المطاعم ..
مجموعه كبيره من المطاعم السريعه والامريكيه .. شوفت مطعم ( تشيلز ) عندهم كمان ..
جيرني بلازا : توجد رخيصه و ماركات اسعار مرتفعه حتى قوتشي والشله المصونه موجود ومحلات للذهب والمجوهرات .. يشبه البيراميد قليلا .. زرناه 3 مرات
البيراميد : منوع فيه الرخيص جدا والغالي اكثر مول ممتع صراحه ..

الزبده اغلب المولات ما حققت لي رغبتي في التسوق .. فبالتالي تخطيطي للتسوق كان تجربه سيئه نوعا ما .. مو عشان كدا رجعنا للسعوديه ومعانا 3 الاف من الميزانيه

يمدحوا كثير اوت لت الموجود في جوهر بهارو .. ان شاء الله الفرصه القادمه حيكون هوا وجهتي الاولى للتسوق ...

واتمنى ما اتقلسفت كثير على راسكم ،،
بس من جد اعيدوا النظر في تخطيطك لاماكن التسوق .. لاستغلال الوقت والاستمتاع بالرحله ..

:: يتبــــع :: ​

 

[تقى احمد]

:: جزء المولات التي تمت زيارتها ::



في سيلانجور :
1- مول البيراميد
2- مول ioi city
في بينانغ :
1- جيرني بلازا
في كوالا :
1- سوريا مول
2- التايمز سكوير
3- البافليون

التفاصيل :

١- مول البيراميد :

هذه الصورة تم تصغيرها . الحجم الافتراضي لها هو 1353x768.

مكان رائع للتسوق ، تصميمه شويه يلخبط ، بس رائع اكثر مول حبيته ف ماليزيا ،،
يمكن عشان خمس ايام متتاليه نروح له واخر يوم كمان روحنا له ❤
المحلات متنوعه فيه ( الغاليه والرخيصه والوسط )
مجموعه كبيره من المطاعم
خدمه استئجار عربيه اطفال stroller ( امام بوابه الدخول مباشره ، بجانب ستار بكس )
به صاله تزلج كبيره في الدور LG1

هذه الصورة تم تصغيرها . الحجم الافتراضي لها هو 1600x1200.

اكثر قسمين رائعين بهالمول :
١- asian avenu - الدور F
٢- مراكش - الدور LG2

( القسم الاسيوي )

في اعلى دور ( رهيب ويجنن اشتريت منه اشياء كثيره ، زي ارواب للبيت اللي تجيكي فيري سايز
مررا كيوت واشكال تجننن كثيره لازم تدوروا عليها ، سامحوني ما اعرف اش اسم المحل بس هوا محل يبيع ملابس داخليه وبيجامات للبيت ، كان عرض تشتري روبين ب ٤٩ رنجت ، المهم انا قضيت المحل كله من عنده ليا ولاخواتي هههه ) ترى القسم الاسيوي مو مرا كبير يعني حتخلصوه بسرعه ..
وكمان عندهم محل يبيع نظارات تقليد بس والله جودتها مررا ممتازه ب ١٥ رنجت ي بلاش
الكواليتي جدا ممتاز ..
اقلكم القسم الاسيوي كله ادخلوا محل محل وفتشوا في كل شي حتلاقوا اشياء مررا حلوووا كثييييييييييير
فيه محل يبيع كفرات لجوالات الايفون جدا جميله
الكفر الواحد ب 25 وتشتري اثنين 45 نسيت اصور المحل بس معروف اول ماتدخلوا القسم الاسيوي على يدك اليمين كل المحل كفرات للايفون فقط ..

فيه محل يصمم لكم اسمكم او اي شي تبغوا تكتبوا على لوحات السياره بالشكل واللون اللي تحبوا
وكدا هذا كل شيء لفت نظري عن القسم الاسيوي ..




( قسم مراكش ) الدور : LG2

اول شيء في قسم مراكش ، لازم لكل سيدة او رجل تروحوا هذا المكان الخطيييييير الرهيب ..
هو عباره عن تنظيف القدم زي البديكير والمانيكير ، بس ينظفوا لك رجلك من الجلد الميت ..
<< والله شوفوا عن تجربه ليا الحين شهرين من يوم ماسويته ولسا رجولي ناعمه نعومه
ماعمري حسيت بهالنعومه المستمرة كذا ..
يعني محلات البدي كير اللي في الصوالين يقعدوا يسولك رجلك قرابه العشر دقايق بالكثير ..
هذا المحل عندهم ادويه وكريمات عجيبه جلست تخرج جلد ميت من رجلي نص ساعه ..
لاتنفجعوا ترى رجلي جدا جدا نظيفه ومهتمه فيها اكثر شيء ،،
انا جالسا مصدوووومه طول الوقت من اللي يخرج من رجلي ...
المهم وصف المحل :
حتلاقوا محل ينظفوا الاقدام بالسمك ، هوا هذا ادخلوا عندهم وقولوا لهم ابغى علاج للقدم ..
معليش ما اني عارفه اسم المحل بس على طول حتعرفوا لانه عندهم حق السمك .. مايضيع المكان ...
السعر :
370 رنجت بعد الخصم عندهم عرض وقتها ، تقول لي كان ب 600 رنجت ..
المهم جربوه وماحتندموا ان شاء الله ..
حتى يسولك وجهك وركبك ويداتك أي منطقه تبغي تفتحيها قوليلهم يسولك علاج لها ..
الزبده ( هذا المحل اذا رجعت ماليزيا ان شاء الله حزوره باذن الله )
بس افضل انهم يسوولكم العلاج في الايام الاخيره لكم في السفر ..
انا غلطتي سويته في ايامنا الاولى بحكم وجودنا في سيلانجور ف اول الايام ..
وباقي الايام كلها مشي وتعب فتعبت رجلي من المشي .. بس لمن رجعت من السفر سويت لرجولي صنفره بسيطه واعتنيت بيها بالكريمات اترطبت وفي الحين مرا تمام ،، بس من جد رجولي فرق كبير للان اشعر به .. << لاتنسوني من دعواتكم الطيبه ..
بالذات الرجال اكيد رجولكم منتهيه ههههه لازم تجربوا هذا العلاج ..
صورت لكم صور الكريمات

