السلام عليكم عندى مشكلة يا جماعة دلواتى...

[LiLy Own]

السلام عليكم
عندى مشكلة يا جماعة دلواتى شهاداتى بتخرج من الجامعة عربى فانا صدقتهم من الخارجية تمام و ترجمتهم عند مترجم معتمد للسفارة البريطانية ،الشهادة الانجلش دلواتى مش عليها ختمة الخارجية ومحتاجه اوثقها من سفارة (ايا كانت السفارة)هيخدوا الشهادة الانجلش كده مش عليها اى اختام غيرختم المترجم؟؟
انا حاسه انى تايهه

 

[Hend Salem]

و انا توهت برضو و انا باقرأ البوست و احاول افهم السؤال
بس عموما الخارجية بتوثق الاصل فقط اللى هو النسخة العربى
و السفارة بتوثق النسخة المترجمة فقط اللى هى مختومة بختم مكتب الترجمة المعتمد من السفارة
و الاتنين بيتقدموا مع بعض للسفارة

 

[Mennatullah Walid]

انتي اصلا بتطلعي شهاده انجليزي من جامعتك عادي و متوثقه

 

[Ashraf Kenawy]

تطلعي سهادة باللغة الإنجليزية من الكلية وبعد كده تختميها من ادارة الجامعة. تروحي بيها على مكتب توثيق الخارجية في شارع احمد عرابي بالمهندسين و بعدها على السفارة.
مفيش خطوة اقل او ازيد

 

[Mohamed Gamal]

الشهادتين بيكونوا متدبيسين في بعض او ملزوقين ... السفارة الهيشوفوا الورق بيشوفو الاختام من العربي و الكلام من الانجليزي

 

[Antonio Berbatov]

عن تجربة أفضل طريقة هي ترجمة الشهادة في الجامعة ، مش هتحتاجي ولا مترجم معتمد ولا غير معتمد ، وبعد ماتترجميها في الجامعة بتطلعي على مكتب توثيق الخارجية هيختملك العربي والإنجليزي ، والسفارة هتعترف بالشهادة مادام إنجليزي وعليها ختم الخارجية

 

[LiLy Own]

يا جدعان جامعتى مبتخرجهاش الا عربى والله (ازهر)
انا ترجمتها عند مترجمه بس مدبستش حاجه ،انا حاسه انها ضحكت عليا