H
Hassan Sami
:: مسافر ::
حبيت اتكلم عن بلد في أوروبا الشرقيه مش واخده حقها زي بقيت دول أوروبا (بلغريا) و اللي أنا شايف شخصيا أنها بلد سياحية من الدرجه الأولي يعني فيها كل حاجة أي شخص يحب يعملها. يعني لو بتحب السكيينج حتلقي Bansko واحد من اجمل و أشهر الski resorts اللي بتطل علي جبال بيريين و اللي بيحب المدن و العواصم الثقافيه حيلاقي plovidiv واللي تم اختيارها عاصمة أوروبا الثقافيه لعام 2019 و دي حتحس هناك إن كل الشوارع مستخدمه للمعارض الثقافيه المفتوحة. كمان في ناس بتحب تروح المدن القديمة علشان تتعرف أكتر علي البلد و دي ممكن تكون veliko Tarnovo و للناس اللي بيحبوا المدن الساحلية و الشواطئ انصحكوا تروحوا Burgas المدن دي كلها جميلة جدا جدا و تستحق الزياره فعلا ، حتي العاصمة Sofia قمه في الجمال. الكلام ده غير أن البلد فعلا رخيصة و فيزتها اكيد أسهل من الشنجن بكتير.
