رحلة الى لنكاوي بينانج كوالا

[براءة الورد]

بسم الله الرحمن الرحيم

بالبداية احب اشكر هذا المنتدى اللي شفت فيه قوقل معلومات تبارك الرحمن من الجميع وطوفولي اي شي من ناحية التصوير او صياغة الكلام الا اني بحاول قد ما اقدر استعرض الرحلة

من زمان وانا ناوي السفر لكن حكم تغيير دوامي صار لازم يعدي 9 اشهر واكثر عشان تاخذ اجازة

وصارت الفرصة ان شهر 11 ميلادي ( نوفمبر ) هو شهر اجازتي السنوية

وكان الاختيار على ( ماليزيا )

وطبعا احب اقولكم اني ما احب دول شرق اسيا لأن الجو حار .. عاشق اسطنبول من الاخر

واحب اروحلها شتويه بس يعني انسوا اتاقلم مع الرطوبة ( الرطوبة بالخليج مو مقصرة فينا )

لكن اللي معاي ولد عمتي ( مصعب ) قال انا رحت تركيا وانت رحت خلنا نغير ونبعد نروح ماليزيا

وتم الاختيار والتخطيط قبل السفرة بأسبوع فقط يعني سفرة سريعة وبتكون اقتصادية بإذن الله وتم التخطيط على التوجه الى ( لنكاوي 4 ايام 3 ليالي .. بينانغ 5 ايام 4 ليالي ،. كوالالمبور الايام الباقي بحيث تكون الرجعة للكويت لتاريخ 11/18 والوصول بالضبط تاريخ 19 الفجر )

هاذي بداية الرحلة / اوافيكم بالصور حالا .. مع التفاصيل ليوم سميته ( يوم المطارات )

​

 

[براءة الورد]

بداية الرحلة كانت على طيران الامارات fly emirates
سعر التذكرة 167 دينار للشخص ( سياحية ) لمدة 12 يوم واليوم ال13 نكون بالكويت
تاريخ 6 نوفمبر توجهنا لمطار الكويت الساعة 11 ونص الظهر

هذه الصورة تم تصغيرها . الحجم الافتراضي لها هو 1152x1536.

وطبعا حطينا الجناط بالأول عن الزحمة
ولازم نتحرش بسناب على اهل السامسونغ ( بحكم اني موظف شركة اتصالات فضايفيني موظفين معاي بالدوام عشاق للسامسونغ ولازم اتحرش فيهم

فعلاً شي مو هين انك تمنع تلفون جديد من الطيارة خوفاً ع الطيارة

وهم طبعا لازم اي احد يزور مطار الكويت يمر مطعم الباستا الشهير هناك

هذه الصورة تم تصغيرها . الحجم الافتراضي لها هو 1152x1536.

بعد التچييك صلينا وتمشينا بالسوق الحرة

وعقبها رحنا للطيارة

موعد الرحلة 2:15 الظهر توقيت الكويت متجهين الى دبي دار الحي

هذه الصورة تم تصغيرها . الحجم الافتراضي لها هو 864x1536.

هذه الصورة تم تصغيرها . الحجم الافتراضي لها هو 1152x1536.

ولازم صديق الرحلة ( فلم للتقزيرة = للتسلية )

هذه الصورة تم تصغيرها . الحجم الافتراضي لها هو 1152x1536.

وصلنا الامارات بحمد الله وكانت الساعه 5 بتوقيت الامارات يعني 4 توقيت الكويت
وتمينا منتظرين مع جولات بسوق الحرة ومطارهم ( اللي حرام تسميه مطار ومطار الكويت هم تسميه مطار )

كانت الرحلة الساعة 9 و 40 دقيقة بالليل

هذه الصورة تم تصغيرها . الحجم الافتراضي لها هو 1152x1536.

وكانت مدة الرحلة 7 ساعات ونص

حاولت انام ماقدرت لان الكراسي ما تساعد ع النوم ابدا

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 960x1280.

هم لازم تسلية بعد 7 ساعات ونص

طارق العلي كان صديق الرحلة

هذه الصورة تم تصغيرها . الحجم الافتراضي لها هو 1536x1152.

وصلنا كوالالمبور الساعة 9 الا ربع بتوقيتهم يعني 4 الا ربع الفجر بتوقيت اهلنا بالكويت

مطار كوالالمبور كان مو زحمة بس مع هذا اشوفه كذلك افضل من مطار الكويت وكبير ماشالله فيه مترو بين البوابات مثل مطار دبي

هذه الصورة تم تصغيرها . الحجم الافتراضي لها هو 1152x1536.

اخذنا خط قبل التچييك والدخول
خط ماكسيس ( 10 غيغا تقريبا ب50 رينجت .. ال10 رينجت تقريبا 710 فلس كويتي )
وتقدر تضيف 10 رينجت للمكالمات
وضفناها

هذه الصورة تم تصغيرها . الحجم الافتراضي لها هو 1152x1536.

للامانة وصلت لبوابة الدخول .. كان فيه كونترين فقط شغالين وزحمة غير طبيعية .. دبل اللي بالصور بس الاجراءات كانت سريعة واستلام الجنط ( الحقائب ) بدون تأخير يعني تقريبا 20 دقيقة مع استلام الجنط

هذه الصورة تم تصغيرها . الحجم الافتراضي لها هو 1152x1536.

وطلعنا نشم هوا شوي ونرجع لاكمال الحجز الى لنكاوي ( حاجزين الفنادق بلنكاوي وبينانغ من قبل الوصول فمانقدر نغير بالجدول وهذا الافضل ان نلتزم بالجدول

هذه الصورة تم تصغيرها . الحجم الافتراضي لها هو 864x1536.

حجزنا الساعة 10 على طيران والعياذ بالله منه اسمه ماليندو
تذكرتين بعد ساعتين 12و 20 دقيقة
تذكرتين ب410 رينجت وكان هو الارخص بين الطيرانات
صج طيران مش حالك
بس يمشي الحال
وكان في تاخير بالرحلة واحنا مو ناقصين لان بنكمل 24 ساعه بدون نوم وعلى قولة صديق الرحلة .. طيرانهم وكيفهم بعد

مده الرحلة كانت ساعة بين كوالا ولنكاوي

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

وهذا مطار لنكاوي اللي اشوفه زووين كونه مطار داخلي بس صغير

هذه الصورة تم تصغيرها . الحجم الافتراضي لها هو 1152x1536.

