انا حنيت لاسطنبول

[سندريلا]

ياهو الوعد ظالم ..
دعاني بالامل لكن ..
مسح قدامي دروبي ..
ولا ادري شي او لا شي ..
اغني فيه مسحوبي ..
تاكد يا وعد والا ..
ترى لاجيت ابتغلى ..
وبتأخر ولو لحظه ..
واجيك اسابق اللحظه ..
ولا اغمض ولا غمضه ..
تفوت ومن سناك ومضه ..
وانا انتظرت أزمان ..





التخطيط للسفر


كانت فكرة السفر بالشتاء وحضور النيو يير

في تركيا وارده

لكن الاجازة قصيرة والامور ملخبطة

واول مااعلن الوزر السابق للتعليم عزام الدخيل الله يذكره بالخير

قرار تقديم الاجازة على طول فتحنا اللاب وجبنا الجوازات

وكانت الصدمة

الجوازات راح تنتهي

ومن بكره جددناها وفصلنا الاطفال كل واحد بجواز
























الهدف من السفر

تغيير جو
والاطفال حلمهم يشوفوا الثلوج

وانا حنيت لاسطنبول




مدة الرحلة

من 28ديسمبر الى7يناير

وكل المدة باسطنبول لاغير

هذه الصورة تم تصغيرها . الحجم الافتراضي لها هو 1080x1920.

هذه الصورة تم تصغيرها . الحجم الافتراضي لها هو 1080x1920.

​

 

[سندريلا]

أواه لو تدرين عن بعض الحنين والشوق لأمنه تجبر وافترى

في كل يوم أقول بكره ترجعين بكره معاك غايب وشكله ما درى

والدمعة اللي وقفت بعيني سنين من يوم ما غبتي وعيني ما ترى

إلى متى وانا أحترى قلبك يلين والناس تتقدم وانا أرجع ورى





السكن


على قاعدة شي تعرفة افضل من شي تجهلة


كان خياري الوحيد والجميل هو سكاي كايمر البوتيكي

سبق وسكنا فيه

يقع في منطقة السلطان احمد في بايزيد تحديدا

الغرف مقبولة
الموقع رائع خطوات عن الترام

منطقة حيويه

افطار مقبول

هذه الصورة تم تصغيرها . الحجم الافتراضي لها هو 1080x1920.

الدفاية محبوبتي



الفندق فيه عيب بالشتاء ارضيته باركيه والتدفئة سيئه متنا برد والله

مناظر حول الفندق زي ماقلت المنطقة حيوية وحيااااااة وصخب بس مو زي تقسيم لووووول


الجراند بازار اروحه مشي انا وولدي وحتى مسجد السلطان احمد لكن شوي بعيد للي مايحبون المشي

منطقة اسواق لاللي ومحلات الجملة قريب

حتى اكسراي وصلتها مشي

وسيركجي

وامينون

مشي مشي الين تورمت رجلي هههههههههههه

ماك وبرقر كنج قريب من الفندق





تقييمي للفندق 8من 10





​

 

[سندريلا]

اليوم بآخذكم جولة
في منطقة شاطئ اورتاكوي

انا وعائلتي من عشاق المنطقة مانمل منها وثاني يوم لنا على طول رحنا

وكانت الصدمة

والله ضاقت صدورنا متعودين على الزحمة والناس والجلسة على الكراسي المطلة ع البسفور

هذا الحلو لذيذ مع القهوة العربية كأنه لقيمات






وبعد الصدمة المكان شبه فاضي ويجيب الضيق

فعلا جنة من دون ناس ماتنداس




قررنا نتعشى في هوكا ورحناله مشي



مطعم ممتاز ممتاز ونظيف والخدمة راقية والموظفين بشوشين

لكن كتمه بسبب الشيشة

الاكل لذيذ والحلو عجيب والاسعار ممتازة بدون مبالغة



والمينيو ايباد ويافرحة العيال هههههههههه

كرات الجبنةوالمكرونه ممتازة شبيهه لتشيز كيك فاكتري

اصابع الدجاج هشه وطرية ومقرمشة كأني اسوي دعاية زيت عافية مدري العربي



البيتزا عجبت عيالي انا لا لانها رقيقة بزيادة

ياسلام على الترويقة

هذي المنطقة كويسة للي مايبغون ريحة الشيشة

حلويات الكرسمس


الاواني وطريقة التقديم تفتح النفس

وعندهم نوع عصير يقدمونه بكيس نايلون تحمست اطلبه لكن مكوناته جوز هند وليمون فكنسلت

~~~~~~~

ببقى أحب الحب و اتخير القرب
وأقول للغاليين سمعٍ و طاعة
وش حيلة الإنسان لو خافقه حب
ما ظن ينسى الحب في ظرف ساعه


~~~~~~~~ ​