م
مصطفى طلبة
:: مسافر ::
السلام عليكم ورحمة الله وبركاته
هذه تجربتي الخاصة ومعلوماتي عن المواصلات في ماليزيا
بصراحة من يوم ما وصلت ماليزيا منذ أكثر من عام وأنا نفسي أكتب حاجة عن المواصلات والتاكسي بسبب موقف كنت تعرضت له أول ما وصلت يتلخص في إنه التاكسي المحلي (التاكسي الأحمر المرفق بالمنشور) ركبت معاه في توصيلة وفوجئت به يطلب مقابل أعلى مما تصورت لأنه المسافة لم تكن بعيدة ولكن صراحة مع الانشغال بفترة الاستقرار ومشاغل الحياة وقلة مشاركاتي على الإنترنت في هذا الوقت مقدرتش أتكلم عن الموضوع.
لكن في خبر في الصحف الماليزية أمس عن اعتقال سائق سيارة أجرة أرغم الركاب على دفع ما يعادل 224 دولار في توصيلة قصيرة بالعاصمة وأجبرهم على الدفع بعد خوفهم منه (صورة الخبرة مرفقة مع المنشور).
النوع ده من السائقين غالبًا إما صيني أو هندي وللأسف الشديد السواقين الهنود خصوصًا معروفين هنا بالمعاملة الصعبة وعدد كبير من السائقين على سيارات الأجرة المحلية هنود ومعاملتهم جافة جدًا وغليظة وده بعد عدة تجارب وحديث الناس وانطباع أهل البلد أنفسهم وطبعًا أكيد في استثناءات ونماذج كويسة لكن الشكاوى منهم كثيرة.
المهم بعد الخبر ده قررت أكتب بعض النقاط اليوم حول المواصلات للناس اللي لسه جاية جديد لماليزيا وعاوز أطمنكم المواصلات في ماليزيا كثيرة ومتعددة وحتى التاكسي الأحمر هذا على الرغم من الحوادث دي تقدر تتعامل معاه ولكن بشرط يكون لديه عداد في السيارة تحاسب على أساسه وفي الحالة دي هيكون سعره كويس ومناسب جدًا وتركب وانت مطمئن.
نتكلم عن النقاط المهمة لكل مسافر
أولا: التاكسي الأحمر ده تقريبًا عامل زي التاكسي الأسود والأبيض اللي في مصر أو سيارات الأجرة بشكل عام.. بمعنى إنه ساعات تلاقي التاكسي ملتزم بالقانون ومشغل العداد (زي التاكسي الأبيض في مصر) أو يكون التاكسي مثلا في المطار ومحكوم بتسعيرة يحددها المكتب داخل المطار وانت تدفع ومفيش لك علاقة بالتاكسي بعد ذلك وده كويس .. وبالمناسبة أنصح أي حد لما يوصل المطار يذهب إلى شبابيك تذاكر التاكسي اللي عند بوابات الوصول وهيلاقي أكثر من شباك وكل ما عليك تعطيهم المكان وهم سيعطوك السعر وانت تختار وتدفع وتحصل على ورقة تخرج بيها برة المطار وتركب التاكسي مباشرة زي الباشا بدون مشاكل وسعر التاكسي بيكون معقول.. المهم في الموضوع لما تلاقي سائق التاكسي بيقولك على تسعيرة غالية قبل ما تركب أو يقولك العداد عطلان ده متركبش معاه نهائيًا وغالبًا هتطلع من الموضوع خسران.
ثانيًا: عشان تريح بالك هنا في ماليزيا أكثر من تطبيق تقدر تستعملهم في المواصلات الداخلية لو كنت هتتحرك داخل مدينة بشكل متقطع مسافات 10-20 كيلو وبالتجربة هناك التزام شديد من هذه الشركات ونسبة المشاكل فيها قليلة وعلى رأس التطبيقات دي أوبرUber وده أعلى سعر غالبًا وفي تطبيق اسمه جراب كار Grab Car وده في الغالب أرخص من أوبر بقليل وملتزمين جدًا وحتى التاكسي المحلي له تطبيق صراحة مش عارف اسمه وبيكون خدمته متوسطة وسعره أرخص من أوبر وجراب ولكن عن تجربة شخصية جراب كار كويس ومحترم وسعره رخيص.
