ع
علي الوكيل
:: مسافر ::
#الجزء_الأول
#عزبة_تونس بالفيوم من الألف للياء
قرية تونس: بتوفر لك أجمل ويك إند ممكن تقضيه في الفيوم
كل فترة بنحب نروح مكان جديد نهدى فيه أعصابنا ونستريح علشان نشحن ونقدر نرجع شغلنا ثاني، علشان نقدر على الإبداع.. قرية تونس فى الفيوم مش بس بتوفر لك ده، لأ دي تعتبر من أكثر الأماكن اللي بتلهم المبدعين والفنانين في جميع مجالات الفن برغم بساطتها إلا أنها آيه في الجمال.
القرية بسيطة جدًا البيوت الأساسية للسكان المحليين مبنية بالطوب وفي الطريق لها من عند البحيرة فيلات وأماكن خاصة مبدعة وفارهة لأعلام كثيرة في المجتمع منهم الفنانين والسياسيين، وفيه في القرية مجموعة من الفنادق والفيلل أخترت اشهر ثلاثة فنادق النهاردة وهما:-
"سوبيك" و"زاد المسافر" و"كوم الدكة".
تعتبر قرية تونس من أكثر الأماكن الجميلة اللي مش واخدة حقها زي ذهب أو نويبع، صحيح ما عندهمش بحر بس عندهم بحيرة قارون الساحرة واللي طلع اسمها مش على اسم الفرعون قارون زي ما كنا فاكرين، طلع أنه علشان البحيرة فيها ألسنة كثيرة كانوا بيسموها زمان قرن محمد أو قرن أحمد على حسب مالك الأرض في الحتة دي، وبعدين بقى اسمها قرون وبالزمن بقى قارون،وتعتبر ثالث أقدم بحيرة مالحة في العالم كمان شلالات وادي الريان اللي في قلب الصحراء، وأنشطة مختلفة وممتعة هـ اكلمكم عنها بالتفصيل.
مبدأيًا كده، قرية تونس مكان تتأمل فيه براحتك وتفصل فيه عن العالم الخارجي، وتراقب الطيور على بحيرة قارون، وبالنسبة للفنانين قرية تونس تعتبر حاضنة لكل أنواع الفنون وبالأخص فن الخزف، وده لوجود ART Center الخاص بالفنان محمد عبلة صاحب متحف الكاريكاتير واللي بـ يتعمل كل سنة في الشتاء، وبـ يبقى فيه دورات تعليمية لفنون الخزف والتصميم والتصوير والكتابة، وبـ ييجي له فنانين من كل أنحاء العالم علشان يتعلموا ويعلموا، وبـ يكون على الفنانين أنهم يباتوا في خيم أو فندق من الفنادق دي.
نبدأ بفندق زاد المسافر اللي في أول طريقك للقرية، واللي له مدخل خاص به على الطريق، ومدخل داخلي من جوه القرية بس بـ تدخله وأنت ماشي على رجلك مش بالعربية، أول ما بـ توصل بـ تلاقي أمامك حقل مليان ورود برتقالي جميلة والنوع ده ما بـ يتزرعش في مصر عادة بس سبحان اللي خلاه يتكيف في أرضنا.
الفندق ديكوراته كلها على الطراز البدوي، اسم على مسمى فعلًا، المكان كبير وفيه مكان خاص بإشعال النار لو حابين تعيشوا جو البدو بكل تفاصيله، وحوله مجموعة خيم جواها قاعدة عربي أو بدوية بقى، وأمام الخيم دي قاعة مقفولة كبيرة احتارنا كثير هي إيه لحد ما تفاجأنا أنها مكتبة.. تخيلوا؟ وكل يوم جمعة زاد المسافر عامل Book Club بـ يناقشوا فيه كتاب مختلف.
مش بتعمل دلوقتي لقلة القراء .
