ماليــــزيـــا متعه إثاره تشويق مغامره

[براءة الورد]

بسم الله الرحمن الرحيم

إدارة ومراقبي ومشرفي وأعضاء وزوّار المنتدى الشامخ المنتدى المعطاء



السلام عليكم ورحمة الله وبركاته

وبعد

أسعد الله مساءكم بكل ماتحبون

أولاً : أتقدم بالشكر الجزيل والدعاء في ظهر الغيب
لكل من أعطى معلومه .. ولكل من نبّه على نقطه .. ولكل من دوّن ملاحظه
ولكل من كتب موضوعاً .. ولكل من فصّل كلاماً .. ولكل من ذكر فائده

ثانياً : ولله الحمد والمنّه تمت رحلتي على أفضل مما توقعت
وهذا النجاح لم يأتي إلا بتوفيق من الله ثم بتخطيط وترتيب وقراءه وسؤال

ثالثاً : سأذكر لكم رحلتي بالتفصيل بإذن الله وسأجيب عن كل سؤال واستفسار
على حسب فهمي وإطلاعي واسأل الله أن ينال هذا التقرير إعجابكم وآمل أن تجدون فيه ما ينفعكم .





قبل البدء في سرد مجريات الرحله
أؤكد : عندما تبدأ رحلتك بتخطيط وترتيب ستنال رحله رائعه ومتوازنه




قبل الرحله بشهر تقريباً تم تسجيل الدخول لهذا الصرح الشامخ
وتم قراءة جميع تقارير الأعضاء المميزين .. وكل تقرير أجد فيه فوائد مختلفه عن التقارير الأخرى
وامتلأ بيتي بالأوراق .. لدرجة ان الورقه إذا قرأتها اجد الملاحظات متداخله من كثر ما كتبت

تم وضع ايقونات بـ اللاب توب بعد رؤية طريقة الأخت ( ام زياد ناجي )
ودونت الملاحظات في كل ايقونه وبعدها قمت بتقسيم الرحله الى 4 اقسام كل قسم يحمل اسم مدينة .

الخطوط الدوليه : القطرية

الميزانية المقدّره : 18000 ريال

عدد المسافرين : شخصين .. أنا وأم سدن

أهم الأغراض للسفر :

- شاحن جوال متنقل ( أنصح به ) وهو من نوع Anker قوة 21100
- خافض للحراره - حبوب هيستان للزكام - كريم واقي من الشمس

ترتيب الرحله : يومين سلانجور - 3 أيام لنكاوي - يومين بينانج - 3 أيام كوالالمبور​

هذه الصورة تم تصغيرها . الحجم الافتراضي لها هو 1080x676.

هذه الصورة تم تصغيرها . الحجم الافتراضي لها هو 1080x739.

هذه الصورة تم تصغيرها . الحجم الافتراضي لها هو 1080x751.

هذه الصورة تم تصغيرها . الحجم الافتراضي لها هو 1080x759.

هذه الصورة تم تصغيرها . الحجم الافتراضي لها هو 1022x709.

هذه الصورة تم تصغيرها . الحجم الافتراضي لها هو 1080x506.

​

الأرقام تتغير بتغير الظروف وما تريده النفس وما يتفق عليه اعضاء الرحله

..

..


..

..


فائده :
أي رحله لابد لها من سلبيات وإيجابيات ولكن الأهم أن لاتدع للأمور السيئه أن تعكر رحلتك

لي عوده بإذن الله لتفاصيل الرحله الخنفشاريه

والسلام عليكم

​

 

[براءة الورد]

تفاصيـــــــــل الرحلــــــــه فقره ( أ )


قبل الرحله بيومين .. تم تجهيز اغراض السفر من شناط واوراق ومبالغ ماليه وجوازات السفر

وتم تصوير جميع ماطُبِع من تذاكر وحجوزات وجوازات احتياطاً من أي مصادفات لاقدر الله

انطلقنا بتوفيق الله ورعايته من مدينة الطائف الى مدينة جده الساعه 10.30 مساءاً

ووصلنا الساعه 12.30 صباحاً وأوقفت السياره عند أحد الأقارب قريب من المطار طبعاً

وقام بإيصالنا جزاه الله خيراً إلى مطار الملك عبدالعزيز الساعه 1 صباحاً

وكان موعد الرحله الساعه 3.30 صباحاً ( حريص جداً على المواعيد )

وصلنا الى المطار وينتابنا الشوق والتوتر

شوق لرؤية ما يتحدث عنه المسافرين كثيراً عن ماليزيا وروعة مناظرها

توتر لأنها أول رحله خارجيه لنا وبدون أن ارتبط بأي شركه لإخبارنا ماذا نفعل !!

اقترب موعدنا المنتظر .. والتوتر يزيد ولكن الشوق غلّاب ..

بعد الانتهاء من الاجراءات وتختيم الجوازات ودخول صالة المغادره لم يتبقى عن موعد الرحله سوى نصف

ساعه تقريباً .. فبدأت بقراءة آية الكرسي والدعاء بأن ييسر الله أمرنا وأن يتمم رحلتنا على خير

وأن يحفظنا بحفظه ..

بدأ النداء لرحلتنا .. وإذا بجموع كبيره من المسافرين

وش السالفه ياهوه .. كل ذولا مسافرين لقطر والا لماليزيا والا وش الدعوه ؟!!!

فعلاً تفاجأ حتى الموظفين .. وبدأ بعض المسافرين بالتطاول على موظفي المطار !!

ياليل .. هذي بدايتها .. الله يستر من تاليها ..

وتم اقفال البوابة بسبب بعض الهمجيين هداهم الله

جلست انا وام سدن نسولف ونحاول ان نلهي بعضنا عن هذا الزحام

وقلت لها لو نكون اخر من ندخل اهم شيء راحتنا .. قالت اوكيه

ربع ساعه تم فتح البوابة .. وتنظيمهم بشكل جميل .. ولكن كالمعتاد يأتي من يخرب

وهذي للأسف تحصل كثيراً عندنا كعرب .. لأني رأيت كثير في مطار ماليزيا

إلتزام بالنظام أكثر مما رأيته في الخطوط العربيه سواءاً السعوديه او القطرية ..