ثالثًا: لو مشاويرك كثيرة وبتتنقل بين المدن مسافات متوسطة عليك وعلى المترو أو القطار وده بقى محتاج منك تذاكر الخرائط والمعلومات التي توزع في المحطات زي بروشور أو فلاير وهذا القطار له أسماء كثيرة ومحطات في كل مكان بس مرة ثانية لازم تحاول تحصل على بروشور من المحطات فيها الخريطة وكيفية الوصول وهتركب قطر إيه لأنك ممكن عشان تروح مدينة تحتاج تغير من قطار لقطار هنا له أسماء زي LRT, KTM, monorail , KLIA Ekspres ... إلخ من المسميات
ملحوظة: القطار المسمى KLIA Ekspres ده قطار سريع بين المطار وكوالالمبور وهو بديل رائع عن التاكسي وسعره رخيص آخر مرة ركبته من كوالالمبور للمطار بحولي 8 دولار تقريبًا وده له محطات محددة بين المطار والعاصمة والعكس وتقدر وانت راجع المطار أيضًا تسافر بيه أفضل من التاكسي والمحطة الأبرز له اسمها KL Sentral أشهر من النار على علم.
رابعًا: لو التنقلات هتبقى أبعد من مجرد مدينة إلى ولايات وهتتحرك من الشمال للجنوب ومن الغرب إلى الشرق أو العكس فأنصحك تستعمل الأتوبيس وهنا في محطة ضخمة جدًا عاملة زي المطار تركب أي تاكسي وتروح لها بحوالي 20 رنجيت 5 دولار تقريبا ومنها تحجز تذكرة للمكان اللي انت عاوزه والأتوبيسات مريحة ورائعة وأنا جربتها ورحت بيها لحد تايلاند وسعر التذكرة كان من كوالالمبور لحد حدود تايلاند ما يعادل تقريبا 15 دولار أو أزيد شوية ودي مسافة كبيرة جدًا.
اسم المحطة عشان لو هتروح بتاكسي TBS ودي اختصار عبارة (Terminal Bersepadu Selatan) وصراحة مش عارف معناها بس تقريبا محطة أتوبيس.
خامسًا: لو كنت من محبي التنقل بسيارتك الخاصة أو معاك أسرة وأطفال وعاوز تتفسح براحتك وتنزل في أي وقت وبتتحرك باستمرار يبقى تأجر سيارة فورًا وفي مكاتب تأجير سيارات هنا زي الرز منها الأجنبي والعربي ومتوسط إيجار السيارة العادية هنا بيبدأ من 20 دولار في اليوم إلى 100 لو سيارة فخمة وعالية وأنا مش هاقدر أكتب أسماء شركات محددة لكن الموضوع منتشر وهتلاقيه بسهولة.
سادسًا وأخيرًا: لو هتسافر للمدن البعيدة خصوصًا الجزر زي لانكاوي مثلا أو غيرها من الجزر البعيدة عن العاصمة بمئات الكيلومترات حاول تقارن بين أسعار السفر بالأتوبيس والمشقة خصوصًا لو معاك أسرة وبين أسعار الطيران الداخلي وشوف اللي يناسبك عشان في ناس بتسافر مثلا لانكاوي من كوالالمبور بالأتوبيس والرحلة طويلة قوي وبعدها بيركبوا زي لانش عشان لانكاوي دي جزيرة في وسط البحر في الشمال الغربي من ماليزيا وفي جزر أخرى في شرق ماليزيا ... المهم دي كانت معلومة قلت أختم بيها الموضوع.