أما المكان الثاني واللي أسعاره مشابهة لأسعار زاد المسافر بس بـ يتميز أنه أكله أحلى وبيتي أكثر بكثير هو سوبيك – Sobek برضه البيوت واخدة الطراز البسيط اللي أشبه بالنوبي، وبرضه عندهم قعدة نوبي، صحيح فيه حمام سباحة مجهز ومكان مرتفع تشوف منه الحقول الخضراء، بس المكان صغير نسبيًا مقارنة بزاد المسافر، غير أن المكان مليان كلاب، فالناس اللي مش بـ تحب الكلاب الكثيرة أكيد ده مش مكانهم لأنهم كلاب أصحاب المكان.
الغرف مجهزة بكل وسائل الراحة اللي تحتاجوها ولو أن ساعات بـ تبقى فيه أساسيات ناقصة في الحمام، لا يمكن الاستغناء عنها. والأسعار برضه بـ تختلف على حسب وقتكم وعددكم .
أما الفندق الثالث كوم الدكة فده يعتبر حكاية ثانية خالص لوحده، لأنه على البحيرة على طول وأسعاره غالية جدًا للأسف. وبرضه المكان البيوت فيه بسيطة وحولها مساحات خضراء وورود وكمان كل الأنشطة اللي ممكن تعملوها في الفيوم مجانية بفلوسكم بقى.
أما عن الأنشطة اللي ممكن تعملوها هناك فهي حاجات كثيرة قوي:
أولًا: أكثر حاجة متميزة فيها قرية تونس تعليم فنون الخزف والرسم عليه بكل أنواعه لدرجة أن ما بين كل بيت تلاقي ورشة لتعليم وبيع الخزف ودي حاجة مبهجة في حد ذاتها، أنك ممكن تتعلم الفن ده باحترافية هناك.
ثانيًا بقى: مراقبة الطيور، فيه هناك شخص بـ ياخدك تتفرج على كل أنواع الطيور اللي تعرفها واللي ما تعرفهاش، في الوقت اللي يناسبك الصبح عند وادي الريان والمجموعة ما بـ تزيدش عن سبعة أشخاص، وبـ يوفر لكم كل الأدوات اللي تحتاجوها والمعلومات عن الطيور.
أجمل حاجة في قرية تونس أنها على بُعد نصف ساعة من وادي الريان يعنى حوالي 30 كيلو، ودي ميزة جميلة جدًا، لأنك لو رحت وادي الريان هـ تستمتع بالشلالات هناك، والتزحلق على الرمال وكمان Parasailing (نط بالبراشوت من على هضبة)، كمان أنت قريب جدًا من وادي الحيتان وجبل المدورة والماجيك لايك " Magic Lake" وجبل المنفردة وقصور العرب واماكن تانية كتير ، وقصر قارون ومتحف الفيوم.
بس الحقيقة أن الفيوم مكان ملهم لأى فنان بسبب جمال الطبيعة، أو حد عاوز يريح أعصابه من دوشة القاهرة وتعبها في الويك إند، بس خلي بالك أن في الشتاء الجو حار الصبح وبرد بالليل، لكن في الصيف بـ يبقى حر الصبح وبالليل.
لازم تجربوا يومين في قرية تونس الممتعة مع أحبابكم وأصحابكم، وتعيشوا بروح المسافر اللي بـ يعشق يشوف الجمال ولو ليومين بس.