وعجبني هالاعلان عندهم لكن غير صحيح التكاسي برا ارخص

هذه الصورة تم تصغيرها . الحجم الافتراضي لها هو 1152x1536.

وعجبني ان العربي مهم عندهم بالمطارات

واول مافتحت البوابة هلوا علينا جميع التكاسي
في واحد اخذناه قال 5 رينجت للفندق مسافة الفندق 7 دقايق او 8
عن المطار
يتكلم عربي بطلاقه وسيارته خاصه وجدا رائع اخذنا رقمه
لتكمله الرحلات غدا
هذا محمد

هذه الصورة تم تصغيرها . الحجم الافتراضي لها هو 1152x1536.

وصلنا فندقنا واحنا مانبي اي شي بس نبي الفراش طبقنا 24 ساعة بدون نوم
وهذا الفندق
مع اطلالة الغرفة

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

الفندق مقبول نوعا ما
4 ايام
3 ليالي
ب228 رينجت
وانا ما اهتم للفندق كثير لان شباب وبنكون برا الفندق غالب الوقت
لكن للامانه طاقم الستقبال متعاون جداً واي شي نطلبه يتوفر

نمنا للساعة 9 ونص ( قبل 3 ساعات يعني لان الحين 12 ونص بتوقيت لنكاوي )
ورحنا تعشينا بمطعم السلطان
طبعا اتصلنا على محمد وودانا مطعم عربي اسمه السلطان فيه عمال مصريين فيه

هذه الصورة تم تصغيرها . الحجم الافتراضي لها هو 1536x1152.

المطعم جنب التلفريك
ولا تسالوني عن الحساب لان الجوع كافر اللي معاي دفع
ورجعنا الفندق

والحين بننام عشان نكمل الصبح بنشاط اكثر لان تقريبا يومنا راح واحترق بالمطارات

ملاحظات ؛ مطار دبي لا يعلى عليه

* عجبني بمطار كوالا ان كان فيه زحمة قوية
ومع هذا كان فيه طفل مع عائلة سعودية تعبان ويصرخ ويبجي ( يبكي ) وخذوا العائلة ومشوها قبل الكل

* مطار لنكاوي دخول الطيارة للعوائل والاطفال اول والمضيفات الله لا يوريكم .. نفسية سيئة
* الجو رطب واللي بالكويت ينزلون سناب وتغريدات ان انت من رحت من الكويت ، المطر هل علينا .. واضح الموضوع ضدي

واني كنت نحس ( اللهم صبا نافعا )
*
تصبحون على خير ليوم جديد / وسامحوني ع الاطالة واذا في اي سؤال حاضر


​

 

[براءة الورد]

بسم الله الرحمن الرحيم

اليوم الثاني بـ لنكاوي .. كان يوم فيه نشاط .. قعدنا الساعة 5 الصبح
اخذنا شور وصلينا وانتطرنا يشق الزراق شوي ( تشرق الشمس شوي ) عشان ننزل تحت نتمشى وعقبها نتريق لان الفندق مافيه ريوق او بالاصح اللي معاي شكله مو حاجز مع الريوق
عموما انا واحد ما اتريق بالبيت ونادرا يعني اتريق فـ عادي

امس انا ما حطيت صورة للغرفة من الداخل

وهذي للي طلب وسأل عنه
فيها عيب ان تقدر تشوف اللي داخل
لدرجة الحين حاطين غطاءات على الشباك وهذي صورة للغرفة مع الغطاءات ( الصورة ملتقطة حاليا يعني تخيلوا مع اني حاط غطا عليه )

هذه الصورة تم تصغيرها . الحجم الافتراضي لها هو 1536x1152.

هذي صور الساعة 6 ونص الصبح تقريبا نزلنا نتمشى على الشاطئ .. وكان فيه مطعم اسمه مطعم الشلال انا ماتريقت فيه بس اللي معاي تريق ( ذوقي بالأكل صعب ماحب اي شي اكله ) فأنا تمشيت بروحي لين يخلص

هذه الصورة تم تصغيرها . الحجم الافتراضي لها هو 1280x720.

هذه الصورة تم تصغيرها . الحجم الافتراضي لها هو 1280x720.

بعدها اتصلنا على السايق محمد اللي اسف اني مدحته لكم امس .. لأنه صار موقف معاه بنص الرحلة قطنا على صخر بس خيره ( راح اذكرها بوقتها )
انا ما ادري شلون يسوقون عكس وشوارعهم كله عكس .. شكثر غلطنا وجينا نبي نركب بالمكان الخطأ

هذه الصورة تم تصغيرها . الحجم الافتراضي لها هو 864x1536.

رحنا نبي نسأل عن رحلات الدباب على قولتهم ماشالله اخوانا السعوديين معلمينهم عالكلمة ..
بس ماعجبني للأمانة .. يعني صج يوديك للشلالات بس مبالغ بالسعر يعني 300 رينجت للشخص الواحد عشان تأجير بقي ( دباب ) لمدة ساعتين .. غير جذي انها خطرة شوارعهم عكسنا .. فما اخذناها ورحنا للمانغروف اللي صج ما راح تتحسف على ولا شي فيها
فيها اكثر من مكان
روعة جداا اعجبتني وهاذي صور متنوعة
سعرها 450 للعبارة اقل شي واخذناها

ومرينا على مكان اسمه كهف الخفافيش .. ما تجرأنا ندخله الا قروب لان صج شي يخوف بس وناسة وتجربة والمضحك ان في عايلة كورية محتمين فينا ( بقلبي اقول لو جاهم شي انا اول من يشرد

)

هذه الصورة تم تصغيرها . الحجم الافتراضي لها هو 1280x720.

بعدها توجهنا لاكثر من مكان للتماسيح والنسور بس عاديين جدا

هذه الصورة تم تصغيرها . الحجم الافتراضي لها هو 1280x720.

