عندي إستفسار بخصوص فيزا شنجن - هولندا انا...

[Mohamed Aly]

عندي إستفسار بخصوص فيزا شنجن - هولندا انا أختي حاصلة على الجنسية الهولندية و مقيمة بهولندا و كنت محتاج اعرف إجراءات الدعوة و مصاريفها و ايه الورق المطلوب مني علماً إني مقيم بدبي و حقدم على الفيزا من دبي و شكرا

 

[Mohmed M. Soliman]

هتروح هي قسم الشرطة هتطلعهالك من هناك مع شهادة ضامن برضو بتطلع من هناك (فيه بلاد بتقبل الدعوة بس ويكون حسابك مغطي تكاليف السفر وفيه سفارات بتعوذ الاتنين) شهادة الضامن بيبقي مرفق فيها كشف حسابها او مش لازم بس اتسالت عليه.. بتبعتهوملك الاصول وبتقدم بيهم زيارة عادي مع باقي ورق الhr وورقة الاجازة والحوجوزات وكدا

 

[Hossam Fayez]

من غير دعوه لو راتب فوق ال٥ وشغال في مكان كويس حتطلع

 

[Ahmed Bessa]

باشا ادخل علي vfs واختار زياره اصدقاء واقارب ونزل الابليكشن وشوف المطلوب لانه فيه ورق ضرايب بيتملي وقصص

 

[Yusuf A Mahmoud Fahmy]

بعد مشاهدة تحارب ناس كتير منهم تجربة شخصية
لما السفارة بتعرف ان ليك حد هناك دايما بترفض علشان بتخاف يساعدك في الاقامة هناك ومترجعش

 

[Ibrahim Mansour]

.

 

[Mohamed Hikal]

نصحيتي قدم علي طول من غير دعوه ولا اي حاجه عندك القنصليه في دبي قدم لحالك عادي خالص ولا اختك ولا غيره الدعوه نسبة الرفض كبيره ولو شغال ووظفتك كويسه أتوكل علي الله

 

[Ahmed Mahmoud]

انا كنت في دبي واتبعتلي دعوه من المانيا وخدت الفيزا بسهوله علشان معايا الدعوه

 

[Ahmed Mahmoud]

بيتعمل حاجه اسمها Formal Obligation وبيها كانت الامور سهله جدا في السفاره لان الفورم ديه بتقول ان اللي باعت الدعوه مسول عني وانه قادر ماديا لو في اي حاجه حصلت وبيتبعت معاها تامين صحي للمده الي هتكون فيها هناك

 

[Hamed Arafa]

بتنزل form الدعوة وبتملاها وبتروح تختمها من ال gemente بتدفع تقريبا 14 يورو ولو هتدعمك ماديا بتبعت اخر 3 payslip للمرتب او كشف حساب
انتا بتاخد الدعوة وكشف الحساب بتاعها - لو عملته - وتروح بيهم ال السفارة او المكتب مع باقي الورق بتاعك تقدم

 

[Amine Guelaia]

اقدر اقلك انه بالدعوة 90 بالمئة بتاخذ الفيزا وعن تجربة

 

[Antonio Berbatov]

بالدعوة اسهل وسيبك من الي يقولك هيرفضوك عشان اختك والكلام الهجص دة، بالعكس دة انت اختك ضامن ليك هناك هيعرفوا يوصلولك بكل سهولة عن طريقها وكمان هتقدم عليها اول مرة احتمال كبير يدوهالك شهر والمرة التانية مش اقل من ٣ شهور وبعد كدة هتقدر تأخذها بسنة وسنتين

 

[Shaimaa Hakim]

ماتجيبش سيرة ان اختك هنا، هيفتكروك خارج ومش راجع،، قدم على سياحة عادية واستوفي الشروط وهتتقبل...ظبط ورقك بس تمام بالمللى,,,ماتجيبش سيرة ان عندك اخت(نصيحة)

 

[ضياء الدين]

اخي عن طريق الدعوة يمكن أن اقول لك الآن مبروك الفيزا عن تجربة
انا شخصيا تقدمت لطلب فيزا هولندا مرتين و تم اعطائي في المرتين الفيزا حتى اخوتي قامو بنفس الشيء و تحصولو عليها دون أن انسى صديقي أمين Amine Guelaia من دون دفع لا كشف حساب

 

[Faten Dyab]

أغلب الناس بتترفض دلوقتي بالدعوة بيوافقوا بس علي الأب والأم وبشروط كمان