بمناسبة ان مصر أم الدنيا وحضارة سبعتلاف سنة ده...

[Abdallah Maher]

بمناسبة ان مصر أم الدنيا وحضارة سبعتلاف سنة
ده مطار البحرين
ودي منطقة استقبال القادمين وفيه زيها للمغادرين
كلها مطاعم وكفايهات علشان الناس تقعد وتآكل وتشرب وتستنى الناس
إنما في مصر الحكومة بتعامل الناس علي انهم رعاع
تقف بره زي القطة لحد لما المسافر يخرج وهكذا المسافر يدخل لوحده وانت تترمي بره
حببت أحط خريطة البحرين وأقولك المطار مش كبيرة اوي والبلد شارعين وحارة قارنوا مساحتها بقطر مثلا علي الخريطة

 

[Motaz M. El Shazly]

هتاكلوا مصر يعني؟ ماتترموا برا زي الحيوانات الضالة! مطار ايه ده اللي تدخلوه يا مسريين. وتسلم الأيادي فوق كيد المعتدي

 

[Ahmed Moussa]

الغريب بعد الصور دي والحقيقه الصارخه ناس هتدخل تهاجمك

 

[Mohamed Hamad]

وجهة نظر..
لما تنزل مطار القاهره رغم انهم منعو الناس تدخل المطار ومع ذلك بتلاقي ناس واقفه برا بشكل مزدحم وقاعدين ع الارض في منظر غير حضاري الناس دي لو فتحت المطار ليهم هيباتوا جوا وهيوسخوة ويبهدلو منظرنا اكتر ما هو متبهدل العيب في الشعب قبل ما يكون في المسئولين رغم اني ضد السيسي والحكومه لكن في دي معاهم حق

 

[Ahmed Alashwah]

طب مصر بيديرها شوية بهايم عايز تقارنها بأي دولة في العالم؟!!!!

 

[Ehab Elhagar]

عبد الله
انا عايش في البحرين

مطار البحرين كله علي بعضه ميجيش ربع صالة واحدة من صالات مطار القاهرة

البحرين كلها بالمغتربين حوالي مليون بني ادم

عدد المسافرين سنوياً من مطار البحرين لا يتعدي ٩ مليون شخص وده السنة اللي فاتت

مصر ١٠٠ مليون بني ادم

عدد المسافرين من مطار القاهرة عام ٢٠١٠ تعدي ال ١٦ ونصف مليون


ارجوك بلاش معلومات ناقصة

عاوز تتكلم عن مطار البحرين اتفرج وقت نزول المدرسين المصريين المطار بيبقي عامل ازاي

 

[Tamer Medhat]

علي فكره موجوده هي هي في مطار القاهره يا كبير بس بحسابه
عايز تقعد وتاكل وتشرب وتستخدم انترنت اتفضل بس هتحاسب

ودا نفس اللي بيحصل في مطار المحرق في البحرين
وهيقلعوك الجزمه برضه عشان عقده جلد الذات اللي عندنا

وان كان علي منطقه انتظار الاهلي والغير مسافرين
مفيش مقارنه اصلا بين شمس والخليج وعندنا وطبيعي ان اى مكان في الخليج بيكون مغطي ومكيف زي كده حتي لو استراحه في محطه بنزين
المشكله ان البوست هيفتح مجالات كتير ما بين هجوم علي النظام اللي مش بيوفر خدمات ادميه للشعب
وما بين الناس لان كتير مننا تصرفاته عشوائيه وبفلوسي اعمل اللي انا عايزه وارمي اكياس شيبسي وكانز علي الارض منا داخل بفلوسي وبعد شويه يتقلب المكان الي سوق عادي جدا

 

[Mohammed Younes Junior]

بغض النظر ان فعلا الموضوع دا من السلبيات بس مش في مصر بس اللي متطبق سياسة منع غير المسافرين.
في المغرب نفس الكلام و فرنسا بعض المطارات.
الموضوع بيبقي من نظرة امنية بحتة.

 

[Ghadeer Hossam]

هو الشعب نفسه في حته الهمجيه فقصروا علي نفسهم

 

[Ahmad Mohamed El Garhy]

صح ده مظبوط بس في الصيف الي فات مطار الدوحه بحجمه الكبير وامكانياته منع دخول المستقبلين و منع حتي الي بيوصلو المسافرين يدخلو معاهم و لاسباب غير معروفه و ده طول فتره الصيف و ما ادراك الصيف في قطر و نسبه الرطوبه. فا الموضوع مش مطار القاهره ولا مطار البحرين. و بعدين لو سابو الناس واقفه بره المطار هايعمل زحمه في البلد من صغرها

 

[Hagar Ayed]

Moaz Bakry بدل مابنتلقح برا زي اللي مستني دوره في مستشفي عام

 

[Mohammed Abo Heebah]

احنا كدوله عندنا هسهس امني مش حس امني .. دول بيقلعونا الجزم والشرابات مطار البحرين مفيش الكلام ده بتتفتش باجهزه عادي احنا في ٢٠١٧ بالمناسبه انما تقول لمين

 

[Reem Khater]

ماساة فعلا مفيش بلد كدة

 

[Najla'a Dawod]

اولا لا مقارنه بين مصر والبحرين !!
كم الف بيسافروا وبيوصلوا على مصر !!
سياح ، مقيمين من مختلف الجنسيات ، مصريين

انا ضد الوقفة قدام المطار لكن المطلوب اثناء التوسعة اللي بيعملوها انهم يراعوا يعملوا منطقة انتظار فيها متنوع الخدمات وتكون كبيره ، واي مكان هيفتح هناك هيعود عليه دخل كبير بلا شك ،، فالحتة استثمار واحترام لاحتياجات الناس برضو ..

 

[Samy Mamdoh]

كل المطارات بتدخل لحد بعد ما تخلص البوردنج و تسلم على الناس لحد الجوازات إلا مصر

 

[Hussien Mohamed]

قطر!

 

[مصطفى طلبة]

أزيدك من الشعر بيتا
لما حتى تحب تشتري المياه داخل المطار تلاقي سعرها 10 أضعاف
أنا سافرت ودخلت مطارات ووجدت فيها مطاعم كثيرة عالمية ونفس أسعار برة وأماكن بيع المياه وغيرها من المنتجات ولو كانت غالية بتكون أغلى بنسبة ضئيلة جدا

 

[Ahmed Moussa]

الناس اللي زعلانه من مقارنه مطار البحرين،،
طيب رايكوا في مطار نيويورك او بكين؟؟
المصيبه ان ناس مصممه تدفن راسنا معاها في الرمل زيهم

 

[مصطفى طلبة]

باختصار احمد ربنا إنهم معملوش مطاعم جوة المطار عشان هيكون كله استغلال وقرف ومسخرة زي زجاجة المياه أم 10 جنيه

 

[Ahmed Fouad]

حكومة بتعامل الناس انهم رعاع وناس مش بتحاول تحسن سلوكياتها وطريقة تعاملها، للاسف الاتنين لايقين على بعض الى ان يقضي الله امرا كان مفعولا