وهذي وجهة نظر وتصور لما رأيت ..

المهم جاء احد الموظفين ( يلعب حديد )

ماشاء الله عليه ..

وقال لهم ما راح تدخلون الا بالالتزام بالنظام وارجعوا .. طبعاً مايقدرون يقولون شيء

إلا سمعاً وطاعه هههههههههه بصراحه لو انا مكانهم ممكن اكنسل

الرحله

من باب المبالغه فقط

الحمد لله ركبت الطائره وجلست بالمقعد المخصص وطبعاً أعلمكم بشيء

أم سدن الله يحفظها أخذت جميع مقاعدي بالرحلات كلها

عند الدريشه ( الشبّاك )

توكلنا على الله سبحانه واقلعت الطائره الساعه 4.15 صباحاً على مطار حمد الدولي

ووصلنا بحمد الله هناك الساعه 7 تماماً نزلنا من الطائره ودخلنا مطار حمد الدولي

وهنا سلبيه في مطار حمد رغم اني معجب به أشد الإعجاب ..

السلبيه تقتصر على أنك بتمشي إلين تدوخ حتى تصل الى قسم تحويل الرحلات

والحمد لله كان الترانزيت ساعتين ونصف ولكن بسبب رياضة المشي داخل المطار

تقلصت الى ساعه ونصف وبعد الاجراءات لتحويل الرحله وتختيم الجوازات

تبقى على الرحله نصف ساعه تقريباً .. أخذنا كابتشينو سكر مزبوط .. ونروق على الآآآآآآخر

وبعدها بشوي بدأ النداء على رحلتنا الى ماليزيا

ركبنا الطائره وكالمعتاد .. أم سدن

تاخذ مكاني اللي عند الدريشه

المهم توكلنا على الله وكانت الطائره أضخم من الأولى .. وأقلعت بحمد الله

الإقلاع كان الساعه 9.30 ص ..

استمرت الرحله لمدة 9 ساعات تقريباً

رأيت فيلم .. ثم رأيت فيلم آخر .. ثم نمت وصحيت .. ثم أكلت وشربت .. ثم سولفت

ياهوه .. مطولين والا كيف ؟!! من جد الرحله نوعاً ما متعبه ..

ولكن لعيون ماليزيا كل شيء يهوووووون

وبدأت ملامح ماليزيا تظهر في منظر جميل جداً

هذه الصورة تم تصغيرها . الحجم الافتراضي لها هو 1080x1920.

حطّت الطائره في مطار كوالالمبور الدولي ..

والحمد لله على سلامتنا

​

 

[براءة الورد]

تفاصيـــــــــل الرحلــــــــه فقره ( ب )


ها هي ماليزيا الحب

ماليزيا الشوق .. وكأنه حلم وتحقق

مناظر جميله وجمال رباني ( سبحان الله )

هبطنا في مطار كوالالمبور ولله الحمد بسلامه

وكما قلت لكم التخطيط ثم التخطيط ثم التخطيط

نزلنا من الطائره الضخمه .. ودخلنا المطار الرائع بكل ماتحمله الكلمة من معنى

ووقتها لا يعلم الشخص الذي يسافر لأول مره أين يذهب .. ولكن أنا لا

كانت الوجهه إلى تاكسي المطار الرسمي .. فنصائح الأعضاء هنا كانت محل اهتمام

توجهت لهم وأصحاب الشركات والكدادين ينادون بكل لهفه وبكل شراسه .. السلام عليكم تفضل يا اخي

وكأنهم يقولون تعال والله أن نأكل مالديك من مال

..

أحسست بأنهم وحوش وخاصة لدينا نحن الخليجيين .. ولكن الحمد وجدت ما كنت أريد

التاكسي الرسمي ..

انا : السلام عليكم

هي ( امرأه ) : وعليكم السلام

أنا ( ابتسامه عريضه لزوجتي ابشرك تعرف عربي ) : لو سمحتي أبغى ..... !!

هي تقاطعني : i do not speak Arabic

أنا : ياليل منت ليله .. والله البلشه ..

طبعاً لدي خلفيه بسيطه في اللغه الانجليزيه ..

ولكن المخاطبه ( التحدث ) عندنا مشكله كخليجيين لعدم الإختلاط مع أصحاب اللغه الام

يعني احنا نتكلم انجليزي مكسر

المهم قلت لها بعد مساعدة العم قوقل

اني أريد الذهاب إلى فندق صن واي لاجون سلانجور

قالت اوكيه كم شخص وكم عدد الشنط فأجبتها شخصين وشنطتين قالت المبلغ ( 84 رينجت ) ..

وطلعت المحفظه وأعطيتها المبلغ واخذت التذكره وأتجهت إلى محلات الاتصالات وهي كاونترات صغيره

وحسب توصيات الاعضاء اخذت شريحة اتصال مع بيانات بـ 75 رينجت وبعد تركيبها والتأكد من عملها

اتجهنا إلى بوابة المطار وأخذ مني أحدهم ولابس لبس خاص بالشركه ..

وحمّل الشناط في سياره صغيره على حسب طلبي وأتجهنا إلى الفندق الذي يبعد عن المطار

تقريباً 50 دقيقه ولكنها كانت رائعه وأستمتعنا بالمناظر وكانت أشبه ماتكون بجوله قصيره

طبعاً فائده لمن يريد الإطمئنان من السائق شغل برنامج الخرائط واكتب اسم الفندق بالإنجليزي

وحدد موقعك وأكتب تتبع .. وراح يوضح لك طريق السير تماماً ..

وعندما كنت أتابع سير التاكسي ببرنامج الخرائط اقتربنا من الفندق

وإذا بجمال باهر وفندق رائع وااااااو .. ماشاء الله تبارك الله

إنه صن واي لاجون في سلانجور

تحفه رائعه بكل ما تحمله الكلمه من معنى .. ضخامة الفندق أبهرتني بصراحه

ما أروع استقبالهم وحفاوتهم بنا ..

