M
Mahmoudx Cairo
:: مسافر ::
بصراحه لما رجعت مصر حسيت اني يوميا بتصدم بحاجات كتير وخصوصا الاسعار وحسيت اني فعلا كنت بعيد حاولت اتأقلم واكمل عادي لكن حسيت اني بقيت غريب شويه ومش زي قبل السفر كتفكير ولا اي حاجه حاجات كتير اتغيرت من السفر للاحسن لكن حسيت انها الاسؤ لو كملت في مصر بيها وفعلا حاولت تاني وسافرت مع انها وحشاني بس وحشه بتخلص بعد اسبوع من الرجوع
وللاسف الاحساس بيكون مضاعف لما تكون في دوله اجنبيه وبعيدا جداااا عن البلد
وللاسف الاحساس بيكون مضاعف لما تكون في دوله اجنبيه وبعيدا جداااا عن البلد
O
Ola Eslam
:: مسافر ::
تختلف من حد لحد يعني انا عمري ما كنت افكر انزل بعد ١٢ سنه في بلد حلوه ونضيفه وخدمات ومدارس كويسه لا لو كان الوضع المادي خلاص مش نافع قصدي السعوديه وفرض الرسوم وحسب كمان المكان الي الانسان فيه يعني الخبر غير الرياض مثلا ناس شايفه مكانها سجن ومصر احلي وناس زي شايفه المكان الي كانت فيه ممتاز ومصر اصعب كده يعني
E
Elmohandes Mostafa
:: مسافر ::
كل يوم بيعدي عليك وانت مسافر بتخسر جزء من تكوينك. طبعا احنا عارفين ان البيئه المحيطه ليها تاثير علي الفرد ولنفترض ان الانسان عباره عن مجموعه من الجزيئات مثلا البيئه اللي حواليك هي الحمض النووي بتاعها سنه ورا سنه بتتكون شخصيتك واصحابك ومشاعرك تجاه الاخرين. لما تسافر بقي بتروح لبيئه جديده وناس جداد هنا بقي الجزيئات بيتعملها عملية احلال وتجديد عشان بيئه مختلفه فواحده واحده بتتكون شخصيه مختلفه عن الاصليه وجزيئات جديده بتتحط في البني ادم الناس اللي بتحبهم مبقتش تحنلهم ذكرياتك مع البيئه القديمه ابتدت تبهت وتتمسح واحده واحده او الاحساس بيها بيقل من الاخر بتتكون شخصيه جديده مع البيئه الجديده لما تيجي ترجع بقي لو محاولتش انت بنفسك تغصب نفسك علي عملية احلال وتجديد جديده لجزيئاتك مش هتعرف تتأقلم ودي من بتبقي نابعه من ارادتك وتقبلك للوضع الجديد لانك لما سافرت للغربه كنت مجبر انك تتقبل البيئه بتاعة الغربه لكن لما ترجع بيكون ده باختيارك . وبعدين ايه الكلام اللي انا بكتبه ده انا تهت مني
D
Deyaa Eldin Mohammed
:: مسافر ::
اي انسان مصري عبر التاريخ كان عايش بره مصر ونزل مصر وبالذات اللي عاش اكتر من 10 سنين بره لما بيرجع مصر بيتصدم جدا جدا وبيقعد فتره طويله على ما يتاقلم ع الوضع ده ده لو اتاقلم اساسا وحياته بتبقى عصبيه جدا واولاده بيعانوا جدا وبالذات اللي مولودين بره وعاشوا بره قمة المعاناه
للاسف مصر بلد طارده للبشر ومايتعاش فيها حاليا
للاسف مصر بلد طارده للبشر ومايتعاش فيها حاليا
Ȝ
Ȝamr Hamam
:: مسافر ::
انا بروح اقعد ف مصر ف الأجازة بس و بتصدم من أول ما بدخل من المطار.. اسلوب التعامل مش كويس و الصدمة رهيبة مع أول مشوار حكومي.. من شهر كنت بحاول أجدد البطاقة و كام ورق تاني و كنت فعلا مصدوم و بعمل مقارنات كتير خصوصا لو عايش ف مكان منظم و معاملاته الحكومية مبتاخدش وقت زي الدوحة او دبي