أتمنى تكون المعلومات دي مفيدة مع العلم ما كتبته هذا وفق معلوماتي وتجاربي الشخصية لذلك ممكن يكون في خيارات أخرى أو معلومات عن المواصلات غابت عني أو نسيتها إن شاء الله نستزيد بيها ونتعلم من تعليقات الأعضاء
والسلام عليكم
هذه تجربتي الخاصة ومعلوماتي عن المواصلات في ماليزيا
بصراحة من يوم ما وصلت ماليزيا منذ أكثر من عام وأنا نفسي أكتب حاجة عن المواصلات والتاكسي بسبب موقف كنت تعرضت له أول ما وصلت يتلخص في إنه التاكسي المحلي (التاكسي الأحمر المرفق بالمنشور) ركبت معاه في توصيلة وفوجئت به يطلب مقابل أعلى مما تصورت لأنه المسافة لم تكن بعيدة ولكن صراحة مع الانشغال بفترة الاستقرار ومشاغل الحياة وقلة مشاركاتي على الإنترنت في هذا الوقت مقدرتش أتكلم عن الموضوع.
لكن في خبر في الصحف الماليزية أمس عن اعتقال سائق سيارة أجرة أرغم الركاب على دفع ما يعادل 224 دولار في توصيلة قصيرة بالعاصمة وأجبرهم على الدفع بعد خوفهم منه (صورة الخبرة مرفقة مع المنشور).
النوع ده من السائقين غالبًا إما صيني أو هندي وللأسف الشديد السواقين الهنود خصوصًا معروفين هنا بالمعاملة الصعبة وعدد كبير من السائقين على سيارات الأجرة المحلية هنود ومعاملتهم جافة جدًا وغليظة وده بعد عدة تجارب وحديث الناس وانطباع أهل البلد أنفسهم وطبعًا أكيد في استثناءات ونماذج كويسة لكن الشكاوى منهم كثيرة.
المهم بعد الخبر ده قررت أكتب بعض النقاط اليوم حول المواصلات للناس اللي لسه جاية جديد لماليزيا وعاوز أطمنكم المواصلات في ماليزيا كثيرة ومتعددة وحتى التاكسي الأحمر هذا على الرغم من الحوادث دي تقدر تتعامل معاه ولكن بشرط يكون لديه عداد في السيارة تحاسب على أساسه وفي الحالة دي هيكون سعره كويس ومناسب جدًا وتركب وانت مطمئن.
نتكلم عن النقاط المهمة لكل مسافر
أولا: التاكسي الأحمر ده تقريبًا عامل زي التاكسي الأسود والأبيض اللي في مصر أو سيارات الأجرة بشكل عام.. بمعنى إنه ساعات تلاقي التاكسي ملتزم بالقانون ومشغل العداد (زي التاكسي الأبيض في مصر) أو يكون التاكسي مثلا في المطار ومحكوم بتسعيرة يحددها المكتب داخل المطار وانت تدفع ومفيش لك علاقة بالتاكسي بعد ذلك وده كويس .. وبالمناسبة أنصح أي حد لما يوصل المطار يذهب إلى شبابيك تذاكر التاكسي اللي عند بوابات الوصول وهيلاقي أكثر من شباك وكل ما عليك تعطيهم المكان وهم سيعطوك السعر وانت تختار وتدفع وتحصل على ورقة تخرج بيها برة المطار وتركب التاكسي مباشرة زي الباشا بدون مشاكل وسعر التاكسي بيكون معقول.. المهم في الموضوع لما تلاقي سائق التاكسي بيقولك على تسعيرة غالية قبل ما تركب أو يقولك العداد عطلان ده متركبش معاه نهائيًا وغالبًا هتطلع من الموضوع خسران.
ثانيًا: عشان تريح بالك هنا في ماليزيا أكثر من تطبيق تقدر تستعملهم في المواصلات الداخلية لو كنت هتتحرك داخل مدينة بشكل متقطع مسافات 10-20 كيلو وبالتجربة هناك التزام شديد من هذه الشركات ونسبة المشاكل فيها قليلة وعلى رأس التطبيقات دي أوبرUber وده أعلى سعر غالبًا وفي تطبيق اسمه جراب كار Grab Car وده في الغالب أرخص من أوبر بقليل وملتزمين جدًا وحتى التاكسي المحلي له تطبيق صراحة مش عارف اسمه وبيكون خدمته متوسطة وسعره أرخص من أوبر وجراب ولكن عن تجربة شخصية جراب كار كويس ومحترم وسعره رخيص.