ذهبت إلى اللوبي .. وأعجبني عندهم سرعة التسجيل .. وأعطوني بطاقة الدخول إلى الغرفه المحجوزه

وكما رأيتها في البوكينق .. وأفضل بصراحه

طبعاً وجدت الشنط أمامي في الغرفه

طبعاً الساعه الان قاربت على 7 مساءاً .. والجوع كافر

طلعت ودخلت مول البيراميد وكان قريب جداً ..

طبعاً أنا مستغرب من شيء .. وهي كثرة الخليجيين وكأني في موسم الصيف

ودخلت لأحد المطاعم وأخذت وجبتين لي ولأم سدن

طبعاً يجدر بالجميع معرفة ان هذا المطعم يقدم الأكل الحلال أو لا ..

بالسؤال او الاستيكر المعلق بباب المطعم .. رجعت للفندق .. وأم سدن طاااااااافيه تبي النوم ..

بعد إلحاح مني تعشينا والحمد لله .. وبعد الاكل بـ 15 دقايق ..

..





( ثانـــــــــي يــــــــــــوم )

صحينا لصلاة الفجر وصلينا وإرهاق السفر بدأ يتضح على وجهي ووجه ام سدن

بدأنا نتفقد الغرفه ومحتوياتها

هههههههههههه

كانت الغرفه مطله على الالعاب المائية

وبدأنا نصور من هنا وهناك

بصراحه بصراحه ههههههه ما عرفت انها العاب مائيه بالبدايه

ولكن أم سدن تحدتني وفعلأ طلعت هي ألعاب الصن واي لاجون

لبسنا .. وأخذنا مانريد .. لأن الوجهه للإفطار وبعدها للألعاب المائيه

أفطرنا وكان الإفطار جميل وطعم رائع وترتيب أروع وحسن استقبال بالوفيه

لا أستطيع أن أصف لكم الفندق وروعته .. وبالأخص طعامهم اللذيذ

أفطرنا وشبعنا والحمد لله .. وسولفت انا وام سدن شوي .. الساعه الآن 9.30

سألت عن مكان بيع التذاكر .. وكانت بجانب باب الدخول للفندق

طبعاً قلت بكم وكذا وشرح لي .. أخرتها عرف اني مافهمت واعطاني نشره باللغه العربيه ..

وابشركم فهمت ههههههه.. المهم أخذت أساور لشخصين بـ 150 رينجت للشخص الواحد

ونزلنا إلى حيث المتعه

وكان الاتفاق .. استكشاف .. وبتصوير وبعدها .. استمتاع بالألعاب

وأول شيء فعلناه .. البحث عن باب الدخول ههههههههههههه

طبعاً فيه باب جيته ولقيته مقفل بالسلاسل .. وقلت لا شكله مو هو .. وتابعنا البحث ومعنا

عائله امريكيه وعائله خليجيه .. الاخ الخليجي قال انا امس جيت من هنا وقالوا اطلع من الفندق

وادخل من الباب الخارجي

ولكن بعيد .. وش الفكره .. وش الطريقه

فجأه شاب وفتاه من الجنسيه الصينيه على ما أظن .. وتسلقوا الجدار اللي بجانب

الباب المقفل بالسلاسل .. وهوباااااا .. ودخلوا الألعاب طبعاً لابد المرور على الأجهزه

والعاملين لرؤية السواره .. المهم احم احم ..قلت ام سدن خلينا نوري الامريكان

رشاقتنا ههههههههههههه طبعاً فيه شجره بجانب الجدار والمشكله ان هالشجره فيها شوك

قالت ام سدن انا أول .. قلت كفو .. يالله شدي حيلك .. وهوباااا والحمد لله عدت بسلام ..

الان دوري

لكن تجري الرياح بما لا تشتهي السُفُن

.. الشوك وما أدراك ما الشوك ..

المهم حاجه بسيطه ورقصة رقصة السامبا بعد الشوك .. والحمد لله دخلنا الألعاب وأول ما صادفنا ..

مهرجان ومسرح و6 شباب يرقصون رقصات ماليزيه مدري هو تمرين والعالم امام المسرح ويرقصون معاهم

المهم صورنا فيديو شوي ورحنا من عندهم بعد ما قلت لأم سدن بروح أطلع معاهم ع المسرح

أكملنا الجوله في المدينه كما أسميتها وهي ليست العاب مائيه فقط .. بل مدينه

إليكم الصور وبها نختم هذا الجزء من الرحله ولي عوده بإذن الله

​

 

[براءة الورد]

تفاصيـــــــــل الرحلــــــــه فقره ( ج )

بعد الإستمتاع في ألعاب الصن واي لاجون رغم الرطوبه العاليه نوعاً ما

عدنا إلى الفندق الساعه 4.00 م للإستحمام وتبديل الملابس والتجهز لمول البيراميد الرائع

وكان الاتفاق بيني وبين أم سدن أن التسوّق راح يكون آخر يومين من الرحله

وطبعاً مستحيل يعجبها شيء وما اشتريه لها

المهم طلعنا الساعه 5.30 م من الفندق وكان المول ملاصق للفندق وسهولة المشي له ودخلناه

عالم وناس وزحمه وكان اليوم هو الأحد

عطلتهم

​

لاتدققون بالصور تراه تصوير ام سدن

المهم تجولنا بالمول .. وضخم بصراحه واشياءه روعه وطولنا نطالع في صالة التزلج

وابداع بعض القروبات في التزلج .. وبعدها توجهنا الى ماكدونالدز للإستمتاع بالطعم الرائع

اللي تكلم عنه كذا عضو في تقريره الخاص ..

وفعلاً الطعم مختلف .. والاسعار مختلفه .. عن السعودية

غدا عشاء .. لا ياعمي .. للحديث بقيّه .. فهذي آخر ليله في سلانجور لازم نختم كل شيء

خلصنا من مول البيراميد تقريباً 6.30 م طلعنا وتوجهنا على تاكسي الفندق .. وقلت له نبغى آي سيتي

تودينا وترجعنا .. من الأخير 120 رينجت .. قلت أوكيه

طبعاً برنامج ماي تاكسي خذلني في الرحله لعدم استجابته معي ..