بس أهم ما بيميز المكان هناك انك أغلب الأوقات لازم تعتمد علي مرشد محلي هيسهل عليك كل حاجة وكمان مش بياخد منك فلوس إلا اللي انت تدهوله لأنه بيكون ليه نسبة في الخدمة عبر الفاتورة اللي بتحاسب عليها يعني مش هيكلفك حاجة بالعكس هيوفرلك وهيشرحلك ويعمل معاك الصح
الصفحة دي فيها كل حاجة عن تونس
Ezbet tunis
هيساعدكم في كل حاجة هناك من الألف للياء
مش كفاية كده النهاردة
#عزبة_تونس بالفيوم من الألف للياء
قرية تونس: بتوفر لك أجمل ويك إند ممكن تقضيه في الفيوم
كل فترة بنحب نروح مكان جديد نهدى فيه أعصابنا ونستريح علشان نشحن ونقدر نرجع شغلنا ثاني، علشان نقدر على الإبداع.. قرية تونس فى الفيوم مش بس بتوفر لك ده، لأ دي تعتبر من أكثر الأماكن اللي بتلهم المبدعين والفنانين في جميع مجالات الفن برغم بساطتها إلا أنها آيه في الجمال.
القرية بسيطة جدًا البيوت الأساسية للسكان المحليين مبنية بالطوب وفي الطريق لها من عند البحيرة فيلات وأماكن خاصة مبدعة وفارهة لأعلام كثيرة في المجتمع منهم الفنانين والسياسيين، وفيه في القرية مجموعة من الفنادق والفيلل أخترت اشهر ثلاثة فنادق النهاردة وهما:-
"سوبيك" و"زاد المسافر" و"كوم الدكة".
تعتبر قرية تونس من أكثر الأماكن الجميلة اللي مش واخدة حقها زي ذهب أو نويبع، صحيح ما عندهمش بحر بس عندهم بحيرة قارون الساحرة واللي طلع اسمها مش على اسم الفرعون قارون زي ما كنا فاكرين، طلع أنه علشان البحيرة فيها ألسنة كثيرة كانوا بيسموها زمان قرن محمد أو قرن أحمد على حسب مالك الأرض في الحتة دي، وبعدين بقى اسمها قرون وبالزمن بقى قارون،وتعتبر ثالث أقدم بحيرة مالحة في العالم كمان شلالات وادي الريان اللي في قلب الصحراء، وأنشطة مختلفة وممتعة هـ اكلمكم عنها بالتفصيل.
مبدأيًا كده، قرية تونس مكان تتأمل فيه براحتك وتفصل فيه عن العالم الخارجي، وتراقب الطيور على بحيرة قارون، وبالنسبة للفنانين قرية تونس تعتبر حاضنة لكل أنواع الفنون وبالأخص فن الخزف، وده لوجود ART Center الخاص بالفنان محمد عبلة صاحب متحف الكاريكاتير واللي بـ يتعمل كل سنة في الشتاء، وبـ يبقى فيه دورات تعليمية لفنون الخزف والتصميم والتصوير والكتابة، وبـ ييجي له فنانين من كل أنحاء العالم علشان يتعلموا ويعلموا، وبـ يكون على الفنانين أنهم يباتوا في خيم أو فندق من الفنادق دي.
نبدأ بفندق زاد المسافر اللي في أول طريقك للقرية، واللي له مدخل خاص به على الطريق، ومدخل داخلي من جوه القرية بس بـ تدخله وأنت ماشي على رجلك مش بالعربية، أول ما بـ توصل بـ تلاقي أمامك حقل مليان ورود برتقالي جميلة والنوع ده ما بـ يتزرعش في مصر عادة بس سبحان اللي خلاه يتكيف في أرضنا.
الفندق ديكوراته كلها على الطراز البدوي، اسم على مسمى فعلًا، المكان كبير وفيه مكان خاص بإشعال النار لو حابين تعيشوا جو البدو بكل تفاصيله، وحوله مجموعة خيم جواها قاعدة عربي أو بدوية بقى، وأمام الخيم دي قاعة مقفولة كبيرة احتارنا كثير هي إيه لحد ما تفاجأنا أنها مكتبة.. تخيلوا؟ وكل يوم جمعة زاد المسافر عامل Book Club بـ يناقشوا فيه كتاب مختلف.
مش بتعمل دلوقتي لقلة القراء .