ورحنا للمكان الحلو بعد اللي تغدينا فيه سي فود وكان فيه مختلف الجنسيات ومطعم حلو بعد
سعره زين تقريبا 160 رينجت الغدا
شغل فرش طازج
وهذا المكان مع الغدا

الرحلة كانت 3 ساعات تقريبا وخلصنا 2 الظهر تقريبا وبعدها توجهنا الى التلفريك والجسر اللي فوق

يتبع ،
​

 

[براءة الورد]

توجهنا بعد للتلفريك بس لازم قبلها يصير موقف يضيق الخلق ( عن نفسي عادي كنت مستمتع بالجو لان مطرت علينا حيل بس اللي معاي نار وشرار اعصابه اتلفت )
المهم ان السايق اللي مدحته لكم غريب ، ما اخذ فلوسه مع ان فرينا معاه ساعة تقريبا وبوقت ما احنا برحلة المانغروف
الرجال راح ونتصل عليه ولا 10 مرات ما يرد .. بكيفه والحمدلله مو حاطين شي بالسيارة
المطر كان شغال وانتظرنا ساعة ونص ندور تكسي وصعب حيل تحصل تكسي لان كل اللي موجودين منتظرين الناس اللي ودوهم مو نفس صاحبنا اللي مادري غريب جدا
واضح اني مستمتع بالمطر

هذه الصورة تم تصغيرها . الحجم الافتراضي لها هو 1280x720.

هذه الصورة تم تصغيرها . الحجم الافتراضي لها هو 1280x720.

هذه الصورة تم تصغيرها . الحجم الافتراضي لها هو 1280x720.

جانا تكسي وودانا للتلفريك والتلفريك بعيد شوي يعني ما كان في مطر

تذكرة التلفريك 45 رينجت للشخص ( شاملة مع عرض 3 دي )
انا عن نفسي استمتعت حيل بالتلفريك
وصورت اكثر من صورة
هذا المكان قبل لا تحجز

وهذي سينما لعرض ال3 دي

هذه الصورة تم تصغيرها . الحجم الافتراضي لها هو 1280x720.

وبعدها صور للتلفريك ومكانه
كل ما نرتفع شوي اصور
اللي معاي مرتعب طبعا بس انا متعود عليه بتركيا

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1280x720.

هذه الصورة تم تصغيرها . الحجم الافتراضي لها هو 1280x720.

وبعدها وصلنا للجسر > شي خيال المنظر فوق

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1280x720.

تذكرة الجسر 15 رينجت للشخص
هذا ما ادري شلون يقعد ع الجام ( زجاج بنص الجسر )
قلبه جامد لان لو طالعت تحت بتدوخ

هذه الصورة تم تصغيرها . الحجم الافتراضي لها هو 1280x720.

هذه الصورة تم تصغيرها . الحجم الافتراضي لها هو 1280x720.

وكان فيه 2 معاريس
مادري هل هم صج معاريس او حركة سياحية عشان تصور معاهم لان في مصورين معاهم
بس والله فاضين بصراحة

هذه الصورة تم تصغيرها . الحجم الافتراضي لها هو 1280x720.

وكان فيه مكان تحط فيه اقفال على قلب الحب وشوف عيني لقيت خليجي حاط اسمه و15 قفل بأسماء بنات مختلفين

لا لا دعابة اضحك

نزلنا بعد لتكسي ودانا الفندق قبل الفندق قالوا فيه محل دهن عود وبخور للعرب (واضح ان سواق التكاسي لهم نسبة من كل واحد يجيبونه للمحل او الرحلات لان التسويق عندهم مو طبيعي ) ما اخذنا لكن عجبني شي بالمحل قلت بوريكم اياه

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

تكتب اسمك واسم اللي معاك على عملة ديرتك واتعلقها


اعجبتني وكنت بروح الكويت اتزوج وارد بس عشان اسويها لاني تحمست والله بصراحة
لاحظو دينار كويتي مع اسم فهد مصوره مخصوص

المهم الله يخيهم لبعض ويديم حب الاشخاص اللي بالصور

صورت صور مختلفة بهالجسر والمانغروف واللي كانت
شخصية لي اكثر
فسامحوني على كثرتها او اذا كررت صورة
ونلتقي غدا برحلة جديدة ما ندري وين بصراحة
​

 

[براءة الورد]

شوف النان بالزبده

هذا اسم المطعم

ان شاء الله يعجبكم
​

 

[براءة الورد]

بسم الله الرحمن الرحيم

تكملة اليوم الثالث
الاربعاء 10 نوفمبر 2016

اليوم كان يوم خفيف لان بس نبي نزور الاشياء اللي قالوا لنا انها تستحق الزيارة

رحنا حديقة الفواكة ، حديقة الطيور ، والاكواريوم عالم تحت الماء

بداية قعدنا من النوم 8 ونص اخذنا شاور وبعدها عال9 اتصلنا ع سواقة تاكسي خوش وحدة ب5 ساعات ب100 رينجت فرت فينا فر

الساعة 9 وثلث احنا عند حديقة الفواكة وكنا بروحنا احنا وعائلة سعودية وقالولنا تفتح بعد عشر دقايق

خذانا باص مفتوح للمكان اللي نتريق فيه فواكه .. واهني اول مره اشوف رقي اصفر ( بطيخ )

هذه الصورة تم تصغيرها . الحجم الافتراضي لها هو 1536x1152.

شوفو المكان من برا فاضي وبعدها المكان من داخل

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1152x1536.

رسوم الدخول اتوقع للشخص 30 رينجت او للشخصين 30 ( اقول اتوقع لان المالية عند صديق السفرة ) مايحضرني كم والحين هو نايم

ونزلونا عند شجرة تصور فيها ع اشكال على جسمك اعجبتني الصور

بعدها توجهنا الى حديقة الطيور

حديقة الطيور مالها داعي .. ماحبيتها مضيعة وقت عالفاضي بس اذا بتروحلها لمجرد الاستكشاف توكل على الله

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

دخلتها 78 للشخصين واشوف مالها داعي بنظري

الحديقة من داخل كأنها حديقة مدرسة عادية

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1152x1536.

ما طولنا 10 دقايق وتوجهنا للأكواريوم ( عالم تحت الماء ، اساسا انا بالكويت ما دخلت الاكواريوم بس جربتها بلنكاوي )

ومصور الاسعار فيها

مفرقين بين الماليزي وغير المااليزي بالسعر

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1280x720.