- ثاني شيء محل المساج المعروف ( arokaya huose ) الدور : LG2
انا وابو جاسم سوينا فيه مساج للاقدام فقط ممتاز جدا ، لنصف ساعه فقط بـ 80 رنجت انا وابو جاسم سعر واحد يعني هوا بـ 40 وانا بـ 40 رنجت .. طبعا اتمنيت اني اسوي كل يوم مساج ،،
بس للاسف ماكل مايتمناه المرء يدركه خصوصا ومعاك بزرانك ...
<< طبعا ماححكيكم كيف تجربة المساج كانت

والاثنين حقوني ماشاء الله تبارك الله عليهم كانوا جدا هاديين .

اصلا كويس ماطردونا من المكان ...

المهم : الخطه للامهات والاباء عند المساج ، كالتالي :
واحد يمسك العيال والثاني يدخل . وهكذا بالتناوب ..
<< مدري اش اللي خلاني انا وابو جاسم ندخل مع بعض .. هههههههه

طبعا نصف ساعه اقل شيء ،، وترا نصف ساعه ماهم كاتبينها في قائمه الاسعار ،
عندهم الاسعار تبدا من ساعه الى ساعتين وهكذا ...
وعندهم غرف مقفله للنساء المتحجبات ،، يعني مجهزين لكم الجو بس تعالوا لهم .. مستنينكم ....

اما في محل اخير موجود في المول

وانتوا تمشوا حتلاقوه مدري وين مكانه بالضبط
غالي على قلبي جدا جدا ههههه اسمه miss t

حتلاقوه فيه شنط كيوت وشنط مدرسيه وكل انواع الشنط حتى شنط سفر لاغراض الحمام تلاقوها عنده ،
وفيله كمان حافظات مويه حار على اشكال كيوت وتجنن تنفع للي عندها بيبي ،
اقلكم هذا المحل روحوا عنده وسلمولي عليه ، دخلته ست سبع مرات
اصلا اول ماحتشوفوا حيأسركم من اول نظرة
<< كلامي للحريم طبعا والبنات .. حتفهومني اذا شوفتوه
كويس اني صورت كم صوره لاخواتي عشان يختاروا لهم كم شنطه هديه .. حوريكم هيا

هذه الصورة تم تصغيرها . الحجم الافتراضي لها هو 960x1280.

هذه الصورة تم تصغيرها . الحجم الافتراضي لها هو 960x1280.

سامحوني اطلت عليكم ،،
بس هذا اكثر شيء مميز وعجبني في هالمول ..

ايوا لحظه افتكرت محل مميز كمان ،،
ابو جاسم طاح عنده ، هوا محل سوبر هيرو ،، هذا المحل موجود في البافليون ،،
وموجود في البيرامييد ..
ابو جاسم اشتراله بلوزه سوده فيها علامه سوبر مان في الوسط بس لون العلامه ازرق مموج بالاسود وميزتها
مضيئة في الظلام ، يعني لو كنت في مكان مظلم تنور العلامه باللون الازرق جمييييييله مرا حبيتها
.. بسعر 150 رنجت او بـ 190 رنجت اتوقع كدا رهيييييييييييبه البلوزه صراحه ..
انا ف البدايه ماكنت متحمسه اننا نشتري من هناك ،، بس عاد اتوفق في الاختيار الجميل ،،
مستحيل تلاقي تقليد من هالبلوزه ..



سوبر ماركت كبيره جدا فيها كل شيء تبغوه في الدور LG1
هذي صورتها اتسوقنا منها مرتين تعتبر نوعا ما غاليه

انصحكم ببقاله ( سفن الفن ) ارخص شيء وحلوا متوفر فيها كل شيء ..
ويوجد في المول محلات كثيره خاصه بكراسي المساج
ومحلات كثيره خاصه لاغراض الرحلات وتسلق الجبال والسباحه

اما اللي ماعجبني في هالمول :
- ماعندهم محلات للاطفال كثيره




2- مول ioi city

هذه الصورة تم تصغيرها . الحجم الافتراضي لها هو 1288x697.

هذه الصورة تم تصغيرها . الحجم الافتراضي لها هو 1372x766.