أما المكان الثاني واللي أسعاره مشابهة لأسعار زاد المسافر بس بـ يتميز أنه أكله أحلى وبيتي أكثر بكثير هو سوبيك – Sobek برضه البيوت واخدة الطراز البسيط اللي أشبه بالنوبي، وبرضه عندهم قعدة نوبي، صحيح فيه حمام سباحة مجهز ومكان مرتفع تشوف منه الحقول الخضراء، بس المكان صغير نسبيًا مقارنة بزاد المسافر، غير أن المكان مليان كلاب، فالناس اللي مش بـ تحب الكلاب الكثيرة أكيد ده مش مكانهم لأنهم كلاب أصحاب المكان.
الغرف مجهزة بكل وسائل الراحة اللي تحتاجوها ولو أن ساعات بـ تبقى فيه أساسيات ناقصة في الحمام، لا يمكن الاستغناء عنها. والأسعار برضه بـ تختلف على حسب وقتكم وعددكم .
أما الفندق الثالث كوم الدكة فده يعتبر حكاية ثانية خالص لوحده، لأنه على البحيرة على طول وأسعاره غالية جدًا للأسف. وبرضه المكان البيوت فيه بسيطة وحولها مساحات خضراء وورود وكمان كل الأنشطة اللي ممكن تعملوها في الفيوم مجانية بفلوسكم بقى.
أما عن الأنشطة اللي ممكن تعملوها هناك فهي حاجات كثيرة قوي:
أولًا: أكثر حاجة متميزة فيها قرية تونس تعليم فنون الخزف والرسم عليه بكل أنواعه لدرجة أن ما بين كل بيت تلاقي ورشة لتعليم وبيع الخزف ودي حاجة مبهجة في حد ذاتها، أنك ممكن تتعلم الفن ده باحترافية هناك.
ثانيًا بقى: مراقبة الطيور، فيه هناك شخص بـ ياخدك تتفرج على كل أنواع الطيور اللي تعرفها واللي ما تعرفهاش، في الوقت اللي يناسبك الصبح عند وادي الريان والمجموعة ما بـ تزيدش عن سبعة أشخاص، وبـ يوفر لكم كل الأدوات اللي تحتاجوها والمعلومات عن الطيور.
أجمل حاجة في قرية تونس أنها على بُعد نصف ساعة من وادي الريان يعنى حوالي 30 كيلو، ودي ميزة جميلة جدًا، لأنك لو رحت وادي الريان هـ تستمتع بالشلالات هناك، والتزحلق على الرمال وكمان Parasailing (نط بالبراشوت من على هضبة)، كمان أنت قريب جدًا من وادي الحيتان وجبل المدورة والماجيك لايك " Magic Lake" وجبل المنفردة وقصور العرب واماكن تانية كتير ، وقصر قارون ومتحف الفيوم.
بس الحقيقة أن الفيوم مكان ملهم لأى فنان بسبب جمال الطبيعة، أو حد عاوز يريح أعصابه من دوشة القاهرة وتعبها في الويك إند، بس خلي بالك أن في الشتاء الجو حار الصبح وبرد بالليل، لكن في الصيف بـ يبقى حر الصبح وبالليل.
لازم تجربوا يومين في قرية تونس الممتعة مع أحبابكم وأصحابكم، وتعيشوا بروح المسافر اللي بـ يعشق يشوف الجمال ولو ليومين بس.
بس أهم ما بيميز المكان هناك انك أغلب الأوقات لازم تعتمد علي مرشد محلي هيسهل عليك كل حاجة وكمان مش بياخد منك فلوس إلا اللي انت تدهوله لأنه بيكون ليه نسبة في الخدمة عبر الفاتورة اللي بتحاسب عليها يعني مش هيكلفك حاجة بالعكس هيوفرلك وهيشرحلك ويعمل معاك الصح
الصفحة دي فيها كل حاجة عن تونس
Ezbet tunis
هيساعدكم في كل حاجة هناك من الألف للياء
مش كفاية كده النهاردة