تعديل ، انا حاجز مع fly in كدا مالهاش علاقة...

[Muhamet A. Shawki]

تعديل ، انا حاجز مع fly in
كدا مالهاش علاقة بخطوط الطيران صح

 

[Gihan Abd-elhady]

لا

 

[Mohamed Shaaban El Hindawy]

عادى لم تكون التذكرة مدفوعة بى credit card وصاحب الكارت مش هو اللى مسافر

 

[Ehab Mansour]

انا بقالي اربع سنوات بسافر بتذاكر مش أنا اللي حاجزها.. الشركة أو الشركات اللي كنت و مازلت شغال معاهم..هما اللي حاجزين... وعمري ما حد سألني

 

[Gihan Abd-elhady]

وانا كمان مش باكون انا اللي حاجزه

 

[Rania Ahmed]

اه القطرية على راس القائمة مسموح لموظف الكاونتر يسالك فين البطاقه عالاقل لازم يكون معاك صورة منها وهو واخلاقة بقى لو صاحب البطاقة مش مسافر معاك

 

[Malik Loay]

خد معاك صوره احتياطي

 

[Dawsha Hekal]

حصل معايا الموقف ده من سنه و ٣ شهور. بنخلص البوردينج علي الطيران الاردني انا و ٣ أصحابي و فجأه سألونا عن الكريديت اللي اتحجز بيه. شمال يمين ندور علي الكارد صاحبي مكنش لاقيه عشان كان تقريبا اتكسر و البنك بعتله غيره. و مرضيش بالكارد الجديد اللي عليه نفس الاسم بس رقم مختلف. و كنا بنحجز ٤ تذاكر جداد ب ١٦٠٠ دولار عشان السفر ميرحش علينا. صاحبي كان باعت صوره الكارد قبل كده لشركه سياحه فا قعد يدور لحد ما وصل للصوره و وراها لبتاع البوردينج فوقف حجز ال ٤ تذاكر الجديده و عمل بوردينج علي التذاكر القديمه. صوره ملهاش ٣٠ الف لازمه انقذتنا من دفع ١٦٠٠ دولار

 

[Shady Mohamed]

انا حجزت كتير وانا مسافر بكريديت كارد مش بتاعتي بيطلب مني صوره وش وضهر من الكريديت وع العمانيه مره بعتولي يمضي ع اقرار ان هو مدهالي برغبته يعني

 

[Mahmoud Rady]

خد معاك صورة من الكريديت لصاحب الكريديت وصورة من الجواز بتاعه وخلاص

 

[Ashraf Mansour]

بعض شركات الطيران بتطلب الكريديت كارد قبل ماتسمحلك بركوب الطيارة وده بيبقى مكتوب على موقع الشركة قبل ماتدفع اونلاين بالكريديت كارد

 

[Muhamet A. Shawki]

Ibrahim Ezz تعالي شوف الناس بتقول ايه

 

[Amr Elfar]

كل شركات الطيران دي شرط عندهم
من زمان من ايام الكروت القديمة
وقبل مالدنيا تبقي اون لاين
ومحدش بيسال علي الموضوع ده دلوقت

 

[Samer Wahby]

For Jordon airlines I had to do the same for my mother because I paid for it. I had to email them a copy of the card prior to trip..

 

[Helal Helal]

انا فى القطريه سالنى على البطاقه وخدنى وقالى لازم تسحب منها قدامى

 

[Ahmed El-Baqari]

لو مش بتاعتك خد صورة من الكريدت وانت مسافر لان فية بعض الدول بتطلبها

 

[Ahmed Nagieb]

هي ارزاق .. في الغالب مبيسالوش بس اعمل حسابك احسن

 

[Hazem Ali]

اه طبعا لازم تظهر الكريدت المستخدمة في الدفع ويكون عليها اسمك، غير ذلك سيتم تحويلك للجهات الحكومية المختصة في المطار لحينما تستدعي صاحب الكارت ويتم التاكد منه شخصيا لأسباب تتعلق بمكافحة الاحتيال الالكتروني

 

[Haytham Sleem]

كل شركة طيران ولها سياسة. الاكيد ان شركة غبية زي الطيران العماني مش حيخلوك تسافر الا لو اسمك في الكريدت كارد مطابق لاسم الجواز!
لو مش بطاقتك بءه ده موضوع تاني!
لازم تروح مكتب الطيران العماني او تملي فورم اونلاين وانت وحظك.
اغبي شركة طيران في الدنيا .

 

[Evriem Kammal]

اوقات اللي بيحجزلك بيقولك محتاج اثبات شخصية لصاحب الكارت ......بس مش في المطار