وهذ الشيء ضايقني قليلاً لكن ولله الحمد على كل حال

طلعنا على آي سيتي وأعطيته 50 رينجت .. وقلت الباقي عند الفندق قال اوكيه رغم اني أحسست انه

نصاب .. المهم نزلنا واستمتعنا بآي سيتي .. رغم أنها لا تستحق العناء كثيراً من وجهة نظري ..

​

لقينا كنتاكي طبعاً مقابل بوابة الدخول لآي سيتي وطلبنا العشاء منه على بال ما يوصل

التاكسي من الفندق .. اخذنا العشا وطلعنا الا وهو عند الباب ينتظرني طبعاً لابد أن تأخذ رقم جواله ..

وهذا مافعلته .. رجعنا الفندق واعطيته باقي المبلغ المتفق عليه .. ودخلنا الفندق وتوجهنا للغرفه ..

وتعشينا وكان الأكل جداً لذيذ

.. وبعدها بنصف ساعه .. نمنا ..









( اليــــــــــوم الثالـــــــث )

صحينا من النوم الساعه 7 صباح .. رتبنا الشنط ونزلنا للإفطار ..

طبعاً أجمل إفطار رأيته في ماليزيا كان في فندق الصن واي لاجون ..

ولا اقلل من قيمة بقية الفنادق لكن .. الصن واي لاجون غير بصراحه ..

أفطرنا وحمدنا الله على نعمه التي لا تحصى ..

باقي على موعد خروجي من الفندق تقريبا ساعتين ..

ولازم أصرف من الصراف لأنه ماكان معي الا 1000 ريجنت ولنكاوي احتاج فيها مصروف ..

رحت المول وصدفه اذا بأحد الأشخاص كأني رأيته يراقبني .. واستمريت في المشي .. وإذا هو يلاحقني ..

وخليته على جوّه .. واستمر .. وفجأه .. وانا ألتفت عليه .. وعرفت أنه عربي .. قلت خير

قال سلام عليكم .. قلت وعليكم السلام ورحمة الله .. هلا .. خير وش فيه تراقبني وتلاحقني ..

فيه شيء ؟!!!! قال لو سمحت انا محتاج فلوس وصار علي كذا وكذا ومحتاج الفزعه ..

والله ماراح أوقف مكتوف اليد .. بل ساساعده لوجه الله بما استطيع .. لكن تصرفه غريب ..

وإحساسي أنه نصاب .. قلت بروح اصرف وراح اجيك .. طبعاً أم سدن متوتره نوعاً ما ..

المهم .. رجعنا ما لقيناه .. وقلت خيره .. لعله شر فصرفه الله عنا

عدنا الى الفندق وكلمت خدمة الغرف علشان الشنط .. وعلى طول جاني واحد منهم

واخذ الشنط .. ونزلت اسوي تسجيل خروج وكانوا مبتسمين ..

وكلمت مواصلات الفندق .. وطلبت منه المطار وقال 130 رينجت .. وجاني شخصين حقين التكاسي

واحد يقول 100 والثاني يقول 90 .. وبصراحه ادفع الفرق من اجل راحتي والثقه بمواصلات الفندق

وكانت الساعه تشير الى 10.00 صباحاً وموعد الرحله الـ 1.00 م .. توكلنا ع الله وذهبنا إلى المطار

ونزلنا الشناط .. ودخلنا المطار .. وفجأه إذا بواحد هندي أخذ عربية الشنط وقال الحقني ..

انا تفاجأت وكان معنا عائله سعوديه ايضا واحنا وراه والرجل مجتهد .. اخذنا على المغادره

وعلمنا وش نسوي وخلص معنا كل شيء .. ولازلت متفاجئ .. من يكون ؟!!!!!

وبعد ما خلص من العائله السعوديه رجع لي وخلصني .. قلت شكرا .. وأثاريه مايبغى شكرا ..

يبغى بولوس ( فلوس ) .. ؟!! طيب كم .. قال 100 رينجت .. ليش طيب .. انا ما اتفقت معك ؟!!!

ولكن بصراحه خدمنا رغم انه لا يستحق المئه كامله .. لكن فدا .. الاهم اننا انجزنا ..

دخلنا صالة المغادرة .. وبإنتظار فتح البوابة .. تبقى نصف ساعه ..

اخذنا كوفي ودونات وانتظرنا حتى فتح البوابات .. وركبنا الطائره ..

وتوكلنا على الله إلى لنكاوي الشهيره .. ونريد رؤية ما يتحدث عنه الصديق والقريب والزميل

كلنا شوق لرؤية لنكاوي .. واقلعت الطائره بتوفيق الله

​

 

[براءة الورد]

تفاصيـــــــــل الرحلــــــــه فقره ( د )

( إكمـــــــال لليــــــوم الثــــالـــــــث )

قبل البدء ( هناك 2100 صوره للرحله )

وأحاول أن أدرج الصور على ذائقتي الخاصه والتي أتمنى أن تنال اعجابكم

وأسمحوا لي أن أخبركم ان عدد الصوره كثير شوي

..

أقلعت طائرتنا الى لنكاوي .. وكانت الرحله جميله وهادئه للغايه والحمد لله

وعند الهبوط .. كانت هذه الصوره :

ماشاء الله تبارك الله .. أمطار على لنكاوي وقت هبوطنا ..

غادرنا الطائره .. وأخذنا الشناط .. وعند الخروج من المطار واذا بمكاتب صغيره كشكات

للإتفاق معهم للرحلات والجولات والمواصلات .. ذهبت إلى فتاه وكانت تتحدث العربية قليلاً

رأيت رحلات كثيره في مجله خاصه بالشركه وكل رحله تضم جولات وكل واحده تختلف

عن الأخرى في السعر .. فأعجبني عرض وكان بـ 650 رينجت ..

