انا محتاجة اسأل الماس اللي اعده في أمريكا او...

[Rania Gamal]

انا محتاجة اسأل الماس اللي اعده في أمريكا او بتسافر امريكا في شهر ١٢ دلوقتي انا عوزه اسافر عشان اعمل شوبينج اكتر أسعار اللبس ايه هناك كويسه وخصوصا التوكيلات وله زيها زي الاون لاين ؟؟؟ ياريت حد يقولي

 

[Mamdouh Elsayed]

هنا كل الاسعار موجوده ، وقت black Friday,و الكريسماس و راس السنه، ف خصومات بجد قويه ، لجميع الماركات ، روحي طبعا اوتليت علشان بتكون خصوماتهم اكتر .

 

[Sarah Elaraby]

حسب المحل بس كتير نفس سعر الاون لاين. اليوم اللي بعد الكريسماس (٢٦) بيبقي فيه عروض جامدة علي اللبس سعات اكتر من black friday. بس تابعي اللي انت عايزاه قبلها عشان تعرفي ايه اللي فعلا لقطة.عامة امريكا الاسعار قطعا أقل من مصر في كل الحالات بس الأذواق في أوروبا احلي

 

[Mohamed Abdou]

الأسبوع اللي بعد الكريسماس المحلات بتعمل تصفيات علشان تحقق أعلي مبيعات قبل نهاية السنة المالية، حاولي تروحي كذا مول ، في أماكن الحاجات الحلوة بتخلص فيها بسرعة، حاولي تروحي أماكن او ولايات مفيهاش مصريين كتير