قررتي هتنزلي في فندق إيه؟
اركبي مواصلات بلاش تاكسي نهائياً علشان غالي.
شرم كلها تتلخص في طريق واحد بيبدأ من الهضبة و ينتهي في الغرقانة أو العكس.
يعني أي عربية سرفيس ماشية ع الطريق ده خطها الا لو مش هتكمل للآخر.
لو هتنزلي في نعمة زي ما بتقولي هتركبي عربية رايحة السوق القديم و هناك المسجد يعني هتنزلي قدامه. و طبعاً نعمة عندك تتمشي فيها براحتك.
بعد كده عندك سوهو سكوير لازم تروحيه طبعاً و برضه من نعمة لسوهو ب3 جنيه.
كل حاجة محتاجها هتلاقيها في سوهو كافيهات مطاعم نافورة راقصة بولينج سكيتنج و عروض راقصة و فقرات غنائية و نايت كلوب و تماثيل للتصوير.
ممكن يوم تروحي فرشة و ده كافيه ع البحر بس حاولي تتصلي بيهم تحجزي الأول علشان ممكن يقولك couples only or mixed groups.
عندك هوليود و ألف ليلة و ليلة برضه.
بالنسبة للمياه و الأكل لو من خارج الفندق يعني فيه فرع كارفور في أول خليج نعمة ممكن تشتري منه كل حاجة و أسعاره عادية