ومع المكاسره والاصرار في ذلك نزلت لي 100 رينجت ..

وأصبحت 550 رينجت لمدة 3 ليالي ..

وأخذوا الشنط وجهزوا لي سياره خاصه صغيره ..

وهووووبا على المنتجع وكان قريباً نوعاً ما من المطار

وهو ( فيفانتا باي تاج .. جزيرة ريباك )

أوصلنا إلى المرفأ .. وكانت هذه سلبية المنتجع ..

لابد لك من الانتظار قليلاً ليأخذك اللانش على الجزيرة .. وكانت هناك اوقات محدده .

قبل نزولنا من السياره .. أخذت رقم السائق واخذ رقمي .. اسمه محمد شاب خدوم وطيب ومؤدب للغايه

لا يتكلم العربية .. والعم قوقل في الخدمه

وتواعدنا على الساعه الـ 9.00 صباحاً يوم الغد لنبدأ جولاتنا ورحلاتنا ..

جاء اللانش.. واخذنا على الجزيرة .. استقبلونا احسن استقبال ..

وسويت تسجيل دخول واعطوا زوجتي هديه بسيطه من المنتجع

علموني بمكان اقامتي ورقم الغرفه واخذونا بالعربه الى الغرفه ومعنا الشناط ..

وصلنا ونزلنا وسمينا بإسم الله .. ودخلنا الغرفه .. وكانت المفاجأه

كانت الغرفه مطله على البحر .. وكانت روووووووعه ..

خرجنا الى المنتجع للإستكشاف ومعرفة مرافقه ومحتوياته وكما قلت سابقاً :

هذه تسليه ومتعه بحد ذاتها

خرجنا وألتقطت بعض الصور وأترككم للإستمتاع

..

..

..

ملاحظه : أتمنى عند أخذ أي صوره من التقرير ذكر الحقوق

​

 

[براءة الورد]

تفاصيـــــــــل الرحلــــــــه فقره ( د )

( إكمـــــــال لليــــــوم الثــــالـــــــث )

قبل البدء ( هناك 2100 صوره للرحله )

وأحاول أن أدرج الصور على ذائقتي الخاصه والتي أتمنى أن تنال اعجابكم

وأسمحوا لي أن أخبركم ان عدد الصوره كثير شوي

..

أقلعت طائرتنا الى لنكاوي .. وكانت الرحله جميله وهادئه للغايه والحمد لله

وعند الهبوط .. كانت هذه الصوره :

ماشاء الله تبارك الله .. أمطار على لنكاوي وقت هبوطنا ..

غادرنا الطائره .. وأخذنا الشناط .. وعند الخروج من المطار واذا بمكاتب صغيره كشكات

للإتفاق معهم للرحلات والجولات والمواصلات .. ذهبت إلى فتاه وكانت تتحدث العربية قليلاً

رأيت رحلات كثيره في مجله خاصه بالشركه وكل رحله تضم جولات وكل واحده تختلف

عن الأخرى في السعر .. فأعجبني عرض وكان بـ 650 رينجت ..

ومع المكاسره والاصرار في ذلك نزلت لي 100 رينجت ..

وأصبحت 550 رينجت لمدة 3 ليالي ..

وأخذوا الشنط وجهزوا لي سياره خاصه صغيره ..

وهووووبا على المنتجع وكان قريباً نوعاً ما من المطار

وهو ( فيفانتا باي تاج .. جزيرة ريباك )

أوصلنا إلى المرفأ .. وكانت هذه سلبية المنتجع ..

لابد لك من الانتظار قليلاً ليأخذك اللانش على الجزيرة .. وكانت هناك اوقات محدده .

قبل نزولنا من السياره .. أخذت رقم السائق واخذ رقمي .. اسمه محمد شاب خدوم وطيب ومؤدب للغايه

لا يتكلم العربية .. والعم قوقل في الخدمه

وتواعدنا على الساعه الـ 9.00 صباحاً يوم الغد لنبدأ جولاتنا ورحلاتنا ..

جاء اللانش.. واخذنا على الجزيرة .. استقبلونا احسن استقبال ..

وسويت تسجيل دخول واعطوا زوجتي هديه بسيطه من المنتجع

علموني بمكان اقامتي ورقم الغرفه واخذونا بالعربه الى الغرفه ومعنا الشناط ..

وصلنا ونزلنا وسمينا بإسم الله .. ودخلنا الغرفه .. وكانت المفاجأه

كانت الغرفه مطله على البحر .. وكانت روووووووعه ..

خرجنا الى المنتجع للإستكشاف ومعرفة مرافقه ومحتوياته وكما قلت سابقاً :

هذه تسليه ومتعه بحد ذاتها

خرجنا وألتقطت بعض الصور وأترككم للإستمتاع

..

..

..

ملاحظه : أتمنى عند أخذ أي صوره من التقرير ذكر الحقوق

​

 

[براءة الورد]

قبل البدء ..

أعتذر لأنني سأتوقف لمدة 3 أيام اعتباراً من الليله بسبب سفري لمدينة الرياض لتغطية حفل

والعوده يوم الأحد إن شاء الله لذلك سأسرد لكم ما أستطيع هذا اليوم

تفاصيـــــــــل الرحلــــــــه فقره ( هـ)

إكمالاً لليوم الثالث .. طبعاً صلينا المغرب والعشاء ..

وطلبنا عشا خفيف لنا من المنتجع واعتقد كان سعره 120 رينجت ولمّا جات الساعه 9 بالليل ..

وهي اول ليله لنا بلنكاوي .. جانا مطر شديد جداً .. وكانت معه رياح قويه .. والحمد لله

بعد ساعه تقريباً هدأت الأمور واستمر المطر بدون رياح .. وجاء وقت النوم ..

..

صحينا بدري تقريباً الساعه 7.00

وكان هناك موعد مع السائق الماليزي محمد واتفاقنا على الـ 9 صباحا

ولازم نحرك مع اللانش اللي وقته 8.45 دقيقه ..