سالفة سفينة الجد ان العايلة مشتهرة بهالسفينة فالربع كل ما شافوا سفينة كتبوها لي سفينة جد فهد
فصورتها وكتبت التعليق قبل لا انتظر ردهم

الاكواريوم ككل عادي جدا ، لكن فيه مكان عجبني بالاخير عن انك تمشي داخل مرايات ( اللي يذكر المرايا بالمدينة الترفيهية بالكويت نفسها بس هاذي ظلام ) واتوقع التذكرة الوحدة ب15 رينجت لشخص ، فيه ثانية تسونامي بس ما اعجبتنا وما دخلناها

هذه الصورة تم تصغيرها . الحجم الافتراضي لها هو 1152x1536.

مو واضحة الصورة لان ظلمة داخل

وطبعا طلعت فاشل ربع ساعه يمكن وطلعنا

في ممر عجبني خدعة هي الممر واقف بس الليتات اتحرك ، دخلتا دخت والله

هذه الصورة تم تصغيرها . الحجم الافتراضي لها هو 1152x1536.

عقبها طلعنا وتغدينا ببيتزا هت قريب من الاكواريوم ( اذا قعدت فيه راح تحمد الله وتشكره على مطاعمنا بالكويت )

هذه الصورة تم تصغيرها . الحجم الافتراضي لها هو 1536x1152.

الاكل مو شي كلش

..

الجو كان مطر رهيب وقوي

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

وهذي من سناب

اللهم اغفر لنا جميعا احياء واموات

توجهنا لمطار لنكاوي وسألنا عن الحجوزات

وكان ارخص شي اسيا اير

الشخص ب144 رينجت

وحجزنا بإذن الله باجر طيارتنا 10 الصبح والله يعينا ع طياراتهم

الفرق بينهم وبين الفيري بسيط فنشتري راحتنا ابرك


ردينا الفندق ع ال3 العصر تقريبا

ومافي شي ملينا طلعات قلنا ندخل الحوض تحت ونتمشى على البحر

هذه الصورة تم تصغيرها . الحجم الافتراضي لها هو 1280x720.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1280x720.

هذه الصورة تم تصغيرها . الحجم الافتراضي لها هو 1280x720.

وداعية اخر ليلة تجمعنا يا لنكاوي ،

نلتقيكم غدا من مطار لنكاوي وبينانغ اللي قاعدين فيها 5 ايام 4 ليالي

تصبحون على خير > نايم من 7 المغرب وتوني اقعد 4 الفجر وهم بكمل النومة

​

 

[براءة الورد]

بسم الله الرحمن الرحيم

اليوم الرابع / 10 نوفمبر 2016


اليوم توكلنا على الله من لنكاوي على اسيا اير وسوينا شيك اوت من فندقنا
الفندق حلو وتعامل طيب من الرسبشن

يعني انصح فيه

ولازم وداعية للنكاوي الجميلة من سناب

بعدها توجهنا للمطار وكان المطار مافيه زحمه وخفيف

اخذو منا وزن زايد فوق ال150 رينجت ، يسمحون لأكثر من 7 كيلو بس

عموما ماتفرق قرصة اذن وتعلمنا

تريقنا ستار بوكس المطار

هذه الصورة تم تصغيرها . الحجم الافتراضي لها هو 1176x662.

وقت طيارتنا 9.55

وصلنا بينانغ بحمد الله بعد نص ساعة طيران ، ما فضلنا الفيري عشان الوقت والامان

بينانغ اكثر حياة وازعاج من لنكاوي

واضح انها بتكون اونس بعد

اخذنا باص مو تاكسي من المطار للفندق هوليدي ان

الباص صج يطول بس فرق كبير

يعني الشخص 2 رينجت

اما التاكسي كله 60 رينجت وفوق

وهاذي صورة من الباص

وصلنا فندقنا بعد ساعة ونص بالباص ( الوقت الاصلي حسب قوقل ماب 55 دقيقة )

غرفتنا كانت من الصوب اللي على البحر ، بس مو مطلة على البحر ، مطلة على الجبل واخذوا منا 400 رينجت تأمين راح تسترجع لنا

عادي ؟؟

رقم الغرفة

بعد الراحة نزلنا للجت سكي تقريبا كانت الساعة 2 الظهر

جدام الفندق فيه كل شي باراشوتات وجت سكي بس حسيناه غالي النص ساعة ب190 رينجت

فرحنا مكان ثاني قريب من الفندق

النص ساعة ب140 وركبنا .. اول مرة اركب جت والحمدلله عدت ع خير

وبعدها رحنا ودينا ملابسنا المصبغة

مو مالت الفندق لا وحدة جدام الفندق اوفر بووووواجد

يعني ملابسنا من اول يوم لي هاليوم كثير كانت ..يحسبون عالكيلو فملابسنا كانت 2 كيلو ونص

12 رينجت

ي بلاش

وتمشينا للمطعم ( ماحبينا نجرب فرحنا ماكدونالدز قريب من الفندق

سعره عادي ارخص شوي من عندنا

نزلنا البحر وكانت الساعة 5

شي خيال الجو كانت فيه غيمة جايتنا ومبين ان فيها مطر قوي

الكل دش داخل ما عدا الخليجيين ( متشفقين )

هذه الصورة تم تصغيرها . الحجم الافتراضي لها هو 1280x720.

شوفوا الغيمة مبينة

هذه الصورة تم تصغيرها . الحجم الافتراضي لها هو 1280x720.

هذه الصورة تم تصغيرها . الحجم الافتراضي لها هو 1280x720.

بعد ما اشتد المطر والهوا والبراد

دخلنا اللوبي نستمتع بهالاجواء ( هم مافي احد يصور بس الخليجيين ميتين ع المطر واحنا منهم ، الفندق ماشالله اغلبه سعوديين )

بعد هدوء المطر تمشينا بالسوق الليلي

اللي راح سوق الجمعة بالكويت اول .. هذا نفسه

ويبطل باليل بعد ال7

وقعدت بلوبي الفندق وكن فيه مطرية تغني .. صوتها حلو بس مادري شقالت ما كنت صوبها ( ع اساس لو كنت صوبها راح افهم )

ورديت الفندق على ال9 ونص ونمت وقعدت الحين الساعة 5 ونص الفجر اكتب التقرير

همسة : والله كتبت التقرير الساعة 11 بتوقيتنا

وانا اكتبه نمت على التلفون ( واضح التعب ) فرق 5 ساعات بين الكويت. والسعودية معانا

باجر نكمل يوم جديد بإذن الله
​

 

[براءة الورد]

بسم الله الرحمن الرحيم

اليوم الخامس 11-11-2016

اليوم يوم جمعة فما ادري واضح ان متعودين على يوم الجمعة اللي بالديرة ، كان كسل وخمول لدرجة ان قعدنا من النوم على صلاة الجمعة الساعة 1 الظهر

فما كانت النية نروح اي رحلة ونتم بالفندق وحوالينه

ونروح بالباص لمجمع اسمه قورني بلازا

بالباص اللي فيه دورين قلنا نروح فيه ونجرب وكانت تجربة حلوة واخذت كم لقطة فيه

هذه الصورة تم تصغيرها . الحجم الافتراضي لها هو 1152x1536.