ثالثًا: لو مشاويرك كثيرة وبتتنقل بين المدن مسافات متوسطة عليك وعلى المترو أو القطار وده بقى محتاج منك تذاكر الخرائط والمعلومات التي توزع في المحطات زي بروشور أو فلاير وهذا القطار له أسماء كثيرة ومحطات في كل مكان بس مرة ثانية لازم تحاول تحصل على بروشور من المحطات فيها الخريطة وكيفية الوصول وهتركب قطر إيه لأنك ممكن عشان تروح مدينة تحتاج تغير من قطار لقطار هنا له أسماء زي LRT, KTM, monorail , KLIA Ekspres ... إلخ من المسميات
ملحوظة: القطار المسمى KLIA Ekspres ده قطار سريع بين المطار وكوالالمبور وهو بديل رائع عن التاكسي وسعره رخيص آخر مرة ركبته من كوالالمبور للمطار بحولي 8 دولار تقريبًا وده له محطات محددة بين المطار والعاصمة والعكس وتقدر وانت راجع المطار أيضًا تسافر بيه أفضل من التاكسي والمحطة الأبرز له اسمها KL Sentral أشهر من النار على علم.
رابعًا: لو التنقلات هتبقى أبعد من مجرد مدينة إلى ولايات وهتتحرك من الشمال للجنوب ومن الغرب إلى الشرق أو العكس فأنصحك تستعمل الأتوبيس وهنا في محطة ضخمة جدًا عاملة زي المطار تركب أي تاكسي وتروح لها بحوالي 20 رنجيت 5 دولار تقريبا ومنها تحجز تذكرة للمكان اللي انت عاوزه والأتوبيسات مريحة ورائعة وأنا جربتها ورحت بيها لحد تايلاند وسعر التذكرة كان من كوالالمبور لحد حدود تايلاند ما يعادل تقريبا 15 دولار أو أزيد شوية ودي مسافة كبيرة جدًا.
اسم المحطة عشان لو هتروح بتاكسي TBS ودي اختصار عبارة (Terminal Bersepadu Selatan) وصراحة مش عارف معناها بس تقريبا محطة أتوبيس.
خامسًا: لو كنت من محبي التنقل بسيارتك الخاصة أو معاك أسرة وأطفال وعاوز تتفسح براحتك وتنزل في أي وقت وبتتحرك باستمرار يبقى تأجر سيارة فورًا وفي مكاتب تأجير سيارات هنا زي الرز منها الأجنبي والعربي ومتوسط إيجار السيارة العادية هنا بيبدأ من 20 دولار في اليوم إلى 100 لو سيارة فخمة وعالية وأنا مش هاقدر أكتب أسماء شركات محددة لكن الموضوع منتشر وهتلاقيه بسهولة.
سادسًا وأخيرًا: لو هتسافر للمدن البعيدة خصوصًا الجزر زي لانكاوي مثلا أو غيرها من الجزر البعيدة عن العاصمة بمئات الكيلومترات حاول تقارن بين أسعار السفر بالأتوبيس والمشقة خصوصًا لو معاك أسرة وبين أسعار الطيران الداخلي وشوف اللي يناسبك عشان في ناس بتسافر مثلا لانكاوي من كوالالمبور بالأتوبيس والرحلة طويلة قوي وبعدها بيركبوا زي لانش عشان لانكاوي دي جزيرة في وسط البحر في الشمال الغربي من ماليزيا وفي جزر أخرى في شرق ماليزيا ... المهم دي كانت معلومة قلت أختم بيها الموضوع.
أتمنى تكون المعلومات دي مفيدة مع العلم ما كتبته هذا وفق معلوماتي وتجاربي الشخصية لذلك ممكن يكون في خيارات أخرى أو معلومات عن المواصلات غابت عني أو نسيتها إن شاء الله نستزيد بيها ونتعلم من تعليقات الأعضاء
والسلام عليكم