جماعة استفسار صغير لو فى حد راح ماليزيا سياحة...

  • بادئ الموضوع بادئ الموضوع Abdelrahman Joseph
  • تاريخ البدء تاريخ البدء
عرض العطلة
A

Abdelrahman Joseph

:: مسافر ::
#1
جماعة استفسار صغير لو فى حد راح ماليزيا سياحة تلات شهور وجاله من هناك شغل فى احدى الشركات وبدل ما يرجع مصر عشان ياخد الفيزا هو بيسأل دلوقتى
ينفع يروح ياخد تأشيرة سياحة من تايلاند على سبيل المثال
وهل تايلاند ينفع يدخلها من غير تأشيرة ؟! ولو متنفعش تايلاند ايه البلد اللى مجاورة لماليزيا يقدر ياخد منها الفيزا من هناك ؟! ويرجع تانى على ماليزيا.

شكرا
 
#2
تايلاند لازم تاشيره وبتاخدها من سفارتهم في مصر او لو انت مقيم في اي بلد بتروح تاخدها من سفارتهم لكن ماينفعش تدخل بدون تاشيره
اعتقد اندونسيا بدون تاشيره للمصريين
 
#5
إندونيسيا، ياخد طيران airasia من كوالالمبور الي medan او panda acheh او اي مدينة إندونيسية طيرانها رخيص... يقعد كام يوم و يرجع
 
عرض العطلة
#6
لو اخد اقامة عمل مش لازم يسافر بره
بيسافر بره ويرجع لو اقامة دراسة بس
انا سافرت ماليزيا مرتين شغل وكان كل مرة المكتب هناك بيطلبني اسافر بفيزة سياحة علشان نكسب وقت ويخلص اجراءات اقامة العمل وانا هناك
كل اللي بيحصل ان المكتب كان بيدفع وقتها تقريبا ٥٠٠ رينجت زيادة ويتلزق لي على الباسبور استيكر مكتوب عليه journey performed
كأني سافرت ورجعت
لكن لو فيزة دراسة لازم يسافر
 
#7
لو سافر اندونيسيا او اي دولة مش حيعرف ياخد اقامة العمل من البلد التانية علشان مش معاه اقامة
ومرة شخصيا حاولت اعمل فيزة من اندونيسيا رفضوا علشان مش معايا اقامة في اندونيسيا
لازم يرجع مصر يعملها او يعملها من داخل البلد
متسمعش كلام كل الردود هنا علشان سوري في اللفظ كله بيفتي ومحدش جرب
حتغرقوا الشاب اللي هناك
 
#8
ده شكل الفيزةاللي بقول عليها
بتغنيه انه يسيب البلد
lqixUbAce5ckhVl4oU9UFGoKMPmru7YM.jpeg
 
#9
بالمناسبة بردو
اقامة العمل هناك بيعملها صاحب الشغل مش هو
لو حد قال له يروح يعملها هو يبقى بينصب عليه
اقل عقد يسمح انه يعمل اقامة عمل بيبقى ١٠ الاف رينجت
لو مرتبه اقل من كده يبقى مش حياخد الاقامة وبيصيع عليه
كان الحد الادنى ٥ الاف لكن غلوها وبقيت ١٠ الاف رينجت
كل اللي ممكن يعمله هو انه يروح يستلم الباسبور عليه الاقامة
ده اخره
لكن المكتب اللي بيعمل كل اجراءات الاقامة
لو المكتب صادق معاه بيعمل له كل حاجة ومش حيحتاج يسافر بره ماليزيا
 
#10
عشان تاخد تاشيره لبلد وانت مش في بلدك لازم يكون معاك أقامه في البلد اللي هتقدم فيها ع الفيزا،، ،دي خلاصه الكلام
 
عرض العطلة
عرض العطلة
عرض العطلة
أعلى أسفل
عودة
قائمة