وهاذي كك لقطة بدون افكت

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1280x720.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

وصلنا للمجمع تقريبا اصغر شوي من مجمع 360 اللي بالكويت

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

اسعاره بالمحلات نفس اسعار الكويت بالضبط فـ غالية جدا

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

قعدنا بمطعم تشيليز برا نبي نتغدا ومطرت علينا وقلنا نتغدا على الجو الحلو

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1152x1536.

السعر ارخص مقارنة بسعر تشيليز الكويت

بعدها رجعنا للفندق عن طريق الباص بعد ، بالباص احلى المناظر + انك توفر تقريبا 58 رينجت بالروحه والرده

وصلنا للشاطىء

ركبنا باراشوتهم

مع بعض ركبنا مو كل واحد ركب له واحد

200 رينجت

وكان البعد متوسط للباراشوت عن الشاطىء

اخذت التلفون معاي وصورنا فيديو للطيحة ، عز الله طحنا طيحة قشرة .. بس ممتعة التجربة والله ويمكن نكررها

وبعدها كانت الساعة تقريبا 6 المسا

دخلنا الحوض

وبوقت الغروب طلعنا

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

وطبعا لازم بالليل نتمشى بالسوق الليلي وعقبها نرد الفندق ننام ونريح لليوم الثاني

هالصورة اهداء لكم اخذتها قبل الغروب

هذه الصورة تم تصغيرها . الحجم الافتراضي لها هو 1178x1280.

وباجر ( غدا ) نكمل معاكم شنو بيصير بالرحلة الجاية

لان الحين بنطلع من الفندق ( حاليا الساعة 10.50 الصبح )

مع السلامة

​

 

[براءة الورد]

اليوم السادس 12-11-2016

بينانغ

اليوم كان يوم خفيف وكل ماله يزيد الكسل عندنا ( المفروض مقللين الايام ببينانغ )

اتفقنا مع تاكسي ( الله يغربله )

على ان 4 ساعات ب100 رينجت

وكان الوضع تمام انه يودينا مصنع الكاكاو والبيت المقلوب والهضبة

ودانا مصنع الكاكاو الاخ وفي جنبه مصنع الاقمشة

واحنا كلش ما ودنا فيهم اصلا بس هو قال لاروحوا حلو والدخول مجاني ، رحنا وماعجبنا شي واساسا متفقين ان نهاية الرحلة بكوالا نشتري هدايا لأهلنا

لا هو زعل ؟ ليش ما تشترون من المحلات .. مثل ماقلت وذكرت ، السواق يستفيدون على كل مكان يودونه لكم يعني يبونك تشتري وهم يستفيدون من المحل

صار بينا شد وجذب قلناله انت اتودي وتجيب ونعطيك حقك ، نشتري ما نشتري مو شغلك وكانت بتصير امور اكبر لولا تدخل خليجيين اللي ازعلوا من محلات الكاكاو واطلعوا تضامنا معانا .. فديربالكم من هالنقطة لان صارت فينا بلنكاوي والحين ببينانغ .. ان بكل مكان تروحون له من محلات ورحلات هو له نسبة لا تحكرون نفسكم عند سايق معين وشوفولكم واحد نظيف لان بهالرحلة انا صادفت السايق الثاني هذا اللي تعامله جذي

ونزلنا بمحطة تكاسي وما اخذ ولا فلس

المهم هاذي صور لمكان الاقمشة والكاكاو جنب بعض ( مالها داعي زيارتها الا للي بيشتري هدايا )

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

بعدها رحنا اخذنا تاكسي ثاني للبيت المقلوب ( اليوم كان زحمة حيل نسينا ان اليوم سبت وباجر عندهم عطلة فكان زحمة بشكل كبير )

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

المكان حلو واول مره ادخله رغم انه موجود ببلدان كثيرة بس عجبني تنظيمه

التذكرة للشخص 27 رينجت

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1536x1152.

وهاذي صور شخصية لي بالمتحف

هذه الصورة تم تصغيرها . الحجم الافتراضي لها هو 1420x1536.

]



قالولي لا تقط الطاقية تضبط اكثر عاد ما صدقنا خبر

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1150x1536.

بعها رحنا للهضبة وكان مطر قوي وزحمة
فيه تذاكر للماليزيين وغير الماليزيين

وفيه فاست ونورمال خذوا فاست لا تنتظرون اكثر

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 960x1280.

اضبطكم اهداءات

الاجواء والمناظر حلوة فوق بس المطر خلانا نستعجل بالردة


وبعدها رحنا فرايديز نتغدا ومكانه جنب مجمع قورني بلازا اللي امس رحتله وتغدينا عالساعة 4ونص جذي

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1152x1536.

هم ارخص من الكويت ، فرايديز ماليزيا عجبني اكثر من تشيليز مالهم ( المهم السفرة خربت الدايت والله قلبي معورني

)

بعدها ردينا الفندق 5 ونص واستمتعنا بالحوض اللي جدام الفندق وبعدها ريحنا وتمشينا تحت بالسوق الليلي

وباجر اخر يوم لنا ببينانغ ( طيارتنا الاثنين لكوالا )

ويعطيكم العافية ع المتابعة

​

 

[براءة الورد]