هذه الصورة تم تصغيرها . الحجم الافتراضي لها هو 1370x771.

هذا المول توجهنا اليه بعد الانتهاء من جوله مسجد بوتراجيا ،، وذلك لقربه من منطقه بوتراجيا ..
المول رائع جدا ومرتب ومنظم ويشرح الصدر كبييير جدا وهاديء ومافيله سياح او عرب ،
ومليااااان محلات اطفال زي مذركير والتعليم المبكر وكثييره محلات للاطفال
( بالنسبة لمذركير عندهم جدا غالي أغلى من اللي في السعوديه )
وعندهم دايسو كمان << ماعجبني دايسو حقهم ابدا ..
< احنا ف السعوديه الاسعار موحده عندنا كل شيء ب 7 ريال او اقل ،
هما الاسعار متفاوته بس طبعا رخيصه تعتبر

هذي العاب مرا رهيبه للاطفال

في بينانغ :



جيرني بلازا :

هذه الصورة تم تصغيرها . الحجم الافتراضي لها هو 1368x770.

هذه الصورة تم تصغيرها . الحجم الافتراضي لها هو 1372x768.

مول جميل ومرتب ووسيع ويفتح النفس صراحه ، يوجد به جميع الماركات الرياضيه والنسائية والاطفال والماركات العالمية الفخمه الغالية ..
احنا دخلنا هذه المحلات اللي افتكرها ( تويز ار اص << ارخص من اللي ف السعوديه اشتريت هدايا منه ..
ودخلنا كروكس حق الجزم رهييييبه عروضهم ، تشتري قطعه والثانيه مجانا .. ودخلنا محلات الرياضة ، ومحل سكيتشرز غالي جدا جدا جدا عن اللي ف السعودية .
ومحل كاث كاديتسون << جميل هالمحل جمال اكيد غني عن التعريف
المهم كانوا مسوين تخفيضات 60 % وقتها
<< وجلس ابو جاسم وجسومي عند باب المحل يستنوني اخرج ماني قادره اخرج منه ههههه ..
( الكشكات اللي وسط المول جميلة بضاعتهم )
ايواا ومليان عندهم محلات نظيفه ومرتبه حق المساج والصحة ...


محل جزم جميل جدا ( وانتم بكرامه )

بامكانكم تتفرجوا على جميع المحلات من رابط الموقع .. قبل ماتروحوا المكان هذا ...


موقع المول :
Kids | Fashion | Gurney Plaza

الصراحه جدا اتمنيت اني ازور مول الكوينسيبي بس ماكان عندنا فرصه اننا نزوره ..



في كوالا :

- سوريا مول :

هذه الصورة تم تصغيرها . الحجم الافتراضي لها هو 1382x709.

مول زي أي مول تاني فيله جميع الماركات العالمية ..
اتعجبت جدا انه في احد هنا ف المنتدى كان كاتب انه مول رخيص اسعاره ..
بس العكس والله كل المول به كل الماركات العالمية واسعارهم مرتفعه ..

يعني احنا صراحه ما اشترينا شيء منهم غير محل لاكوست كان مسوي تخفيضات على الشنط ..
يعني اذا منت ناوي تشتري من الماركات وكذا لا تتعب نفسك تزور هالمول ..

انا يعجبني المول اللي يكون متنوع في اسعاره ..

رأي في هالمول : ماحبيته وحتى تصميمه مو مريح للتسوق ..

في هذاك اليوم اللي زرنا فيه هالمول في الساعة 1 ظهرا ..
نلاحظ انا وابو جاسم شيء غريب ف الناس ..
كلهم لابسين تيشيرتات صفراء اللون ..
اش السالفة ي ابو جاسم ؟؟!! وكل مالهم بيزيدوا وبيزيدوا اكثر واكثر ..
ماعلينا فيهم جلسنا اكلنا وشبعنا الحمد لله وجينا نبغا نخرج .. يا الله اش هذا المنظر
حشووود من الناس شيء مو طبيعي اول مره في حياتي اشوف الكم الهايل من البشر كذا ...
الا والله زي كانكم في الحج ..
في هذيك اللحظه انا وابو جاسم رجولنا تتصافق في بعض ،،
هههههه صراحه اترعبنا محنا عارفين كيف نرجع لموقف سيارتنا ..
وقوقل ماب حضرته يعلق في هذيك اللحظة ويا الله كيف نسوي ..
احنا خايفين على اولادنا اكثر شيء ..

يعني تخيلوا أمم وشعوب وقبائل بتدخل المول واحنا نمشي عكس الاتجاه لهم عشان نبغا نخرج
ولمن خرجنا انصدمنا من المنظر

وعلى طول وقفنا على جنب نسال الامن كيف نروح الاكواريوم
<< لانه سيارتنا جنب الاكواريوم واقفه ..
فعلى طول وصفوا لنا على نفق من داخل مول سوريا متصل بالاكواريوم ..
<< يالله على الجمال وربي اهنيهم من كل قلبي على انفاقهم الخطيره هذي ..

<< اول مره ادخل نفق لهم في ماليزيا وعن جد شيء جميل ورائع ..