تجهزنا وأخذنا مانحتاج من لوازم الجوله .. وفي مقدمتها الكاميرا

ذهبنا للإفطار في المنتجع .. وكان لذيذ جداً

بعد الإفطار توجهنا إلى المرفأ .. وكان هناك زحمه نوعاً ما .. ولكن اللانشات 2

توكلنا على الله .. ووصلنا الى المرفأ الآخر .. وكان محمد بإنتظارنا .. والابتسامه على محياه ..

ركبنا وقلت له .. خطوه خطوه .. علمني وين بنروح ..

وأحب أن أعرف وش بسوي والمكان اللي راح نتوجه له ..

لأن ليس كل شيء نهواه .. وليست كل الأماكن نحبها

قال : أولاً على حديقة الفواكه ..

ملاحظه /

اختيار الأماكن مهمّة أم سدن لأن الرحله هديه لها فالأساس

وهي اللي تقرر الأماكن طبعاً مع استشارتي

انتقلنا الى حديقة الفواكه .. وسأترككم مع بعض الصور الملتقطه وسأكمل بعدها

هذي الصوره واضح فيني التعب من الرطوبه لأني انا والرطوبه ما نتصافى نهائياً

..

كان هناك سياره تتجول بنا في حديقة الفواكه .. واعتقد الدخول للشخص 35 رنجت

توقفنا عند مبنى داخل الحديقه وفيه اطباق بها فواكه مشكله من انتاج نفس الحديقة

تذوقنا .. وماشاء الله رائعه .. وطبعاً كانت مجاناً .. وهناك عصيرات بـ 5 رينجت

بعدها أكملنا الجوله وكانت رائعه .. وطلعنا الى البرج العالي بوسط الحديقة .. وكان هناك أجانب

والابتسامه لاتفارق محيا الزوّار وقبلهم جميع العمّال بالحديقه .. رغم الرطوبه العاليه ..

طلعنا للبرج وكان المنظر رائع كما شاهدتم في بعض الصور السابقه ..

طبعاً يوجد مطعم وبقّاله في الحديقه .. وهذه فائده لمن يريد

لكن ما جربت شيء عندهم

خلصنا حديقة الفواكه .. وطلعنا وكان محمد ينتظرنا بسيارته الجميله ماشاء الله تبارك الله

..

قلت وين الحين ياصديقي .. قال الآن على حديقة الطيور

قلت مشينا ..

طبعاً بموافقة ام سدن

.. ودخلنا الحديقه واستمتعنا بكل دقيقه وثانيه .. فعلاً متعه

وأترككم مع الصور .. وإن شاء الله أنها توصف جمال مارأيت

طبعاً الصوره الاخيره حقت الولد الصغير .. بسم الله عليه ..

كان يناظرني وانا اصور وتركت الطيور واروح اصوره ..

..

الصور كثيره جداً .. لكن مسألة الاختيار عندي بالصور مسأله معقده منذ الصغر هههههههههه

..

استمتعنا بجولة الطيور .. وطلعنا وكان محمد الله يجزاه خير ينتظرنا ..

وكما عودته بالسؤال .. على وين الحين هههههههههه احس انه بينزلني

قال الحين اختياركم .. فيه البراشوت ..

وهنا قاطعته وقلت مستحيل

لأن عندي فوبيا من المرتفعات وهالالعبا ما احبها وما تصلح لي ..

قال فيه جولة الدبابات الرباعيه قلنا تم ههههههههه ..

ورحنا لهم ودلنا عليهم .. واستقبلونا ..

وعرضوا لنا الجولات .. وكل وحده تختلف عن الثانيه بالسعر

طبعاً وبصراحه اسعارهم مرررره مرتفعه ..

يعني جوله بالدباب الرباعي يمكن لمدة ساعه بـ 250 رينجت !!!!!

ام سدن متحمسه لهالجوله .. وقلت في نفسي ..

والله ما اردها في خاطرها خاصه اني عارضتها لأول مره على البراشوت

لذلك اخذنا الدبابات وهجولنا في الأنحاء ههههههههههه ومتعه بصراحه خاصه عند

الدخول في مزراع لنكاوي وزيارة شجر المطاط وزيارة الشلالات ..

ولكن رغم المتعه إلا انني متوتر وخايف .. لأننا لوحدنا والحافظ الله سبحانه ..

واستودعنا الله انفسنا .. وكملنا الجوله

..

خلصنا الجوله وكانت لمدة ساعه وربع تقريباً

الآن الساعه تشير الى 3.00 م .. وهذي المره انا اللي وجهت السائق وقلت ودني لمحل الشوكولاته

وفعلاً رحنا .. ودخلنا المحل وكان رووووووووووعه .. وتسوقنا منه واخذنا بعض الهدايا منه

طبعاً المحل يضم كذا قسم .. ولكن اللي اعجبني فيه قسم القهوه والشوكولاته

طلعنا من المحل وقلت الحين على وين ههههههههههههه

قال الآن التلفريك

لا لا لا ياحبيبي .. انا البراشوت ما رحت له ..

اروح للتلفريك ( نبرة خوف ) .. هنا كان التدخل من ام سدن .. وقالت تكفى وافق

جاء العيد جاء العيد

امممممم سكت شوي .. أحلل الموضوع وخطورته .. وبصراحه وافقت .. بس كان هناك شرط

اني اقفل عيوني .. وما تخوفني .. ههههههه

قالت ابشر .. قلت يالله

قصينا التذاكر .. ودخلنا .. ولكن دخلونا على صاله وقفلوا الباب والأنوار ..

وش السالفه لا يكون هذا التلفريك حقهم .. ههههههههههههههه

المهم شغلوا فيديو لقطار الموت .. والله كأنهم يعرفون اني ما احب هالاشياء ..

وبصراحه العرض جداً يخوّف لمن حالته مثل حالتي ..

والمشكله اني ركزت ودخلت الفورمه مع الفيديو وكأني بقطار الموت حقيقةً !!!!

طلعنا وتوجهنا لصعود التلفريك الله يقلعه وكان نظامهم .. كل أربع أشخاص مع بعض ..

