دهب زيها زي أي مكان على وجه الكرة الأرضية.. بلد فيها ناس.. يعني فيها خير وشر.. فيها حلو ووحش.. وكله بنسب.. وإنت اللي بتختار.. والمتفق عليه إن حياتنا كلها تجارب، وكل تجربة ومعاها دروسها اللي بنطلع بيهم من بعدها وبتتعلم وبتاخد قراراتك بناءً على التجربة دي..
الموضوع بالظبط عامل زي اتنين سافروا برا.. واحد شاف البلد كلها نسوان عريانة وبارات وقمار، والتاني شاف ناس كلمتهم زي السيف وعندهم مباديء واحترام للغير.. إلخ.
البوست دا مابقولش فيه أي حاجة معينة، ولا بوجه بيه أي حد لإنه يعمل أي حاجة، أنا مجرد بعرض وجهة نظر ليا، وكل اللي قاصد أقوله م البوست: روح دهب بنفسك، وجرب بنفسك، واحكم بنفسك، ماتاخدش أي قرار ف حياتك عمومًا بناءً على كلام أي حد.. أنا شخصيا عملت داه، ورحت قعدت ف دهب كام شهر، جربت بنفسي، واضطريت أرجع تاني إسكندرية لظروف خاصة، وخلاصة التجربة أثبتتلي إني لازم أرجع دهب تاني أكمل فيها باقي عمري، وأول ما أقدر أنفذ دا هنفذ.. الكلام دا طبعا للي غاوي يروح دهب، لكن لو إنت مرتاح ف المكان اللي إنت فيه، خليك زي مانتا، دهب كويسه طول ما المصريين بعاد عنها
اللي عاوز أقوله برضو، إن ناس كتير أجانب كانوا ولا مصريين بييجوا دهب ودهب بتعملهم سحر وشعوذة وبتخليهم يسيبوا كل حاجة بتربطهم ف المكان اللي هما فيه ويقعدوا فيها ينسوا نفسهم وينسوا الدنيا باللي فيها.. أكيد دا ماجاش من فراغ، وكل واحد ليه أسبابه الخاصة
آه، دهب مابقتش زي زمان، وعارف إنها فعلا كانت زمان أحلى وأجمل وأنقى.. زيها زي باقي مصر، الزمن اللي إحنا فيه حاجة وزمان بقه حاجة تانيه خالص.. لكن حتى دهب وهي دلوقتي ف حالتها دي، تعتبر أحسن من غيرها.. ف من الإجحاف إنك تقول زيها زي بلطيم وجمصه ومعرفش إيه.. ولا إنك تمثلها بشرم الشيخ اللي الأجانب بيقولوا عليها إنها القاهرة بتاعت سينا (شرم يعني)
في وجهات كتير غير دهب الناس بتقصدها علشان تنقل معيشتها هناك، زي الغردقة والجونة وغيرهم، بس تظل دهب هي حجر المغناطيس الأكبر لأي زاير مصري أو غير مصري
ميزة دهب إن شرطة السياحة هناك إلى حد كبير حاكماها، مش مخلية أي حد يقدر يضايق الناس أو يعترض حرياتهم أو يتهكم عليهم أو على لبسهم أو أي طريقة هما اختاروا يعيشوا بيها، ودا كله بفضل الأجانب ووجودهم فيها، مش حاجة تانيه.. لذلك تلاقي دهب متميزه عن غيرها بالحاجة دي، الناس اللي فيها ف حالهم وأي حد بيعمل أي حاجة من غير ما أي حد تاني يقوله إنت بتعمل إيه، ف الزوار المصريين الجماااال لما بييجوا بيتطبعوا برضو بنفس الفكرة وبيضطروا اضطرارا يتعاملوا بنفس الطريقة..
من الآخر يعني، لو شايف دهب زيها زي غيرها، اوعى تروحها، يبقى ريحت وارتاحت، ويبقى المصريين هناك قلوا واحد
شوية معلومات:
دهب أكل عيش الناس فيها هناك، رياضة الغوص، كل السياح من كافة العالم بييجوا على حس البلو هول، اللي هوا يعتبر من أعمق مواقع الغطس في العالم، ف بتلاقي مراكز الغطس منتشرة بكثافة ف دهب، وكتير من اللي عايشين ف دهب ناس جم دهب واتعلموا الغطس وأخدوا كورسات لحد أما دا بقى أكل عيشهم ومصدر دخلهم..
اللغة هي أهم شيء ف الغالبية العظمى من الوظايف ف دهب، إن ماكانش كلها.. آه، قد تكون المجالات ف دهب محدودة بعض الشيء، ومش كل ألوان الحياة ف القاهرة وغيرها متاحة ف دهب، لكن بلا شك، كل ماكانت لغتك قوية، كل مافرصك كانت أزيد..