اليوم السابع 13/11
اليوم الثامن 14/11

جمعتهم مع بعض لان باليوم السابع صديق السفرة كان تعبان حرارة شوي

ما ينلام الجو مره مطر مره هوا

فتغيير اجواء الله يبعد المرض عنكم وعن احبابكم

لكن مايمنع من الانشطة اللي امام الفندق هوليدي ان

اخذنا كم شوط بالحوض للغروب تقريبا

وبعدها قعدنا على البحر بوقت الغروب

تمشينا بالسوق الليلي شوي ويوم ردينا الفندق

تبارينا بلياردو مع واحد خليجي

وطبعا فاز علي

اليوم الثاني 14/11 كانت طيارتنا الساعة 9 و 45 الصبح لكوالالمبور

فقعدنا الصبح الساعة 7
وسويت شيك اوت ، وتوجهنا بعدها بتاكسي الى المطار

وانتظرنا الرحلة بمطار بينانغ

وكانت الرحلة على ماليندو

المسافة تقريبا ساعة من بينانغ لكوالالمبور

وصلنا كوالالمبور بحمد الله على ال10 الا عشر

طبعا غامرنا بالفندق حاجزينه من بينانغ بالبوكينغ شفت اراء الناس عنه وحجزت

وما خاب ظني

الفندق اسمه ميليا كوالالمبور

مكانه قدام التايم سكوير بالضبط

والفندق راقي

وصلنا له وقت التشيك ان

رحنا تمشينا بالتايم شوي

نستكشفه ونستكشف ماحوالين الفندق

كان ورانا شارع العرب

ورحنا مشينا فيه

وشكلنا بنقزرها اسواق على طلبات الاهل اللي بسناب والواتس

تعشينا بمطعم جوني روكتس > بالكويت ما دخلته

بس تجربة ، والمطعم ماعليه زين

قلنا خلاص مافي دايت طوفو

وردينا الفندق على الساعة 7 ونص

من تعب المطار وقعدة الصبح

والسموحة على التأخير والتقصير

​

 

[براءة الورد]

اليوم التاسع 15/11

بداية اليوم ان ما ادري ليش اللي معاي زعلان علي

تخيلوا مقعدني من الظهر نروح الحي الصيني تشاينا تاون

ي ابن الحلال انطر شوي الشمس مو طبيعية

لا ماعليك الجو حلو

الوكاد رحنا عن طريق القطار

استعلامات الفندق ماقصروا وعلمونا عليه

سهل وحلو وتقريبا 2 رينجت للشخص

رحنا فيه ووصلنا للحي

شرينا جم شغلة من هناك وبصراحة كانو تو مبطلين يبي يبيعون بأي سعر ..

وبعدها ردينا الفندق عن طريق المترو بعد / الحي الصيني بينا وبينهم محطة مثل ماهو مبين بالصورة اللي فوق

ردينا الفندق ريحنا شوي لان صح الشمس كانت فوق راسنا وما اتغشمر

بعدها كان الجو مغيم ونزلنا شارع العرب

وتمشينا بالشارع والمطر نزل علينا وكان مطر قوووي

عجبني لون السيارة

رحنا التايم سكوير افترينا فيه وشرينا ملابس اطفال / العروض فيه ولا اروع وفيه قسم اوت لت بالدور الثاني معروضين برا

لمينا جم شغلة معانا

بعدها حاولت قد ما اقدر اروح اطالع مباراة السعودية واليابان

ولقيت مطعم ومقهى اسمه مروش

فيه المباراة منقولة

واستمتعت بالمباراة بس للأسف اخسروا السعودية

اليابانيين يترقصون جدامنا

هاردلك لاهلنا بالسعودية وتعوضونها بالجايات وحسافة على منتخبنا متوقف رغم التأهل > بقلبها رياضة الحين

وخلصنا ردينا الفندق كانت الساعة 8 ونص تقريبا بالليل

سؤال : يصير انزل فيديو من التابتوك ؟

* البوم تغدينا بمطعم عربي نسيت اسمه بس كان المطعم فيه سوريين يشتغلون .. صحيح الاكل طيب بس غالي جدا مقارنة بتشيليز وغيره
ولو احول السعر للكويتي بيكون اغلى علي بعد بدرجة كبيرة كان الحساب 145 رينجت
فحيل مبالغ فيه .. ابعدوا عن المطاعم العربية بالسفرات حتى لو اشتقتوا مثلنا للأكل هذا

والسموحة على القصور /





​

 

[براءة الورد]

اليوم العاشر 16/11/2016

تاريخ ذهبي

المهم يوم عن يوم الكسل يزيد ونقعد متأخر اكثر

اليوم قعدنا الساعة 1 الظهر

اخذنا شور وصلينا وقلنا خل نتغدا

اللي معاي قال خنجرب كنتاكي عندهم / بالكويت كنتاكي الناس تتشكى منه شلون برا ؟ يالله جرب انت حارق ام ام الدايت ماعليه

ليتنا ما جربنا .. نظافة مافي ومطعم مسكرب من داخل ولا اهتمام بالأكل وكل شي تطلبه بفلوس حتى الخبز

عموما مالي حظوظ انا لا مطاعم ولا تكاسي

رحنا المترو نبي نروح للوجهة القادمة
والجو غيم

هذه الصورة تم تصغيرها . الحجم الافتراضي لها هو 1280x720.

ومبينة سكة المترو بالصورة .. فوق

وصلنا المترو وكانت النية والوجهة الى بوكيت ناناس

المدينة اللي فيها برجين التوأم

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

وصلنا للبرجين .. وكان الجو مطر قووووي

بس ما منع ان في عالم كثير قاعدة تصور

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

دخلنا داخل واستفسرنا عن الصعود قالوا بعد 3 ساعات يعني على ال6

قلنا خير ان شالله

فيديو يوضح كيفية بناء البرج من ال95

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1152x1536.

وهذا البرج من داخل

هذه الصورة تم تصغيرها . الحجم الافتراضي لها هو 1536x1152.

فيه مجمع داخله اسمه سوريا

ماتوقعت ان مافيه امن مشدد وما توقعت اي احد يدخله

هذه الصورة تم تصغيرها . الحجم الافتراضي لها هو 1280x960.

ماشالله ناس لابسة لبس خليجي / بديرة رطوبة تلبس جذي .. صج ماشالله شلون متحملين

هذه الصورة تم تصغيرها . الحجم الافتراضي لها هو 960x1280.

رحنا نجرب مطعم ايس كريم / بعد كنتاكي اللي ذبحنا

مادري ليش كل ما اكل شي من مطاعمهم اقول ( الله يعزج ي مطاعم الكويت )

شفنا عليه زحمة كببرة قلنا خنجرب .. وليتنا ما جربنا

هذه الصورة تم تصغيرها . الحجم الافتراضي لها هو 1152x1536.

