أعضاء الجروب الكرام أصدقائي الأعزاء :) موضوع...

  • بادئ الموضوع بادئ الموضوع Bahaa Aldeen Farouk
  • تاريخ البدء تاريخ البدء
B

Bahaa Aldeen Farouk

:: مسافر ::
أعضاء الجروب الكرام أصدقائي الأعزاء :) موضوع مهم أرجو منكم قرائته
فيه ناس بتتفاجئ أن أسئلتها لا يتم الموافقه عليها و للأسف بتكون غير مطابقة لقوانين الجروب فحبيت أفكركم بشروط قبول الأسئله و البوستات:
1) أي دعايه من أي نوع لشركة أو صفحة أو جروب أو ايفنت أو شامبو ممنوعه تماما على الجروب و بالتالي أي استفسار بيسأل على اسم شركة لعمل أي حاجه سواء حجز طيران أو فنادق أو انهاء اجراءات فيزا حيتمسح مباشرة
2) الأسئله من نوع أنا موجود في بالي مين موجود هناك نتفسح شويه , أو أنا مسافر لندن بكره مين يجي معايا , مين فاضي بكره الظهر في امستردام نطلع نسهر سوا ( للأسف ده مش جروب أبو نواف للتعارف الجاد ) !!
3) أي أسئله فيها استفسار عن هجره أو السفر للعمل أو السفر للدراسه أو السفر لكسر فيزا , فالجروب غير مخصص للرد على هذه الأسئله
4) أي بوستات أو كومنتات عنصريه أو تدعوا للكراهيه سواء دينية أو سياسية ممنوعه تماما على الجروب و ممكن تعرض صاحبها للحظر مباشرة من الجروب
5) نوعية الأسئله اللي مش محدده زي قولولي كل حاجه عن هونولولو !!! أو مثلا هيا تايلاند حلوة !!! أو أنا مسافر طشقند أخد معايا كام !!! أو انا مسافر فيتنام حصرف كام هناك سكن و طيران و رحلات و أكل و اتنقالات !!!!! أسئله ملهاش أي اجابات واضحه و بتتمسح تلقائيا , لكن لو حبيت تعرف مصاريف المتوسطه للسفر لأي دوله في العالم تقدر تعرفها بالتفصيل من الموقع ده : www.numbeo.com/cost-of-living/
6) أي اسئلة من نوعية أنا أترفضت من شنجن أعمل ايه !! كل واحد ليه ظروفه و أوراقه راجع البوست ده و حتلاقي فيه اجابة لكل أسئلة شنجن : /Travel Secrets
7) كل أسئلة التصريح الأمني حتلاقي اجابتها في البوست ده :/Travel Secrets
بعض الملاحظات الهامة :
1) لا للرسائل الخاصه لأي عضو - لا للدعاية - لا للفتي - لا للكلام في السياسة أو الدين
2) للعلم بيوصلنا يوميا كمية أسئله و بوستات كتير جدا فسامحونا لو البوست أتاخر في النزول ( في حال كان مطابق للشروط) و أرجوكم بلاش كل شويه تبعتوا بوست جديد ( يا أدمن نزل السؤال !!! أنتوا منزلتوش السؤال بتاعي ليه هو انا بشحت منكم !! ) ملهاش لازمه الطريقه دي في طرح السؤال لأن كلنا بنخدم بعض كعمل تطوعي و هدفنا اننا نساعد الجميع
3) للتذكير الجروب ده ملككم كلكم و لو حد شاف أي تجاوز ياريت يعمل منشن لحد من ادارة الجروب أو يعمل ريبورت للبوست
4) اعضاء ادارة الجروب هدفهم بجد خدمتكم و لكن للعلم هما بردو عندهم شغل و حياة و مسؤوليه , فلو سمحتم لو حد بعت سؤال على الخاص لحد من الأدمن متتوقعش أنه حيتجاوب عليه خلال 3 ثواني و لو حد أتأخر عليك تدخل تهزأه أو تشتمه , و لوا لأدمن تفضل و أخد من وقته و رد على حضرتك أتمنى أن يكون السؤال واضح و مختصر و مش لازم يكون 386 سؤال , علشان حضرتك متكونش أناني و تاخد من وقت غيرك عاوز بردو يستفسر أو تاخد من وقته هو شخصيا
أخيرا أتمنى أننا نكون دائما عند حسن ظنكم كإدارة جروب , و للعلم الجروب لو ناجح فهو بفضل الله و بفضلكم و بفضل مساهماتكم , لكم منا كل الشكر و التقدير :)
#الأدمن
KU2UWVGZECKPMfNQTeSjht_n1iJaRjkY.jpeg
 
طيب تجاوزا بتسمحلي احط بوست عن الدراسة في السويد لتوعية الاخوة والاستفادة من التجربة ونقلها للاخوة بسبب كثرة الاسئلة حول المووضوع والا صعب الله يكرمكم
 
اختلف معاك في نمرة ٢ فقط يا بهاء. انا مش شايفة أن لما حد يكون في باريس مثلا ويحب أنه يقابل حد من الجروب يكون بالصدفة في باريس ده ابو نواف للتعارف خالص بالعكس دي إضافة للجروب أن أعضائه يعرفوا يتقابلوا ويسافروا سوى ويكونوا صداقات يكون الجروب ده سبب فيها ده شيء جميل جدا ⁦☺️
 
بس ايه المانع حد يسأل الدولة دي حلوة او لا ممكن عايز يسمع اراء محتار مش قصة تقليل من دولة وكمان فكرة السؤال عن متوسط الانفاق بعني البند رقم 5 اللى حضرتك كاتبة ليه لا وكمان بخصوص الدراسة او العمل لو حد حابب يستفسر عن ناس جربت فيقدر ياخد قرار اوضح ايه المانع
 
اختلف معاك فى رقم 5.. فى ناس فعلا مش بتبقى عارفة تحدد ال pocket money بتاعتها مهما حاولت تجتهد.. فخبرة الناس اللي راحت قبل كدة بتبقى مفيدة ليهم.. زائد بقى.. إن في ناس بتبقى عايزة تسافر أماكن معينة وبتبقى محتاجة تشجيع اللي سافروها قبل كدة أو التحذير من بعض المواقف هناك
حاول تراجع قرارك فى رقم 5 تاني :)
 
للأسف بعد قراءت
القواعد قررت مغادرة الجروب
اشعر بالخصوصية وليس خبرات الآخرون والتغيرات المستديمة
وآراء من قام بخوض التجارب .
تحياتي للجميع
ووفقكم الله
ابن سيناء
 


أكتب ردك...