كان النفق فاضي وفي غضون خمس دقايق الا ونحنا في الاكواريوم والحمد لله ع السلامه ياااارب ..
والله كان شيء مرعب الله لايوريه لاحد ..

وطلع التجمع هذا مظاهرة ضد رئيس ماليزيا ..

وهذا رابط الخبر
https://arabic.sputniknews.com/world...7%D8%B2%D9%82/


2- التايمز سكوير :

مول كبير جدا احنا رحنا اليه عشان الاوت لت ،،
المهم بعد مالفينا السوق كله اكتشفت انه مايسوى صراحة ..

احنا اصلا كنا متوجهين الى الاوت لت اللي بجانب المطار ( ميتسيو اوت لت )
وكان يبعد عن فندقنا 45 دقيقه والله مدري من الارهاق والمشاوير الطويله اتكاسلنا اننا نروح له ،،
فقلنا يلا نروح اوت لت التايمز سكوير ... وياريتنا رحنا اللى بجانب المطار يمكن يطلع احسن من هذا ..

تقريبا كله محلات عاديه تقليد ومحلات شعبيه فاتحين في المول ..
يعني البضاعه جدا رخيصه ،، لقينا جزم رياضيه تقليد اديداس ونايك ب 20 رنجت وهكذا ..
انا على بالي محلات ماركات فخمه مسوين تخفيضات ..

بس خاب ظني وما عجبنا شيء وراح علينا هذا اليوم ع الفاضي ...





3- البافليون :

هذه الصورة تم تصغيرها . الحجم الافتراضي لها هو 1200x654.

مول كبير جدا فخم فخامه ترتاح نفسيا فيه .. بس كله ماركات غاليه جدا ..
( طبعا الماركات تلاقوها هناك اغلى من اللي ف الخليج )
وفعلا فما اشتريت شيء من هناك واتمشينا ف البافليون وراح وقتنا ع الفاضي كمان ..
كنت اتمنيت اننا ندخل احد الكافيهات او المطاعم ،، بس وقتها كنا متغدين وشبعانين ..
بس ابو جاسم دخل محل السوبر هيرو اللي ف البافليون ...

الظاهر ما اتوفقنا في الاسواق بس ان شاء الله السفره الجايه حخطط للمولات بشكل دقيق عشان لا يروح وقتنا على الفاضي ....

ملاحظه مهمه :

أثناء تخطيط للسفر ..
قبل ماتقرر انك تضيف هذا المول في قائمه المولات لديك .. !!
فكر هل انت مسافر للتسوق ولا للسياحه ؟!!
اكيد الاثنين بس ايش الاغلب .. ايش اللي حاط عليه ميزانيه اكثر .. !!

تيب هل تبغى المحلات الغاليه جدا ولا الرخيصه جدا ..؟؟؟؟؟

هل تبغى تشتري فقط من الاوت لت .. !!

او عادي من أي مكان مايفرق معاك ..!!

اذا جاوبت على كل هذي الاسئله حتتضح معاك الرؤيه وتوضح الخيارات امامك ..!!
وبعدها تقرر هل هذا المول يستاهل اروح له واضيع وقتي فيه ولا لا ..

مثال على نفسي :
لانه انا اتضح لي انه انا مطلبي من التسوق فقط
( ابغى اشتري من الماركات اللي مسوين تخفيضات تستاهل يعني اوت لت محترم
( زي اللي تشتري جزمه اديداس اصليه والثانيه مجانا زي كذا حلو )

يعني الهدف من زياره المولات :

هو التسوق الذكي

يعني ما ابغا اضيع فلوسي في شيء الاقيه في بلدي ارخص من عندهم

ولا ابغى اضيع فلوسي على اشياء رخيصه جدا و مالها داعي وماحتعيش اصلا ..


فالمولات اللي ححطها لكم تحت كانت معاكسه لرغبتي في التسوق وبالتالي ضاع الوقت ع الفاضي ...

البافليون : فقط ماركات غاليه وفخمه مرتفع الاسعار .. فقط الكافيهات عليها مدح كبير في المنتدى ..
التايمز سكوير : محلات جدا رخيصه وتقليد في تقليد .. وشوفت كمان محلات للماركات الغاليه ايضا ..
سوريا مول : ماركات في ماركات الاسعار مرتفعه جدا ،، ممكن تروح له عشان المطاعم ..
مجموعه كبيره من المطاعم السريعه والامريكيه .. شوفت مطعم ( تشيلز ) عندهم كمان ..
جيرني بلازا : توجد رخيصه و ماركات اسعار مرتفعه حتى قوتشي والشله المصونه موجود ومحلات للذهب والمجوهرات .. يشبه البيراميد قليلا .. زرناه 3 مرات
البيراميد : منوع فيه الرخيص جدا والغالي اكثر مول ممتع صراحه ..

الزبده اغلب المولات ما حققت لي رغبتي في التسوق .. فبالتالي تخطيطي للتسوق كان تجربه سيئه نوعا ما .. مو عشان كدا رجعنا للسعوديه ومعانا 3 الاف من الميزانيه

يمدحوا كثير اوت لت الموجود في جوهر بهارو .. ان شاء الله الفرصه القادمه حيكون هوا وجهتي الاولى للتسوق ...

