A
Amr Waleed
:: مسافر ::
رحلة الترام اللي بتتعمل في اسكندريه بصراحة بتكون من أسعد لحظات حياتي ، يعني الفكرة أكبر بكتير من إنك بتاخد مواصلات من مكان لمكان وخلاص لأ ، أنت بتروح عند محطة الترام و بتستنى حوالي ساعة أو ساعة و نص ، أنا عارف هي فترة كبيرة بس هي زي مقولنا (رحلة) ولازم تستمتع بيها غصب عنك مش انت اللي مختارها ؟
المهم بتتعرف على ناس كتير جداً في المحطة و بتعرف هم رايحين فين و بيعملو ايه في حياتهم و بيقبضوا كام ، ده غير أني مش محتاج أقولك إنها فرصة عظيمة أنك تحكي كل أسرارك للناس دي ، مهو كده كه مش هتشوفهم تاني ..
بتركب العربة السعيدة بتاعتك و بتحس إن الناس اللي جوا مستنياك عايزين ياخدوك بالأحضان و بتدفع من نص جنيه لجنيه كامل ع حسب أنت عاوز تقعد ع كرسي أحمر ولا عادي ..
المهم بعد ٤ محطات بتحس إنك واحد منهم و مستني بشغف الراكب الجديد اللي هييجي و بتقعد تبصلو و هو صعبان عليك ، م انت عارف إن الرحلة دي جماعية و هو استنى كتير عالمحطة بردو.
أنا بقالي ساعة و شوية و العربة السعيدة بتاعتي مجتش ادعولي ..
المهم بتتعرف على ناس كتير جداً في المحطة و بتعرف هم رايحين فين و بيعملو ايه في حياتهم و بيقبضوا كام ، ده غير أني مش محتاج أقولك إنها فرصة عظيمة أنك تحكي كل أسرارك للناس دي ، مهو كده كه مش هتشوفهم تاني ..
بتركب العربة السعيدة بتاعتك و بتحس إن الناس اللي جوا مستنياك عايزين ياخدوك بالأحضان و بتدفع من نص جنيه لجنيه كامل ع حسب أنت عاوز تقعد ع كرسي أحمر ولا عادي ..
المهم بعد ٤ محطات بتحس إنك واحد منهم و مستني بشغف الراكب الجديد اللي هييجي و بتقعد تبصلو و هو صعبان عليك ، م انت عارف إن الرحلة دي جماعية و هو استنى كتير عالمحطة بردو.
أنا بقالي ساعة و شوية و العربة السعيدة بتاعتي مجتش ادعولي ..
