بتأهل منتخبنا المصري لكأس العالم ناس كتير...

  • بادئ الموضوع بادئ الموضوع Bahaa Aldeen Farouk
  • تاريخ البدء تاريخ البدء
عرض العطلة
B

Bahaa Aldeen Farouk

:: مسافر ::
#1
بتأهل منتخبنا المصري لكأس العالم ناس كتير حتفكر تروح تشجع مصر في روسيا السنة الجاية :)
البوست ده حيعرفك خطوة بخطوة ازاي تشتري تذاكر ماتشات منتخبنا و السنة الجاية نرفع علم مصر في روسيا ان شاء الله
أول خبر حلو أنك مش محتاج تأشيره لدخول روسيا لو اشتريت تذاكر لحضور المباريات , الخبر التاني مش محتاج و لا تصريح أمني و لا اجراءات أمنيه للسفر , يعني زي الباشا تشتري التذاكر و تحجز تذكرة الطيران و تحضر أحلى ماتشات للمنتخب في روسيا
مجرد ما تشترى تذكره مباره واحده وتعمل fan id بقيت مؤهل انك تدخل روسيا
اولا : حتدخل على موقع الفيفا الرسمي و تسجل عليه بايميل و باسوورد و تشتري التذاكر من الموقع ده : /2018 FIFA World Cup Russia™ - Purchase your tickets here - FIFA.com
ثانيا : حتختار بلد اقامتك و بلد جنسيتك
ثالثا : اختيار نوع التذاكر , حيكون ليك 3 أختيارات:
أما أنك تختار ماتشات في مدينة معينه في روسيا
أو تختار ماتشات مجموعه معينه ( يعني تختار ماتشات محدده في تواريخ محدده )
أو تختار ماتشات فريق معين ( مصر طبعا :) )
حنفترض أنك حتختار ماتشات فريقك ( مصر ) , حيكون أمامك 5 أختيارات مختلفه بناء على عدد التذاكر بتبدأ من أول 3 تذاكر ( لحضور 3 ماتشات المجموعة الأولى ) و أقل سعر ليها حاليا 347 دولار لل 3 ماتشات في أقل فئه , و بتوصل لحد 7 تذاكر ( متضمنه نهائي كاس العالم ) , أو ممكن تختار حضور ماتش واحد فقط و ده بيبدأ سعره ب 105 دولار , و لو حبيت تحضر ماتش الافتتاح سعره 220 دولار
رابعا : حتختار عدد التذاكر اللي عاوز تشتريها ( لكل أكونت الحق في شراء لحد 4 تذاكر ) , و لكن لازم يتم تحديد بيانتهم في عملية الحجز و هيا غير قابله للالغاء أو التعديل في المستقبل
خامسا : حتوصل لصفحة check out و تدخل بياناتك بالكامل و العنوان اللي حيتم شحن التذاكر ليه
أخيرا : حتوصل لصفحة الدفع , حتحط بيانات الكريدت كارد و تدفع تمن التذاكر اللي تم اختيارها
بعد ما بيتم الدفع و يتأكد حصولك على التذاكر تقدر تدخل تعمل ال Fan ID و دي اللي حتخليك تقدر تدخل روسيا بدون فيزا و كمان حتديلك صلاحية لاستخدام المواصلات العامه في روسيا مجانا و الكارت ده حيوصلك لحد بيتك مجانا
طريقة التقديم على ال Fan ID:
تدخل على الموقع ده /FAN ID
بتعمل apply وهتكتب بياناتك بالكامل و تعمل upload لصورة شخصية حديثة و رقم التذكرة او رقم اوردر التذكرة اللي وصلك على الايميل بعد شراء التذاكر ( ملحوظة : مش حتقدر تعمل ال Fan ID الا بعد شراء التذاكر و دفع تمنها على الموقع فعليا )
البوست القادم حيكون عن أفضل سعر لتذاكر الطيران و أنسب أماكن للأقامة في روسيا
By: Bahaa Aldeen Farouk
#مصر_كأس_العالم_2018
[HASHTAG]#travelsecrets[/HASHTAG]
ZFiB9JepnXE_xYOEc6CznLwtBxFzvRaj.jpeg
 
#5
أسعار التذاكر

الدفعة الأولى من التذاكر الخاصة بكأس العالم، ظهرت في منافذ البيع في الـ14 من شهر سبتمبر الماضي..

الدفعة الثانية من التذاكر، ستبدأ في الخامس من ديسمبر وحتى الـ31 من شهر يناير 2018. بينما الموعد الأخير لطرح أخر التذاكر سيكون في الـ13 من شهر مارس وحتى الثالث من أبريل.

وتقسم أسعار التذاكر إلى 4 أقسام. قسم أول وثاني وثالث وقسم خاص بـ"سكان روسيا".

إذا كنت ترغب في مشاهدة مباراة الافتتاح في كأس العالم، سيكون عليك دفع 414 إسترليني (قسم أول) أو 294 إسترليني (قسم ثاني) أو 166 إسترليني (قسم ثالث)، بينما سيكون على سكان روسيا دفع 42 إسترليني.

مباريات المجموعات أسعارها: 158 إسترليني – 124 إسترليني – 79 إسترليني – 17 إسترليني (سكان روسيا).

مباريات دور الـ16: 185 إسترليني – 139 إسترليني – 87 إسترليني – 29 إسترليني (سكان روسيا).

مباريات ربع النهائي: 275 إسترليني – 192 إسترليني – 132 إسترليني – 50 إسترليني (سكان روسيا).

مباريات نصف النهائي: 565 إسترليني – 362 إسترليني – 215 إسترليني – 59 إسترليني (سكان روسيا).

مباراة الثالث والرابع: 275 إسترليني – 192 إسترليني – 132 إسترليني – 50 إسترليني (سكان روسيا).

النهائي: 829 إسترليني – 535 إسترليني – 343 إسترليني – 92 إسترليني (سكان روسيا).

** سعر الإسترليني = 23.60 جنيه مصري**
 
عرض العطلة
عرض العطلة
عرض العطلة
عرض العطلة
عرض العطلة
عرض العطلة