واتمنى ما اتقلسفت كثير على راسكم ،،
بس من جد اعيدوا النظر في تخطيطك لاماكن التسوق .. لاستغلال الوقت والاستمتاع بالرحله ..

:: يتبــــع ::​

 

[تقى احمد]

هذا الجزء تقريبا تجميع لاغلب الملاحظات التي ذكرتها في التقرير .. ولكن بشيء من التفصيل :::

اش استفدت من هدي الرحله

١- الشنط ثم الشنط ثم الشنط ، كل ماكنت خفيف ف السفر كل ما ارتحت اكثر واكثر واكثثثثر ..
<< روح خفيف وارجع ثقيل افضل من انك تروح ثقيل وترجع اثقل ��

شنط الطياره :
ي اما شنطه للظهر او الشنطه السبورت ابو عجلات + شنطه كروس للاوراق المهمه

الصور للتوضيح :

شنطه العجلات الحجم الصغير ( لعائله صغيره او وسط )

شنطه الظهر واحده ( لعدد شخصين الى ثلاثه )

٢- فايده واهميه العلب الميني للاغراض الشخصيه ( لاتستهونوا فيها )
<< زي الشامبو ولوشن الجسم او كريم اليد اواي شي يمكن ان تضعه في علب صغيره
مخصصه للسفر مع مراعاه الكميه مع عدد الايام ،،

انا كل العلب الكبيره اللي معايا رميتها في الفندق في رحله العوده ،
حتحتاج لاصغر مكان في الشنط عشان تحط فيهاغراض ..


الصور للتوضيح :

هذه الصورة تم تصغيرها . الحجم الافتراضي لها هو 1000x1000.

٣- عربيه اليويو للاطفال ( yoyozen ) او تقليدها اهم شيء تؤدي نفس الغرض خفيفه وتتطبق وتستطيع حملها فيالطائره

الصوره للتوضيح :

هذه الصورة تم تصغيرها . الحجم الافتراضي لها هو 914x1189.

٤- مخده الرقبه للطائره فيه انواع كثيره خفيفه وتتطبق وتصير مرا صغيره
وتدخل الشنطه في امازون ابحثوا عنها

ومخده الرقبه اللي تتنفخ بالهواء موجوده في دكان افكاري ابحثوا في قوقل عن موقعهم ،،
<< فكرتها تنفخها هواء عندالحاجه وتفرغ منها الهواء عند عدم الحاجه لها ،،


الصور للتوضيح :


المخده الهوائية :

مخده نوع ثاني

هذه الصورة تم تصغيرها . الحجم الافتراضي لها هو 1500x1500.

٥- تجنب الاماكن البارده والسباحه في الالعاب المائيه المفتوحه
في اول ايام الرحله للوقايه من الامراض المفاجئه



٦- الحذر كل الحذر من النوم في مكيفات الفنادق البارده للوقايه من الامراض ،
واللي بدورها حتسبب في تعكير مسارالرحله لجميع الافراد



٧- شراء المظلات في اول الايام في ماليزيا ، واحرص على المظلات الصغيره الحجم
اللي تدخل في شنطه اليد لتجنبحمل المظلات الكبيره والمرهقه
لك اثناء تنقلاتك ف الاسواق او في السياره او في الملاهي و و و ...



الصور للتوضيح :

٨- عند زياره الحدايق يجب مراعاه لبس القبعات للوقايه من اشعه الشمس
ولبس الاكمام الطويله والاحذيه المغلقةوالسراويل الطويله وذلك تجنبا للسع الباعوض
او النمل او الحشرات الموجود بكثره في الحدايق ،،،



٩- الادويه : شراء بخاخ طارد الناموس من اي صيدليه في مدينتك ،
ومرهم او كريم لعلاج لسعات الباعوض مهم جداللاطفال اكثر من الكبار ..

ادويه خافضه للحراره مهمه للكبار والصغار ( فيفادول - ادول - بنادول )

لصقات جروح - مسحات طبيه - دواء استيربسون لعلاج التهاب الحلق - مضاد حيوي لالتهابات الحلق والتنفسيه )

<< يفضل التطعيم للاطفال والكبار قبل الرحله بكم يوم ضد الانفلونزا ( الدكتور نصحني بهذي الحركه )


١٠- شنطه ادوات المطبخ مستقبلا :

حاخذ معايا فقط :
( غلايه ماء - سخان التوست - غلايه الحليب - كاسات الورق واكياس القمامه - اسفنجه لغسل الغلايه - جونتيات ) ولاداعي لاكثر من ذلك
جميع التموينات متوفره هناك في كل مكان من اجبان وحليب وتوست وكل شيء

الصور للاجهزه الخاصه فيني للتوضيح :
( غلايه ماء صغيره - سخان للتوست - غلايه الحليب )

١١- واجهتني اكبر عائق : وهو غسيل الملابس
.. الفنادق كلها بدون غسالات
وفرحت انه القولدن شانغريلا في بينانغ لديهم غساله ونشافه ،،
لانه انا غسلت ملابسنا كلها ف الغرفه وفقط استعملت نشافه الفندق ..
ويا فرحه ماتمت
جلست الملابس ف النشافه ٤٠ دقيقه وخرجت مبلوله بالماء مانشفت الملابس تمام ..