فأجتمعنا مع عائله سعوديه .. رجل وزوجته .. وضحكو علي ضحك إن شاء الله مايجيكم موقفي

كان سعر التذكر 75 للشخص .. اعتقد ذلك .. ويمكن مضيّع

الرهبه لها دور بصراحه .. أخليكم مع الصور وأكمل التقرير على خير يوم الأحد القادم بإذن الله

​

 

[براءة الورد]

السلام عليكم ورحمة الله وبركاته

عدنا لكم بكل شوق .. مع بوكيه ورد اعتذاراً للجميع على التأخر الغير مقصود



تفاصيـــــــــل الرحلــــــــه فقره ( و )

عدنا بعد الرحله الممتعه والتي تخللها زيارة لحديقة الطيور وحديقة الفواكه

ومحلات الشوكولاته والكوفي وايضا ركوب تلفريك لنكاوي المخيف

عدنا لجزيرة ريباك .. وكنا مرهقين لطول الجوله السياحيه والاستمتاع بكل تفاصيلها

وقلت للسائق يمر على محل جوالات لنأخذ بطاقة شحن للجوال بمكالمة الأهل وطمأنتهم

ووصلنا لمحطة الرجوع وهو المرفأ .. وقفنا السائق والوعد غداً بإذن الله الساعه 9.00 صباحاً

وصلنا المنتجع على الساعه 6.00 مساءاً وجلسنا على الشاطئ الرائع تقريباً ساعه ونصف ..

وبعدها توجهنا للغرفه لتبديل الملابس والتجهز للعشاء ..

وهنا ملاحظه / العشاء بأي فندق من الفنادق او المنتجعات ذو التقييم ال( 5 ) نجوم

تكون التكلفه باهظه نوعاً ما .

وبدلاً من ذلك أخذ العشاء من خارج المنتجع او الفندق .

المهم .. رحنا لمطعم المنتجع .. وكان هناك بوفيه مفتوح بقيمة 220 رينجت لشخصين

تعشينا واستمتعنا بطعم الأكل اللذيذ والرائع .. وكانت هناك عائله سوريه بجانب طاولتنا

واستمتعنا بالحديث معهم .. وخلصنا العشاء الجميل والرائع ..

وبعدها رحنا غرفتنا نبي نناااااام .. بكره فيه جوله كثير من الناس ينصحنا بها ..

لمّا حطينا روسنا نبي ننام .. كانت المفاجأه

أمطار غزيرة جداً علينا مع وجود الهوا الشديد اللي ماخلانا ننام .. تقريباً ساعه ووقف المطر

ونمنا على طول وصحينا اليوم الثاني بكل نشاط وحيويه

وتجهزنا وأخذنا أغراضنا للرحله من واقي للشمس وصديقتي المحبوبه ( الكاميرا )

وبعض الأغراض للرحله وأنصح بعدم الإكثار منها

المهم طلعنا للإفطار

وبعد الفطور الرائع واللذيذ .. توجهنا للانش ووصلنا للمرفأ ولقينا صاحبنا محمد

بإنتظارنا وابتسامته على محياه .. ركبنا السياره

وأول سؤال كالمعتاد هههههههههههه على وين يامحمد ؟!

قال الآن :

( رحــــــــــــلــــــــة المانجـــــــــــروف )

تشقق وجهي من الفرحه .. وبصراحه كثير من الناس ينصحني بهالرحله الممتعه ..

وصلنا لمكان انطلاق رحلة المانجروف وكان هناك زحمه شديده ولكن تكمن سلاسة وصولنا

وسهولة رحلتنا في التخطيط ومعرفة ما نفعل طبعاً بعد توفيق الله ..

وكانت ميزة رحلتنا اننا لوحدنا انا وام سدن بالإضافه لخوينا الماليزي

ولكن هناك عدة لانشات تكون رحلتهم جماعيه وهم من يتعاقدون مع الشركات

السياحيه والحمد لله لسنا منهم .

وأنطلقت الرحله

وكانت البداية جداً مشوّقه

( سأبدأ بسرد رحلة المانجروف كخطوات مع بعض التفاصيل والصور )

أولاً : ( إطعام النسور )

..

ثانياً : ( كهف التماسيح )

وكان هناك تآمر بيني وبين الماليزي لتخويف أم سدن ..

وبدأ الماليزي بسرد قصة هذا الكهف وأنه مخيف ويوجد بداخله تماسيح تعيش

في النهر وأنها قد هاجمت أحد المراكب وماجاه شيء .. ومن هذا الكلام وشوي شوي

اشوف ام سدن تقرب مني هههههههههههه طبعاً توترت وبدأ ذلك في صوتها بالكلام معي

..

المهم علمتها انه مقلب وهذا الكهف مافيه تماسيح ولا شيء .. طبعأ ( عصّبت علي )

..

ثالثاً : التوقف لرؤية الأسماك وأنواعها وإطعامها ..

وقفنا ونزلنا وشفنا الأسماك والأنواع الغريبه سبحان الخالق ..

طبعاً يوجد مطعم .. وطلبنا أكل وكان حلوووو وأسعارهم معقوله

وبعدها كملنا الرحله ..

..

رابعاً : كهف الخفافيش

أكملنا الرحله لرؤية الخفافيش العجيبه

وكانت هناك مجموعه كبيره لرؤية ذلك وكانت هناك مرشده تخبر بتفاصيل هذا الكهف العجيب

وكان في استقبالنا القرود الغريبه وبعضها المخيف

ملاحظه : جميع صور كهف التماسيح لأم سدن الله يحفظها ..

..