أغلبية الشغل بتكون يا ف مراكز غطس يا ف فنادق يا ف مطاعم وكافيهات.. (أنا كنت شغال موظف استقبال ف فندق).. الشغل في الغالب 12 ساعة.. (ماكنتش بحس بيهم إطلاقًا ، بالعكس كنت بتبسط بالتعامل مع الناس والتواصل مع الغير، ولغتي اللي كانت بتتطور يوم ورا التاني علشان طول الوقت بتكلم مع متحدثين أصليين للغة).. المرتبات بدايتها من 1500 جم.
حتة رغي كده قبل ما أكمل فقرة المعلومات ..
أنا سافرت دهب خامس يوم العيد، ف بداية زحمة إسكندرية وامتلاءها بإخواننا المصيفين من كافة أنحاء الجمهورية، وهو دا كان سبب من أسباب مرواحي لدهب + سبب تاني شخصي مش حابب أقرله.. قعدت ف دهب 3 شهور إلا شوية كده، وبعدين رجعت، وياريتني ما رجعت قضيت هناك أحلى أيام حياتي بجد، واتعرفت على ناس زي الفل وعلى تواصل معاهم لسه لحد دلوقتي.. السبب التالت اللي حببني ف دهب وبيشجعني أرجعلها، غير طبعا إنها مافيهاش زحمة مواصلات والهوا فيها نقي والبحر فيها خرافة، إن شغلانتي هناك ف دهب خلتني أقدر أسمع اللغة من موطنها الأصلي، من منبعها، مش هتحتاج لكورسات ولا غيره.. لما تقعد تلاقي اللغة بتتقال قدامك إنت تلقائيا بتلقط الكلمات بالأكسنت الصحيح بتاعها ودي أحسن طريقة طبعا للتعلم، إنت اللغة بث مباشر قدامك طول الوقت
ف دا سبب آخر اكتشفته وأنا هناك
برضو اختلاف الثقافات، ودواير المعارف الجديدة اللي بتكونها حاجة كانت بتجلب البهجة إلى قلبي *-*
أكمل المعلومات وأختمها بطرق الوصول لفرص الشغل هناك ف دهب.. أي حد ناويها وبيدور على شغل هناك يبعتلي وبإذن الله هساعده يلاقي شغل
وأي استفسار طبعا عن حاجة ناقصه نسيت أقولها ف البوست، اتفضلوا
#دهب
#الشغل_في_دهب
#المعيشة_في_دهب
#الحياة_في_دهب
الموضوع بالظبط عامل زي اتنين سافروا برا.. واحد شاف البلد كلها نسوان عريانة وبارات وقمار، والتاني شاف ناس كلمتهم زي السيف وعندهم مباديء واحترام للغير.. إلخ.
البوست دا مابقولش فيه أي حاجة معينة، ولا بوجه بيه أي حد لإنه يعمل أي حاجة، أنا مجرد بعرض وجهة نظر ليا، وكل اللي قاصد أقوله م البوست: روح دهب بنفسك، وجرب بنفسك، واحكم بنفسك، ماتاخدش أي قرار ف حياتك عمومًا بناءً على كلام أي حد.. أنا شخصيا عملت داه، ورحت قعدت ف دهب كام شهر، جربت بنفسي، واضطريت أرجع تاني إسكندرية لظروف خاصة، وخلاصة التجربة أثبتتلي إني لازم أرجع دهب تاني أكمل فيها باقي عمري، وأول ما أقدر أنفذ دا هنفذ.. الكلام دا طبعا للي غاوي يروح دهب، لكن لو إنت مرتاح ف المكان اللي إنت فيه، خليك زي مانتا، دهب كويسه طول ما المصريين بعاد عنها
اللي عاوز أقوله برضو، إن ناس كتير أجانب كانوا ولا مصريين بييجوا دهب ودهب بتعملهم سحر وشعوذة وبتخليهم يسيبوا كل حاجة بتربطهم ف المكان اللي هما فيه ويقعدوا فيها ينسوا نفسهم وينسوا الدنيا باللي فيها.. أكيد دا ماجاش من فراغ، وكل واحد ليه أسبابه الخاصة
آه، دهب مابقتش زي زمان، وعارف إنها فعلا كانت زمان أحلى وأجمل وأنقى.. زيها زي باقي مصر، الزمن اللي إحنا فيه حاجة وزمان بقه حاجة تانيه خالص.. لكن حتى دهب وهي دلوقتي ف حالتها دي، تعتبر أحسن من غيرها.. ف من الإجحاف إنك تقول زيها زي بلطيم وجمصه ومعرفش إيه.. ولا إنك تمثلها بشرم الشيخ اللي الأجانب بيقولوا عليها إنها القاهرة بتاعت سينا (شرم يعني)
في وجهات كتير غير دهب الناس بتقصدها علشان تنقل معيشتها هناك، زي الغردقة والجونة وغيرهم، بس تظل دهب هي حجر المغناطيس الأكبر لأي زاير مصري أو غير مصري
ميزة دهب إن شرطة السياحة هناك إلى حد كبير حاكماها، مش مخلية أي حد يقدر يضايق الناس أو يعترض حرياتهم أو يتهكم عليهم أو على لبسهم أو أي طريقة هما اختاروا يعيشوا بيها، ودا كله بفضل الأجانب ووجودهم فيها، مش حاجة تانيه.. لذلك تلاقي دهب متميزه عن غيرها بالحاجة دي، الناس اللي فيها ف حالهم وأي حد بيعمل أي حاجة من غير ما أي حد تاني يقوله إنت بتعمل إيه، ف الزوار المصريين الجماااال لما بييجوا بيتطبعوا برضو بنفس الفكرة وبيضطروا اضطرارا يتعاملوا بنفس الطريقة..