حتى اسمه صعب لاو لاو اتوقع

هذه الصورة تم تصغيرها . الحجم الافتراضي لها هو 1152x1536.

لا يغركم الشكل ما كملنا ربعه والله ..

المظاهر تنغش فيها >

طلعنا برا صوب الحديقة

وكان فيه زحمة بعد

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

وهذا المجمع سوريا

هذه الصورة تم تصغيرها . الحجم الافتراضي لها هو 1536x1152.

قعدنا تقريبا لل5 ونص وردينا

لان الزحمة زادت بعد ما توقف المطر

وشوفوا صيد الكاميرا

بيت التمويل ورانا ورانا / مكانه مقابل البرجين

هذه الصورة تم تصغيرها . الحجم الافتراضي لها هو 1152x1536.

ردينا بالقطار لفندقنا ريحنا شوي وعلى ال7 ونص جذي رحنا لشارع العرب نتمشى وقعدنا بقهوة مروش شوي

هذه الصورة تم تصغيرها . الحجم الافتراضي لها هو 1536x1152.

وتمشينا لمحل لبخور ودهن عود اسمه بيت الطيب / اللي يشتغل فيه يمني .. للأمانه شغله اكثر من روعه مو دعايه والله ماعرفه بس عرف ان من الكويت ضبطنا بسعر حلوو بس هم كاسرناه بعد

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1152x1536.

اخذنا بخورنا ولازم نمر جيرانا التايم سكوير

مادري ليش محتفلين بالكرسمس مبجر ؟ ( الكرسمس يعني ولادة السيد المسيح عندهم للمسيح اللي هناك فيحتفلون فيه تاريخ 24 او 25 / 12 )

ولازم اتذكر شغلات انا مو ع البال

هذه الصورة تم تصغيرها . الحجم الافتراضي لها هو 1152x1536.

تعرفون فلم home alone

انا كل ماشوف هالزرع والكور اللي عليه

اتذكر الفلم

طبيعي الوضع !؟

المهم ردينا للفندق خلاص باجر اخر يوم

الخميس وبعدها الجمعة طيارتنا بإذن الله

* بالأمس حذرتكم من مطعم عربي غالي

واليوم رحت مريت من عنده وصورته .. اسمه الباشا ( غالي وغلاته مالها داعي )

هذه الصورة تم تصغيرها . الحجم الافتراضي لها هو 1152x1536.

ويعطيكم العافية ع المتابعة

والسموحة على القصور

​

 

[براءة الورد]

اليوم العاشر 16/11/2016

تاريخ ذهبي

المهم يوم عن يوم الكسل يزيد ونقعد متأخر اكثر

اليوم قعدنا الساعة 1 الظهر

اخذنا شور وصلينا وقلنا خل نتغدا

اللي معاي قال خنجرب كنتاكي عندهم / بالكويت كنتاكي الناس تتشكى منه شلون برا ؟ يالله جرب انت حارق ام ام الدايت ماعليه

ليتنا ما جربنا .. نظافة مافي ومطعم مسكرب من داخل ولا اهتمام بالأكل وكل شي تطلبه بفلوس حتى الخبز

عموما مالي حظوظ انا لا مطاعم ولا تكاسي

رحنا المترو نبي نروح للوجهة القادمة
والجو غيم

هذه الصورة تم تصغيرها . الحجم الافتراضي لها هو 1280x720.

ومبينة سكة المترو بالصورة .. فوق

وصلنا المترو وكانت النية والوجهة الى بوكيت ناناس

المدينة اللي فيها برجين التوأم

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

وصلنا للبرجين .. وكان الجو مطر قووووي

بس ما منع ان في عالم كثير قاعدة تصور

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

دخلنا داخل واستفسرنا عن الصعود قالوا بعد 3 ساعات يعني على ال6

قلنا خير ان شالله

فيديو يوضح كيفية بناء البرج من ال95

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1152x1536.

وهذا البرج من داخل

هذه الصورة تم تصغيرها . الحجم الافتراضي لها هو 1536x1152.

فيه مجمع داخله اسمه سوريا

ماتوقعت ان مافيه امن مشدد وما توقعت اي احد يدخله

هذه الصورة تم تصغيرها . الحجم الافتراضي لها هو 1280x960.

ماشالله ناس لابسة لبس خليجي / بديرة رطوبة تلبس جذي .. صج ماشالله شلون متحملين

هذه الصورة تم تصغيرها . الحجم الافتراضي لها هو 960x1280.

رحنا نجرب مطعم ايس كريم / بعد كنتاكي اللي ذبحنا

مادري ليش كل ما اكل شي من مطاعمهم اقول ( الله يعزج ي مطاعم الكويت )

شفنا عليه زحمة كببرة قلنا خنجرب .. وليتنا ما جربنا

هذه الصورة تم تصغيرها . الحجم الافتراضي لها هو 1152x1536.

حتى اسمه صعب لاو لاو اتوقع

هذه الصورة تم تصغيرها . الحجم الافتراضي لها هو 1152x1536.

لا يغركم الشكل ما كملنا ربعه والله ..

المظاهر تنغش فيها >

طلعنا برا صوب الحديقة

وكان فيه زحمة بعد

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

وهذا المجمع سوريا

هذه الصورة تم تصغيرها . الحجم الافتراضي لها هو 1536x1152.

قعدنا تقريبا لل5 ونص وردينا

لان الزحمة زادت بعد ما توقف المطر

وشوفوا صيد الكاميرا

بيت التمويل ورانا ورانا / مكانه مقابل البرجين

هذه الصورة تم تصغيرها . الحجم الافتراضي لها هو 1152x1536.

ردينا بالقطار لفندقنا ريحنا شوي وعلى ال7 ونص جذي رحنا لشارع العرب نتمشى وقعدنا بقهوة مروش شوي

هذه الصورة تم تصغيرها . الحجم الافتراضي لها هو 1536x1152.

وتمشينا لمحل لبخور ودهن عود اسمه بيت الطيب / اللي يشتغل فيه يمني .. للأمانه شغله اكثر من روعه مو دعايه والله ماعرفه بس عرف ان من الكويت ضبطنا بسعر حلوو بس هم كاسرناه بعد

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1152x1536.