خامساً : رؤية الحدود المايزيه - التايلنديه

بعد العوده من كهف الخفافيش خيّرنا القائد الماليزي برؤية الحدود الماليزيه التاليلنديه

او العوده مباشرةً لليابسه .. فأخترنا رؤية الحدود بالتأكيد

وبعدها وصلنا للمرفأ .. ونزلنا بسلام ولله الحمد

وكانت الرحله تستحق الإشاده .. والله انها فللللللللله

كان محمد بإنتظارنا .. وطلبت منه الذهاب للسوبر ماركت لأخذ البارد وبعض البسكويت

وبعدها ذهب بنا إلى رحله بحريه أخرى .. ولكن من نوع آخر

وهي عباره عن دباب بحري يجر المركب المطاطي على شكل صاروخ

وكان في غاية الروعه هههههههههه طبعاً أم سدن كانت خايفه مرررررره بسبب كرهها للبحر

وحده بوحده تذكرين التلفريك

المهم أخذنا تقريباً 25 دقيقه بهذه الرحله التي كانت بالنسبه لي رائعه

مع وجود بعض التوتر بسبب التعمق في البحر كثيراً ..

بعد العوده كان هناك سباق جري بيني وبين ام سدن هههههههههههه

طبعاً مو نشاط

ولكن بسبب عدم ارتداء الحذاء اكرمكم الله والأرض حاااااااره جداً

كانت الساعه وقتها تقريباً 3 مساءاً ..

طلعنا مع محمد .. وأخذنا جوله مع إرشادنا لبعض أهم المراكز في لنكاوي ..

طبعاً كنت آمل أن كواه قريبه مني ولكنها كانت بعيده نوعاً ما ..

وكنا نريد إكمال بقية اليوم بالإستجمام في الجزيرة ..

ولكن قبلها ذهبنا لشراء بعض الشوكولاته .. ( خلصنا محلاتهم هههههههههههه )

وصلنا الجزيرة الساعه 5.00 م وتوجهت للمسبح الجميل ..

وسبحت واستانست .. وام سدن مستمتعه بالأجواء ..

وتوجهنا بعدها على الشاطي النظيف والجميل والرائع ..

وقتها قلت وش رايك يا ام سدن نروح لمركز المساج للمنتجع ونشوف كيف امورهم قالت اوكيه ..

كنت أريد المساج وام سدن تبي البودي كير وذهبنا لهم ..

وطلبنا منهم إخبارنا معلومات عنها وعن أسعارها ..

وكانت الصدمه

!!!!!!!!!

كانت الاسعار تبدأ من 500 رينجت للمساج .. طيب والبودي كير ؟ قالت 200 رينجت !!!!!

المهم اعطيتهم ابتسامه بحجم مبلغهم ..

وطلعت انا وام سدن وقالت ام سدن ( وجع يوجعهم .. وش ذا ) هههههههههههه

توجهنا للمطعم وأخذنا عصيرات طبيعيه وجلسنا على الشاطئ حتى غابت الشمس

ورجعنا لغرفتنا وبكره بنروح إن شاء الله لـ ( بينانج ) ولازم نتجهز ونرتب أغراضنا

ولمّا وصلنا للغرفه كان في إستقبالنا الوزغ أكرمكم الله ولكن يختلف عن الوزغ حقنا ..

أحس الوزغ حقهم مؤدب ههههههههههه .. المهم أم سدن دوروها ماتلقونها .. نزلت تحت

الجنس الناعم مررررره ما يحب هالأشياء

بعد عمليه نوعيه مني .. تم القضاء على هذا الإرهابي الذي سبب الرعب في قلوب شعبنا المعطاء

هههههههههههه آسف على الشطحه .. شكلي تأثرت من كثر الأخبار بكل مواقع التواصل

المهم دخلنا ورتبنا الاغراض وسوّت ام سدن لنا كوفي .. إنما إيه

مع وجود بسكويتي المفضّل ( السنكرس )

طبعاً ماكن هناك وجبة عشاء لأننا كنّا والحمد لله أكلنا كثير بالرحله وفي طريق العوده

أخذنا ساندويتشات بالإضافه للعصيرات الطبيعيه في المنتجع والكوفي والبسكويت

..

استلقينا للنوم .. ولكن تكرر ماحصل ليلة البارحه وهي الأمطار الغزيرة والهوا القوي جداً ..

سبحان الله اللهم اجعلها امطار خير يارب ..

..

بعد توقف الهواء .. نمنا .. وصحينا اليوم التالي ..

وذهبنا للإفطار وكالمعتاد الاستمتاع بالفطور الرائع ..

وبعدها توجهنا إلى المرفأ .. طبعاً كان بدري نوعاً ما .. بسبب رحلتنا المبكره إلى بينانج

وصلنا لخوينا الماليزي محمد .. وركبنا معه .. وكانت الساعه 8.00 صباحاً

وتبقى على رحلتنا ساعتين .. على الفيري وقيمتها للشخص 70 رينجت ..

كان لابد أن يمر على عاصمة لناوي وهي كواه ..

وبصراحه تمنيت اني سكنت بها .. فيها حياه وناس وهيصه وزحمه وكذا يعني ..

مو زي الجزيرة هدوء ومسألة اللانش المزعجه .. (

)

كان أول شيء يخطر في بالي هو زيارة ميدان النسر او تمثال النسر ..

..

وكانت الزياره للموقع سريعه .. بسبب الرطوبه العاليه ..

بعدها انتقلنا للعبّاره .. وعندما دخلنا اخذوا الشنط .. ولمّا دخلت ..

قالوا لي الشنط بـ 25 رينجت !!! قلت ابغى الشنط معي قال لا تقدر تاخذ وحده

لكن الثانيه لازم تشحنها ..

طبعاً أحسست انه نصب علي لأن شحنها أي بقاءها بجانب الاولى التي معي ؟!!!!

المهم 15 رينجت وقلت يالله لا نتأخر على الفيري لأني كما قلت سابقاً دقيق بالمواعيد

ركبنا الفيري ( العبّاره ) ..

..

استمرت الرحله لمدة 3 ساعات .. وكانت جميله بنظري ولكن ام سدن لم تحب الرحله

أترككم مع بعض الصور لإنهاء تفاصيل هذا الجزء من التقرير ..

وسأعود لكم من جديد بإذن الله في تفاصيل أخرى ..

..



ردد دائماً :

لا إله إلا أنت سبحانك .. إني كنت من الظالمين ..







​