من الآخر يعني، لو شايف دهب زيها زي غيرها، اوعى تروحها، يبقى ريحت وارتاحت، ويبقى المصريين هناك قلوا واحد
شوية معلومات:
دهب أكل عيش الناس فيها هناك، رياضة الغوص، كل السياح من كافة العالم بييجوا على حس البلو هول، اللي هوا يعتبر من أعمق مواقع الغطس في العالم، ف بتلاقي مراكز الغطس منتشرة بكثافة ف دهب، وكتير من اللي عايشين ف دهب ناس جم دهب واتعلموا الغطس وأخدوا كورسات لحد أما دا بقى أكل عيشهم ومصدر دخلهم..
اللغة هي أهم شيء ف الغالبية العظمى من الوظايف ف دهب، إن ماكانش كلها.. آه، قد تكون المجالات ف دهب محدودة بعض الشيء، ومش كل ألوان الحياة ف القاهرة وغيرها متاحة ف دهب، لكن بلا شك، كل ماكانت لغتك قوية، كل مافرصك كانت أزيد..
أغلبية الشغل بتكون يا ف مراكز غطس يا ف فنادق يا ف مطاعم وكافيهات.. (أنا كنت شغال موظف استقبال ف فندق).. الشغل في الغالب 12 ساعة.. (ماكنتش بحس بيهم إطلاقًا ، بالعكس كنت بتبسط بالتعامل مع الناس والتواصل مع الغير، ولغتي اللي كانت بتتطور يوم ورا التاني علشان طول الوقت بتكلم مع متحدثين أصليين للغة).. المرتبات بدايتها من 1500 جم.
حتة رغي كده قبل ما أكمل فقرة المعلومات ..
أنا سافرت دهب خامس يوم العيد، ف بداية زحمة إسكندرية وامتلاءها بإخواننا المصيفين من كافة أنحاء الجمهورية، وهو دا كان سبب من أسباب مرواحي لدهب + سبب تاني شخصي مش حابب أقرله.. قعدت ف دهب 3 شهور إلا شوية كده، وبعدين رجعت، وياريتني ما رجعت قضيت هناك أحلى أيام حياتي بجد، واتعرفت على ناس زي الفل وعلى تواصل معاهم لسه لحد دلوقتي.. السبب التالت اللي حببني ف دهب وبيشجعني أرجعلها، غير طبعا إنها مافيهاش زحمة مواصلات والهوا فيها نقي والبحر فيها خرافة، إن شغلانتي هناك ف دهب خلتني أقدر أسمع اللغة من موطنها الأصلي، من منبعها، مش هتحتاج لكورسات ولا غيره.. لما تقعد تلاقي اللغة بتتقال قدامك إنت تلقائيا بتلقط الكلمات بالأكسنت الصحيح بتاعها ودي أحسن طريقة طبعا للتعلم، إنت اللغة بث مباشر قدامك طول الوقت
ف دا سبب آخر اكتشفته وأنا هناكبرضو اختلاف الثقافات، ودواير المعارف الجديدة اللي بتكونها حاجة كانت بتجلب البهجة إلى قلبي *-*
أكمل المعلومات وأختمها بطرق الوصول لفرص الشغل هناك ف دهب.. أي حد ناويها وبيدور على شغل هناك يبعتلي وبإذن الله هساعده يلاقي شغل
وأي استفسار طبعا عن حاجة ناقصه نسيت أقولها ف البوست، اتفضلوا
#دهب
#الشغل_في_دهب
#المعيشة_في_دهب
#الحياة_في_دهب