M
Mohmed M. Soliman
:: مسافر ::
الكريديت كارد دا الكارت الائتماني ترجمته ب العربي ودا البنك بيشوف دخلك قد ايه وبناءا عليه بيطلعلك كارت ائتماني بمبلغ معين وليكن عشرين الف تصرف منهم وتسدد بعد فترة معينه.. ال ديبيت كارد دا الحساب الشخصي العادي بتحط فلوسك وتصرف منها براحتك.. الماستر كارد دا ليه مزايا ف الطيران وصالات معينه ف المطارات وعروض كدا حد يكون شغال ف بنم يفيدك اكتر.... احسن حاجة تحط فيها فلوسك دا بناءا علي البنك ال حضرتك بتتعامل معاه.. هل فيه حد اقصي للسحب خارج مصر ولا لا.. وقد ايه... والانترنت بانكينج متفعل عليها ولا لا ولا لازم تطلع فيزا انترنت لوحدها (الإنترنت دي هتفيدم لو هتحجز حاجه اونلاين) لو مش متفعل او بيطلعله فيزا لوحده اعملها
M
Mohamed Nabil
:: مسافر ::
ماستر كارد دى نوع البطاقه بتاعتك يا اما تكون ماستر كارد او فيزا تبع البنك اللى بتتعامل معاه بمعنى ان ممكن يكون عندك كريدت كارد او ديبيت كارد الاتنين نوعهم ااما فيزا او ماستر كارد بمعنى اصح دى نوع الشركه اللي بتقوم باصدار البطاقه ليك اما بقي الفرق بين الكريديت والديبيت ان الديبيت كارد بطاقة سحب مباشر من حسابك في البنك يعنى حسابك فيه فلوس تقدر تسحب حسابك ميغطيش متقدرش تسحب فلوس وبتستخدمها جوه مصر وبره عادى جدا بس من خلال ماكينات الايه تى ام المنتشره في العالم كله بس لازم ماكينة الايه تى ام دى تكون بتدعم نوع البطاقه بتاعتك بمعنى ان البطاقه دى لو فيزا لازم تلاقي علامة فيزا علي الماكينه ولو ماستر كارد لازم تلاقي علامة ماستر كارد علي الماكينه
M
Mohamed Nabil
:: مسافر ::
اما بالنسبه للكريدت كارد فحضرتك لو بتشتغل فيه وظيفه معينه وليك دخل ثابت او عميل قديم في البنك بتقدر تعمل كريدت كارد بحدود معينه وتسحب لغاية الحد ده كانك بتاخد قرض وتسدد في معاد اقصاه ٥٥ يوم او تبع شروط البنك ولو انت مش عندك وظيفه تقدر تعمل وديعه في البنك والبنك يصدرلك كريدت كارد بضمان الوديعه دى
R
Reham Ehab
:: مسافر ::
الكريديت كارد ده يعني البنك يدفعلك لغايه مبلغ معين مثلا ٥ الاف و بعد كده انت بتسدد في خلال ٥٥ يوم من غير فوايد و بعد كده بفوايد - الديبيت كارد العكس انت بتحط فلوس في البنك اي مبلغ و تشتري منه او تسحب منه براحتك و مش بتدفع عليه فوايد طبعاا - الماستر كارد او الفيزا دول شركات بتكون مكتوبه علي الكارت نفسه و المكنه بتاعت البنك الي بتسحب منها ( يعني لو معاك فيزا تسحب من ماكينه بنك مكتوب عليه فيزا و العكس )