اخذنا بخورنا ولازم نمر جيرانا التايم سكوير

مادري ليش محتفلين بالكرسمس مبجر ؟ ( الكرسمس يعني ولادة السيد المسيح عندهم للمسيح اللي هناك فيحتفلون فيه تاريخ 24 او 25 / 12 )

ولازم اتذكر شغلات انا مو ع البال

هذه الصورة تم تصغيرها . الحجم الافتراضي لها هو 1152x1536.

تعرفون فلم home alone

انا كل ماشوف هالزرع والكور اللي عليه

اتذكر الفلم

طبيعي الوضع !؟

المهم ردينا للفندق خلاص باجر اخر يوم

الخميس وبعدها الجمعة طيارتنا بإذن الله

* بالأمس حذرتكم من مطعم عربي غالي

واليوم رحت مريت من عنده وصورته .. اسمه الباشا ( غالي وغلاته مالها داعي )

هذه الصورة تم تصغيرها . الحجم الافتراضي لها هو 1152x1536.

ويعطيكم العافية ع المتابعة

والسموحة على القصور

​

 

[براءة الورد]

اليوم الحادي عشر 17/11
اليوم الثاني عشر 18 /11 يوم المطار والرجوع للديرة

كان اليوم اللي يسبق يوم العودة

يوم خفيف كنا بس نبي نتطمن على رجعتنا للمطار والاغراض والوزن وما شابه

قعدنا متأخر تقريبا على ال2 واكلنا اكل خفيف

ونزلنا نتمشى للتايم سكوير ، صورت لكم كم محل اسعارهم جدا حلوة ورخيصة للي اطلبوا مني

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1536x1152.

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

عاد هذا الاوت لت بالمجمع ، ليتني انتبهت له من البداية ( توفير )

هذه الصورة تم تصغيرها . الحجم الافتراضي لها هو 1152x1536.

هذا اقوى محل .. مثل HM اللي بالكويت والخليج

ملابس وعروض بالهبل

هذه الصورة تم تصغيرها . الحجم الافتراضي لها هو 1152x1536.

وردينا الفندق وقعدنا باللوبي الجو كان قمة

تشبعت جولات وتمشي خلاص

وتمشينا بشارع العرب بعد .. لازم هالشي

هذه الصورة تم تصغيرها . الحجم الافتراضي لها هو 1152x1536.

واتجهنا للفندق اخذنا شور وتزهبنا ليوم السفر باجر

18/11 .. يوم الجمعة

قعدنا على الساعة 11 عشان الشيك اوت

خلصنا وكل شي رحنا للمطار والمطار يبعد ساعه تقريبا عن الفندق

وعلى بالنا الطياره 5 وعشر .. طلعت 7 وعشر بالليل

ماعليه تجي متقدم ولا انك تجي متأخر للظروف لا سمح الله

هذه الصورة تم تصغيرها . الحجم الافتراضي لها هو 1152x1536.

كاونترات الاماراتية كانت مو مفتوحة ، لان الوقت كان تقريبا 2 والطيارة 7 فلازم تنتظر ساعتين بعد وانتظرنا عادي

لين ما حطينا الجناط وتوجهنا للبوابة

مطارهم قمة بالاحترام والتعامل ، بس بطأ بالاجراءات كان

توجهنا للقاعة

هذه الصورة تم تصغيرها . الحجم الافتراضي لها هو 1152x1536.

وركبنا الطيارة متوجهين الى دبي

هذه الصورة تم تصغيرها . الحجم الافتراضي لها هو 1152x1536.

وكانوا اصدقاء الرحلة هالمرة طارق العلي وشاروخان الحب

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

ووصلنا دبي

هذه الصورة تم تصغيرها . الحجم الافتراضي لها هو 1152x1536.

الساعة 10 كان الوصول ودخلنا الطيارة الساعة 1 بالليل

طبعا 7 طرنا بتوقيت ماليزيا
يعني بالكويت كانت الساعة 2 الظهر

هذه الصورة تم تصغيرها . الحجم الافتراضي لها هو 1152x1536.

هذه الصورة تم تصغيرها . الحجم الافتراضي لها هو 1152x1536.

واضح من تصويري للساعة 1 ، ان التعب باين علي

ووصلنا كويتنا

هذه الصورة تم تصغيرها . الحجم الافتراضي لها هو 1152x1536.

للامانة انا كل ال7 ساعات بالرحلات الذهاب والاياب ما نمت ، اخر ربع ساعه قبل الكويت مادري شفيني نمت


المطار كان زحمة جداً من القادمون ، والله سهل علينا العودة للوطن بحمد الله واعذروني ما صورت اي شي من مطار الكويت لاني فعلا ما كنت اشوف قدامي

الرحلة ككل كانت حلوة وممتعة للأمانة تغيير جو

رغم اني عاشق للبراد لكن ايضا الدول الدول الحارة حلوة وتساعدك ع الطلعة بعد

رحلتي لماليزيا مثل ما اتعرفون كانت فجأة يعني من تركيا لماليزيا وانا ما اعرف عنها اي شي

ما قرأت تقريرات كافية وكان غلط مني بس حلو الاستكشاف من نفسك

ماليزيا حلوة وامان وتنفع لعوايل وشباب ومتزوجين جدد اكثر واكثر

اكتشفت خلال رحلتي هاذي ان المطاعم مالي حظ فييها هم والتكاسي وهذا يرجع لاني ما كثفت بقراءه التقارير قبل السفر

كل الفنادق اللي سكنتها كانت احلى من الثانية

وتوفقت فيها ولله الحمد

لنكاوي حلوة وهادية مافيها صخب ابدا ولا زحمة اعطيها 9 من 10

بينانغ 8 من 10 لان فيها صخب المدينة شوي بس ممتعة وماتمل

كوالالمبور 8 من 10 ، الزحمة والحر والاشغال اللي بشارع العرب كانوا مملين جدا

طيران الاماراتية رائع واعطيه 9 من 10

سامحوني على اي شي بالتقرير او خطأ بدر مني

ماني شاطر بالتقارير ولا محترف لكن صغت كل شي بأسلوبي وبتصوير هواة

دخولي بالمنتدى افادني اكثر مما افدت

شرف كبير لي اني اكون معاكم وتشرفت فيكم فرد فرد والله العظيم

وان شاء الله تقريري يكون مفيد ولو جزء بسيط للمنتدى ،

ويعطيكم العافية لكل من تابعني وشاركني برأي او نصيحة

او حتى نقد بناء
​