فانصح وبشده الشقق الفندقيه التي تحتوي على غساله ملابس ،، وذلك اولا لضمان نظافة الغسيل
< يعني انتي تغسلي ملابسك بنفسك ،،
في المغاسل الخارجية ماتدري المويه نظيفه ولا وسخه وتختلط مع ملابس الناس ..

١٢- شراء حقيبه اضافيه لمشترواتك :
تتطبق وتصير بحجم صغير تحطها في شنط السفر وذلك للاحتياط في حال احتجت شنطه زياده تحط فيها مشترواتك


١٣- شنطه صغيره خاصه لحفظ الاسلاك والشواحن والشاحن المتنقل واي جهاز اليكتروني او يو اس بي ...
لانه عند الانتقال من فندق الى اخر ،، تحتاس وتدور على الاسلاك والشواحن اين وضعتها ،، << هذا اللي صار معانا،، فاذا كل شي له مكان مخصص ومنظم ومرتب حتسهل على نفسك سفرتك ..

هذه الصورة تم تصغيرها . الحجم الافتراضي لها هو 1500x1280.

١٤- ( لا ريجيم مع السفر ولا سفر مع الريجيم ) اكثر قاعده انحفرت في دماغي واستسلمت لها ..

١٥- خيار استئجار السياره اريح وافضل خيار اذا اتاحت لك الفرصه لا تفوتها ،،
حتى اذا رجعت ماليزيا ان شاء الله تاني بدون اولادي ربي يحفظهم حنستأجر سياره ان شاء الله
وين ما نكون .. حتى لو عندنا تنقلات كثيره بين المدن ،،
في كل مكان نروح له نقدر نستاجر سياره في هالمكان ..

على فكره : ي العرسان تقدروا تستأجروا دباب ابو عجلتين وتعيشووا الجوو ع الاخر بدل السياره ��
جميله التجربه جربوها ، اعرف كثير من اللي راحوا ماليزيا سووها ،، خصوصا انه ماليزيا كلهاا دبابات ،،
يعني جداالوضع عادي ��
بس طبعا اذا كنت تعرف تسوق استاجر ،، مو بعدين يصير فيكم شيء وتدعوا عليا ��
اذا ماتعرف تسوق مررا ، في الدبابات السهله واللي تجيك سرعتها وسط امنه جدا ...


١٥- احذر احذر من النصب ، خاصه اذا شافوك انك خليجي يتربصوا بك ، لاتغتر بمساعده اي احد لك ،
مافي شي ببلاش هناك ، بيساعدك وبعدين بيقول لك ادفع فلوس مساعدتي لك وبعدين
اتورطت ي تدفع ي الله يستر عليك لايحقدواعليك ،،

موقف حصل لنا في مول البيراميد :
جاء رجل الينا ومعاه ورقه عاديه جدا بحجم جواز السفر فيها صور اطفال يبكوا وكاتب بخط اليد عليها
( تبرع لاطفال فقراء ماليزيا )
ولمن يفتح الورقه لنا موجود جدول تكتب اسمك ومبلغ التبرع اللي تبغا تتبرع بيه ،
المهم يقول يلا اتبرعوا ،، قلت يلاي ابو جاسم اعطيه ١٠ رنجت قال لا لازم ١٠٠ رنجت وفوق ،،
<< والله استغربت ليش يتشرط في المبلغ !!! ،،

عاد هنا وقتها شكيت ف الموضوع وقلت خلاص ي ابو جاسم امشي وسيبك منه ينصب علينا جالس ..

ومكتوب ف الجدول انه واحد اتبرع بمبلغ ١٠٠٠٠ عشره الاف رنجت
<< الله اعلم بس الوضع يدعوا للريبه والشك ..

المهم باين انهم عصابه متسولين يركزوا على العرب ،،
لانه والله لو تشوفوا الورقه كيف حالتها حاله ومكتوبه بخط اليد بالعربي
يعني افهموا مستهدفين العرب فقط ،،

فانتبه كل الانتباه وكن حذر من كل شخص يكلمك ،،
حتى لو شخص قالك تعال ساعديني ،،
ولا قال لك وين هذا المكان ما اعرفه او اي شيء ،،
مالك شغل في احد خليك مع نفسك ووبس والله خير حاافظا ان شاء الله ،،،


١٦- الساعه ٨ المفروض تكونوا ف الفندق نايمين ، لانه لو صارت الساعه ١١ الليل هذا الوقت جدا خطر التجول فيه
يعني السكارى اعوذ بالله يتمشوا ومناظر تشوفها لاحول ولا قوه الا بالله ،،
احنا والله يوم لنا في كوالا في الساعه ٧ المغرب شوفناا رجال مسوي نفسه حرمه
<< اول مره اشوفهم ع الطبيعه

وربي جسمي قشعرني يتمشوا في البارات يالطيف رحمتكي رب ،،
ومره في السوق الصيني ف العصر برضوا يتمشوا قدامنا
زي كذا تشوفوا مناظر انتوا في غنى انكم تلوثوا بصركم بهالمناظر ،،
انا في كوالا شوفتهم اكثر شيء ..
وهذا سبب من الاسباب اني ماحبيت كوالا كثير ،،

وما نقول غير الحمد لله الذي عافانا مما ابتلى به كثير من خلقه وفضلنا عليهم تفضيلا
<< لاتنسوا هاالدعاء اذا شوفت احد هذه الاشكال ..

