M
Mohamed Mostafa Sobhy
:: مسافر ::
موقف بسيط كده بمناسبة 6 أكتوبر. في يوم أنا و صاحبي المصري أحمد الخولي قررنا أننا نسافر لجزيرة جديدة بره جزيرتنا في البرازيل فلوريبا, الجزيرة دي اسمها ايا دو ميل! عشان نروح الجزيرة دي لاز م نروح ولاية تانية, ولاية بارانا, ولازم نعدي علي تلات مدن عشان نوصل للمحيط! المدينة الأولي ,كوريتشيبا, عشان نروحها لازم ناخد أتوبيس بليل علشان نلحق قطر كوريتشيبا المشهور الصبح ال بيمشي وسط الغابات و الجبال للمدينة التانية موريتيس او زي ما بتطنطق بالبرتغالي موهيتيس! و من هناك تقدر تاخد عجلة مونتن و من المدينة التالتة باراناجوا تقدر تاخد بقي المركب للجزيرة! المهم اول ما واصلنا المدينة التانية و قبل ما ناخد العجل قررنا اننا لازام ندور علي مكان ناكل فيه علشان لسة يومنا طويل ! دورنا لحد ما لقينا مطعم بوفيت ليفر , النوع الاشهر من المطاعم في البرازيل و هو البوفيه المفتوح و بالمناسبة النوع ده من المطاعم في البرازيل مش غالي مقارنة *مش في العموم* بالمطعام التانية التقليدية! دخلنا المطعم كان زحمة جدا, استقبلنا راجل بترحاب جامد جدا وطبعا عرف اننا مصرين من إيچيبتو, خدنا و بدأ يعرفنا علي الأكل صنف صنف بنفسه و اكتشفنا ان هو صاحب المطعم رغم ان في عمال كتير في المطعم, خدمنا هو بنفسه و بعد ما خلصنا أطباقنا جه و جبلنا أطباق جديدة و حلو كمان! و قعد معنا علي الطرابيزا و يتأكد إن الأكل عموما و الحلو خصوصا عجبنا. حاولنا نحكي رغم ان إنجليزيته محدودة جدا و احنا طبعا بنتكلم برتغالي لبلب منتوصاش, كل الي نعرفه هو نو فالي بورتجيز! بمعني مش بعرف أتكلم برتغالي! 
كلمة برتغالي من هنا علي كلمة إنجليزي من هناك الراجل بقي صاحبنا جدا و كان مبسوط أوي اننا من مصر و بدأنا نتكلم عن مصر و فجأة لقيناه ماسك قبضة ايده و بيخبط علي صدره فوق قلبه و يقول بكل حماس السادات, السادات! أنا بصيت له و قلت له بالعربي السادات مين يا عم الحج احنا هنهزر و بصيت لخولي, السادات مين ياخولي! الراجل خبط علي صدره تاني و قال الرئيس السادات! تبادل النظرات في سكوت و لحظة صمت يتخللها صوت صرصار الحقل! الفكرة ان ناصر معروف بره و معروفة لكن السادات جديدة دي! الرئيس السادات رغم اختلافي مع سياساته الإقتصادية في فترته الأخيرة ستظل شخصيته بالنسبة لي كبني أدم الشخصية الأسطورة, عليه الرحمة! #الرئيس_السادات
كلمة برتغالي من هنا علي كلمة إنجليزي من هناك الراجل بقي صاحبنا جدا و كان مبسوط أوي اننا من مصر و بدأنا نتكلم عن مصر و فجأة لقيناه ماسك قبضة ايده و بيخبط علي صدره فوق قلبه و يقول بكل حماس السادات, السادات! أنا بصيت له و قلت له بالعربي السادات مين يا عم الحج احنا هنهزر و بصيت لخولي, السادات مين ياخولي! الراجل خبط علي صدره تاني و قال الرئيس السادات! تبادل النظرات في سكوت و لحظة صمت يتخللها صوت صرصار الحقل! الفكرة ان ناصر معروف بره و معروفة لكن السادات جديدة دي! الرئيس السادات رغم اختلافي مع سياساته الإقتصادية في فترته الأخيرة ستظل شخصيته بالنسبة لي كبني أدم الشخصية الأسطورة, عليه الرحمة! #الرئيس_السادات