عايزين نجمع برامج حجز الطيران اللي بتخصم من...

  • بادئ الموضوع بادئ الموضوع Doaa Hassan
  • تاريخ البدء تاريخ البدء
عرض العطلة
D

Doaa Hassan

:: مسافر ::
#1
عايزين نجمع برامج حجز الطيران اللي بتخصم من الفيزا كارد بالجنيه المصري

مش اللي يظهروا لك مبلغ التذكرة بالمصري ..عشان بتفرق ..لان فيه بيظهر لك العملة اللي انت عايزها بس برضه يخصم في النهاية بالعملة الاجنبية

ده بيفرق بس مع المصريين لاننا الدولة الوحيدة اللي شوفتها حتى الان بتعمل عمولة عالمشتريات بالعملة الاجنبية والحمد لله
 
#2
البرامج او المواقع بتبقي مواقع مصرية علشان تخصملك بالجنيه. و العمولة اللي بتتاخد علي المشتريات بالعملة الاجنبيه مش عمولة شراء. دي عمولة تدبير عملة. و علي فكرة كل بنوك العالم علي كل انواع المشترايات اللي بالكروت بتاخد عمولة بردو بس بيضيفوها علي سعر تغيير العملة علشان كده مش بتبان هنا بيضيفوها بردو بس اكمنها كبيرة واضحه جدا. انا معايا كروت مصري و تركي و اوربي. و التلاته لما بشتري حاجة بعمله مختلفه عن عملة البلد اللي مطلع منه الكارت ببلقي سعر تغير العمله مختلف عن السعر المعلن في البنك و لما سالت قالوا عمولة تغير العملة.
 
#3
احسن حاجه و عن تجربه انك تحجز تذكره الطيران و تأجل الدفع 24 ساعه و تنزل علي اي مكتب سياحه و تدفع له تمن التذكره و هياخد عموله لانهم بيبقي عندعم كروت بالدولار فبالتالي الحسبه هتفرق كتير و العموله بتبقي 100-150 جنيه و ممكن تدفع له بالعمله لو انت معاك و عايز تريح دماغك
 
#5
و ممكن تروح علي مكتب الحجز اللي تبع شركه الطيران زي انك حاجز طيران الاتحاد تروح مكتب الاتحاد و هتدف عادي و تقريبا العموله قليله و ممكن من غير عموله
عموما اليومين دول بعض مكاتب و شركات السياحه و الطيران متفهمين في النقطه دي و بيخلصوا الموضوع
 
عرض العطلة
#8
كل العالم بيعمل عمولة عالعملات الاجنبية و ده نظام عالمى من ماستر كارد و فيزا من ناحية، و من النظام الاقتصادى او البنكى العالمى من ناحية تانية لإن كل البنوك فى العالم محكومة بقواعد اساسية و تصنيفات.
انا عندى فيزا من بنك امريكى و لما بضطر استخدمها لدفع شىء بالمصرى او اليورو، بيتم سحب عمولة
 
#9
فى حاجة اسمها
DCC
Dynamic currency conversion
بنوك كتير فى مصر بقت تطبقها دلقتى
يعنى لو اشتريت بالمصرى بس من ويبسايت بره مصر برده هيضيفوا العمولة بتاعت تحويل العملة فهى هى
يعنى مثلا لو عملت معاملة من جوجل ب100 جنيه هتلاقيها ظهرت فى كشف الحساب 103 مثلا
لو نزلت زى ماهى يبقى البنك مش هيضيف عمولة تغيير عملة لو عملتها بالمصرى
 
عرض العطلة
#11
فى حاجة تانية لية مكتشفها
لو بتحجزى من على
Skyscanner
وجربتى تغيرى البلد فوق فى المكان اللى فيه تغيير العملة و اللغة
ممكن جدا تلاقى التيكيت ارخص
انا جربت بالصدفة فى حاجات كتير و لقيت انها مكن تفرق من
10£ : 30£
 
عرض العطلة
عرض العطلة
أعلى أسفل
عودة
قائمة