بخصوص وجبات الاطفال مع السفر :

لاتشيلوا هم اكل الاطفال ، ماليزيا بلد الفواكه ، في كل كل كل كل مكان تلاقوا كشكات فواكه مقطعه مجهزة للاكل وبارخص شيء ..
محلات العصيرات الطبيعيه في كل مول تلاقوهم حتى في المطار موجود ..

فاللي صار مع رشودي ، كل يوم واحنا في نتمشى في كل مكان وجبات رشودي تكون فواكه وعصيرات طبيعيه ،،
كنت اخذ له مانجا مقطعه وبابايا و حبحب احمر واحيانا اصفر ، وتوت اسود .. وموزه
<< خصوصا في عمر طفلي مريحين في الاكل ، مستعدين ياكلوا أي شيء .. ماشاء الله تبارك الله ،
بعكس جاسم 4 سنين صعب ارضاءهم في الاكل ..

ي امهاتي عزيزاتي : لاتفكري تشيلي سيرلاك ومدري ايش ..!!
عودي اطفالك على فواكه الطبيعه الاكل الصحي ..

انا صراحه اكثر شيء كنت شايله همه في السفر ( كيف حسوي مع راشد في أكله ..!!؟؟ )
بس من جد كنت مبسووطه هناك اكثر شيء الحمد لله من ناحيه اكل راشد ..
طبعا هذا من جانب الاكل ..

اما من جانب رضاعه الحليب .. فانصح كل ام تاخذ معاها الحليب الصناعي المخصص لطفلها ..
يعني انا رحت هناك 15 يوم فالكميه كانت علبتين ابو ( 800 قرام ) .. كفتنا وزادت كمان ..
والحفايض كنت شايله كيس كامل الحجم العائلي لبيبي جوي ..
المهم كفتني في كل الايام الا اليومين الاخيره خلصت عليا واشتريت من بقاله سفن الفن ..


بخصوص نوع الحليب الساده اللي كنت اشتري منه :
هذي صورته

هذه الصورة تم تصغيرها . الحجم الافتراضي لها هو 1600x1081.

صراحه انا يمكن فراسه مني هههههه
ويمكن حظي حلو .. طاحت عيني عليه عجبني شكله وحسيته لزيز من غير ما اذوقه ..
وفعلا اتوفقت في هالنوع من الحليب .. رائع جدا طعمه قريب من حليب السعوديه بس احلى شوي .
وجسوومي عاد طاح في حليب الشوكولاته برضوا من هذا النوع ..





:: اما بخصوص تقيمي للرحلة ::

( اشكر اختي بيبي فيس انها سالتني عن تقيم الرحله .. واتعجبت من نفسي اني نسيت اكتب تقيم رحلتي ..!! )



تحت هكتب لكم الاماكن الي كنت مخططه نروح اليها ..

الأماكان المخطط لها للزيارة :

سيلانجور ( 5 أيام ) :

1-منتزه الما ينز وندرلاند

السبب : ( ارتفاع حراره الاولاد في اول يوم فلم نرهقهم )
2- الاي ستي
3- مسجد بتروجايا
4- ملاهي ديسا ووتر بارك

السبب : ( تم الغاءها بسبب الخوف على الاولاد من المرض واكتفينا فقط بالصنواي لاجون )
5- كيدزانيا الاطفال

السبب : ( مرض الاولاد ايضا جعلنا ايامنا الاولى راحه للاولاد)
6- حديقة الحيوانات زوو نيقارا
7- صنواي لاجون
8- مطعم الطربوش في البيراميد
9- مطعم صاقر الهندي في صنواي لاجون
10- سينما في مول البيراميد

السبب : ( نفسي والله في حياتي ادخل سينما لانه ف السعوديه ماعندنا .. فاللي معاه اطفال اقل من 3 سنين ينسى شيء اسمه سينما .. )


بينانغ ( 6 ايام ) :

1- بيت القهوه ( coffe tree )
2- هضبة بينانغ

( لم يسعفنا الوقت )
3- الحدايق ( الفراشات والفواكه)
والتوابل والطيور والشلالات

السبب ( لم يسعفنا الوقت لتكملة هذه الحدايق بسبب اغلاق الطريق .. ويجب علينا العوده للفندق قبل حلول الظلام )
4- ملاهي ايكو سكيب

السبب( هذا المكان اكثر مكان كنت متحمسه له في بينانغ ، لم نستطع زيارته لسسب اغلاق الطريق ولانه يحتاج تخصيص نصف يوم له ، ولم يسعفنا الوقت لضروره العوده للفندق قبل الظلام )
5- مطعم منارة كومتارو في جورج تاون
6- مول جيرني بلازا
7- مول كوينسبي

السبب ( لبعده عن الفندق تقريبا 45 دقيقه عن شاطيء الباتو فرينجي )
8- تناول العشاء على مطعم ع البحر

( uncle zack )
السبب ( لم يسعفنا الوقت لزيارته )
9- الانشطة البحرية
10 - متحف الالعاب
11- السوق الليلي
12- رحلة بالقارب للشواء والصيد الى جزيره القرود

.( قلت لكم يكفيني ركوب الجت سكي ههههه )
13- كافيه هارد روك

كوالا ( 4 ايام ) :

1- زيارة البرجين

.( اكتفينا بزياره المنارة والاستمتاع بالاطلاه الاعلى والافضل من برج التوامين )
2- زيارة المنارة برج الاتصالات .
3- الاكواريوم .
4- مجمع سوريا والبافليون
5- الاوت لت التايمز سكوير .
6- مطعم ناندوز
7- اوت لت ميتسيو بجانب المطار

( ذكرت السبب وهو من الارهاق لبعد المسافة عن الفندق . )
8- جنتنغ وركوب التلفريك .

