النهاردة قابلت مهندس هندي ليه 25 سنة شغال في...

  • بادئ الموضوع بادئ الموضوع Mohamed Khalaf
  • تاريخ البدء تاريخ البدء
عرض العطلة
M

Mohamed Khalaf

:: مسافر ::
#1
النهاردة قابلت مهندس هندي ليه 25 سنة شغال في السعودية، قلما لمّا بينزل أجازات في الهند، مُعظم أجازاته في أوربا وأمريكا للسياحة، زُهلت من منظر جواز السفر بتاعه
واللي جه في بالي ليه احنا ثقافتنا أننا ندفن في نفس المكان وأي فلوس نصرفها في فسحة أو سفر، الناس بتعتبر ده تبذير، ولمّا نحوش يبقى الفلوس دي للشقة والبيت وتأمين الحياة مش للاستمتاع بيها !
 
عرض العطلة
#7
انت عندك اساسيات حياه في بلدك !
الاجابه لا ..
يبقي مش عيب منك انك توفر اساسيات حياتك الاول وبعدين تشوف الرفاهيات

محدش قالك اننا فقراء اوي ✋️
 
#8
اولا ياباشا دي مش غلطتك ولا غلطة المصريين الاوربي والامريكي..مش قلقان من بكرة لانه لو تعب في مستشفي تعليم لو لاده محترم يكاد يكون فري....باسبوره يسفره اي بلد عشان يلاقي شغل عادي جدا .....انتا بقي خايف من بكرة عشان ولادك عشان تعبك لا قدر الله عشان شقه ....والخ الخ غصب عنك مش بمزاجك
 
#10
في أسباب كثيرة للكلام ده أولا التدهور الكبير اللي حصل في سعر الصرف والتضخم وتأثيره المباشر على القوة الشرائية للعملة المحلية، يعني قدرة الناس على الادخار قلت وحتى قيمة مدخراتها نفسها انخفضت. ثانيا رفع الدعم عمل ضغوط مالية على الكل، ثالثا الحكومة فاقدة المقدرة على إدارة موارد الدولة وجذب الاستثمارات والعمل على توجيه الأموال لمشاريع صناعية، رابعا خوف المواطن العادي من المستقبل خلى اللي معاه يفكر مليون مرة قبل الانفاق على أمور ثانوية، خامسا مستوى الدخل لفئة كانت فوق المتوسطة وهي المحرك الرئيسي للاقتصاد في البلد بينخفض يوم وراء الثاني وتحول لتحت المتوسط (طبقة الفقراء المثقفين). أنا عن نفسي مش عايز أحرم أولادي من السفر والرحلات في طفولتهم حتى لو خربت.
 
عرض العطلة
#13
مثال نادر جدا ، لو بتتكلم عن الجنسيات فالهنود كشعب اكثر حرصا وتدبيرا في موضوع المصروفات مننا كمصريين ..ده أولا
ثانيا أغلب الهنود اللي بييجوا الخليج دول الدرجة الثانية اللي فشلوا في الهجرة أو الالتحاق بوظيفة في أمريكا أو أوروبا
الفكرة اللي بتتكلم عنها ابتدأءا اصلا مش غلط ، مفيش منطق بيقول انه الإنسان يسافر يتسفح وهو معندوش وسائل الحياة الأساسية كمسكن مناسب وعربية مثلا وكل شخص حسب اولوياته ومستواه
 
#14
ما جنسيته كلها ناس مبتاكلش اصلا علشان نوفر
و على العكس فى مصريين كتير بيسافروا كل حته
بوست متاثر جدا بجلد الذات المصرى
 
#15
دى ثقافه مش شعب ولا جنسيه و الى يقولك اصل الفقر اعرف انه بيردد كلام لانه فى ناس كتيير اعرفها معاها ملايين و مبتصرف فى اى حاجه لا جوخ ولا بره مش قصه وظيفه ولا علاج دى ثقافه شخصيه انا بستقطع جزء الرفاهيه زلا لا
 
عرض العطلة
#17
اللي معاه فلوس بيسافر, سهلة مش طالبة حوار يعني, واحد عايش في الخليج 25 سنة وفرق العملة عن عملة بلده تخليه ملك في الهند علشان كده هيفضل معاه فلوس للسفر غير مدخراته
 
#18
حاجه تانية, هو قاعد في السعودية يعني يقدر يطلع تأشيرات بسهولة من هناك, كتير من المصريين موضوع التأشيرات والتصاريح الأمنية قرف وغلاسة الهندي ده بقي مش بيتعرض ليها.... وزي ما قلنا It is all about the disposable income
 
#19
مش فاهم يا جدعان مسكتو في كلمة هندي دي جامد ليه كده
أنا عارف الهنود هنا كويس أصلا معظم رواتبهم تعبانة خالص ومعظمهم بيحوش أكتر من أي جنسية تانية
أنا بتكلم إحنا كمصريين وعن ثقافتنا
وآه الأسباب المادية طبعا مش قول اللي مش عنده أساسيات الحياة يروح يتفسح ويسافر
بس كام واحد عنده أساسيات الحياة وأكتر وحياته مستقرة ودخله كويس يسمحله يسافر ومع ذلك بيشتري مدخرات أكتر وأكتر
 
#20
شوف أنا شغال مبيعات عطور في المملكة
من أسوء الزبائن المصريين بصراحة عشان كده لما بيجيء عندي ببقي ٩٩ ٪؜ هيتعبوك و يقلبوا المحل كله و مش هيشتروا عشان كده بكبر دماغي منهم
مشكلتنا إننا بنخاف علي الفلوس جداً علي عكس جنسيات آخري زي السوريين أو الأردنيين و حتي الفلسطينيين و معندناش إستعداد نشتري أو نعمل ترفيه زي سفر السياحة كده
جرب قول لحد أو في مجموعة إنك عايز تسافر سياحة
هيقولك رايح عشان شغل
لا
هيتخذوك مادة للسخرية
لان مفهوم السفر عندنا تروح تشتغل و تحوش و مش مهم تبهدل نفسك عالفاضي
 
عرض العطلة
عرض العطلة
عرض العطلة
أعلى أسفل
عودة
قائمة