( الوقت لم يسمح لنا . ضيعنا يومين في التسوق .. لو اننا رحنا التفلريك كان احسن )
9- السوق الصيني .

( السبب من بعد ما شفت السوق الليلي في بينانغ اترددت اني اروح للسوق الصيني في كوالا .. )


التقييم العام لنجاح الرحله بالنسبه لنا : 7/10
التقييم بالنسبه لاتمام زيارة الاماكن المخطط لها : 5/10
هل حرجع ازور ماليزيا مره اخرى :
نعم ولكن لن اذهب لنفس المدن اللي سبق وزرتها حتى لو ما خلصت كل الاماكن اللي فيها ..


انطباعي عن الرحله :

الحمد لله انه انعم علينا بهذه النعمه اننا سافرنا لهذا المكان ..
اللي اعتبره جنه من جنان الله ف الارض ..

بما انها اول مره ليا اسافر .. حابه اقولكم عن سر خطير اكتشفته هناك ...

وهوا اني عرفت سبب عشق النااااس كلهم لماليزيا .. دايما كنت اقول للي يروحها كل مرة
خلاص يكفي ماليزيا ما تطفشوا منها ..!!!

والله اذا روحتوا هناك حتعرفوا ليش الناس مايطفش منها .. !!

بس طبعا في كل مره اكتشفوا الاماكن الثانيه .. مو تروحوا لنفس الاماكن كل مره .. ماليزيا جدا كبيره فما تقدر تخلصها من مره او اثنين ..

انا لا اخفيكم اني والله وانا لسا ف المطار اقول لابو جاسم
" يلاا ان شاء الله نهايه السنه الجايه تاخذ اجازه من شغلك ونسافر تاني لماليزيا .. "
انا عن نفسي ما انبسط كثييير بسبب الاولاد ..
السفر مع الاولاد ثقيل نوعا ما ..

المهم انا تصدقوا اني من الان استعد لسفرتي القادمه ..
واكيد شوفتوا اني طلبت سخان الحليب من امازون ووصلني وجدا رائع وممتاز ..
من الان استعد اجهز اغراضي واكسسوارت السفر . .

عشان لمن يقرب وقت الرحله ما اكون مضغوطه في التفكير في اشياء كثيرة ..
وما تطير فلوسي كلها قبل شهر من الرحله في اكسسوارت السفر ..
عندي سنه كامله استعد ماليا لاجل الرحله القادمه ان شاء الله ..
وبهكذا اكون مستعده ميه في الميه لسفره رائعه وخفيفه وممتعه وسهله باذن الله ....








::: اخر ما احب ان اقوله لكم :::

عيش رحلتك بكل لحظاتها الجميله والمفاجئة وخيبات املها ،،
لاتجعل اي شيء يعكر عليك صفو رحلتك الجميله ،،


تذكر دايما وابدا انك مسافر لاجل الاستمتاع والاستجمام والاسترخاء ،،
وليس للمشاجرات وحرق الاعصاب والاكتئاب والزعل ..
<< لاتجعل لاي شيء من هذه المشاعر مكان في رحلتك ...


لانها لو حصلت حترتبط بذكرى هذا المكان الجميل ..
فلاتعكر صفو ذكراك بشيء لايستحق كل هذا ..

<<< اقلكم انا شكلي كاتبه وانا مدري عن نفسي بسم الله ،،، هههههه
الكلام يخرج درر من فمي ماشاء الله عليا احم

ولاتنسى اهم شيء ان تكون سفير اخلاق عاليه لبلدك



اشكركم الشكر الجزيل لمتابعتكم الكريمه معي في هذا التقرير
واللي كان تشجيعكم ليا هوا الحافز الكبير اني اواصل كتابه هالتقرير


واشكر كل من تعنى وكتب لي تعليق ادخل لقلبي السرور ..


واخيرا لاتنسوني من خالص دعائكم لي ..


لكم خالص تحياتي ،،

واراكم في تقرير قادم ان شاء الله افضل واكثر ابداعا

​

 

[اللنكاويان]

السلام عليكم ورحمة الله وبركاته

اهلا وسهلا وبرحبا بكم الى جزيرة لنكاوي ومن أفضل المكان السياحي في ماليزيا

وانا اوفركم الخدمة استقبال في مطار لنكاوي وأؤدي الجولات الي الأفضل الاماكن هنا باذن الله تعالى

اتصل مباشرة او ارسلني الرسالة 0060195922100 / محمد

وتوكنا على الله